രാജ്യം നക്‌സല്‍ മുക്തമാക്കും; സുരക്ഷാ സേനയെ അഭിനന്ദിച്ച് അമിത് ഷാ

വികസനത്തിന്റെയും സമാധാനത്തിന്റെയും യുവാക്കളുടെ ശോഭനമായ ഭാവിയുടെയും ശത്രുക്കളാണ് മാവോയിസ്റ്റുകളെന്ന് ആഭ്യന്തരമന്ത്രി അമിത് ഷാ. സര്‍ക്കാരിന്റെയും സുരക്ഷാ സേനയുടെയും കൃത്യമായ നയങ്ങളും ശ്രമങ്ങളും കാരണം അത് ഇന്ന് ഒരു ചെറിയ പ്രദേശത്ത് മാത്രമായി ഒതുങ്ങിയിട്ടുണ്ട്. ഉടന്‍ തന്നെ ഛത്തീസ്ഗഢും രാജ്യവും പൂര്‍ണമായും നക്‌സല്‍ മുക്തമാകും. ഛത്തീസ്ഗഢില്‍ 29 മാവോയിസ്റ്റുകളെ വധിച്ച ഓപ്പറേഷനില്‍ പങ്കെടുത്ത ഉദ്യോഗസ്ഥരെ അഭിനന്ദിക്കുന്നുവെന്നും ഷാ പറഞ്ഞു.

National382 days ago

ഛത്തീസ്ഗഢില്‍ ഇടിമിന്നലേറ്റ് ആറ് കുട്ടികളടക്കം എട്ട് പേര്‍ മരിച്ചു

ഛത്തീസ്ഗഢിലെ രാജ്‌നന്ദ്ഗാവ് മേഖലയില്‍ ഇടിമിന്നലേറ്റ് ആറ് കുട്ടികള്‍ ഉള്‍പ്പെടെ എട്ട് പേര്‍ മരിക്കുകയും ഒരാള്‍ക്ക് ഗുരുതരമായി പരിക്കേല്‍ക്കുകയും ചെയ്തു. പരീക്ഷ കഴിഞ്ഞ് മടങ്ങുകയായിരുന്ന പതിനൊന്നാം ക്ലാസ് വിദ്യാര്‍ത്ഥികളാണ് മരണപ്പെട്ടത്. കനത്ത മഴയെത്തുടര്‍ന്ന് കുട്ടികള്‍ ഷെഡ്ഡിനടിയില്‍ നില്‍ക്കുകയായിരുന്നെന്നും ഇതിന് സമീപത്തുണ്ടായിരുന്ന മരത്തില്‍ ഇടിമിന്നലേല്‍ക്കുകയായിരുന്നെന്നും ജില്ലാ കളക്ടര്‍ സഞ്ജയ് അഗര്‍വാള്‍ പറഞ്ഞു. മരിച്ചവരുടെ കുടുംബങ്ങള്‍ക്ക് സംസ്ഥാന സര്‍ക്കാര്‍ നാല് ലക്ഷം രൂപ ധനസഹായം പ്രഖ്യാപിച്ചു. പരിക്കേറ്റവര്‍ക്ക് നിയമപ്രകാരമുള്ള നഷ്ടപരിഹാരം തീരുമാനിക്കുമെന്നും ഉദ്യോഗസ്ഥര്‍ അറിയിച്ചു.

National223 days ago

നിയന്ത്രണരേഖയിലെ വെടിവെയ്പ്പ്; വെടിയുണ്ടകള്‍ കൊണ്ട് മറുപടി നല്‍കുമെന്ന് അമിത് ഷാ

ജമ്മുകശ്മീരില്‍ അതിര്‍ത്തി കടന്നുള്ള വെടിവയ്പ്പിന്റെ നാളുകള്‍ അവസാനിച്ചു. പാകിസ്ഥാന്‍ ഇപ്പോള്‍ പ്രധാനമന്ത്രി മോദിയെ ഭയപ്പെടുന്നു. ജമ്മുകശ്മീരില്‍ അധികാരത്തിലുള്ള ആളുകള്‍ വരെ പാകിസ്ഥാനെ ഭയപ്പെട്ടിരുന്ന സമയങ്ങളുണ്ടായിരുന്നു. എന്നാല്‍ ഇന്ന് സ്ഥിതിഗതികള്‍ പൂര്‍ണമായും മാറിയിരിക്കുന്നു. ജമ്മുകശ്മീരിലെ നിയന്ത്രണ രേഖയില്‍ വെടിവെയ്പ്പുണ്ടായാല്‍ വാക്കുകള്‍ കൊണ്ടല്ല വെടിയുണ്ടകള്‍ കൊണ്ട് തന്നെ അതിന് മറുപടി നല്‍കുമെന്നും കേന്ദ്ര ആഭ്യന്തരമന്ത്രി അമിത് ഷാ പറഞ്ഞു. ജമ്മുകശ്മീര്‍ തിരഞ്ഞെടുപ്പിനോട് അനുബന്ധിച്ച് പൂഞ്ച് ജില്ലയിലെ മെന്ധര്‍ മേഖലയില്‍ നടന്ന BJP പ്രചാരണ റാലിയെ അഭിസംബോധന ചെയ്ത് സംസാരിക്കുകയായിരുന്നു അദ്ദേഹം.

