ടൂറിസ്റ്റുകള്‍ക്ക് ബോട്ടു സവാരിക്കായി വര്‍ഷം മുഴുവന്‍ അവസരമൊരുക്കി വനം വകുപ്പ്

വെള്ളാപ്പാറ ബോട്ടു ജെട്ടിയില്‍ നിന്ന് തുടങ്ങുന്ന യാത്രയില്‍ ഇടുക്കി-ചെറുതോണി അണക്കെട്ടുകളെയും വൈശാലി ഗുഹകളെയും കാണാവുന്നതാണ്. രാവിലെ 9 ന് ആരംഭിക്കുന്ന സവാരി വൈകീട്ട് 5 ന് അവസാനിക്കും. ഇടുക്കി തട്ടേക്കാട് ഫോറസ്റ്റ് ഡെവലപ്‌മെന്റ് ഏജന്‍സി നടത്തുന്ന യാത്രാ പരിപാടിയില്‍ നിന്നുളള വരുമാനം ഗോത്ര ജനതയുടെ ക്ഷേമത്തിനാണ് ഉപയോഗിക്കുക. ബുക്കിംഗിനായി 8547603187, 9188796957 നമ്പരുകളില്‍ ബന്ധപ്പെടാവുന്നതാണ്. മുതിര്‍ന്നവര്‍ക്ക് 145 രൂപ, 12 വയസ്സിന് താഴെയുള്ള കുട്ടികള്‍ക്ക് 85 രൂപ എന്നിങ്ങനെയാണ് നിരക്ക്.

Travel390 days ago

ആദിവാസി മേഖലകളിൽ ടൂറിസം പദ്ധതികൾക്കായി 7.21 കോടി അനുവദിച്ചു

ആദിവാസി മേഖലകളിലെ നാല് ടൂറിസം പദ്ധതികൾക്കായാണ് തുക അനുവദിച്ചിരിക്കുന്നത്. ഇടുക്കിയിലെയും, വയനാട്ടിലെയും വംശീയ ടൂറിസം ഗ്രാമങ്ങൾക്ക് 1.84 കോടി രൂപ വീതവും, വയനാട് പ്രിയദർശിനി ടീ എൻവയോൺസിൽ ടൂറിസം പാർക്കിന് 59 ലക്ഷവും, കണ്ണൂർ ആറളം ഫാം ടൂറിസത്തിൽ അഗ്രി ടൂറിസം പാക്കേജിന് 2.94 കോടി രൂപയുമാണ് അനുവദിച്ചത്. വിനോദ സഞ്ചാരികൾക്ക് ഗോത്ര സംസ്കാരം, പ്രകൃതി ദൃശ്യങ്ങൾ, ഗോത്രവർഗ ജീവിത രീതികൾ എന്നിവയുടെ അനുഭവം നൽകാനും തദ്ദേശവാസികൾക്ക് സാമ്പത്തിക അവസരങ്ങൾ സൃഷ്ടിക്കാനുമാണ് പദ്ധതിയിലൂടെ ലക്ഷ്യമിടുന്നത്.

Kerala224 days ago

ഹോട്ടലുകളില്‍ ഡ്രൈവര്‍മാര്‍ക്ക് അടിസ്ഥാന സൗകര്യങ്ങള്‍ ഉറപ്പാക്കണം: ടൂറിസം വകുപ്പ്

സംസ്ഥാനത്തെ ഹോട്ടലുകള്‍, റിസോര്‍ട്ടുകള്‍, ഹോംസ്റ്റേകള്‍ എന്നിവിടങ്ങളില്‍ വിനോദ സഞ്ചാരികളുമായി എത്തുന്ന ഡ്രൈവര്‍മാര്‍ക്ക് ആവശ്യമായ താമസ, വിശ്രമ, ശുചിമുറി സൗകര്യങ്ങള്‍ ഒരുക്കുന്നതിനുളള നടപടികള്‍ കര്‍ശനമായി പാലിക്കണമെന്ന് ടൂറിസം വകുപ്പിന്റെ ഉത്തരവ്. നിബന്ധന പാലിക്കുന്ന താമസ സ്ഥലങ്ങളെ ആയിരിക്കും ടൂറിസം വകുപ്പിന്റെ ക്ലാസിഫിക്കേഷനില്‍ ഉള്‍പ്പെടുത്തുക. ടൂറിസം ഡയറക്ടര്‍ ഇത് സംബന്ധിച്ച നടപടിക്രമങ്ങള്‍ പരിശോധിക്കും.

