സംസ്ഥാനത്ത് നാളെ വിദ്യാഭ്യാസ ബന്ദ് പ്രഖ്യാപിച്ച് KSU

സിദ്ധാര്‍ഥിന്റെ മരണത്തിന് കാരണക്കാരായവര്‍ക്ക് എതിരെ കര്‍ശന നടപടി ആവശ്യപ്പെട്ട് വെറ്റിനറി സര്‍വകലാശാല ആസ്ഥാനത്തേക്ക് KSU നടത്തിയ മാര്‍ച്ചിലെ പൊലീസ് അതിക്രമത്തില്‍ പ്രതിഷേധിച്ചാണ് വിദ്യാഭ്യാസ ബന്ദ്. KSU വയനാട് ജില്ലാ പ്രസിഡന്റ് ഗൗതം ഗോകുല്‍ദാസ് നടത്തിവന്ന നിരാഹാര സമരം തലസ്ഥാനത്തേക്ക് വ്യാപിപ്പിച്ചു. കൂടാതെ സെക്രട്ടേറിയേറ്റിന് മുന്നില്‍ KSU സംസ്ഥാന പ്രസിഡന്റ് അലോഷ്യസ് സേവ്യര്‍, രാഹുല്‍ മാങ്കൂട്ടത്തില്‍, ജെബി മേത്തര്‍ MP എന്നിവരും അനിശ്ചിതകാല നിരാഹാര സമരം ആരംഭിച്ചു.

Kerala427 days ago

സിദ്ധാര്‍ത്ഥന്റെ മരണം: ഡീനും വാര്‍ഡനും സര്‍വീസില്‍ പ്രവേശിക്കുന്നത് തടയണം

പൂക്കോട് വെറ്ററിനറി കോളേജ് വിദ്യാര്‍ത്ഥിയായിരുന്ന ജെ.എസ്. സിദ്ധാര്‍ത്ഥന്റെ മരണത്തിന് കാരണക്കാരായ ഡീനിനേയും ഹോസ്റ്റല്‍ അസിസ്റ്റന്റ് വാര്‍ഡനെയും യാതൊരു ശിക്ഷാ നടപടികളും കൂടാതെ സര്‍വീസില്‍ തിരികെ പ്രവേശിപ്പിക്കാനുള്ള സർവകലാശാലയുടെ തീരുമാനം തടയണമെന്ന് ആവശ്യപ്പെട്ട് സേവ് യൂണിവേഴ്‌സിറ്റി ക്യാമ്പയിന്‍ കമ്മിറ്റി ഗവര്‍ണര്‍ക്ക് നിവേദനം നൽകി. സിദ്ധാര്‍ത്ഥന്റെ മരണത്തെക്കുറിച്ച് അന്വേഷിക്കാന്‍ ഗവര്‍ണര്‍ നിയോഗിച്ച ഹൈക്കോടതി റിട്ട: ജസ്റ്റിസ് ഹരിപ്രസാദിന്റെ റിപ്പോര്‍ട്ടില്‍ ഡീനും അസിസ്റ്റന്റ് വാര്‍ഡനും കുറ്റക്കാരാണെന്നും അവര്‍ക്കെതിരെ നടപടിയെടുക്കണമെന്നും ആവശ്യപ്പെട്ടിരുന്നുവെന്നും എന്നാൽ സർവകലാശാല ഭരണ സമിതി ഇവർക്കെതിരെ യാതൊരു നടപടിയും സ്വീകരിച്ചില്ലെന്ന് നിവേദനത്തിൽ പറയുന്നു.