National225 days ago

2026 മാര്‍ച്ചോടെ നക്സലിസം തുടച്ചുനീക്കും: അമിത് ഷാ

നക്സലിസവും നക്സലിസം എന്ന ആശയവും രാജ്യത്ത് നിന്ന് പിഴുതെറിഞ്ഞ് സമാധാനം സ്ഥാപിക്കുമെന്ന് കേന്ദ്ര ആഭ്യന്തരമന്ത്രി അമിത് ഷാ. ഛത്തീസ്ഗഡിലെ നാല് ജില്ലകളിലൊഴികെ രാജ്യത്ത് നക്സലിസം അവസാനിപ്പിക്കുന്നതില്‍ നരേന്ദ്ര മോദി സര്‍ക്കാര്‍ വിജയിച്ചു. 2026 മാര്‍ച്ചിന് മുമ്പ് രാജ്യത്തെ നക്‌സലിസം അവസാനിപ്പിക്കുമെന്ന് ഉറപ്പുനല്‍കുന്നുവെന്നും അമിത് ഷാ പറഞ്ഞു. മാവോയിസ്റ്റുകള്‍ അക്രമം അവസാനിപ്പണമെന്നും ആയുധങ്ങള്‍ ഉപേക്ഷിച്ച് കീഴടങ്ങണമെന്നും അദ്ദേഹം പറഞ്ഞു.

National226 days ago

കോണ്‍ഗ്രസിനും പാകിസ്ഥാനും ഒരേ അജണ്ടയെന്ന് അമിത് ഷാ

ആര്‍ട്ടിക്കള്‍ 370നെ കോണ്‍ഗ്രസും ജമ്മുകശ്മീര്‍ നാഷണല്‍ കോണ്‍ഫറന്‍സും പിന്തുണക്കുന്നതിനെ സംബന്ധിച്ച് പാക് പ്രതിരോധ മന്ത്രിയുടെ പ്രസ്താവന കോണ്‍ഗ്രസിനും പാകിസ്ഥാനും ഒരേ നിലപാട് ആണെന്നാണ് തെളിയിക്കുന്നതെന്ന് അമിത് ഷാ പറഞ്ഞു. കോണ്‍ഗ്രസും-നാഷണല്‍ കോണ്‍ഫറന്‍സും തമ്മിലുളള സഖ്യം അധികാരത്തിലെത്തിയാല്‍ ആര്‍ട്ടിക്കള്‍ 370 പുനസ്ഥാപിക്കാന്‍ സാധ്യതയുണ്ടെന്നായിരുന്നു പാകിസ്ഥാന്‍ പ്രതിരോധമന്ത്രി ഖ്വാജ ആസിഫിന്റെ പരാമര്‍ശം. നരേന്ദ്ര മോദിയുടെ നേതൃത്വത്തിലുള്ള സര്‍ക്കാരാണ് കേന്ദ്രം ഭരിക്കുന്നതെന്ന് കോണ്‍ഗ്രസും പാകിസ്ഥാനും മറന്നു പോയെന്നും അമിത് ഷാ എക്‌സില്‍ കുറിച്ചു.

