ഓസ്‌ട്രേലിയയിൽ വിദ്യാർത്ഥി വീസയ്ക്കുള്ള മാനദണ്ഡങ്ങൾ കർശനമാക്കി

കുടിയേറ്റം വർധിക്കുന്ന സാഹചര്യത്തിൽ ഓസ്‌ട്രേലിയയിൽ വിദ്യാർത്ഥി വീസയ്ക്ക് ഏർപ്പെടുത്തിയിരുന്ന നിയന്ത്രണങ്ങൾ പ്രാബല്യത്തിലായി. പുതിയ നിയന്ത്രണങ്ങൾ പ്രകാരം വിദ്യാർത്ഥികൾക്കുള്ള ഭാഷാ പ്രാവീണ്യത്തിനുള്ള മാനദണ്ഡങ്ങൾ ഉയർത്തുകയും വിദ്യാർത്ഥി വീസ അപേക്ഷകരുടെ സാമ്പത്തിക ആവശ്യകതകൾ വർദ്ധിപ്പിക്കുകയും ചെയ്തു. കൂടാതെ വിദ്യാർത്ഥി വീസകൾക്കുള്ള താത്കാലിക പ്രവേശന ടെസ്റ്റിന് പകരം ജനുവിൻ സ്റ്റുഡന്റ് ടെസ്റ്റ് എന്ന പുതിയ ടെസ്റ്റ് കൊണ്ടുവരികയും ചെയ്തു.

World400 days ago

കുട്ടികൾ സോഷ്യൽ മീഡിയ ഉപയോഗിക്കുന്നതിന് പ്രായപരിധി ഏർപ്പെടുത്താനൊരുങ്ങി ഓസ്‌ട്രേലിയ

കുട്ടികള്‍ സോഷ്യല്‍ മീഡിയ ഉപയോഗിക്കുന്നതിന് കുറഞ്ഞ പ്രായപരിധി ഏര്‍പ്പെടുത്തുന്നതിനായി ഈ വർഷം നിയമനിർമാണം നടത്തുമെന്ന് ഓസ്‌ട്രേലിയൻ ഗവൺമെന്റ്. എന്നാൽ പ്രായം എങ്ങനെ പരിശോധിക്കുമെന്ന് ഇതുവരെ പ്രഖ്യാപിച്ചിട്ടില്ല. കുട്ടികളുടെ പ്രായം സ്ഥിരീകരിക്കുന്നതിനായി സർക്കാർ കൊണ്ടുവന്ന സാങ്കേതിക വിദ്യ ഉടന്‍ പരീക്ഷിക്കുമെന്ന് പ്രധാനമന്ത്രി ആന്റണി അല്‍ബാനീസ് പറഞ്ഞു. 14,15,16 എന്നീ വയസുകളിലേതെങ്കിലുമായിരിക്കും പ്രായപരിധിയായി നിശ്ചയിക്കുക. സോഷ്യല്‍ മീഡിയ വഴി കുട്ടികളെ ഉപദ്രവിക്കുകയും ഭീഷണിപ്പെടുത്തുകയും ചെയ്യുന്നത് പൂര്‍ണമായും ഇല്ലാതാക്കുന്നതിന് വേണ്ടിയാണ് ഇത്തരത്തിലൊരു നിയമ നിര്‍മാണനത്തിന് തയ്യാറെടുക്കുന്നത്.