Kerala220 days ago

കേരള യൂണിവേഴ്സിറ്റിയില്‍ സെനറ്റ് തിരഞ്ഞെടുപ്പിനിടെ സംഘര്‍ഷം; KSU- SFI പ്രവര്‍ത്തകര്‍ ഏറ്റുമുട്ടല്‍

യൂണിയന്‍ തെരഞ്ഞെടുപ്പില്‍ ഏഴ് സീറ്റുകളില്‍ SFIയ്യും സെനറ്റ് തിരഞ്ഞെടുപ്പില്‍ രണ്ട് സീറ്റുകളില്‍ KSUവും ആണ് വിജയിച്ചത്. KSUവിന്റെ ജയം റിസര്‍വേഷന്‍ സീറ്റുകളിലാണ്. രജിസ്ട്രാറുടെ സഹായത്തോടെ KSU തിരഞ്ഞെടുപ്പ് അട്ടിമറിച്ചെന്നാരോപിച്ചാണ് ഏറ്റുമുട്ടലുണ്ടായത്. 15 ബാലറ്റ് പേപ്പറുകള്‍ കാണാതായതോടെ തിരഞ്ഞെടുപ്പ് താത്കാലികമായി നിര്‍ത്തിവെക്കേണ്ടി വന്നു.

Kerala235 days ago

സിദ്ധാര്‍ത്ഥന്റെ മരണം; മുന്‍ വിസിക്ക് കാരണം കാണിക്കല്‍ നോട്ടീസ്

പൂക്കോട് വെറ്ററിനറി സര്‍വകലാശാല വിദ്യാര്‍ത്ഥി സിദ്ധാര്‍ത്ഥന്റെ മരണത്തില്‍ മുന്‍ വിസി എം. ആര്‍ ശശീന്ദ്രനാഥിനാണ് ഗവര്‍ണര്‍ കാരണം കാണിക്കല്‍ നോട്ടീസ് നല്‍കിയത്. 30 ദിവസത്തിനകം മറുപടി നല്‍കണമെന്നാണ് നിര്‍ദേശം. സിദ്ധാര്‍ത്ഥന്റെ മരണത്തെ തുടര്‍ന്ന് സസ്പെന്‍ഷനില്‍ കഴിയുന്ന മുന്‍ ഡീന്‍ എം. കെ. നാരായണനും അസിസ്റ്റന്റ് വാര്‍ഡന്‍ ഡോ. ആര്‍. കാന്തനാഥനും വീഴ്ച പറ്റിയെന്നാണ് ചാന്‍സലറായ ഗവര്‍ണറുടെ വിലയിരുത്തല്‍.

Kerala255 days ago

സിദ്ധാര്‍ത്ഥന്റെ മരണം: വിസിക്ക് വീഴ്ച പറ്റിയെന്ന് അന്വേഷണ കമ്മീഷന്റെ റിപ്പോര്‍ട്ട്

സിദ്ധാര്‍ത്ഥന്റെ മരണത്തില്‍ വയനാട് പൂക്കോട് വെറ്റിറിനറി സര്‍വകലാശാലയിലെ മുന്‍ വിസി എം. ആര്‍. ശശീന്ദ്രനാഥിന് വീഴ്ച പറ്റിയെന്നും സമയബന്ധിതമായി നടപടി എടുത്തില്ലെന്നുമാണ് ജുഡീഷ്യല്‍ അന്വേഷണ കമ്മീഷന്‍ കണ്ടെത്തിയിരിക്കുന്നത്. പ്രശ്നം ഉണ്ടാകുന്ന സാഹചര്യം കൈകാര്യം ചെയ്യുന്നതിലും, സിദ്ധാര്‍ത്ഥന്റെ മരണശേഷം സ്വീകരിക്കേണ്ട നടപടികളിലും ശശീന്ദ്രനാഥിന്റെ ഭാഗത്ത് വീഴ്ചയുണ്ടായി. സിദ്ധാര്‍ത്ഥന്റെ മരണം നടക്കുന്ന ദിവസം വൈസ് ചാന്‍സലര്‍ കാമ്പസിലുണ്ടായിരുന്നു. എന്നിട്ടും സംഭവത്തിന്റെ ഗൗരവം മനസ്സിലാക്കി ഇടപെടാന്‍ വിസിക്ക് സാധിച്ചില്ലെന്ന് റിപ്പോര്‍ട്ടില്‍ കുറ്റപ്പെടുത്തുന്നു.Read More