Kerala243 days ago

ഗവിയിലേക്കുളള KSRTC ബജറ്റ് ടൂറിസം പാക്കേജിന്റെ നിരക്കില്‍ 500 രൂപയുടെ വര്‍ധനവ്

കൊച്ചുപമ്പയിൽ 2 കിലോമീറ്റർ ട്രെക്കിംഗ് ഉൾപ്പെടുത്തിയതിനാലാണ് നിരക്ക് വര്‍ധനയെന്ന് കേരള സ്റ്റേറ്റ് ഫോറസ്റ്റ് ഡവലപ്മെന്റ് കോർപ്പറേഷൻ അറിയിച്ചു. പത്തനംതിട്ടയിൽ നിന്ന് ആരംഭിക്കുന്ന പാക്കേജിന് യാത്രാ ചെലവ്, പ്രവേശന ഫീസ്, ബോട്ടിംഗ്, ഊണ് അടക്കം 1300 രൂപ ആയിരുന്നു നേരത്തേ വാങ്ങിയിരുന്നത്. മേയ് 1 മുതല്‍ മേയ് 31 വരെ സംസ്ഥാനത്തെ വിവിധ KSRTC യൂണിറ്റുകളില്‍ നിന്നും ഗവിയിലേക്ക് ടൂറിസം യാത്ര ഒരുക്കിയിട്ടുണ്ട്.Read More

Travel369 days ago

KSRTCയുടെ വിനോദയാത്രകള്‍ നേടുന്നത് കോടികളുടെ വരുമാനം

2021 നവംബറില്‍ ആരംഭിച്ച KSRTCയുടെ ബജറ്റ് ടൂറിസം സെല്‍ കഴിഞ്ഞ ഒക്ടോബര്‍ വരെയുള്ള കാലയളവില്‍ നേടിയ വരുമാനം 29 കോടി രൂപയാണ്. വരുമാനത്തിന്റെ കാര്യത്തില്‍ ഒന്നാംസ്ഥാനത്ത് കണ്ണൂര്‍ യൂണിറ്റാണ്. 2.53 കോടി രൂപയാണ് കണ്ണൂര്‍ മാത്രം നേടിയ വരുമാനം. KSRTCയുടെ ബജറ്റ് ടൂറിസം സെല്‍ പ്രവര്‍ത്തിക്കുന്നത് അമ്പതോളം യൂണിറ്റുകളിലാണ്. വരുമാനം ഉയരുന്നതു കണക്കിലെടുത്ത് പദ്ധതി വിപുലമാക്കാന്‍ KSRTC ആലോചിക്കുന്നുണ്ട്.

Kerala407 days ago

വാഗമണ്‍ അന്താരാഷ്ട്ര പാരാഗ്ലൈഡിംഗ് ഫെസ്റ്റിവലിന് സമാപനം

കേരള അഡ്വഞ്ചര്‍ ടൂറിസം പ്രമോഷന്‍ സൊസൈറ്റി ഒരുക്കിയ ഫെസ്റ്റിവലില്‍ നടത്തിയ മത്സരങ്ങളില്‍ പങ്കെടുക്കാന്‍ വിവിധ രാജ്യങ്ങളില്‍ നിന്നടക്കമുള്ള പൈലറ്റുമാരാണ് എത്തിയത്. സമുദ്ര നിരപ്പില്‍ നിന്ന് നാലായിരം മുതല്‍ അയ്യായിരം അടി ഉയരത്തില്‍ നടത്തിയ പാരാഗ്ലൈഡിങ്ങ് മത്സരങ്ങള്‍ കാണാന്‍ വന്‍ ജനപ്രവാഹമായിരുന്നു. വാഗമണ്‍ ഹില്‍സ്റ്റേഷന്‍ പാരാഗ്ലൈഡര്‍മാര്‍ക്ക് ടോപ് ലാന്‍ഡിങ്ങ് ചെയ്യാന്‍ സാധിക്കുന്ന ഇന്ത്യയിലെ ഒരേയൊരു ഇടമാണ്.

Travel411 days ago

വന്‍ വിജയമായി ജലഗതാഗതവകുപ്പിന്റെ വിനോദസഞ്ചാരമേഖലയിലെ ചുവടുവെപ്പായ വേഗ ബോട്ട്

മുടക്കുമുതലായ 1.90 കോടി രൂപ തിരിച്ചുപിടിച്ചത് ഒന്നരവര്‍ഷംകൊണ്ടാണ്. നാല് വര്‍ഷംകൊണ്ട് വരുമാനം ഏഴുകോടിക്ക് മുകളിലെത്തി. വേമ്പനാട്ടുകായല്‍, മുഹമ്മ, പാതിരാമണല്‍, കുമരകം, ആര്‍ ബ്ലോക്ക്, മാര്‍ത്താണ്ഡം, ചിത്തിര, സി ബ്ലോക്ക്, കുപ്പപ്പുറം എന്നിവിടങ്ങള്‍ ചുറ്റി നടത്തുന്ന യാത്രയ്ക്ക് ACയില്‍ 600 രൂപയും AC വേണ്ടെങ്കില്‍ 400 രൂപയും നല്കിയാല്‍ മതി. രാവിലെ 11-ന് ആലപ്പുഴ ബോട്ടുജെട്ടിയില്‍ നിന്നാണ് യാത്ര ആരംഭിക്കുന്നത്.

