സൂപ്പർ ചൊവ്വാഴ്‌ച 8 പ്രൈമറികളിൽ വിജയിച്ച് ഡൊണാള്‍ഡ് ട്രംപ്

സൂപ്പർ ചൊവ്വാഴ്ച പ്രൈമറികളിൽ വലിയ വിജയങ്ങളോടെ റിപ്പബ്ലിക്കൻ പ്രസിഡൻഷ്യൽ നാമനിർദ്ദേശത്തിൽ ഡൊണാൾഡ് ട്രംപ് പിടി മുറുക്കി. നോമിനേഷനിലേക്കുള്ള ട്രംപിന്‍റെ പാതയിൽ കാര്യമായ തടസ്സങ്ങള്‍ സൃഷ്ടിക്കാന്‍ UN മുൻ അംബാസഡറായ നിക്കി ഹേലിക്ക് സാധിച്ചില്ല. ഇതോടെ നവംബറിൽ നടക്കുന്ന പ്രസിഡന്‍റ് തിരഞ്ഞെടുപ്പില്‍ ജോ ബൈഡന്‍-ട്രംപ് മത്സരം ഏതാണ്ട് ഉറപ്പായിരിക്കുകയാണ്.

World465 days ago

അമേരിക്കന്‍ പ്രസിഡന്റ് തിരഞ്ഞെടുപ്പിനെ സ്വാധീനിക്കാന്‍ ശ്രമം; റഷ്യന്‍ മാധ്യമങ്ങള്‍ക്ക് മെറ്റയുടെ വിലക്ക്

അമേരിക്കന്‍ പ്രസിഡന്റ് തിരഞ്ഞെടുപ്പിനെ സ്വാധീനിക്കാന്‍ ശ്രമിച്ചെന്ന പേരിലാണ് മെറ്റ റഷ്യന്‍ മാധ്യമങ്ങള്‍ക്ക് വിലക്കേര്‍പ്പെടുത്തിയിരിക്കുന്നത്. റഷ്യന്‍ സ്റ്റേറ്റ് മീഡിയയ്ക്ക് ഉള്‍പ്പടെയാണ് വിലക്ക്. മെറ്റയ്ക്ക് കീഴില്‍ വരുന്ന ഫേസ്ബുക്ക്, ഇന്‍സ്റ്റ്ഗ്രാം, വാട്സ്ആപ്പ്, ത്രെഡ് എന്നിവയിലും റഷ്യന്‍ മാധ്യമങ്ങള്‍ക്ക് വിലക്കപ്പെടും. US തിരഞ്ഞെടുപ്പിനെ സ്വാധീനിക്കും വിധത്തില്‍ ഉള്ളടക്കങ്ങള്‍ സൃഷ്ടിക്കാന്‍ US കമ്പനികളെ ഉപയോഗിച്ചു എന്ന ആരോപണത്തെ തുടര്‍ന്നാണ് പ്രധാന റഷ്യന്‍ മാധ്യമമായ ആര്‍. ടിക്ക് വിലക്ക് നേരിടേണ്ടി വന്നത്.

World269 days ago

US പ്രസിഡന്റ് തിരഞ്ഞെടുപ്പ്: സ്ഥാനാര്‍ത്ഥിത്വം ഉറപ്പിച്ച് കമല ഹാരിസ്

അമേരിക്കന്‍ പ്രസിഡന്റ് തിരഞ്ഞെടുപ്പില്‍ ഡെമോക്രാറ്റിക് സ്ഥാനാര്‍ത്ഥിയാകാന്‍ ആവശ്യമായ ഡെലിഗേറ്റുകളുടെ വോട്ടുകള്‍ കമല ഹാരിസ് നേടിയതായി ഡെമോക്രാറ്റിക് നാഷണല്‍ കമ്മിറ്റി ചെയര്‍ ജെയിം ഹാരിസണ്‍ അറിയിച്ചു. അടുത്ത ആഴ്ച സ്ഥാനാര്‍ത്ഥിത്വം ഔദ്യോഗികമായി പ്രഖ്യാപിക്കുമെന്ന് കമല ഹാരിസ് വ്യക്തമാക്കി. ചൊവ്വാഴ്ചയോടെ വൈസ് പ്രസിഡന്റ് സ്ഥാനാര്‍ത്ഥിയെ പ്രഖ്യാപിക്കുമെന്നാണ് റിപ്പോര്‍ട്ട്. പ്രസിഡന്റ് സ്ഥാനത്തേക്ക് കമല ഹാരിസിന്റെ പേര് നിര്‍ദേശിച്ച ശേഷമാണ് ജോ ബൈഡന്‍ 2024ലെ പ്രസിഡന്റ് തിരഞ്ഞെടുപ്പില്‍ നിന്ന് പിന്മാറിയത്.

