മനുഷ്യത്വത്തിന്റെ പേരില്‍ റഫയില്‍ ആക്രമണം നടത്തരുതെന്ന് ഇസ്രായേലിനോട് WHO

മനുഷ്യത്വത്തിന്റെ പേരില്‍ ആക്രമണവുമായി മുന്നോട്ട് പോകരുതെന്നും പകരം സമാധാനത്തിനായി പ്രവര്‍ത്തിക്കണമെന്നും അഭ്യര്‍ത്ഥിക്കുന്നതായി ഇസ്രായേലിനോട് WHO മേധാവി ടെഡ്രോസ് അദാനോം പറഞ്ഞു. ആക്രമണത്തിന് മുമ്പുള്ള ഇസ്രായേല്‍ സൈന്യത്തിന്റെ ഒഴിപ്പിക്കല്‍ നടപടി പ്രായോഗിക പരിഹാരമല്ലെന്നും റഫയിലെ 1.2 ദശലക്ഷം ആളുകള്‍ക്ക് സുരക്ഷിതമായി മാറാന്‍ ഒരിടമില്ലെന്നും അദ്ദേഹം പറഞ്ഞു.

World415 days ago

ഇന്ത്യയില്‍ ജീവിതശൈലി രോഗങ്ങളാണ് പ്രധാന മരണ കാരണമെന്ന് WHO

ഇന്ത്യ ഉള്‍പ്പെടെ 11 രാജ്യങ്ങളില്‍ അമിതഭാരവും ജീവിതശൈലി രോഗങ്ങളും വര്‍ധിക്കുന്നുവെന്ന് WHO വ്യക്തമാക്കി. ഇന്ത്യ, ഇന്തോനേഷ്യ, ബംഗ്ലാദേശ്, മാലദ്വീപ്, ഭൂട്ടാന്‍, മ്യാന്‍മര്‍, ശ്രീലങ്ക, തായ്ലന്‍ഡ്, എന്നിവിടങ്ങളില്‍ അഞ്ച് വയസിന് താഴെയുള്ള കുട്ടികളില്‍ 20 ലക്ഷം പേര്‍ അമിത ഭാരമുള്ളവരാണ്. 5 മുതല്‍ 19 വയസപവരെയുള്ളവരില്‍ 37.3 ദശലക്ഷം പേര്‍ക്ക് പൊണ്ണത്തടിയുണ്ടെന്നും WHOയുടെ റിപ്പോര്‍ട്ടില്‍ പറയുന്നു. പൊണ്ണത്തടിയും ജീവിതശൈലി രോഗങ്ങളും കാരണം ഹൃദ്രോഗം, പ്രമേഹം, അര്‍ബുദം തുടങ്ങിയവ പ്രതിരോധിക്കാന്‍ സര്‍ക്കാര്‍ ആരോഗ്യനയം പുനക്രമീകരിക്കണമെന്നും WHO ആവശ്യപ്പെട്ടു.

Health224 days ago

എംപോക്‌സ് വാക്‌സിന് അനുമതി നല്‍കി ലോകാരോഗ്യസംഘടന

ബവേറിയന്‍ നോര്‍ഡിക് കമ്പനി എംപോക്‌സിനെതിരെ പുറത്തിറക്കിയ വാക്‌സിനാണ് ലോകാരോഗ്യസംഘടന അനുമതി നല്‍കിയത്. ലോകത്തിന്റെ പലഭാഗങ്ങളിലും എംപോക്‌സ് വ്യാപിക്കുന്ന പശ്ചാത്തലത്തിലാണ് അനുമതി. പതിനെട്ട് വയസ്സും അതിനുമുകളിലും പ്രായമുള്ളവരിലാണ് വാക്‌സിന്‍ ഉപയോഗിക്കാന്‍ അനുമതിയുള്ളത്. രോഗവ്യാപനം അനിയന്ത്രിതമായാല്‍ പതിനെട്ടു വയസ്സിനു താഴെയുള്ളവരിലും ഉപയോഗിച്ചേക്കും.