National227 days ago

സെന്‍സസ് സംബന്ധിച്ച ഔദ്യോഗിക പ്രഖ്യാപനം ഉടനുണ്ടാകുമെന്ന് അമിത് ഷാ

ജനസംഖ്യാ കണക്കെടുപ്പിനുള്ള സെന്‍സസ് സംബന്ധിച്ച ഔദ്യോഗിക പ്രഖ്യാപനം ഉടന്‍ ഉണ്ടാകുമെന്ന് കേന്ദ്ര ആഭ്യന്തര മന്ത്രി അമിത് ഷാ പറഞ്ഞു. കൊവിഡിനെ തുടര്‍ന്ന് നടത്താന്‍ സാധിക്കാതെ പോയ സെന്‍സസ് കണക്കെടുപ്പ് ഓരോ കാരണങ്ങളാല്‍ നീട്ടിവെയ്ക്കുക ആയിരുന്നു. ഇതു സംബന്ധിച്ച് ഉയര്‍ന്ന ചോദ്യത്തോട് പ്രതികരിക്കവെയാണ് അമിത് ഷാ ഇക്കാര്യം പറഞ്ഞത്. പാര്‍ലമെന്ററി കമ്മിറ്റിയിലേക്ക് ശുപാര്‍ശ ചെയ്ത വഖഫ് ഭേദഗതി ബില്‍ വരും ദിവസങ്ങളില്‍ പാസാക്കാന്‍ സര്‍ക്കാര്‍ പ്രതിജ്ഞാബദ്ധമാണെന്നും ഒരു രാജ്യം ഒരു തിരഞ്ഞെടുപ്പ് ഈ സര്‍ക്കാരിന്റെ കാലത്തുതന്നെ നടപ്പാക്കുമെന്നും അമിത് ഷാ പറഞ്ഞു.

National229 days ago

വന്ദേഭാരത് ട്രെയിന് നേരെ കല്ലേറ്; അഞ്ച് പേര്‍ അറസ്റ്റില്‍

ഛത്തീസ്ഗഡില്‍ ട്രയല്‍ റണ്ണിനിടെ വന്ദേ ഭാരത് എക്സ്പ്രസ് ട്രെയിനിന് നേരെ കല്ലെറിഞ്ഞ സംഭവത്തില്‍ അഞ്ച് പേരെ അറസ്റ്റ് ചെയ്തു. ഛത്തീസ്ഗഡിലെ ദുര്‍ഗില്‍ നിന്ന് ആന്ധ്രാപ്രദേശിലെ വിശാഖപട്ടണത്തേക്ക് നാളെ മുതല്‍ സര്‍വീസ് ആരംഭിക്കാനിരുന്ന വന്ദേഭാരതിലാണ് കല്ലേറുണ്ടായത്. പരിക്കുകളൊന്നും റിപ്പോര്‍ട്ട് ചെയ്തിട്ടില്ലെങ്കിലും ട്രെയിനിന്റെ മൂന്ന് കോച്ചുകളുടെ ജനാലകള്‍ക്ക് കേടുപാടുകള്‍ സംഭവിച്ചിട്ടുണ്ടെന്നും പ്രതികള്‍ക്കെതിരെ റെയില്‍വെ ആക്ട് പ്രകാരം കേസെടുത്തിട്ടുണ്ടെന്നും അധികൃതര്‍ അറിയിച്ചു.

National232 days ago

മണിപ്പൂര്‍ സംഘര്‍ഷം; അമിത് ഷായ്ക്ക് കത്തയച്ച് കോണ്‍ഗ്രസ് MP

മണിപ്പൂരില്‍ വീണ്ടും സംഘര്‍ഷം തുടരുന്ന പശ്ചാത്തലത്തില്‍ അക്രമം നിയന്ത്രിക്കാന്‍ നടപടികള്‍ സ്വീകരിക്കണമെന്നാവശ്യപ്പെട്ട് ഇന്നര്‍ മണിപ്പൂരില്‍ നിന്നുള്ള കോണ്‍ഗ്രസ് MP എ ബിമോള്‍ അക്കോയിജം കേന്ദ്ര ആഭ്യന്തര മന്ത്രി അമിത് ഷായ്ക്ക് കത്തയച്ചു. അക്രമത്തില്‍ നൂറുകണക്കിനാളുകളുടെ ജീവന്‍ നഷ്ടമായി. ഏകദേശം 60,000 ആളുകള്‍ ഭവനരഹിതരാക്കപ്പെട്ടു. ജനങ്ങളുടെ ഉപജീവനമാര്‍ഗത്തെയും സംസ്ഥാനത്തിന്റെ സമ്പദ്‌വ്യവസ്ഥയെയും സാരമായി ബാധിച്ചു. ആയതിനാല്‍ സംസ്ഥാനത്ത് സമാധാനം പുനഃസ്ഥാപിക്കുന്നതിന് അടിയന്തര നടപടികള്‍ സ്വീകരിക്കണമെന്ന് അദ്ദേഹം ഷായോട് അഭ്യര്‍ത്ഥിച്ചു.

