കൊവിഡ് വാക്‌സിനേഷനുകള്‍ രോഗപ്രതിരോധ ശേഷിയെ ബാധിക്കില്ലെന്ന് പഠനം

ജര്‍മനിയില്‍ കൊവിഡിനെതിരെ 217 തവണ പ്രതിരോധ കുത്തിവെപ്പ് സ്വീകരിച്ച വ്യക്തിയില്‍ നടത്തിയ പരിശോധനയുടെ കേസ് സ്റ്റഡി ദി ലാന്‍സെറ്റ് ഇന്‍ഫെക്ഷ്യസ് ഡിസീസസ് ജേണലില്‍ പ്രസിദ്ധീകരിച്ച് കൊണ്ടാണ് ഗവേഷകര്‍ ഇക്കാര്യം വ്യക്തമാക്കിയത്. ജര്‍മനിയിലെ ഫ്രെഡ്രിക്ക് അലക്സാണ്ടര്‍ യൂണിവേഴ്സിറ്റി ഗവേഷകരാണ് പഠനം നടത്തിയത്. അമിതമായി ആന്റിജന്‍ ശരീരത്തിലെത്തുമ്പോള്‍ രോഗപ്രതിരോധ കോശങ്ങളുടെ ഫലപ്രാപ്തി കുറയുമെന്നായിരുന്നു ഒരു വിഭാഗം ശാസ്ത്രജ്ഞരുടെ വാദം. പുതിയ പഠനത്തില്‍ വാക്സിനേഷന്‍ സ്വീകരിച്ച വ്യക്തിയുടെ രോഗപ്രതിരോധ സംവിധാനം പൂര്‍ണമായും പ്രവര്‍ത്തനക്ഷമമാണെന്നും കണ്ടെത്തി.

Health425 days ago

യൂറോ കപ്പ്; ജര്‍മനിക്ക് തുടര്‍ച്ചയായ രണ്ടാം ജയം

ഹംഗറിക്കെതിരെ എതിരില്ലാത്ത രണ്ട് ഗോളുകള്‍ക്കാണ് ജര്‍മനി വിജയം സ്വന്തമാക്കിയത്. 20-ാം മിനിറ്റില്‍ ജമാല്‍ മുസിയാലയും രണ്ടാംപാതിയില്‍ ഗുണ്ടോഗനുമാണ് ജര്‍മനിക്കായി ഗോളുകള്‍ നേടിയത്. മികച്ച അവസരങ്ങള്‍ സൃഷ്ടിക്കാന്‍ ഹംഗറിക്ക് കഴിഞ്ഞെങ്കിലും ഗോള്‍ നേടാനായില്ല. ഇതോടെ ജര്‍മനി പ്രീ ക്വാര്‍ട്ടറിനോട് അടുത്തു. രണ്ട് മത്സരങ്ങളില്‍ ആറ് പോയിന്റുമായി ഒന്നാം സ്ഥാനത്താണ് ജര്‍മനി.

Sports320 days ago

കൊവിഷീല്‍ഡ് വാക്‌സിന്‍ പിന്‍വലിച്ച് നിര്‍മ്മാണ കമ്പനിയായ അസ്ട്രാസെനക്ക

കൊവിഷീല്‍ഡ് വാക്‌സിന് പാര്‍ശ്വഫലങ്ങളുണ്ടെന്ന പരാതികള്‍ ഉയരുന്നതിനിടെയാണ് നിര്‍മ്മാണ കമ്പനിയായ അസ്ട്രാസെനക്കയുടെ നടപടി. ആഗോളതലത്തില്‍ വാക്‌സിന്റെ ഉല്‍പ്പാദനവും വിതരണവും അവസാനിപ്പിക്കുന്നതായാണ് കമ്പനി അറിയിച്ചിരിക്കുന്നത്. വിപണിയില്‍ അവേശിഷിക്കുന്ന സ്റ്റോക്കും തിരിച്ചെടുക്കും. UKയില്‍ വാക്‌സിന്‍ സ്വീകരിച്ച 51 പേര്‍ ആരോഗ്യപ്രശ്‌നങ്ങളെ തുടര്‍ന്ന് കോടതിയെ സമീപിച്ചപ്പോഴാണ് കൊവിഷീല്‍ഡിന് പാര്‍ശ്വഫലങ്ങളുള്ളതായി കമ്പനി കോടതിയില്‍ സമ്മതിക്കുന്നത്.