World234 days ago

ട്വന്റി 20: ഓസ്‌ട്രേലിയയെ തകര്‍ത്ത് ഇന്ത്യ സെമയില്‍

ഇന്ത്യ ഉയര്‍ത്തിയ 205 റണ്‍സിന്റെ കൂറ്റന്‍ വിജയലക്ഷ്യം മറികടക്കാന്‍ ഓസ്‌ട്രേലിയക്ക് സാധിച്ചില്ല. 43 പന്തില്‍ 76 റണ്‍സെടുത്ത ഹെഡ്ഡും 28 പന്തില്‍ 37 റണ്‍സെടുത്ത മിച്ചല്‍ മാര്‍ഷും ഓസ്‌ട്രേലിയക്കായി പൊരുതിയെങ്കിലും 181 റണ്‍സെടുക്കാനെ സാധിച്ചുള്ളു. ക്യാപ്റ്റന്‍ രോഹിത് ശര്‍മയും പേസര്‍ അര്‍ഷദീപ് സിങ്ങും മിന്നും പ്രകടനമാണ് കാഴ്ച വെച്ചത്. ആദ്യ സെമിയില്‍ ഇന്ത്യ നിലവിലെ ചാമ്പ്യന്മാരായ ഇംഗ്ലണ്ടിനെ നേരിടും.

Sports311 days ago

ടി20 ലോകകപ്പ്: ഇന്ത്യ-ഓസ്‌ട്രേലിയ സൂപ്പര്‍ പോരാട്ടം ഇന്ന്

ടി20 ലോകകപ്പ് സൂപ്പര്‍ എട്ടില്‍ സെമി ലക്ഷ്യമിട്ടാണ് ഇന്ത്യയും ഓസ്‌ട്രേലിയയും ഇന്ന് പോരാട്ടത്തിനിറങ്ങുന്നത്. ജയിച്ചാല്‍ ഗ്രൂപ്പ് ചാംപ്യന്‍മാരായി ഇന്ത്യയ്ക്ക് സെമിയിലെത്താം. അതേസമയം അഫ്ഗാനിസ്ഥാനെതിരായ അപ്രതീക്ഷിത തോല്‍വിയുടെ ആഘാതത്തിലാണ് ഓസ്‌ട്രേലിയ കളിക്കാനിറങ്ങുന്നത്. ഇന്ത്യന്‍ സമയം രാത്രി എട്ടിന് സെന്റ് ലൂസിയയിലെ ഡാരന്‍ സമി നാഷണല്‍ ക്രിക്കറ്റ് സ്റ്റേഡിയത്തിലാണ് മത്സരം.

Sports312 days ago

GCC രാജ്യങ്ങളിലേക്കുള്ള ഏകീകൃത ടൂറിസ്റ്റ് വിസ ഈ വര്‍ഷം അവസാനത്തോടെ യാഥാര്‍ത്ഥ്യമാകും

ദുബായിലെ അറേബ്യന്‍ ട്രാവല്‍ മാര്‍ക്കറ്റില്‍ വെച്ചാണ് അധികൃതര്‍ ഇക്കാര്യം വ്യക്തമാക്കിയത്. 10,000-12,000 രൂപയ്ക്ക് ഏകീകൃത വിസ കിട്ടുമെന്നാണ് റിപ്പോര്‍ട്ടുകള്‍. ലോകമെമ്പാടുമുള്ള വിനോദസഞ്ചാരികളെ ഗള്‍ഫ് രാജ്യങ്ങളിലേക്ക് ആകര്‍ഷിക്കുകയാണ് പുതിയ വിസാ സംവിധാനത്തിന്റെ ലക്ഷ്യം. Read More

Travel356 days ago

വിസാ നിയമങ്ങള്‍ കൂടുതല്‍ കര്‍ശനമാക്കി ഓസ്‌ട്രേലിയ; വിദ്യാര്‍ത്ഥികള്‍ക്ക് അക്കൗണ്ടില്‍ വേണ്ടത് 16.29 ലക്ഷം

