അദാനിയും അംബാനിയും കൈകോര്‍ക്കുന്നു; വൈദ്യുതി പ്ലാന്റില്‍ റിലയന്‍സിന് 26 ശതമാനം ഓഹരി

അദാനി ഗ്രൂപ്പിന്റെ ഉടമസ്ഥതയിലുള്ള മധ്യപ്രദേശിലെ വൈദ്യുതി പ്ലാന്റുമായി ബന്ധപ്പെട്ട പദ്ധതിയ്ക്കാണ് ഇരുവരും കരാറിലേര്‍പ്പെട്ടത്. കരാര്‍ പ്രകാരം അദാനി പവര്‍ ലിമിറ്റഡിന്റെ ഉടമസ്ഥതയിലുള്ള അനുബന്ധ കമ്പനിയായ മഹാന്‍ എനെര്‍ജന്‍ ലിമിറ്റഡിന്റെ ആറ് ശതമാനം ഓഹരികള്‍ റിലയന്‍സ് ഏറ്റെടുക്കാനാണ് ധാരണയായത്. പ്ലാന്റില്‍ ഉല്‍പാദിപ്പിക്കുന്ന വൈദ്യുതിയില്‍ 500 മെഗാവാട്ട് റിലയന്‍സിന് നല്‍കണം. അത് ആര്‍ക്ക് വില്‍ക്കണമെന്നതില്‍ പൂര്‍ണ അധികാരം റിലയന്‍സ് ഗ്രൂപ്പിനായിരിക്കുമെന്നും കരാറില്‍ പറയുന്നു.

Business401 days ago

ഓഹരി വിപണിയില്‍ 8 മുന്‍നിര കമ്പനികളുടെ വിപണി മൂല്യത്തില്‍ ഇടിവ്

ഓഹരി വിപണിയിലെ എട്ട് മുന്‍നിര കമ്പനികളുടെ വിപണി മൂല്യത്തില്‍ 2,01,699.77 കോടി രൂപയുടെ ഇടിവാണ് നേരിട്ടത്. റിലയന്‍സ് ഇന്‍ഡസ്ട്രീസ്, TCS എന്നിവയാണ് പ്രധാനമായി നഷ്ടം നേരിട്ടത്. റിലയന്‍സിന് മാത്രം 60,000 കോടിയുടെ നഷ്ടമാണ് നേരിട്ടത്. TCSന്റെ മൂല്യത്തില്‍ 34,136 കോടിയുടെ നഷ്ടം നേരിട്ടു. BSE സെന്‍സെക്‌സ് 1,181 പോയിന്റ് ആണ് ഇടിഞ്ഞത്.

Business238 days ago

ഇന്ത്യയിലെ ഏറ്റവും വലിയ സമ്പന്നനായി അദാനി

ഇന്ത്യയിലെ ഏറ്റവും വലിയ സമ്പന്നന്‍ എന്ന നേട്ടം സ്വന്തമാക്കി അദാനി ഗ്രൂപ്പ് ചെയര്‍മാന്‍ ഗൗതം അദാനി. ഹുറൂണ്‍ ഇന്ത്യ സമ്പന്ന പട്ടികയില്‍ 11.6 ലക്ഷം കോടി രൂപ ആസ്തിയുമായാണ് ഗൗതം അദാനിയും കുടുംബവും ഒന്നാം സ്ഥാനത്തെത്തിയത്. 10.14 ലക്ഷം കോടി രൂപ ആസ്തിയുമായി റിലയന്‍സ് ഇന്‍ഡസ്ട്രീസ് ചെയര്‍മാന്‍ മുകേഷ് അംബാനിയും കുടുംബവുമാണ് രണ്ടാമതുളളത്. 2024 ജൂലൈ 31 വരെയുള്ള കണക്കുകള്‍ പ്രകാരമാണ് ഹുറൂണ്‍ പട്ടിക തയാറാക്കിയത്. ഒരു വര്‍ഷത്തിനിടെ അദാനി കുടുംബത്തിന്റെ ആസ്തിയില്‍ 95% വളര്‍ച്ചയുണ്ടായതായാണ് റിപ്പോര്‍ട്ട്.

Business248 days ago

റിലയന്‍സ് ഇന്‍സ്ട്രീസ് ലിമിറ്റഡ്-ഡിസ്‌നി ഇന്ത്യ ലയനത്തിന് അംഗീകാരം.

റിലയന്‍സ്-ഡിസ്‌നി ലയനത്തിന് കോംപറ്റീഷന്‍ കമീഷന്റെ അംഗീകാരമാണ് ലഭിച്ചിരിക്കുന്നത്. 70,350 കോടിയുടെ ഇടപാടിനാണ് കമീഷന്‍ അംഗീകാരം നല്‍കിയത്. ചില ഭേദഗതികളോടെയാണ് ലയനത്തിന് അംഗീകാരം നല്‍കിയതെന്നും കമീഷന്‍ അറിയിച്ചു. കരാര്‍ പ്രകാരം വിയാകോം 18 മീഡിയ ഓപ്പറേഷന്‍സ് സ്റ്റാര്‍ ഇന്ത്യ പ്രൈവറ്റ് ലിമിറ്റഡില്‍ ലയിക്കും.