World363 days ago

കോവിഷീൽഡ് എടുത്ത മകൾ മരിച്ചതായി ആരോപിച്ച് കേസ് കൊടുക്കാന്‍ ഒരുങ്ങി ഇന്ത്യന്‍ ദമ്പതികള്‍

വാക്സിന്‍ എടുത്ത ശേഷം 2021 ൽ മരണപ്പെട്ട 20 കാരിയായ കാരുണ്യയുടെ പിതാവ് വേണുഗോപാലൻ ഗോവിന്ദനും കുടുംബവുമാണ് സുപ്രീം കോടതിയെ സമീപിക്കാന്‍ ഒരുങ്ങുന്നത്. കോവിഷീൽഡ് എന്ന പേരിൽ സെറം ഇൻസ്റ്റിറ്റ്യൂട്ട് ഓഫ് ഇന്ത്യ നിർമ്മിച്ച ബ്രിട്ടീഷ് കമ്പനി ആസ്ട്രാസെനകയുടെ വാക്സിൻ ഇന്ത്യയില്‍ വ്യാപകമായി വിതരണം ചെയ്യപ്പെട്ടിരുന്നു. രക്തം കട്ടപിടിക്കുന്ന മരണങ്ങള്‍ മൂലം 15 യൂറോപ്യൻ രാജ്യങ്ങൾ ഇതിന്‍റെ ഉപയോഗം നിയന്ത്രിച്ചതിന് ശേഷം സെറം ഇൻസ്റ്റിറ്റ്യൂട്ട് വാക്സിൻ വിതരണം നിർത്തേണ്ടതായിരുന്നു എന്നും വേണുഗോപാലൻ പറഞ്ഞു.

National368 days ago

കോവിഷീല്‍ഡ് ഗുരുതര പാര്‍ശ്വഫലത്തിന് കാരണമാകുമെന്ന് നിര്‍മാതാക്കള്‍

അപൂര്‍വ സന്ദര്‍ഭങ്ങളില്‍ രക്തം കട്ടപിടിക്കുന്നതിനും പ്ലേറ്റലെറ്റുകളുടെ എണ്ണം കുറയുന്നതിനും കാരണമാകുന്ന ഒരു അവസ്ഥയ്ക്ക് കാരണമാകാമെന്നാണ് കോവിഷീല്‍ഡിന്റെ നിര്‍മാതാക്കളായ ബ്രിട്ടീഷ് ഫാര്‍മസിയായ അസ്ട്രാസെനക പറയുന്നത്. UKയിലെ കോടതിയില്‍ നല്‍കിയ രേഖകളിലാണ് കമ്പനി ഇക്കാര്യം വ്യക്തമാക്കിയിരിക്കുന്നത്. UKയില്‍ വാക്‌സിന്‍ എടുത്തത് മൂലം ആരോഗ്യപ്രശ്‌നങ്ങള്‍ നേരിട്ട നിരവധി പേര്‍ കോടതിയെ സമീപിക്കുകയും നഷ്ടപരിഹാരം ആവശ്യപ്പെടുകയും ചെയ്തു.

World371 days ago

ഗസയ്ക്ക് മാനുഷിക സഹായം എത്തിക്കുന്ന UNRWAയ്ക്ക് ധനസഹായം നല്‍കുന്നത് പുനസ്ഥാപിക്കുമെന്ന് ജര്‍മനി

ഇസ്രായേലിന്റെ വ്യാജപ്രചാരണത്തെ തുടര്‍ന്ന് ജര്‍മനി അടക്കമുള്ള 15 രാജ്യങ്ങള്‍ UNRWAയ്ക്ക് നല്‍കിയിരുന്ന സഹായം നിര്‍ത്തിവെച്ചിരുന്നു. ആരോപണം അടിസ്ഥാനരഹിതമാണെന്ന് തെളിഞ്ഞതോടെ സാമ്പത്തിക സഹകരണം ഉടന്‍ ആരംഭിക്കുമെന്ന് ജര്‍മന്‍ വികസന മന്ത്രി സ്വെന്യ ഷൂള്‍സയും വിദേശകാര്യമന്ത്രി അനലീന ബെയര്‍ബോക്കും സംയുക്ത പ്രസ്താവനയില്‍ പറഞ്ഞു. മുന്‍ ഫ്രഞ്ച് വിദേശകാര്യ മന്ത്രി കാതറിന്‍ കൊളോണയുടെ നേതൃത്വത്തില്‍ നടത്തിയ സ്വതന്ത്ര അന്വേഷണത്തിലാണ് ഇസ്രായേലിന്റെ ആരോപണം പൊളിഞ്ഞത്.

World377 days ago

കഞ്ചാവ് ഉപയോഗം നിയമവിധേയമാക്കി ജര്‍മനി

പുതിയ നിയമം അനുസരിച്ച് രാജ്യത്ത് 18 വയസിന് മുകളില്‍ പ്രായമുള്ള ഏതൊരാള്‍ക്കും 25 ഗ്രാം ഉണക്ക കഞ്ചാവ് കൈവശം വെയ്ക്കാനും മൂന്ന് കഞ്ചാവ് ചെടികള്‍ വീട്ടില്‍ വളര്‍ത്താനും അനുമതി ലഭിക്കും. ആരോഗ്യ സംഘടനകളുടേയും പ്രതിപക്ഷപാര്‍ട്ടികളുടേയും എതിര്‍പ്പിനെ മറികടന്നാണ് കഞ്ചാവ് ഉപയോഗം നിയമാനുസൃതമാക്കിയത്. പുതിയ നിയമത്തിന്റെ ഭാഗമായി ജുലൈ ഒന്ന് മുതല്‍ ക്ലബുകളില്‍ നിന്നും നിയമാനുസൃതമായി കഞ്ചാവ് വാങ്ങാന്‍ സാധിക്കുമെന്ന് അധികൃതര്‍ വ്യക്തമാക്കി.

