CBI ഉദ്യോഗസ്ഥര്‍ ചമഞ്ഞ് ഭീഷണി കോളുകള്‍; എല്ലാ മൊബൈല്‍ ഉപയോക്താക്കള്‍ക്കും മുന്നറിയിപ്പ്

വാട്സ്ആപ്പ് മുഖേനയും നേരിട്ടുമുള്ള ഭീഷണി കോളുകള്‍ക്കാണ് കമ്മ്യൂണിക്കേഷന്‍ മന്ത്രാലയത്തിന് കീഴിലുള്ള ടെലി കമ്മ്യൂണിക്കേഷന്‍ വകുപ്പ് (DOT) മുന്നറിയിപ്പ് നല്‍കിയിരിക്കുന്നത്. മൊബൈല്‍ കണക്ഷന്‍ വിച്ഛേദിക്കുമെന്ന തരത്തില്‍ DOTയുടെ പേരിലും ഉപയോക്താക്കള്‍ക്ക് ഭീഷണി കോളുകള്‍ വരുന്നുണ്ടെന്ന് മന്ത്രാലയം വ്യക്തമാക്കി. സൈബര്‍ കുറ്റകൃത്യങ്ങളില്‍ ഇടപെടുന്ന സമാനരീതിയിലുള്ള കോളുകള്‍ക്കെതിരെയും CBI ഉദ്യോഗസ്ഥരാണെന്ന് അവകാശപ്പെട്ടുള്ള ഭീഷണിപ്പെടുത്തലുകള്‍ക്ക് എതിരെയും ജാഗ്രത പാലിക്കണമെന്നും മന്ത്രാലയം വ്യക്തമാക്കി. ഇത്തരത്തില്‍ തട്ടിപ്പ് ഫോണ്‍ കോളുകള്‍ ലഭിച്ചാല്‍ സഞ്ചാര്‍ സാതി പോര്‍ട്ടലിലെ ചക്ഷു റിപ്പോര്‍ട്ട് സസ്പെക്ടഡ് ഫ്രോഡ് കമ്മ്യൂണിക്കേഷന്‍ എന്ന ഓപ്ഷനില്‍ റിപ്പോര്‍ട്ട് ചെയ്യേണ്ടതാണ്.

National432 days ago

ഓണ്‍ലൈന്‍ സാമ്പത്തിക തട്ടിപ്പ്; ഒരുമണിക്കൂറിനകം 1930 എന്ന നമ്പറില്‍ അറിയിക്കണമെന്ന് കേരള പോലീസ്

ഓണ്‍ലൈന്‍ സാമ്പത്തിക തട്ടിപ്പിനിരയായാല്‍ ഒരുമണിക്കൂറിനകം തന്നെ വിവരം 1930 എന്ന നമ്പറില്‍ സൈബര്‍ പോലീസിനെ അറിയിക്കണമെന്നാണ് മുന്നറിയിപ്പ് നല്‍കിയിരിക്കുന്നത്. എത്രയും നേരത്തെ റിപ്പോര്‍ട്ട് ചെയ്താല്‍ തട്ടിപ്പിന് ഇരയായ വ്യക്തിക്ക് നഷ്ടപ്പെട്ട തുക തിരിച്ചു ലഭിക്കാനുള്ള സാധ്യത കൂടുതലാണെന്നും പറയുന്നു. cybercrime.gov.in എന്ന വെബ്സൈറ്റിലും പരാതി രജിസ്റ്റര്‍ ചെയ്യാവുന്നതാണ്. ഫേസ്ബുക്ക് വഴി പരസ്യം നല്‍കിയുള്ള സാമ്പത്തിക തട്ടിപ്പ് വ്യാപകമായ സാഹചര്യത്തിലാണ് കേരള പോലീസിന്റെ മുന്നറിയിപ്പ്.

Kerala382 days ago

എല്ലാ രാജ്യാന്തര തട്ടിപ്പ് കോളുകളും തടയണം; ടെലികോം ഓപ്പറേറ്റര്‍മാര്‍ക്ക് നിര്‍ദേശവുമായി കേന്ദ്രം

ഇന്ത്യന്‍ മൊബൈല്‍ നമ്പര്‍ പ്രദര്‍ശിപ്പിച്ച് കൊണ്ടാണ് ഇത്തരത്തില്‍ തട്ടിപ്പ് കോളുകള്‍ വരുന്നതെന്ന് കേന്ദ്രം വ്യക്തമാക്കി. ഇതുമായി ബന്ധപ്പെട്ട് നടക്കുന്ന സൈബര്‍ കുറ്റകൃത്യങ്ങളും സാമ്പത്തിക തട്ടിപ്പുകളും തടയുന്നതിന്റെ ഭാഗമായാണ് കേന്ദ്രസര്‍ക്കാരിന്റെ ഇടപെടല്‍. കോളിങ് ലൈന്‍ ഐഡന്റിറ്റി (CLI) കൃത്രിമമായി ഉപയോഗിച്ച് വിദേശത്ത് നിന്നാണ് സൈബര്‍ കുറ്റവാളികള്‍ വിളിക്കുന്നതെന്നും അധികൃതര്‍ വ്യക്തമാക്കി.