World315 days ago

യുഎസ് പ്രസിഡന്റ് തിരഞ്ഞെടുപ്പ്: സ്ഥാനാര്‍ത്ഥിത്വം പ്രഖ്യാപിച്ച് കമലാ ഹാരിസ്

യുഎസ് പ്രസിഡന്റ് തിരഞ്ഞെടുപ്പില്‍ ഔദ്യോഗികമായി സ്ഥാനാര്‍ഥിത്വം പ്രഖ്യാപിച്ച് വൈസ് പ്രസിഡന്റ് കമലാ ഹാരിസ്. സ്ഥാനാര്‍ഥിയാകുന്നതിന് ആവശ്യമായ വിവിധ ഔദ്യോഗിക രേഖകളില്‍ അവര്‍ ഒപ്പു വെച്ചു. ഓരോ വോട്ടും സ്വന്തമാക്കാന്‍ താന്‍ കഠിനാധ്വാനം ചെയ്യുമെന്നും നവംബറില്‍ തങ്ങളുടെ ജനകീയ പ്രചാരണം വിജയിക്കുമെന്നും കമല ഹാരിസ് എക്‌സില്‍ കുറിച്ചു. യുഎസ് പ്രസിഡന്റ് മത്സരത്തില്‍നിന്ന് ജോ ബൈഡന്‍ പിന്മാറിയതോടെയാണ് കമല ഹാരിസ് മത്സരരംഗത്തെത്തിയത്.

World321 days ago

കമലാ ഹാരിസിനെ പിന്തുണച്ച് ബരാക് ഒബാമയും ഭാര്യ മിഷേലും

യുഎസ് പ്രസിഡന്റ് സ്ഥാനത്തേക്ക് വൈസ് പ്രസിഡന്റ് കമല ഹാരിസിനെ പിന്തുണച്ച് മുന്‍ യുഎസ് പ്രസിഡന്റ് ബരാക് ഒബാമയും ഭാര്യ മിഷേലും. കമല അമേരിക്കയുടെ മികച്ച പ്രസിഡന്റാകുമെന്ന് ഞങ്ങള്‍ കരുതുന്നു. ഞങ്ങള്‍ അവള്‍ക്ക് പൂര്‍ണ പിന്തുണ നല്‍കുന്നു. നമ്മുടെ രാജ്യത്തെ സംബന്ധിച്ചിടത്തോളം നിര്‍ണായകമായ ഈ തിരഞ്ഞെടുപ്പില്‍ കമലയുടെ വിജയത്തിനായി ഞങ്ങളാല്‍ കഴിയുന്നതെല്ലാം ചെയ്യുമെന്നും ഒബാമ എസ്‌കില്‍ കുറിച്ചു.

