ഇന്ത്യയില്‍ പണിമുടക്കി എക്‌സ്

സാങ്കേതിക തകരാറിനെ തുടര്‍ന്നാണ് ഇന്ത്യയില്‍ എക്സ് സേവനം തടസ്സപ്പെട്ടതെന്നാണ് റിപ്പോര്‍ട്ടുകള്‍. എക്സിന്റെ വെബ് വേര്‍ഷനിലെ ഉപയോക്താക്കള്‍ക്കാണ് പ്രശ്‌നം നേരിട്ടത്. അക്കൗണ്ട് തുറക്കുന്നതിനും ട്വീറ്റ് ചെയ്യുന്നതിനും ബുദ്ധിമുട്ട് നേരിടേണ്ടി വരുന്നതായാണ് ഉപയോക്താക്കള്‍ പറയുന്നത്. അതേസമയം മൊബൈല്‍ വേര്‍ഷനില്‍ ഇതുവരെ പ്രശ്‌നങ്ങളൊന്നും റിപ്പോര്‍ട്ട് ചെയ്തിട്ടില്ല.

Technology373 days ago

UN സുരക്ഷാസമിതിയിൽ സ്ഥിരാംത്വത്തിനുള്ള ഇന്ത്യയുടെ ശ്രമത്തെ പിന്തുണച്ച് ഫ്രഞ്ച് പ്രസിഡന്റ്

ഐക്യരാഷ്ട്ര സഭയുടെ സുരക്ഷാസമിതിയിൽ സ്ഥിരാംഗത്വം നേടാനുള്ള ഇന്ത്യയുടെ ശ്രമത്തെ ഫ്രഞ്ച് പ്രസിഡന്റ് ഇമ്മാനുവൽ മാക്രോൺ പിന്തുണച്ചു. സുരക്ഷാ സമിതിയെ കൂടുതൽ കാര്യക്ഷമം ആക്കുന്നതിന് കൂടുതൽ രാജ്യങ്ങളുടെ പ്രാതിനിധ്യം ആവശ്യമാണ് അതുകൊണ്ട് സുരക്ഷാ സമിതി വിപുലീകരിക്കുന്നതിന് ഫ്രാൻസ് അനുകൂലമാണെന്ന് UN ജനറൽ അസംബ്ലിയിൽ നടത്തിയ പ്രസംഗത്തിൽ ഇമ്മാനുവൽ മാക്രോൺ പറഞ്ഞു. ഇന്ത്യക്ക് പുറമേ ജർമ്മനി, ജപ്പാൻ, ബ്രസീൽ എന്നീ രാജ്യങ്ങൾക്കും സുരക്ഷാ കൗൺസിലിൽ സ്ഥിരാംഗത്വം നൽകണമെന്നും ഇമ്മാനുവൽ മാക്രോൺ ആവശ്യപ്പെട്ടു.

World220 days ago

ഇന്ത്യയില്‍ ജീവിതശൈലി രോഗങ്ങളാണ് പ്രധാന മരണ കാരണമെന്ന് WHO

ഇന്ത്യ ഉള്‍പ്പെടെ 11 രാജ്യങ്ങളില്‍ അമിതഭാരവും ജീവിതശൈലി രോഗങ്ങളും വര്‍ധിക്കുന്നുവെന്ന് WHO വ്യക്തമാക്കി. ഇന്ത്യ, ഇന്തോനേഷ്യ, ബംഗ്ലാദേശ്, മാലദ്വീപ്, ഭൂട്ടാന്‍, മ്യാന്‍മര്‍, ശ്രീലങ്ക, തായ്ലന്‍ഡ്, എന്നിവിടങ്ങളില്‍ അഞ്ച് വയസിന് താഴെയുള്ള കുട്ടികളില്‍ 20 ലക്ഷം പേര്‍ അമിത ഭാരമുള്ളവരാണ്. 5 മുതല്‍ 19 വയസപവരെയുള്ളവരില്‍ 37.3 ദശലക്ഷം പേര്‍ക്ക് പൊണ്ണത്തടിയുണ്ടെന്നും WHOയുടെ റിപ്പോര്‍ട്ടില്‍ പറയുന്നു. പൊണ്ണത്തടിയും ജീവിതശൈലി രോഗങ്ങളും കാരണം ഹൃദ്രോഗം, പ്രമേഹം, അര്‍ബുദം തുടങ്ങിയവ പ്രതിരോധിക്കാന്‍ സര്‍ക്കാര്‍ ആരോഗ്യനയം പുനക്രമീകരിക്കണമെന്നും WHO ആവശ്യപ്പെട്ടു.

