MG സര്‍വകലാശാല പ്രവേശന പരീക്ഷയ്ക്ക് മാര്‍ച്ച് 30 വരെ അപേക്ഷിക്കാം

MG സര്‍വകലാശാലയിലെ പഠനവകുപ്പുകളിലും ഇന്റര്‍ സ്‌കൂള്‍ സെന്ററുകളിലും നടത്തുന്ന വിവിധ ബിരുദാനന്തര ബിരുദ കോഴ്സുകളിലെ 2024 അധ്യയന വര്‍ഷത്തേക്കുളള പ്രവേശന പരീക്ഷ പരീക്ഷയ്ക്ക് (CAT) മാര്‍ച്ച് 30 വരെ ഓണ്‍ലൈനില്‍ രജിസ്റ്റര്‍ ചെയ്യാം. പ്രവേശന പരീക്ഷ മേയ് 17, 18 തീയതികളില്‍ തിരുവനന്തപുരം, കോട്ടയം, എറണാകുളം, കോഴിക്കോട്, കണ്ണൂര്‍ ജില്ലകളിലെ പരീക്ഷാ കേന്ദ്രങ്ങളില്‍ നടക്കും. കൂടുതല്‍ വിവരങ്ങള്‍ക്ക് www.cat.mgu.ac.in എന്ന വെബ്‌സൈറ്റ് സന്ദര്‍ശിക്കാം.

Education406 days ago

വയനാട് ദുരന്തം; വിദ്യാര്‍ത്ഥികള്‍ക്ക് സൗജന്യ പഠനസൗകര്യം ഏര്‍പ്പെടുത്തുമെന്ന് MG സര്‍വകലാശാല

പുതിയ സിന്‍ഡിക്കേറ്റിന്റെ ആദ്യ യോഗത്തിലാണ് സര്‍വകലാശാലയിലും അഫിലിയേറ്റഡ് കോളജുകളിലും പഠിക്കാന്‍ അവസരം ഏര്‍പ്പെടുത്താന്‍ തീരുമാനമായത്. സര്‍ട്ടിഫിക്കറ്റുകള്‍ നഷ്ടമായവര്‍ക്ക് സര്‍ട്ടിഫിക്കറ്റുകള്‍ സമയബന്ധിതമായി നല്‍കും. വയനാട് ദുരന്തത്തിന്റെ പുനരധിവാസ പ്രവര്‍ത്തനങ്ങളില്‍ സര്‍വകലാശാലയിലെ വിവിധ വകുപ്പുകളുടെ സഹകരണം ഉണ്ടാകുമെന്നും സിന്‍ഡിക്കേറ്റ് യോഗം വ്യക്തമാക്കി.

Education264 days ago

MG സർവകലാശാലയിൽ പഠിക്കാൻ അപേക്ഷിച്ച വിദേശ വിദ്യാർത്ഥികളുടെ എണ്ണത്തിൽ വലിയ വർധനവ്

MG സർവകലാശാല ക്യാമ്പസിലും അഫിലിയേറ്റഡ് കോളേജുകളിലും ഉന്നത പഠനത്തിനായി അപേക്ഷിച്ച വിദേശ വിദ്യാർത്ഥികളുടെ എണ്ണത്തിൽ കഴിഞ്ഞവർഷത്തെ അപേക്ഷിച്ച് 55 ശതമാനം വർധനവാണ് ഉണ്ടായിരിക്കുന്നത്. കഴിഞ്ഞവർഷം 571 അപേക്ഷകളായിരുന്നു ലഭിച്ചത്. എന്നാൽ ഇത്തവണ 885 വിദേശ വിദ്യാർത്ഥികൾ ആണ് അപേക്ഷിച്ചിട്ടുള്ളത്. PHD - 187, PG - 406, UG - 292 എന്നിങ്ങനെയാണ് അപേക്ഷകരുടെ എണ്ണം. ഉന്നത പഠനത്തിനായി അപേക്ഷിച്ചിട്ടുള്ള വിദേശ വിദ്യാർത്ഥികളിൽ കൂടുതലും ആഫ്രിക്കൻ രാജ്യങ്ങളിൽ നിന്നുള്ളവരാണ്.