Kerala292 days ago

സിദ്ധാര്‍ത്ഥന്റെ മരണം: ജുഡീഷ്യല്‍ കമ്മീഷന്‍ ഇന്ന് ഗവര്‍ണര്‍ക്ക് അന്വേഷണ റിപ്പോര്‍ട്ട് കൈമാറും

വയനാട് പൂക്കോട് വെറ്ററിനറി സര്‍വകലാശാലയിലെ വിദ്യാര്‍ത്ഥി സിദ്ധാര്‍ത്ഥന്റെ മരണത്തില്‍ ജുഡീഷ്യല്‍ കമ്മീഷന്‍ ഇന്ന് ഗവര്‍ണര്‍ ആരിഫ് മുഹമ്മദ് ഖാന് അന്വേഷണ റിപ്പോര്‍ട്ട് നല്‍കും. രാവിലെ 11.30ന് തിരുവനന്തപുരത്ത് രാജ്ഭവനിലെത്തിയാകും ജസ്റ്റിസ് ഹരിപ്രസാദ് റിപ്പോര്‍ട്ട് കൈമാറുക. സിദ്ധാര്‍ത്ഥന്റെ മരണത്തില്‍ സര്‍വകലാശാലക്ക് സംഭവിച്ച വീഴ്ച്ചകളാണ് കമ്മീഷന്‍ അന്വേഷിച്ചത്. ഫെബ്രുവരി 18നാണ് സിദ്ധാര്‍ത്ഥനെ ശുചിമുറിയില്‍ മരിച്ച നിലയില്‍ കണ്ടെത്തിയത്.Read More

Kerala292 days ago

മന്ത്രി സജി ചെറിയാൻ വിദ്യാർത്ഥികളുടെ നിലവാരം അളക്കാൻ പാടുപെടേണ്ട: മാപ്പ് പറയണമെന്ന് KSU

പത്താം ക്ലാസ് വിജയിച്ച നല്ലൊരു ശതമാനം കുട്ടികൾക്കും എഴുത്തും വായനയും അറിയില്ലെന്നും എല്ലാവരേയും ജയിപ്പിച്ച് വിടുന്നുമെന്ന മന്ത്രി സജി ചെറിയാന്റെ പ്രസ്താവന വിദ്യാർത്ഥികളെ അപമാനിക്കുന്നതാണെന്ന് KSU. ഭരണഘടനയെ അപമാനിച്ച മന്ത്രി സജി ചെറിയാൻ വിദ്യാർത്ഥികളുടെ നിലവാരം അളക്കേണ്ടെന്നും പ്രസ്താവന പിൻവലിച്ച് മാപ്പ് പറയണമെന്നും KSU സംസ്ഥാന അധ്യക്ഷൻ അലോഷ്യസ് സേവ്യർ പറഞ്ഞു.

Kerala308 days ago

സിദ്ധാർത്ഥന്റെ മരണം: പ്രതികളെ പരീക്ഷയെഴുതിക്കരുത് എന്നാവശ്യപ്പെട്ട് മാതാപിതാക്കൾ ഗവർണർക്ക് പരാതി നൽകി

പൂക്കോട് വെറ്ററിനറി കോളേജ് വിദ്യാർത്ഥിയായിരുന്ന സിദ്ധാർത്ഥന്റെ മരണത്തിൽ പ്രതി ചേർത്തിട്ടുള്ളവരെ പരീക്ഷ എഴുതാൻ അനുവദിക്കരുതെന്ന് ആവശ്യപ്പെട്ട് സിദ്ധാർത്ഥന്റെ മാതാപിതാക്കൾ ഗവർണർക്ക് പരാതി നൽകി. പ്രതികളെ പരീക്ഷയെഴുതിക്കാനുള്ള സർവകലാശാലയുടെ ഭാഗത്ത് നിന്നുള്ള നീക്കം തടയണമെന്നാണ് പരാതിയിൽ ആവശ്യപ്പെടുന്നത്. പ്രതികൾ പ്രാക്ടിക്കൽ പരീക്ഷ എഴുതിയത് ചട്ടം ലംഘിച്ചാണെന്നും പരാതിയിൽ ചൂണ്ടിക്കാട്ടി. പരാതി VC ക്ക് അയക്കുമെന്ന് രാജ്ഭവൻ അറിയിച്ചു.