Business248 days ago

ഹിന്‍ഡന്‍ബര്‍ഗിന്റെ ആരോപണങ്ങള്‍ നിഷേധിച്ച് അദാനി ഗ്രൂപ്പ്

ഹിന്‍ഡന്‍ബര്‍ഗ് റിസര്‍ച്ചിന്റെ ആരോപണങ്ങള്‍ ദുരുദ്ദേശപരവും നികൃഷ്ടവും കെട്ടിച്ചമച്ചതുമാണെന്ന് അദാനി ഗ്രൂപ്പ് പറഞ്ഞു തളിയിക്കാനാകാത്ത ആരോപണങ്ങളാണ് ഹിന്‍ഡന്‍ബര്‍ഗ് വീണ്ടും ഉന്നയിക്കുന്നതെന്നും മാധബി ബുച്ചുമായി ബിസിനസ് ബന്ധമില്ലെന്നും അദാനി ഗ്രൂപ്പ് വ്യക്തമാക്കി. അപകീര്‍ത്തിപ്പെടുത്താനുള്ള ബോധപൂര്‍വമായ ശ്രമമാണ് ഹിന്‍ഡന്‍ബര്‍ഗിന്റെ റിപ്പോര്‍ട്ടെന്ന് അദാനി ഗ്രൂപ്പ് പുറത്തിറക്കിയ പ്രസ്താവനയില്‍ പറയുന്നു.

National266 days ago

തകര്‍ന്നടിഞ്ഞ് അദാനി ഗ്രൂപ്പ് ഓഹരികള്‍

വോട്ടെണ്ണല്‍ അവസാനഘട്ടത്തിലെത്തുമ്പോഴേക്കും 19 ശതമാനം ഇടിവാണ് അദാനി ഓഹരികളിലുണ്ടായത്. ആദ്യ മണിക്കൂറില്‍ തന്നെ നിക്ഷേപകരുടെ നഷ്ടം 2.48 ലക്ഷം കോടി കവിഞ്ഞു. ഇതോടെ അദാനി ഗ്രൂപ്പ് കമ്പനികളുടെ ആകെ വിപണി മൂല്യം 16.94 ലക്ഷം കോടിയായി. അദാനി എന്റര്‍പ്രൈസസ് ഓഹരികള്‍ 10 ശതമാനം ഇടിഞ്ഞു. ഇതോടെ കമ്പനിയുടെ ആകെ വിപണി മൂല്യം 3.74 ലക്ഷം കോടിയായി കുറഞ്ഞു.

Business334 days ago

റിലയൻസ് ഇൻഡസ്ട്രീസിന്റെ അറ്റാദായം രണ്ട് ശതമാനം ഇടിഞ്ഞു

ജനുവരി മുതൽ മാർച്ച് വരെയുള്ള കാലയളവിൽ ഇന്ത്യയിലെ ഏറ്റവും വലിയ ബിസിനസ് ഗ്രൂപ്പായ റിലയൻസ് ഇൻഡസ്ട്രീസിന്റെ അറ്റാദായം രണ്ട് ശതമാനം കുറഞ്ഞ് 18,951 കോടി രൂപയിലെത്തി. മുൻവർഷം ഇതേകാലയളവിൽ 19,299 കോടി രൂപയുടെ അറ്റാദായമാണ് റിലയൻസിന് ഉണ്ടായിരുന്നത്. 2023-24 സാമ്പത്തിക വർഷത്തിൽ റിലയൻസ് ഇൻഡസ്ട്രീസിന്റെ മൊത്തം വരുമാനം ചരിത്രത്തിലാദ്യമായി പത്ത് ലക്ഷം കോടി രൂപ കവിഞ്ഞിരുന്നു. പെട്രോളിയം ഉല്‍പ്പന്നങ്ങളുടെ വില്‍പ്പനയിൽ ഉണ്ടായ കുതിപ്പാണ് കമ്പനിയുടെ വളര്‍ച്ചയ്ക്ക് സഹായകരമായത്.