Education310 days ago

ബിരുദ ഓണേഴ്‌സ് പ്രോഗ്രാമുകളുടെ പ്രവേശന നടപടികള്‍ക്ക് തുടക്കംകുറിച്ച് MG സര്‍വകലാശാല

മഹാത്മാ ഗാന്ധി സര്‍വകലാശാലയ്ക്കു കീഴിലുള്ള വിവിധ കോളജുകളില്‍ അടുത്ത അക്കാദമിക് വര്‍ഷം സംസ്ഥാനത്ത് ആദ്യമായി ആരംഭിക്കുന്ന ബിരുദ ഓണേഴ്‌സ് പ്രോഗ്രാമുകളില്‍ ഏകജാലക പ്രവേശനത്തിന് ഇപ്പോള്‍ ഓണ്‍ലൈന്‍ രജിസ്‌ട്രേഷന്‍ നടത്താം. ബിരുദ ഓണേഴ്‌സ് പ്രോഗ്രാമുകള്‍ക്ക് https://cap.mgu.ac.in/ എന്ന പോര്‍ട്ടലിലാണ് രജിസ്റ്റര്‍ ചെയ്യേണ്ടത്. ഏത് കോളേജുകളിലാണ് പ്രോഗ്രാമുകള്‍ ഓരോന്നും ഉള്ളതെന്ന് പോര്‍ട്ടലില്‍ അറിയാം.

Education354 days ago

MG സർവകലാശാലയില്‍ ഒരാഴ്ചത്തെ ഡ്രോൺ പറത്തൽ പരിശീലന കോഴ്സ്

സ്കൂൾ ഓഫ് എൻവയൺമെന്റൽ സയൻസസിലെ ഡോ. ആർ. സതീഷ് സെന്റര്‍ ഫോർ റിമോട്ട് സെൻസിങ്ങില്‍ നടക്കുന്ന പരിശീലന പരിപാടിക്ക് സാങ്കേതിക സഹകരണം നല്‍കുന്നത് ഏഷ്യാ സോഫ്റ്റ് ലാബ് ആണ്. ഡ്രോണുകൾ പറത്താനും അസംബ്ലിങ്, അറ്റകുറ്റപ്പണി എന്നിവയും ഡ്രോൺ ഉപയോഗിക്കുന്നതുമായി ബന്ധപ്പെട്ട നിയമങ്ങളും കോഴ്സിലൂടെ അറിയാവുന്നതാണ്. 18 നും 60 നും ഇടയിൽ പ്രായമുള്ള പത്താം ക്ലാസ് വിജയിച്ചവർക്ക് അപേക്ഷ സമര്‍പ്പിക്കാം. കൂടുതൽ വിവരങ്ങൾക്ക് https://ses.mgu.ac.in, https://asiasoftlab.in വെബ്സൈറ്റുകള്‍ സന്ദര്‍ശിക്കുക.

Education368 days ago

JEE അഡ്വാന്‍സ്ഡ്‌ പരീക്ഷ മേയ് 26ന്

IIT യിലെ 2024-25 ലെ UG പ്രോഗ്രാമുകളിലേക്ക് നടത്തുന്ന ജോയിന്റ് എൻട്രൻസ് എക്‌സാമിനേഷൻ (JEE) അഡ്വാൻസ്‌ഡ് മെയ് 26ന് നടത്തും. പരീക്ഷയ്ക്കുള്ള രജിസ്‌ട്രേഷൻ ഏപ്രിൽ 27ന് ആരംഭിക്കും. അപേക്ഷിക്കാൻ ആഗ്രഹിക്കുന്ന വിദ്യാർത്ഥികൾക്ക് JEE അഡ്വാൻസ്ഡിൻ്റെ ഔദ്യോഗിക വെബ്‌സൈറ്റായ jeeadv.ac.in-ൽ ലിങ്ക് ലഭിക്കും. മെയ് 7 ആണ് അപേക്ഷിക്കാനുള്ള അവസാന തീയതി. മെയ് 17 മുതൽ അഡ്മിറ്റ് കാർഡുകൾ ലഭ്യമാകും.

Education377 days ago

‘ക്രാക് ദ എന്‍ട്രന്‍സ്’ ഇന്ന് മുതല്‍ കൈറ്റ് വിക്‌ടേഴ്‌സില്‍ എന്‍ട്രന്‍സ് പരിശീലനം

ഇന്ന് രാത്രി ഏഴ് മണി മുതല്‍ ക്രാക് ദ എന്‍ട്രന്‍സ് പരിപാടി സംപ്രേഷണം ചെയ്യും. പരിശീലനത്തിന് entrance.kite.kerala.gov.in എന്ന ഓണ്‍ലൈന്‍ പ്ലാറ്റ്ഫോം കൂടി ഉണ്ട്. വീഡിയോ ക്ലാസുകളും ഇന്ററാക്ടീവ് പോര്‍ട്ടലും ഉള്‍പ്പെടുന്ന പരിപാടിയാണ് വിദ്യാര്‍ത്ഥികള്‍ക്കായി ഒരുക്കിയിരിക്കുന്നത്. രാത്രി ഏഴു മുതല്‍ 11 വരെ യഥാക്രമം കണക്ക്, ഭൗതികശാസ്ത്രം, രസതന്ത്രം, ജീവശാസ്ത്രം എന്നിവയുടെ ക്ലാസുകളാണ് സംപ്രേഷണം ചെയ്യുന്നത്. അടുത്ത ദിവസം രാവിലെ ഏഴു മുതല്‍ 11 വരെയും ഉച്ചക്ക് ഒന്നു മുതല്‍ അഞ്ചു വരെയും പുനസംപ്രേഷണവും ഉണ്ടാകും.