World322 days ago

US പ്രസിഡന്റ് തിരഞ്ഞെടുപ്പ്: സ്ഥാനാര്‍ത്ഥിയാകാന്‍ പിന്തുണ ഉറപ്പിച്ച് കമല ഹാരിസ്

പ്രസിഡന്റ് സ്ഥാനത്തേക്ക് മത്സരിക്കാനായി ആവശ്യമായ ഡെമോക്രാറ്റിക് പ്രതിനിധികളുടെ പിന്തുണ വൈസ് പ്രസിഡന്റ് കമല ഹാരിസിന് ലഭിച്ചു. പ്രസിഡന്റ് മത്സരത്തില്‍ നിന്ന് പിന്മാറുന്നതായി പ്രഖ്യാപിച്ച ജോ ബൈഡന്‍ കമല ഹാരിസിന് പിന്തുണ പ്രഖ്യാപിച്ചിരുന്നു. US പാര്‍ലമെന്റായ കോണ്‍ഗ്രസിലെ ഡെമോക്രാറ്റ് അംഗങ്ങളും സംസ്ഥാന ഗവര്‍ണര്‍മാരും ഏതാനും മണിക്കൂറിനകം തന്നെ കമലയ്ക്ക് പിന്തുണ പ്രഖ്യാപിച്ചു. ഓഗസ്റ്റ് ഏഴിന് ഡെമോക്രാറ്റിക് കണ്‍വെന്‍ഷനില്‍ ഔദ്യോഗിക സ്ഥാനാര്‍ത്ഥി പ്രഖ്യാപനം ഉണ്ടാകുമെന്നാണ് റിപ്പോര്‍ട്ട്.

World325 days ago

അമേരിക്കന്‍ പ്രസിഡന്റ് തിരഞ്ഞെടുപ്പില്‍ നിന്ന് ജോ ബൈഡന്‍ പിന്‍മാറി

US പ്രസിഡന്റ് തിരഞ്ഞെടുപ്പില്‍ നിന്ന് ഡെമോക്രാറ്റിക് പാര്‍ട്ടി സ്ഥാനാര്‍ത്ഥിയും US പ്രസിഡന്റുമായ ജോ ബൈഡന്‍ പിന്മാറി. തനിക്കു പകരം വൈസ് പ്രസിഡന്റ് കമലാ ഹാരിസ് പ്രസിഡന്റ് സ്ഥാനാര്‍ത്ഥിയാകണമെന്നാണ് ജോ ബൈഡന്റെ നിര്‍ദേശം. അതേസമയം ബൈഡനെ തോല്‍പിക്കുന്നതിലും എളുപ്പമാണ് കമലയെ തോല്‍പ്പിക്കാനെന്ന് എതിര്‍ സ്ഥാനാര്‍ത്ഥിയും മുന്‍ അമേരിക്കന്‍ പ്രസിഡന്റുമായ ഡോണള്‍ഡ് ട്രംപ് പ്രതികരിച്ചു. അടുത്ത മാസം നടക്കുന്ന ഡെമോക്രാറ്റ് പാര്‍ട്ടി കണ്‍വന്‍ഷനിലാണ് പ്രസിഡന്റ് സ്ഥാനാര്‍ഥിയെ ഔദ്യോഗികമായി നാമനിര്‍ദേശം ചെയ്യുക.

World327 days ago

ഡൊണാൾഡ് ട്രംപ് പ്രസിഡൻ്റ് സ്ഥാനാർത്ഥി

ഡൊണാൾഡ് ട്രംപിനെ അമേരിക്കൻ പ്രസിഡൻ്റ് തിരഞ്ഞെടുപ്പിൽ തങ്ങളുടെ ഔദ്യോഗിക സ്ഥാനാർത്ഥിയായി റിപ്പബ്ലിക്കൻ പാർട്ടി പ്രഖ്യാപിച്ചു. പാർട്ടിയുടെ ദേശീയ കൺവെൻഷനിൽ ആയിരുന്നു പ്രഖ്യാപനം. കഴിഞ്ഞ ദിവസം വധശ്രമത്തിൽ നിന്ന് തലനാരിഴയ്ക്ക് രക്ഷപ്പെട്ട ട്രംപ് വലതു ചെവിയിൽ ബാൻഡേജ് ധരിച്ചാണ് കൺവെൻഷനിൽ പങ്കെടുത്തത്. റിപ്പബ്ലിക്കൻ പാർട്ടിയുടെ വൈസ് പ്രസിഡന്റ് സ്ഥാനാർത്ഥിയായി ജെ.ഡി. വാൻസിനെയും പ്രഖ്യാപിച്ചു. വ്യാഴാഴ്ച വരെ നടക്കുന്ന കൺവെൻഷനിൽ ഫ്ലോറിഡ ഗവർണർ റോൺ ഡിസാൻ്റിസ്, സൗത്ത് കാരലൈന, മുൻ ഗവർണറും ഇന്ത്യൻ വംശജയായ നിക്കി ഹേലി തുടങ്ങിയ നേതാക്കൾ പങ്കെടുക്കും.