National384 days ago

രാജ്യത്ത് 18ലക്ഷം മൊബൈല്‍ കണക്ഷനുകള്‍ ഉടന്‍ റദ്ദാക്കിയേക്കും

സൈബര്‍ കുറ്റകൃത്യങ്ങളും ഓണ്‍ലൈന്‍ തട്ടിപ്പുകളും തടയാന്‍ കേന്ദ്രസര്‍ക്കാര്‍ സ്വീകരിച്ച നടപടികളുടെ ഭാഗമായിട്ടാണ് തീരുമാനം. രാജ്യത്താകെ 18 ലക്ഷം മൊബൈല്‍ കണക്ഷനുകള്‍ ടെലികോം കമ്പനികള്‍ ഉടന്‍ തന്നെ റദ്ദാക്കിയേക്കുമെന്നാണ് റിപ്പോര്‍ട്ട്. മൊബൈല്‍ നെറ്റ്വര്‍ക്ക് ദുരുപയോഗം ചെയ്ത് നടത്തിയ സാമ്പത്തിക തട്ടിപ്പുകളും സൈബര്‍ കുറ്റകൃത്യങ്ങളും അന്വേഷണ ഏജന്‍സികള്‍ കണ്ടെത്തിയിരുന്നു. ഇതിന്റെ ഭാഗമായി മെയ് 9ന് 28,200 മൊബൈല്‍ ഫോണുകള്‍ പ്രവര്‍ത്തനരഹിതമാക്കാന്‍ ടെലികോം കമ്പനികളോട് ടെലികമ്മ്യൂണിക്കേഷന്‍സ് ഡിപ്പാര്‍ട്ട്മെന്റ് ആവശ്യപ്പെട്ടിരുന്നു.

National389 days ago

നിയമപാലകരെന്ന വ്യാജേന ബന്ധപ്പെട്ട് പണം തട്ടുന്നു; മുന്നറിയിപ്പുമായി കേരള പോലീസ്

പോലീസ്, NCB, TRAI, CBI, ED, സൈബര്‍ സെല്‍, ഇന്റലിജന്‍സ് ഏജന്‍സികള്‍ തുടങ്ങിയ നിയമപാലകരെന്ന വ്യാജേന ബന്ധപ്പെട്ട് പണം തട്ടുന്ന രീതി വ്യാപകമാകുന്നുണ്ടെന്നാണ് കേരള പോലീസിന്റെ അറിയിപ്പ്. അന്വേഷണ ഏജന്‍സികള്‍ക്ക് സംശയാസ്പദമായ രീതിയില്‍ കണ്ടെത്തുന്ന ഏത് അക്കൗണ്ടും നിയമപരമായിത്തന്നെ മരവിപ്പിക്കാന്‍ കഴിയും. അവര്‍ ഒരിക്കലും പരിശോധനയ്ക്കായി പണം കൈമാറാന്‍ ആവശ്യപ്പെടില്ല. ഇത്തരത്തില്‍ ആരെങ്കിലും ഫോണിലോ ഇമെയില്‍ മുഖേനയോ ബന്ധപ്പെട്ടാല്‍ ഉടന്‍ തന്നെ 1930ല്‍ വിളിച്ച് സൈബര്‍സെല്ലില്‍ വിവരം അറിയിക്കണമെന്നും പോലീസ് മുന്നറിയിപ്പ് നല്‍കി.

Kerala428 days ago

വിദേശ നമ്പറുകളില്‍ നിന്ന് വരുന്ന വാട്‌സ്ആപ്പ് കോളുകളില്‍ ജാഗ്രത വേണമെന്ന് കേന്ദ്രസര്‍ക്കാര്‍

ടെലികമ്മ്യൂണിക്കേഷന്‍സ് ഡിപ്പാര്‍ട്ട്മെന്റാണ് മുന്നറിയിപ്പ് നല്‍കിയിരിക്കുന്നത്. +92ല്‍ നിന്ന് ആരംഭിക്കുന്ന കോളുകള്‍ പരമാവധി എടുക്കാതിരിക്കാന്‍ ശ്രമിക്കണമെന്നും വ്യക്തിപരമായ വിവരങ്ങള്‍ പങ്കുവെയ്ക്കാന്‍ പാടില്ലെന്നും മുന്നറിയിപ്പില്‍ പറയുന്നു. സര്‍ക്കാര്‍ ഉദ്യോഗസ്ഥരെന്ന വ്യാജേന വിളിച്ച് സ്വകാര്യ വിവരങ്ങള്‍ ചോര്‍ത്തി സാമ്പത്തിക തട്ടിപ്പ് നടത്താനാണ് ഇത്തരക്കാരുടെ ശ്രമം. ഇത്തരത്തില്‍ വിളിക്കാന്‍ സര്‍ക്കാര്‍ ആരെയും ചുമതലപ്പെടുത്തിയിട്ടില്ലെന്നും ജാഗ്രത പുലര്‍ത്തണമെന്നുമാണ് സര്‍ക്കാര്‍ അറിയിച്ചിരിക്കുന്നത്.