2024 മെയ് 10 മുതല്‍ ഈ തുക കാണിക്കേണ്ടി വരും. ഓസ്ട്രേലിയയിലേക്ക് ഉപരിപഠനത്തിനായി പോകാനാഗ്രഹിക്കുന്ന ഇന്ത്യയടക്കമുള്ള രാജ്യങ്ങളില്‍നിന്നുള്ളവര്‍ക്ക് ഇത് വലിയ തിരിച്ചടിയാവും. ഓസ്ട്രേലിയയിലെത്തിയതിനു ശേഷം ചെലവുകള്‍ വഹിക്കാനാകുമെന്ന് ഉറപ്പാക്കാനാണ് ഈ തീരുമാനമെന്നാണ് ഔദ്യോഗിക വിശദീകരണം. ഓസ്ട്രേലിയ ഏഴു മാസത്തിനിടയില്‍ രണ്ടാം തവണയാണ് വിദ്യാര്‍ത്ഥികള്‍ അക്കൗണ്ടില്‍ കാണിക്കേണ്ട തുക വര്‍ധിപ്പിക്കുന്നത്.

World358 days ago

ടെസ്റ്റ് റാങ്കിങ്ങില്‍ ഒന്നാമതെത്തി ഓസ്‌ട്രേലിയ; ഇന്ത്യ രണ്ടാമത്

124 പോയിന്റുമായാണ് ഓസ്‌ട്രേലിയ ടെസ്റ്റ് റാങ്കിങ്ങില്‍ ഒന്നാമതെത്തിയത്. അന്താരാഷ്ട്ര ക്രിക്കറ്റ് കൗണ്‍സില്‍ (ICC) പുറത്തിറക്കിയ പുതിയ വാര്‍ഷിക റാങ്കിങ്ങിലാണ് ഇക്കാര്യം വ്യക്തമാക്കിയിരിക്കുന്നത്. 120 പോയിന്റുമായാണ് ഇന്ത്യ രണ്ടാം സ്ഥാനത്തുള്ളത്. ടെസ്റ്റ്, ഏകദിന, ട്വന്റി-20 എന്നിങ്ങനെ മൂന്ന് ഫോര്‍മാറ്റുകളിലും ഇന്ത്യയായിരുന്നു ഇതുവരെ ഒന്നാം സ്ഥാനത്തുണ്ടായിരുന്നത്.

Sports364 days ago

പവിഴപ്പുറ്റുകള്‍ക്ക് ഭീഷണിയായ നക്ഷത്രമത്സ്യങ്ങളെ കൊന്നൊടുക്കി ഓസ്‌ട്രേലിയ

'ക്രൗണ്‍ ഓഫ് തോണ്‍സ്' എന്ന നക്ഷത്ര മത്സ്യമാണ് വന്‍ തോതില്‍ പവിഴപ്പുറ്റുകളെ തിന്നുനശിപ്പിക്കുന്നത്. വലിപ്പമേറിയ സ്റ്റാര്‍ഫിഷായ ഇതിന് 80 സെന്റീമീറ്റര്‍ വ്യാസം വരുമെങ്കിലും ഇവയെ പവിഴപ്പുറ്റുകള്‍ക്കിടയില്‍ കണ്ടെത്താന്‍ ബുന്ധിമുട്ടാണ്. ആഗോളതാപനം മാത്രമല്ല ഈ നക്ഷത്ര മത്സ്യങ്ങളും പവിഴപ്പുറ്റുകള്‍ക്ക് ഭീഷണിയാണെന്ന് കണ്ടെത്തിയതിനെ തുടര്‍ന്നാണ് ഇവയെ കൊന്നൊടുക്കി ഗ്രേറ്റ് ബാരിയര്‍ റീഫിന് സംരക്ഷണമൊരുക്കാന്‍ ഓസ്‌ട്രേലിയ തീരുമാനിച്ചത്.