National235 days ago

കേരള പോലീസിന് കേന്ദ്ര ആഭ്യന്തരമന്ത്രാലയത്തിന്റെ പുരസ്കാരം

സ്ത്രീകൾക്കും കുട്ടികൾക്കുമെതിരെയുള്ള ഓൺലൈൻ അതിക്രമങ്ങൾ തടയുന്നതിനുള്ള ഇടപെടലിലാണ് കേരളത്തിന് കേന്ദ്ര ആഭ്യന്തരമന്ത്രാലയത്തിന്റെ അംഗീകാരം ലഭിച്ചത്. ഇന്ത്യൻ സൈബർ ക്രൈം കോർഡിനേഷൻ സെന്ററിന്റെ ഒന്നാം വാർഷികത്തോടനുബന്ധിച്ചാണ് കേന്ദ്ര ആഭ്യന്തരമന്ത്രാലയം പുരസ്കാരം പ്രഖ്യാപിച്ചത്. മുഖ്യമന്ത്രി പിണറായി വിജയനാണ് കേരളത്തിന് കേന്ദ്ര അംഗീകാരം ലഭിച്ച വിവരം ഫേസ്ബുക്ക് കുറിപ്പിലൂടെ അറിയിച്ചത്. സെപ്റ്റംബർ 10 ന് ഡൽഹിയിലെ വിജ്ഞാന്‍ ഭവനിൽ നടക്കുന്ന ചടങ്ങിൽ കേന്ദ്ര ആഭ്യന്തര മന്ത്രി അമിത് ഷാ പുരസ്കാരം കൈമാറും.

Kerala238 days ago

ജമ്മുകശ്മീര്‍ തീവ്രവാദ കേന്ദ്രത്തില്‍ നിന്ന് ടൂറിസ്റ്റ് കേന്ദ്രമായി മാറി: അമിത് ഷാ

നരേന്ദ്ര മോദി സര്‍ക്കാരിന് കീഴില്‍ ജമ്മുകശ്മീര്‍ സമാധാനത്തിന്റെയും വികസനത്തിന്റെയും പുതിയ യുഗത്തിന് സാക്ഷ്യം വഹിക്കുകയാണെന്ന് കേന്ദ്ര ആഭ്യന്തര മന്ത്രി അമിത് ഷാ. പ്രദേശം തീവ്രവാദ കേന്ദ്രം എന്നതില്‍ നിന്ന് വിനോദസഞ്ചാര കേന്ദ്രമായി മാറിയെന്നും അദ്ദേഹം പറഞ്ഞു. ദ്വി ദിന സന്ദര്‍ശനത്തിനായി ജമ്മുകശ്മീരിലേക്ക് പോകവെയാണ് ഷായുടെ പ്രതികരണം. തിരഞ്ഞെടുപ്പിന് മുന്നോടിയായുളള BJPയുടെ പ്രകടന പത്രികയും അദ്ദേഹം പുറത്തിറക്കും.

National240 days ago

ഛത്തീസ്ഗഢിൽ സുരക്ഷാ സേനയുമായി ഏറ്റുമുട്ടൽ; ഒമ്പത് മാവോയിസ്റ്റുകൾ കൊല്ലപ്പെട്ടു

ഛത്തീസ്ഗഡിലെ ബസ്തർ മേഖലയിലാണ് സുരക്ഷാ ഉദ്യോഗസ്ഥരും മാവോയിസ്റ്റുകളും തമ്മിൽ ഏറ്റുമുട്ടലുണ്ടായത്. ഏറ്റുമുട്ടലിൽ 9 മാവോയിസ്റ്റുകളെ സുരക്ഷാ സേന വധിച്ചു. ദന്തേവാഡ, ബിജാപൂർ ജില്ലകളുടെ അതിർത്തിയിലുള്ള വനപ്രദേശത്ത് ഇന്ന് രാവിലെയാണ് സുരക്ഷ സേനയുടെ സംയുക്ത സംഘം മാവോയിസ്റ്റുകളുണ്ടെന്ന രഹസ്യവിവരത്തെ തുടർന്ന് ഓപ്പറേഷൻ ആരംഭിച്ചത്. സുരക്ഷാ ഉദ്യോഗസ്ഥരും മാവോയിസ്റ്റുകളും തമ്മിലുള്ള വെടിവെപ്പ് ദീർഘ നേരം നീണ്ടു നിന്നു. തുടർന്ന് നടത്തിയ പരിശോധനയില്‍ 9 മാവോയിസ്റ്റുകളുടെ മൃതദേഹങ്ങളും നിരവധി ആയുധങ്ങളും കണ്ടെത്തി.

National243 days ago