Health233 days ago

കോവിഡ് പോലെയല്ല മങ്കിപോക്‌സിന്റെ വ്യാപനം നിയന്ത്രണവിധേയമാണെന്ന് WHO

മങ്കിപോക്‌സിന്റെ(എംപോക്‌സ്) പഴയതോ പുതിയതോ ആയ വകഭേദം കോവിഡുമായി താരതമ്യപ്പെടുത്താനാകില്ലെന്ന് ലോകാരോഗ്യ സംഘടനയുടെ യൂറോപ്പ് റീജിയണല്‍ ഡയറക്ടറായ ഹാന്‍സ് ക്ലൂഗ് വ്യക്തമാക്കി. എംപോക്‌സിന്റെ വ്യാപനം നിയന്ത്രണവിധേയമാണെന്നും എംപോക്‌സ് വ്യാപനം തടയാനുള്ള നടപടികളെ കുറിച്ച് അധികൃതര്‍ക്ക് അറിവുണ്ടെന്നും തീര്‍ച്ചയായും എംപോക്‌സിനെ ഒറ്റക്കെട്ടായി മറികടക്കാനാകുമെന്നും ഹാന്‍സ് പറഞ്ഞു. ആഫ്രിക്കന്‍ രാജ്യങ്ങളില്‍ വ്യാപകമാകുന്ന മങ്കിപോക്‌സിനെതിരെ ആഗോളതലത്തില്‍ ലോകാരോഗ്യ സംഘടന ആരോഗ്യ അടിയന്തരാവസ്ഥ പ്രഖ്യാപിച്ചിരുന്നു. ഇതേ തുടര്‍ന്ന് കോവിഡിന് സമാനമായ സാഹചര്യമുണ്ടാകുമോ എന്ന ആശങ്ക ഉയര്‍ന്നു വന്നിരുന്നു.

World258 days ago

ജാഗ്രത; കൊവിഡ് കേസുകളില്‍ വീണ്ടും വര്‍ധനവെന്ന് WHO

വിവിധ രാജ്യങ്ങളിലായി കഴിഞ്ഞ കുറച്ച് ആഴ്ചകളായി കൊവിഡ് കേസുകളില്‍ വര്‍ധനവ് ഉണ്ടായതായി ലോകാരോഗ്യ സംഘടന. കൊവിഡ് പോസിറ്റീവാകുന്നവരുടെ നിരക്ക് കൂടുന്നതായി WHO അറിയിച്ചു. 84 രാജ്യങ്ങളില്‍ നിന്നുള്ള റിപ്പോര്‍ട്ടുകളില്‍ നിന്നാണ് കൊവിഡ് പോസിറ്റീവാകുന്നവരുടെ എണ്ണം കഴിഞ്ഞ കുറച്ച് ആഴ്ചകളായി കൂടുന്നതായി കണ്ടെത്തിയത്. നിലവില്‍ അമേരിക്ക, യൂറോപ്പ്, വെസ്റ്റേണ്‍ പസഫിക് എന്നിവിടങ്ങളിലാണ് കൊവിഡ് വ്യാപനം കൂടുതലായിട്ടുള്ളത്. അധികം വൈകാതെ കൊവിഡിന്റെ തീവ്രമായ വകഭേദങ്ങള്‍ വന്നേക്കാമെന്നും WHO വ്യക്തമാക്കി.