World400 days ago

കെജ്‌രിവാളിന്റെ അറസ്റ്റ്‌: ജർമനിയുടെ പ്രതികരണത്തിൽ അതൃപ്തി അറിയിച്ച് ഇന്ത്യ

ഡൽഹി മുഖ്യമന്ത്രി അരവിന്ദ് കെജ്‌രിവാളിന്റെ അറസ്റ്റുമായി ബന്ധപ്പെട്ട് ജർമനി നടത്തിയ പരാമർശത്തിൽ ഇന്ത്യൻ വിദേശകാര്യ മന്ത്രാലയം ജർമൻ എംബസിയിലെ മുതിർന്ന ഉദ്യോഗസ്ഥനെ വിളിച്ചു വരുത്തി പ്രതിഷേധം അറിയിച്ചു. ഇന്ത്യയുടെ ആഭ്യന്തരകാര്യമാണ് ഇതെന്നും ഇത്തരം കാര്യങ്ങളിൽ ഇടപെടരുതെന്നും ഇന്ത്യൻ വിദേശകാര്യ മന്ത്രാലയം പറഞ്ഞു. കേസിൽ കെജ്‌രിവാളിന് ഏതൊരു വ്യക്തിയെയും പോലെ നീതിപൂർവമായ വിചാരണയ്ക്ക് അർഹതയുണ്ടെന്നാണ് ജർമൻ വിദേശകാര്യ മന്ത്രാലയം പറഞ്ഞത്.

National409 days ago

കൊവിഡ് വൈറസിനെ നേരിടുന്നതില്‍ കോവാക്‌സിനേക്കാള്‍ ഫലപ്രദം കോവിഷീല്‍ഡെന്ന് ഗവേഷകര്‍

കോവാക്‌സിനും കോവിഷീല്‍ഡും തമ്മില്‍ നടത്തിയ താരതമ്യ പഠനത്തിലാണ് കൊവിഡ് വൈറസിനെ നേരിടുന്നതില്‍ കോവിഷീല്‍ഡ് വാക്‌സിന്‍ ഫലപ്രദമായി പ്രവര്‍ത്തിച്ചതായി കണ്ടെത്തിയത്. കോവാക്‌സിനേക്കാള്‍ ശക്തമായ രോഗപ്രതിരോധ പ്രതികരണങ്ങള്‍ കോവിഷീള്‍ഡ് പ്രകടിപ്പിച്ചതായാണ് പഠനത്തില്‍ പറയുന്നത്. നാഷണല്‍ സെന്റര്‍ ഫോര്‍ ബയോളജിക്കല്‍ സയന്‍സസിലെ ഗവേഷകര്‍ ദി ലാന്‍സെറ്റ് റീജിയണല്‍ ഹെല്‍ത്ത് സൗത്ത് ഈസ്റ്റ് ഏഷ്യയില്‍ പ്രസിദ്ധീകരിച്ച പഠന റിപ്പോര്‍ട്ടിലാണ് ഇക്കാര്യം വ്യക്തമാക്കിയിരിക്കുന്നത്.

Health423 days ago

കൊവിഡ് വാക്‌സിനുകള്‍ തലച്ചോറിനെയും ഹൃദയത്തെയും ബാധിക്കുമെന്ന് പഠനം

തലച്ചോറിനെയും ഹൃദയത്തെയും ബാധിക്കുന്ന 13 ഗുരുതര പ്രശ്നങ്ങള്‍ക്ക് കൊവിഡ് വാക്‌സിനുകള്‍ കാരണമാകുമെന്നും അതിന്റെ പ്രത്യാഘാതം അതീവ ഗുരുതരമാണെന്നും പഠനത്തില്‍ പറയുന്നു. ഗ്ലാബല്‍ വാക്സിന്‍ ഡേറ്റ നെറ്റ്വര്‍ക്കിന്റെ പഠനത്തിലാണ് ഇക്കാര്യം വ്യക്തമാക്കിയിരിക്കുന്നത്. തലച്ചോറില്‍ വീക്കമുണ്ടാകുന്ന അക്യൂട്ട് ഡിസെമിനേറ്റഡ് എന്‍സഫലോമൈലൈറ്റിസ് ആണ് കൊവിഡ് വാക്സിന്റെ ഏറ്റവും പുതുതായി കണ്ടെത്തിയ പാര്‍ശ്വഫലം.

Health434 days ago