Kerala310 days ago

പ്ലസ് വണ്‍ സീറ്റ് പ്രതിസന്ധി; സംസ്ഥാനത്ത് നാളെ KSU വിദ്യാഭ്യാസ ബന്ദ്

സംസ്ഥാനത്തെ പ്ലസ് വണ്‍ സീറ്റ് പ്രതിസന്ധിയില്‍ വ്യാപക പ്രതിഷേധവുമായി വിദ്യാര്‍ത്ഥി സംഘടനകള്‍. KSU നാളെ സംസ്ഥാന വ്യാപകമായി വിദ്യാഭ്യാസ ബന്ദ് പ്രഖ്യാപിച്ചു. അതേസമയം സമരം നടത്തുന്ന SFI പ്രവര്‍ത്തകരെ പരിഹസിച്ച് വിദ്യാഭ്യാസ മന്ത്രി വി. ശിവന്‍കുട്ടി രംഗത്തെത്തി. സമരം ചെയ്യാന്‍ എല്ലാവര്‍ക്കും അവകാശമുണ്ട്. കുറെനാളായി സമരം ചെയ്യാതിരിക്കുന്നതല്ലേ, ഉഷാറായി വരട്ടെ എന്നായിരുന്നു ശിവന്‍കുട്ടിയുടെ പ്രതികരണം.

Kerala315 days ago

മുഖ്യമന്ത്രിക്ക് നേരെ കരിങ്കൊടി: KSU, MSF പ്രവർത്തകർ അറസ്റ്റിൽ

മലബാറിലെ സീറ്റ് പ്രതിസന്ധി പരിഹരിക്കണമെന്ന് ആവശ്യപ്പെട്ടാണ് KSU, MSF പ്രവർത്തകർ മുഖ്യമന്ത്രി പിണറായി വിജയനു നേരെ കരിങ്കൊടി വീശി പ്രതിഷേധം നടത്തിയത്. കോഴിക്കോട് ഗസ്റ്റ് ഹൗസിൽ നിന്നും ബീച്ചിലേക്ക് മുഖ്യമന്ത്രി പോകുന്നതിനിടെയായിരുന്നു സംഭവം. NGO യൂണിയൻ സംസ്ഥാന സമ്മേളനം ഉദ്ഘാടനം ചെയ്യാനെത്തിയതായിരുന്നു മുഖ്യമന്ത്രി. സംഭവത്തിൽ KSU, MSF പ്രവർത്തകരെ പോലീസ് കസ്റ്റഡിയിലെടുത്തു.

Kerala316 days ago

പ്ലസ് വൺ സീറ്റ് പ്രതിസന്ധി: KSU സമരത്തിലേക്ക്

മലബാർ ജില്ലകളിലെ പ്ലസ് വൺ സീറ്റ് ക്ഷാമത്തിനെതിരെ പ്രതിഷേധം നടത്തുമെന്ന് KSU അറിയിച്ചു. സംസ്ഥാന വ്യാപകമായ പ്രതിഷേധം ഉടൻ ഉണ്ടാകുമെന്നും തുടക്കം എന്ന നിലയിൽ നാളെ കോഴിക്കോട് വിദ്യാഭ്യാസ ഓഫീസിനു മുന്നിൽ ഉപവാസ സമരം നടത്തുമെന്നും KSU സംസ്ഥാന പ്രസിഡന്റ് അലോഷ്യസ് സേവ്യർ പറഞ്ഞു.

Kerala325 days ago