World333 days ago

താൻ പ്രസിഡന്‍റ് ആയില്ലെങ്കിൽ രക്തപുഴ ഒഴുകുമെന്ന് ഡോണൾഡ് ട്രംപ്

പ്രസിഡന്‍റ് തിരഞ്ഞെടുപ്പിൽ വിജയിക്കാൻ സാധിച്ചില്ലെങ്കിൽ അമേരിക്കയില്‍ മറ്റൊരു തിരഞ്ഞെടുപ്പ് ജനങ്ങൾ കാണുമോ എന്ന കാര്യം സംശയമാണ്. ജോ ബൈഡൻ ഏറ്റവും മോശം പ്രസിഡന്റാണ്. US ന്‍റെ ചരിത്രത്തിലെ ഏറ്റവും പ്രധാനപ്പെട്ട ദിവസമായിരിക്കും നവംബറിൽ നടക്കുന്ന പ്രസിഡന്റ് തിരഞ്ഞെടുപ്പ് എന്നും ട്രംപ് പറഞ്ഞു.

World454 days ago

റഷ്യൻ പ്രസിഡന്‍റ് പുടിനെ വണങ്ങുന്ന ആളാണ് ട്രംപ് എന്ന് ജോ ബൈഡൻ

സ്റ്റേറ്റ് ഓഫ് യൂണിയൻ പ്രസംഗത്തിൽ US ജനാധിപത്യം ആക്രമണത്തിന് വിധേയമാണെന്ന മുന്നറിയിപ്പ് നല്‍കി ബൈഡൻ. നവംബറിലെ പ്രസിഡന്‍റ് തിരഞ്ഞെടുപ്പിലെ എതിരാളിയായ ഡൊണാൾഡ് ട്രംപിനെതിരെ ബൈഡൻ ആഞ്ഞടിച്ചു. സ്വദേശത്തും വിദേശത്തും സ്വാതന്ത്ര്യവും ജനാധിപത്യവും ആക്രമിക്കപ്പെടുകയാണ്. താൻ പുടിന് മുന്നില്‍ കുമ്പിടില്ലെന്നും US പ്രസിഡന്‍റ് പറഞ്ഞു.

World462 days ago

US പ്രസിഡൻഷ്യൽ ബാലറ്റിൽ നിന്ന് ട്രംപിനെ കൊളറാഡോയ്ക്ക് വിലക്കാനാകില്ലെന്ന് സുപ്രീം കോടതി

2021 ലെ ക്യാപിറ്റോള്‍ കലാപത്തിന് പ്രേരിപ്പിച്ചുവെന്ന് ചൂണ്ടിക്കാട്ടി റിപ്പബ്ലിക്കൻ പ്രൈമറിയിൽ നിന്ന് ട്രംപിനെ കൊളറാഡോ കോടതി വിലക്കിയിരുന്നു. കലാപ വിരുദ്ധ ഭരണഘടനാ വ്യവസ്ഥ ഉപയോഗിച്ച് ഡൊണാൾഡ് ട്രംപിനെ പ്രസിഡന്‍റ് സ്ഥാനത്തേക്ക് മത്സരിക്കുന്നതിൽ നിന്ന് അയോഗ്യനാക്കാനുള്ള വ്യക്തിഗത സംസ്ഥാനങ്ങളുടെ ശ്രമങ്ങളാണ് US സുപ്രീം കോടതി തടഞ്ഞിരിക്കുന്നത്. ഇതോടെ ചൊവ്വാഴ്ച നടക്കുന്ന കൊളറാഡോ പ്രൈമറിയിൽ ട്രംപിന് മത്സരിക്കാന്‍ സാധിക്കും.

World466 days ago