Environment371 days ago

ഷെങ്കന്‍ വിസയില്‍ ഇന്ത്യക്കാര്‍ക്ക് അനുകൂലമായ മാറ്റങ്ങള്‍ വരുത്തി യൂറോപ്യന്‍ യൂണിയന്‍

യൂറോപ്യന്‍ യൂണിയന്‍ പുതുതായി കൊണ്ടുവന്ന 'കാസ്‌കേഡ്' സംവിധാനത്തില്‍ ഇന്ത്യന്‍ പൗരന്‍മാര്‍ക്ക് ആദ്യം രണ്ട് വര്‍ഷത്തെ കാലാവധിയുള്ള മള്‍ട്ടിപ്പിള്‍ എന്‍ട്രി ഷെങ്കന്‍ വിസകള്‍ നല്‍കുന്നതാണ്. കഴിഞ്ഞ മൂന്ന് വര്‍ഷത്തിനിടെ രണ്ട് സാധാരണ ഷെങ്കന്‍ വിസകളില്‍ യാത്ര ചെയ്തവര്‍ക്കാണ് വിസ നല്‍കുന്നത്. ഈ വിസയുടെ കാലാവധി പൂര്‍ത്തിയായ ശേഷം അഞ്ച് വര്‍ഷത്തെ വിസയാണ് തുടര്‍ന്ന് നല്‍കുക. യൂറോപ്യന്‍ രാജ്യങ്ങളിലെ വിസ രഹിത പ്രവേശനമുള്ള എല്ലാ രാജ്യങ്ങളിലും ഈ വിസ കൊണ്ട് യാത്ര ചെയ്യാവുന്നതാണ്.Read More

World374 days ago

ഡിജിറ്റല്‍ നൊമാഡ് വിസകളുമായി തുര്‍ക്കിയും

വര്‍ക്കേഷനായി ടൂറിസം കേന്ദ്രങ്ങളിലേക്ക് പോകുന്ന സഞ്ചാരികളാണ് നൊമാഡ് വിസകള്‍ തിരഞ്ഞെടുക്കാറ്. മനോഹരമായ ഭൂപ്രകൃതിയും സുഖമുള്ള കാലാവസ്ഥയും ഇസ്താംബുള്‍ നഗരവും ഹാഗിയ സോഫിയയും ബ്ലൂ മോസ്‌കും കപ്പഡോഷ്യയിലെ ഹോട്ട് എയര്‍ബലൂണുകളും ഒക്കെയാണ് സഞ്ചാരികളെ തുര്‍ക്കിയിലേക്ക് ആകര്‍ഷിക്കുന്നത്. 21 വയസ്സിനും 55 വയസ്സിനും ഇടയില്‍ പ്രായമുള്ള യൂറോപ്യന്‍ രാജ്യങ്ങള്‍, അമേരിക്ക, UK, ക്യാനഡ എന്നീ രാജ്യങ്ങളില്‍ നിന്നുള്ളവര്‍ക്കാണ് നൊമാഡ് വിസ ലഭിക്കാന്‍ മുന്‍ഗണനയുള്ളത്.

Travel376 days ago

പൗരന്മാരോട് ഇസ്രായേലില്‍ നിന്ന് തിരികെ വരാന്‍ ആവശ്യപ്പെട്ട് ഓസ്‌ട്രേലിയ

ഇറാന്‍-ഇസ്രായേല്‍ സംഘര്‍ഷം ശക്തമായതോടെയാണ് സുരക്ഷിതത്വം കണക്കിലെടുത്ത് ഇസ്രായേലില്‍ നിന്നും അധിനിവേശ പാലസ്തീനില്‍ നിന്നും പൗരന്മാരോട് തിരികെ വരാന്‍ ഓസ്‌ട്രേലിയ ആവശ്യപ്പെട്ടത്. ഇസ്രായേലിലെ വിമാനത്താവളം എപ്പോള്‍ വേണമെങ്കിലും അടച്ചിടാന്‍ സാധ്യതയുണ്ടെന്നും ഓസ്‌ട്രേലിയ വ്യക്തമാക്കി. ഭീകരവാദ ഭീഷണി, സായുധ സംഘര്‍ഷം, ആഭ്യന്തര പ്രശ്‌നങ്ങള്‍ എന്നിവ കാരണം ഇസ്രായേലിലെ സുരക്ഷാ സാഹചര്യം വഷളായിരിക്കുകയാണെന്നും ഓസ്‌ട്രേലിയ അറിയിച്ചു.

World378 days ago