Health222 days ago

ഫിഡെ ചെസ് ഒളിംപ്യാഡില്‍ ഇന്ത്യയ്ക്ക് സ്വര്‍ണം

ചെസ് ഒളിംപ്യാഡില്‍ ആദ്യമായാണ് ഇന്ത്യ സ്വര്‍ണം സ്വന്തമാക്കുന്നത്. പുരുഷ വിഭാഗത്തിലാണ് ഇന്ത്യ നേട്ടം കൈവരിച്ചത്. ഗുകേഷ് ഡി, പ്രഗ്‌നാനന്ദ, അര്‍ജുന്‍ എരിഗാസി, വിദിത് ഗുജറാത്തി എന്നിവര്‍ അടങ്ങിയ ടീമാണ് നേട്ടം സ്വന്തമാക്കിയത്. സ്ലോവേനിയയ്ക്ക് എതിരായ മത്സരം സമനിലയിലായതാണ് ഇന്ത്യയെ കിരീടനേട്ടത്തിലേക്ക് എത്തിച്ചത്.

Sports224 days ago

ബ്ലൈന്റ് സൈറ്റ് ഡിവൈസ് നിര്‍മിക്കാന്‍ ഇലോണ്‍ മസ്‌കിന്റെ ന്യൂറാലിങ്കിന് അനുമതി

US ഫുഡ് ആന്റ് ഡ്രഗ് അഡ്മിനിസ്ട്രേഷനാണ് കാഴ്ചയില്ലാത്തവര്‍ക്ക് കാഴ്ച നല്‍കുന്ന ബ്ലൈന്റ് സൈറ്റ് ഡിവൈസ് നിര്‍മിക്കാന്‍ കാഴ്ചയില്ലാത്തവര്‍ക്ക് കാഴ്ച നല്‍കുന്ന ഉപകരണം വികസിപ്പിക്കുന്നതിന് അനുമതി നല്‍കിയിരിക്കുന്നത്. കാഴ്ചശക്തിക്കുള്ള ഒപ്റ്റിക് നാഡികള്‍ തകരാറിലാവുകയും ഇരു കണ്ണുകളും നഷ്ടപ്പെടുകയും ചെയ്തവര്‍ക്ക് ന്യൂറാലിങ്കില്‍ നിന്നുള്ള ബ്ലൈന്റ് സൈറ്റ് ഉപകരണത്തിന്റെ സഹായത്തോടെ കാണാന്‍ സാധിക്കുമെന്ന് ഇലോണ്‍ മസ്‌ക് പറഞ്ഞു.

Technology228 days ago

ഇന്ത്യയിലേക്ക് ഹില്‍സ മത്സ്യക്കയറ്റുമതി നിരോധിച്ച് ബംഗ്ലാദേശ്

ദുര്‍ഗാപൂജ ആഘോഷങ്ങള്‍ അടുത്തതിനെ തുടര്‍ന്നാണ് ഇന്ത്യയിലേക്കുള്ള ഹില്‍സ മത്സ്യക്കയറ്റുമതിക്ക് ബംഗ്ലാദേശ് സര്‍ക്കാര്‍ നിരോധനം ഏര്‍പ്പെടുത്തിയിരിക്കുന്നത്. ദുര്‍ഗ പൂജയുള്‍പ്പെടെയുള്ള ആഘോഷവേളകളിലെ വിശിഷ്ട വിഭവങ്ങളിലൊന്നാണ് ഹില്‍സ മത്സ്യം. അതിനാല്‍ പ്രാദേശിക ഉപഭോക്താക്കള്‍ക്ക് വേണ്ടത്ര മത്സ്യലഭ്യത ഉറപ്പുവരുത്താന്‍ വേണ്ടിയാണ് ദുര്‍ഗാപൂജ സമയത്ത് ഇന്ത്യയിലേക്കുള്ള ഇലിഷ് അഥവാ പദ്മ ഹില്‍സ കയറ്റുമതി നിര്‍ത്തിവെയ്ക്കാന്‍ വാണിജ്യ മന്ത്രാലയത്തിന് നിര്‍ദേശം നല്‍കിയിരിക്കുന്നത്.