National439 days ago

ഇന്ത്യയില്‍ 21 ലക്ഷം സിം കാര്‍ഡുകള്‍ എടുത്തിരിക്കുന്നത് വ്യാജ തിരിച്ചറിയല്‍ കാര്‍ഡ് ഉപയോഗിച്ച്

കേന്ദ്ര വാര്‍ത്താവിതരണ മന്ത്രാലയം നിര്‍മിതബുദ്ധി ഉപയോഗിച്ച് നടത്തിയ സര്‍വേയിലാണ് ഈ കണ്ടെത്തല്‍. ഇത്തരം കണക്ഷനുകള്‍ റദ്ദാക്കുമെന്ന് വാര്‍ത്താവിതരണ മന്ത്രാലയം അറിയിച്ചു. സംശയമുള്ള ഉപയോക്താക്കളുടെ പട്ടിക BSNL, ഭാരതി എയര്‍ടെല്‍, MTNL, റിലയന്‍സ് ജിയോ, വൊഡാഫോണ്‍ ഐഡിയ തുടങ്ങിയ കമ്പനികള്‍ക്ക് കണക്ഷനുകള്‍ റദ്ദാക്കാനായി നല്‍കിക്കഴിഞ്ഞു. ഈ നമ്പരുകള്‍ ക്രിമിനല്‍ പ്രവര്‍ത്തനങ്ങള്‍ക്കോ തട്ടിപ്പുകള്‍ക്കോ ഉപയോഗിക്കുന്നുവെന്നാണ് സംശയം.

National451 days ago

കൊറിയര്‍ സര്‍വ്വീസിന്റെ പേരില്‍ തട്ടിപ്പ് വര്‍ധിക്കുന്നു; മുന്നറിയിപ്പുമായി കേരളാ പോലീസ്

സാമൂഹിക മാധ്യമത്തില്‍ പങ്കുവച്ച കുറിപ്പിലൂടെയാണ് കൊറിയര്‍ തട്ടിപ്പുകള്‍ക്കെതിരെ പോലീസ് മുന്നറിയിപ്പ് നല്‍കിയിരിക്കുന്നത്. പണം, സിം എന്നിവയടങ്ങിയ കൊറിയര്‍ ഉണ്ടെന്ന് പറഞ്ഞ് ഫെഡെക്സ് കൊറിയര്‍ സര്‍വ്വീസില്‍ നിന്നാണെന്ന വ്യാജേന തട്ടിപ്പുകാര്‍ വിളിക്കുമെന്നാണ് പോലീസ് പറഞ്ഞിരിക്കുന്നത്. തീവ്രവാദ ബന്ധമുണ്ടെന്ന് ആരോപിച്ച് ഉന്നത ഉദ്യോഗസ്ഥരായി ചമഞ്ഞ് പണം തട്ടിയെുക്കാനാണ് ഇത്തരക്കാര്‍ ശ്രമിക്കുന്നത്.Read More

Kerala453 days ago

ഇന്ത്യയില്‍ 75 കോടി മൊബൈല്‍ ഉപയോക്താക്കളുടെ ഡാറ്റ ചോർന്നെന്ന ആശങ്ക; സുരക്ഷ ഓഡിറ്റ് നിർദേശിച്ച് ടെലികോം വകുപ്പ്

75 കോടി മൊബൈല്‍ ഉപയോക്താക്കളുടെ സുപ്രധാന വിവരങ്ങള്‍ അടങ്ങിയ ഡാറ്റാബേസ് ഡാർക്ക് വെബില്‍ വില്‍ക്കുന്നതായി സൈബർ സുരക്ഷാ സ്ഥാപനമായ CloudSEK അവകാശപ്പെട്ടതിനെ തുടർന്നാണ് ഓഡിറ്റ് നടത്താൻ നിർദേശിച്ചത്. പേര്, ആധാർ വിവരങ്ങള്‍, മൊബൈല്‍ നമ്പർ, വിലാസം തുടങ്ങിയവയാണ് ലീക്കായ ഡാറ്റയിലുള്ളതെന്നാണ് CloudSEK പറയുന്നത്. ഐഡന്‍റിന്‍റി തട്ടിപ്പ്, സാമ്പത്തിക തട്ടിപ്പ് തുടങ്ങിയവയ്ക്ക് ഇത് ഇടയാക്കിയേക്കും എന്നും പറയുന്നു.

Technology501 days ago