Health268 days ago

കോംഗോയില്‍ മങ്കിപോക്‌സ് വ്യാപനം; ഇതുവരെ 511 മരണം

കോംഗോയില്‍ ഈ വര്‍ഷം മാത്രം 14000ത്തിലേറെ പേര്‍ക്കാണ് എംപോക്‌സ് അഥവാ മങ്കിപോക്‌സ് സ്ഥിരീകരിച്ചത്. ഇതേ തുടര്‍ന്ന് എല്ലാവരും ജാഗ്രത പുലര്‍ത്തണമെന്ന് WHOയുടെ ഡയറക്ടര്‍ ടെഡ്രോസ് അദാനോം പറഞ്ഞു. കോംഗോയുടെ അയല്‍ രാജ്യങ്ങളായ കെനിയ, റുവാന്‍ഡ, ഉഗാണ്ട എന്നിവിടങ്ങളിലും രോഗവ്യാപനമുണ്ട്. ഈ സാഹചര്യത്തില്‍ ആഗോള ആരോഗ്യ അടിയന്തിരാവസ്ഥ പ്രഖ്യാപിക്കേണ്ടതുണ്ടോ എന്നത് സംബന്ധിച്ച് WHOയില്‍ ചര്‍ച്ചകള്‍ നടക്കുകയാണെന്നാണ് റിപ്പോര്‍ട്ട്.

World269 days ago

ബംഗാളില്‍ നാല് വയസുകാരിയ്ക്ക് പക്ഷിപ്പനി സ്ഥിരീകരിച്ചു

അഞ്ച് വര്‍ഷത്തിന് ശേഷം രാജ്യത്ത് ആദ്യമായാണ് മനുഷ്യനില്‍ രോഗം സ്ഥിരീകരിച്ചത്. ലോകാരോഗ്യ സംഘടനയാണ് നാല് വയസുകാരിയുടെ രോഗബാധ സ്ഥിരീകരിച്ചത്. കുട്ടിയ്ക്ക് വീട്ടിലും ചുറ്റുപാടുകളിലുമായി കോഴിയുമായി സമ്പര്‍ക്കം ഉണ്ടായിരുന്നു. ശ്വാസകോശ സംബന്ധമായ പ്രശ്‌നങ്ങള്‍, കടുത്ത പനി, വയറുവേദന എന്നീ ലക്ഷണങ്ങളെ തുടര്‍ന്ന കഴിഞ്ഞ ഫെബ്രുവരിയിലാണ് രോഗിയെ ആശുപത്രിയില്‍ പ്രവേശിപ്പിച്ചത്. രോഗനിര്‍ണയവും ചികിത്സയും നടത്തി മൂന്ന് മാസത്തിന് ശേഷം കുട്ടിയെ ഡിസ്ചാര്‍ജ് ചെയ്തതായും WHO അറിയിച്ചു.

National328 days ago

കഴിഞ്ഞ വര്‍ഷം കൊടുംപട്ടിണിയിലായത് 28.2 കോടിപ്പേരെന്ന് ഐക്യരാഷ്ട്രസഭ

ഐക്യരാഷ്ട്രസഭ പുറത്തുവിട്ട 'ഗ്ലോബല്‍ റിപ്പോര്‍ട്ട് ഓണ്‍ ഫുഡ് ആന്‍ഡ് ക്രൈസിസി'ലാണ് ഈ കണക്കുകള്‍ വ്യക്തമാക്കുന്നത്. ഏറ്റവും കൂടുതല്‍ പേര്‍ പട്ടിണിയിലായ സ്ഥലം ഗസയാണ്. യുദ്ധം ആരംഭിച്ച ശേഷം ഗസയില്‍ കൊടുംപട്ടിണി നേരിടുന്നത് 5.77 ലക്ഷം പേരാണ്. ഗസയെ കൂടാതെ ദക്ഷിണ സുഡാന്‍, ബുര്‍ക്കിനാഫാസോ, സൊമാലിയ, മലി തുടങ്ങിയ ആഫ്രിക്കന്‍ രാജ്യങ്ങളിലാണ് പട്ടിണി കൂടുതലുള്ളത്. 2.4 കോടി അധികം ആളുകളാണ് 2022-നെക്കാള്‍ 2023-ല്‍ ലോകത്ത് കൊടും പട്ടിണി അനുഭവിക്കുന്നത്.