Travel417 days ago

2023 ല്‍ 43,621 കോടി രൂപ വരുമാനം നേടി കേരള ടൂറിസം

2022 ല്‍ 35,168 കോടി രൂപ വരുമാനം നേടിയ സ്ഥാനത്താണ് കേരളാ ടൂറിസം കഴിഞ്ഞ വര്‍ഷം മികച്ച പ്രകടനം നടത്തിയത്. 2023ല്‍ കേരളത്തില്‍ എത്തിയ വിദേശ ടൂറിസ്റ്റുകള്‍ 6.49 ലക്ഷം പേരാണ്, എറണാകുളത്ത് 44.87 ലക്ഷം ആഭ്യന്തര ടൂറിസ്റ്റുകളാണ് എത്തിയത്. കാരവന്‍ ടൂറിസം, വിവാഹ ടൂറിസം, ഹെലികോപ്റ്റര്‍ ടൂറിസം തുടങ്ങിയ കേരളാ ടൂറിസത്തിന്‍റെ വിവിധ പദ്ധതികള്‍ക്ക് മികച്ച പ്രതികരണമാണ് സഞ്ചാരികളില്‍ നിന്ന് ലഭിക്കുന്നത്.

Kerala421 days ago

കേരളത്തിലെത്തുന്ന ആഭ്യന്തര സഞ്ചാരികളുടെ എണ്ണത്തില്‍ റെക്കോര്‍ഡ് വര്‍ധനവ്

2023ല്‍ കേരളത്തിലെത്തിയത് 2.18 കോടി പേരാണെന്ന് ടൂറിസം മന്ത്രി പി.എ മുഹമ്മദ് റിയാസ് പറഞ്ഞു. 2022ല്‍ 1.88 കോടി ആഭ്യന്തര സഞ്ചാരികളാണ് കേരളത്തിലെത്തിയതെങ്കില്‍ 2023ല്‍ 15.92 ശതമാനം വര്‍ധനവാണ് ആഭ്യന്തര സഞ്ചാരികളില്‍ ഉണ്ടായിട്ടുള്ളത്. ഏറ്റവും കൂടുതല്‍ സഞ്ചാരികള്‍ എത്തിയത് എറണാകുളം ജില്ലയിലാണ്. ഇടുക്കി, തിരുവനന്തപുരം, വയനാട് ജില്ലകളിലും വലിയ തോതില്‍ സഞ്ചാരികള്‍ എത്തിയിട്ടുണ്ട്.

Kerala425 days ago

കോഴിക്കോടും കൊച്ചിയിലും നൈറ്റ് ലൈഫ് കേന്ദ്രങ്ങൾ ആരംഭിക്കാന്‍ ആലോചിക്കുന്നതായി മുഖ്യമന്ത്രി

തിരുവനന്തപുരം മാനവീയം വീഥിയിലാണ് സംസ്ഥാനത്തെ ആദ്യ നൈറ്റ് ലൈഫ് കേന്ദ്രം ആരംഭിച്ചത്. മാനവീയം വീഥി തുറന്നു കൊടുത്തപ്പോൾ ആദ്യ കാലത്ത് ചില പ്രശ്നങ്ങൾ ഉടലെടുത്തു. എന്നാല്‍ പോലീസിന്‍റെ നേതൃത്വത്തില്‍ നിയന്ത്രണം കൊണ്ടുവന്നപ്പോള്‍ പ്രശ്നങ്ങൾ പരിഹരിക്കാന്‍ കഴിഞ്ഞതായും കൊച്ചിയിൽ റെസിഡൻസ് അസോസിയേഷൻ പ്രതിനിധികളുമായി നടന്ന മുഖാമുഖം പരിപാടിയില്‍ പിണറായി വിജയൻ പറഞ്ഞു.

Kerala425 days ago

കോഴിക്കോടിനെ മികച്ച ടൂറിസ്റ്റ് കേന്ദ്രമാക്കാന്‍ 1200 കോടിയുടെ പദ്ധതികള്‍ യാഥാര്‍ത്ഥ്യമാക്കുമെന്ന് മന്ത്രി പി.എ. മുഹമ്മദ് റിയാസ്

ദേശീയപാത നവീകരണം, ജല ഗതാഗത പാത, പുതിയ ടൂറിസ്റ്റ് കേന്ദ്രങ്ങള്‍ തുടങ്ങിയവ യാഥാര്‍ത്ഥ്യമാക്കി കോഴിക്കോടിനെ ന്യൂ കോഴിക്കോടാക്കി മാറ്റുന്നതിനുളള ശ്രമങ്ങളിലാണ് സര്‍ക്കാര്‍. തിരുവനന്തപുരം-കാസര്‍കോട് ആറുവരിപ്പാത 2025 ഡിസംബറോടെ പൂര്‍ത്തീകരിക്കാനാണ് ലക്ഷ്യമിടുന്നത്. കോവളം മുതല്‍ ബേക്കല്‍ വരെയുളള ജലപാതയില്‍ കനോലി കനാല്‍‌ അടക്കം ഉള്‍പ്പെടുത്തുമെന്നും മന്ത്രി പറഞ്ഞു.

Kerala428 days ago