Education397 days ago

CMAT 2024: രജിസ്ട്രേഷൻ ആരംഭിച്ചു

നാഷണൽ ടെസ്റ്റിംഗ് ഏജൻസി (NTA) മാനേജ്മെന്റ് കോഴ്സുകളിലേക്കുള്ള ദേശീയതല പരീക്ഷയായ കോമൺ മാനേജ്മെൻ്റ് ആപ്റ്റിറ്റ്യൂഡ് ടെസ്റ്റ് (CMAT) 2024- ൻ്റെ രജിസ്ട്രേഷൻ ആരംഭിച്ചു. യോഗ്യരായ ഉദ്യോഗാർത്ഥികൾക്ക് exams.nta.ac.in/CMAT എന്ന ഔദ്യോഗിക വെബ്‌സൈറ്റ് സന്ദർശിച്ച് 2024 ഏപ്രിൽ 18 വരെ ഓൺലൈനായി അപേക്ഷ സമർപ്പിക്കാൻ സാധിക്കും. മെയ് മാസത്തിലാകും പരീക്ഷ.

Education398 days ago

CUET-UG 2024: അപേക്ഷാത്തീയതി വീണ്ടും നീട്ടി

കോമണ്‍ യൂണിവേഴ്സിറ്റി എന്‍ട്രന്‍സ് ടെസ്റ്റ് (CUET)- UG പരീക്ഷയ്ക്കുള്ള അപേക്ഷാത്തീയതി ഏപ്രില്‍ അഞ്ച് വരെ നീട്ടി. നേരത്തെ മാര്‍ച്ച് 31 ആയിരുന്നു അവസാന തീയതി. cuetug.ntaonline.in. എന്ന ഔദ്യോഗിക വെബ്സൈറ്റ് വഴി അപേക്ഷ സമര്‍പ്പിക്കാവുന്നതാണ്. മെയ് 15 മുതല്‍ മെയ് 30 വരെയാണ് പരീക്ഷ നടത്തുക.

Education399 days ago

MG സർവകലാശാല PhD പ്രവേശനത്തിനുള്ള വിജ്ഞാപനം റദ്ദാക്കി

UGC യുടെ മാനദണ്ഡങ്ങൾ പാലിച്ചു മാത്രമേ PhD പ്രവേശനം നടത്തുകയുള്ളൂവെന്നും പ്രവേശന നടപടികൾ സമയബന്ധിതമായി പൂർത്തിയാക്കുന്നതിനാണ് വിജ്ഞാപനം ഇറക്കിയതെന്നും രജിസ്ട്രേഷൻ നടപടികൾ ആരംഭിച്ചില്ല എന്നും MG സർവകലാശാല വൈസ് ചാൻസലർ പറഞ്ഞു. സർവകലാശാല വിജ്ഞാപനം പുറത്തിറക്കിയ ശേഷമാണ് UGC PhD പ്രവേശനത്തിനുള്ള മാനദണ്ഡങ്ങൾ പരിഷ്കരിച്ചുള്ള ഉത്തരവ് പുറപ്പെടുവിച്ചതെന്നും VC വ്യക്തമാക്കി.

Education399 days ago

എഞ്ചിനീയറിങ് പ്രവേശന പരീക്ഷ കീം ജൂണ്‍ ഒന്നുമുതല്‍

ജൂണ്‍ ഒന്ന് മുതല്‍ ഒമ്പത് വരെ കേരളം, ദുബായ്, മുംബൈ, ഡല്‍ഹി എന്നിവിടങ്ങളിലെ കേന്ദ്രങ്ങളിലാകും പരീക്ഷ നടത്തുക. ഈ വര്‍ഷം മുതലാണ് കേരളം ഓണ്‍ലൈന്‍ പ്രവേശന പരീക്ഷ നടത്തുന്നത്. അതിനാല്‍ കമ്പ്യൂട്ടര്‍ അധിഷ്ഠിത ടെസ്റ്റിനായി പ്രത്യേക കേന്ദ്രങ്ങള്‍ സജ്ജമാക്കും. സംസ്ഥാനത്തെ കോളേജുകളിലേക്കുളള എഞ്ചിനീയറിങ് പ്രവേശത്തിന് പുറമെ ഫാര്‍മസി കോഴ്സുകളിലേക്കുള്ള പ്രവേശനപരീക്ഷയും ഈ ദിവസങ്ങളില്‍ നടത്തുമെന്ന് പ്രവേശനപരീക്ഷാ കമ്മിഷണര്‍ കെ സുധീര്‍ അറിയിച്ചു.

Education408 days ago