World375 days ago

ഇന്ത്യയില്‍ ഹെപ്പറ്റൈറ്റിസ് ബി, സി വൈറസ് ബാധിതരുടെ എണ്ണം വര്‍ധിക്കുന്നു

ഹെപ്പറ്റൈറ്റിസ് ബി, സി വൈറസ് ബാധിതരുടെ എണ്ണത്തില്‍ ഇന്ത്യ രണ്ടാം സ്ഥാനത്താണെന്നാണ് WHOയുടെ കണക്കുകളില്‍ പറയുന്നത്. ഏറ്റവും കൂടുതല്‍ രോഗബാധിതരുള്ളത് ചൈനയിലാണ്. ഇന്ത്യയില്‍ 2.98 കോടി ആളുകള്‍ ഹെപ്പറ്റൈറ്റിസ് ബി ബാധിച്ചവരും 55 ലക്ഷം പേര്‍ ഹെപ്പറ്റൈറ്റിസ് സി ബാധിച്ചവരുമാണ്. കരളിനെ ഗുരുതരമായി ബാധിക്കുന്ന രോഗമാണിത്. 2022ല്‍ ആഗോളതലത്തില്‍ 254 ദശലക്ഷം പേര്‍ ഹെപ്പറ്റൈറ്റിസ് ബിയും 50 ദശലക്ഷം ഹെപ്പറ്റൈറ്റിസ് സിയും ബാധിച്ചവരാണെന്നാണ് WHOയുടെ റിപ്പോര്‍ട്ടില്‍ പറയുന്നത്.

Health390 days ago

ഗസയിലെ നവജാത ശിശുക്കളുടെ മരണനിരക്ക് വര്‍ധിക്കുന്നതായി WHO

ഗസയില്‍ ജനിക്കുന്ന കുട്ടികളുടെ ഭാരം വളരെ കുറവാണെന്ന് ഗസ മുനമ്പിലെ ആശുപത്രികളില്‍ ജോലി ചെയ്യുന്ന ഡോക്ടര്‍മാര്‍ വ്യക്തമാക്കി. രൂക്ഷമായ പോഷകാഹാര കുറവ് കണ്ടെത്തുന്ന നവജാത ശിശുക്കളുടെ എണ്ണം ദിനംപ്രതി കൂടുകയാണ്. ഗര്‍ഭിണികളില്‍ ഭാരക്കുറവ്, പോഷകാഹാര കുറവ് എന്നിവ സാധാരണമായി കഴിഞ്ഞുവെന്ന് WHO വക്താവ് മാര്‍ഗരറ്റ് ഹാരിസ് പറഞ്ഞു. ഗസയിലേക്ക് ഭക്ഷണ സാമഗ്രഹികള്‍ എത്തിക്കാന്‍ ആവശ്യമായ സുരക്ഷയോ സാഹചര്യമോ ഇപ്പോള്‍ ലഭ്യമല്ലെന്നും അവര്‍ പറഞ്ഞു.

World412 days ago

റമദാന്‍ വ്രതം: ഭക്ഷണക്രമത്തില്‍ മാര്‍ഗനിര്‍ദേശങ്ങളുമായി WHO

റമദാന്‍ സമയത്ത് സമീകൃതാഹാരം കഴിക്കാന്‍ ശ്രമിക്കണമെന്ന് WHO പറയുന്നു. നോമ്പ് തുറക്കുന്നതിന് മുമ്പോ ശേഷമോ അധികം വറുത്തതോ എണ്ണമയമുള്ളതോ ആയ ഭക്ഷണം കഴിക്കുന്നത് ഒഴിവാക്കണമെന്നും WHO നിര്‍ദേശിച്ചു. ഭക്ഷണത്തില്‍ ഉപ്പ് ചേര്‍ക്കുന്നതില്‍ നിയന്ത്രണം ഉണ്ടാകണമെന്നും ഭക്ഷണത്തിന് പലതരം ഹെര്‍ബ്സ് ഉപയോഗിക്കണമെന്നും പറയുന്നു. നോമ്പ് കാലത്ത് വ്യായാമം ചെയ്യേണ്ടതിന്റെ പ്രാധാന്യത്തെ കുറിച്ചും WHO വ്യക്തമാക്കി.

World423 days ago