Business375 days ago

311 കോടി രൂപ അറ്റാദായം നേടി ജിയോ ഫിനാൻസ്

ജനുവരി മുതൽ മാർച്ച് വരെയുള്ള മൂന്ന് മാസത്തിൽ പ്രമുഖ ധനകാര്യ കമ്പനിയായ ജിയോ ഫിനാൻഷ്യൽ സർവീസസിന്റെ അറ്റാദായത്തില്‍ ആറ് ശതമാനത്തിന്‍റെ വളര്‍ച്ചയാണ് രേഖപ്പെടുത്തിയത്. മുൻ പാദത്തില്‍ 294 കോടി രൂപയായിരുന്നു കമ്പനിയുടെ അറ്റാദായം. മുൻ പാദത്തിലെ 414 കോടി രൂപയിൽ നിന്ന് 418 കോടി രൂപയായി പ്രവർത്തന വരുമാനവും വര്‍ധിച്ചിട്ടുണ്ട്. അതേസമയം മൂന്നാം പാദത്തിലെ 99 കോടിയില്‍ നിന്ന് മാർച്ച് പാദത്തിലെ മൊത്തം ചെലവ് 103 കോടി രൂപയായി നേരിയ തോതിൽ ഉയര്‍ന്നിട്ടുണ്ട്.

Business377 days ago

വിഴിഞ്ഞം അപകടം: മരിച്ച യുവാവിന്റെ കുടുംബത്തിന് ഒരു കോടി രൂപ ധനസഹായവുമായി അദാനി ഗ്രൂപ്പ്

വിഴിഞ്ഞം തുറമുഖത്തേക്ക് കരിങ്കല്ലുമായി പോയ ടിപ്പറിൽ നിന്ന് കല്ല് തെറിച്ച് വീണ് അനന്തു എന്ന യുവാവ് മരിച്ച സംഭവത്തിൽ അദാനി ഗ്രൂപ്പ് ഒരു കോടി രൂപ നഷ്ടപരിഹാരം നൽകും. അനന്തുവിന്റെ കുടുംബത്തെ നേരിൽ കണ്ടാണ് അധികൃതർ സഹായവാഗ്ദാനം അറിയിച്ചത്. മറ്റൊരു ടിപ്പർ അപകടത്തിൽപ്പെട്ട് കാലുകൾ നഷ്‌ടപ്പെട്ട സന്ധ്യാ റാണിക്കും ധനസഹായം നൽകും. നെയ്യാറ്റിൻകര നിംസ് മെഡിസിറ്റിയിലെ നാലാം വർഷ BDS വിദ്യാർത്ഥിയായിരുന്നു അനന്തു.

Kerala406 days ago

ആനന്ദ് അംബാനിയുടെ വിവാഹം; ജാംനഗര്‍ വിമാനത്താവളത്തിന് 10 ദിവസത്തേക്ക് അന്താരാഷ്ട്ര പദവി

റിലയന്‍സ് മേധാവി മുകേഷ് അംബാനിയുടെ മകന്‍ ആനന്ദ് അംബാനിയുടെയും രാധിക മര്‍ച്ചെന്റിന്റെയും പ്രീ വെഡ്ഡിങ് ആഘോഷങ്ങള്‍ നടക്കുന്ന ഗുജറാത്തിലെ ജാംനഗറിലെ വിമാനത്താവളത്തിനാണ് 10 ദിവസത്തേക്ക് അന്താരാഷ്ട്ര പദവി നല്‍കിയിരിക്കുന്നത്. പരിപാടിയ്ക്കായി നിരവധി അന്താരാഷ്ട്ര വ്യക്തിത്വങ്ങളും ബിസിനസ് പ്രമുഖരും സിനിമാ താരങ്ങളും എത്തുന്നതിനാലാണ് തീരുമാനം.Read More

National428 days ago

റിലയന്‍സും ഡിസ്‌നിയും ലയിച്ചു; നിത അംബാനി ചെയര്‍പേഴ്‌സണ്‍ സ്ഥാനത്തേക്ക്

തങ്ങളുടെ മീഡിയ ബിസിനസുകള്‍ ഇന്ത്യയില്‍ ലയിപ്പിക്കുന്നതിനുള്ള കരാറിലാണ് റിലയന്‍സ് ഇന്‍ഡസ്ട്രീസ് ലിമിറ്റഡും വാള്‍ട്ട് ഡിസ്‌നിയും ഔദ്യോഗികമായി ഒപ്പുവെച്ചത്. പുതിയ സ്ഥാപനത്തിന്റെ ചെയര്‍പേഴ്‌സണ്‍ നിത അംബാനിയും വൈസ് ചെയര്‍പേഴ്‌സണ്‍ ഉദയ് ശങ്കറും ആയിരിക്കുമെന്ന് കമ്പനികള്‍ പുറത്തിറക്കിയ സംയുക്ത പ്രസ്താവനയില്‍ വ്യക്തമാക്കി. കരാറിന്റെ അടിസ്ഥാനത്തില്‍ റിലയന്‍സിന്റെ ഉടമസ്ഥതയിലുള്ള വിയാകോം18 സ്റ്റാര്‍ ഇന്ത്യ പ്രൈവറ്റ് ലിമിറ്റഡില്‍ ലയിക്കും.

Business430 days ago