National236 days ago

നിരവധി ഫീച്ചറുകളുമായി ഇലോണ്‍ മസ്‌കിന്റെ എക്‌സ് ടിവി ആപ്പ്

സിനിമകളും മറ്റു പരിപാടികളും സ്ട്രീം ചെയ്യുന്ന ഇലോണ്‍ മസ്‌കിന്റെ OTT ആപ്ലിക്കേഷനായ എക്സ് ടിവി ആപ്പ് അവതരിപ്പിച്ചു. എക്സില്‍ പങ്കുവെച്ച ഒരു പോസ്റ്റിലാണ് മസ്‌ക് തന്റെ പുതിയ ആപ്ലിക്കേഷന്‍ അവതരിപ്പിച്ചത്. ആന്‍ഡ്രോയിഡ്, LG, ആമസോണ്‍ ഫയര്‍ ടിവി, ഗൂഗിള്‍ ടിവി എന്നീ പ്ലാറ്റ്ഫോമുകളില്‍ എക്സ് ടിവിയുടെ ബീറ്റാ പതിപ്പ് ലഭ്യമാകും. എക്സ് സ്ട്രീം സര്‍വീസ് ടിവി എന്നതിന്റെ ചുരുക്കമാണ് എക്സ് ടിവി. തത്സമയ ടിവി ചാനലുകള്‍, സിനിമകള്‍, പാട്ടുകള്‍, വാര്‍ത്തകള്‍, കായിക വിനോദങ്ങള്‍, കാലാവസ്ഥ തുടങ്ങി ഒട്ടേറെ ഉള്ളടക്കങ്ങള്‍ എക്സ് ടിവി ആപ്പില്‍ ലഭിക്കും.

Technology242 days ago

എക്‌സിന് വിലക്കേര്‍പ്പെടുത്തി ബ്രസീല്‍ സുപ്രീംകോടതി

കോടതി ഉത്തരവുകള്‍ നടപ്പാക്കുകയും പിഴ അടക്കുകയും ചെയ്യും വരെ രാജ്യത്ത് എക്‌സിന്റെ എല്ലാ പ്രവര്‍ത്തനങ്ങളും നിര്‍ത്തിവയ്ക്കാനാണ് നിര്‍ദേശിച്ചിരിക്കുന്നത്. തെറ്റായ വിവരങ്ങള്‍ പ്രചരിപ്പിക്കുന്നതിനെതിരെ എക്‌സിന്റെ ഡസന്‍ കണക്കിന് അക്കൗണ്ടുകള്‍ സസ്‌പെന്‍ഡ് ചെയ്യാന്‍ ഏപ്രിലില്‍ സുപ്രീംകോടതി ഉത്തരവിട്ടിരുന്നു. ഇതിനെ തുടര്‍ന്നാണ് പ്രശ്‌നങ്ങള്‍ തുടങ്ങിയത്. പുതിയ അഭിഭാഷകനെ നിയമിക്കാന്‍ കോടതി നിര്‍ദേശിച്ച സമയം അവസാനിച്ചതിനാലാണ് വിലക്കെന്ന് കോടതി വ്യക്തമാക്കി.Read More

Technology246 days ago

ഇലോണ്‍ മസ്‌കിന് കാബിനറ്റ് പദവി വാഗ്ദാനം ചെയ്ത് ട്രംപ്

നവംബറില്‍ പ്രസിഡന്റ് ആയി തിരഞ്ഞെടുക്കപ്പെട്ടാല്‍ ടെസ്‌ല CEO ഇലോണ്‍ മസ്‌കിന് കാബിനറ്റ് പദവിയോ വൈറ്റ് ഹൗസിലെ ഉപദേശക ചുമലയോ നല്‍കാന്‍ തയാറാണെന്ന് ഡൊണാള്‍ഡ് ട്രംപ് പ്രഖ്യാപിച്ചതായാണ് റിപ്പോര്‍ട്ട്. ട്രംപിന്റെ ഈ പ്രഖ്യാപനത്തോട് മസ്‌ക് ഇതുവരെ പ്രതികരിച്ചിട്ടില്ല. താന്‍ പ്രസിഡന്റായി തിരഞ്ഞെടുക്കപ്പെട്ടാല്‍ ഇലക്ട്രിക് വാഹനങ്ങള്‍ക്കുള്ള 7500 ഡോളര്‍ ടാക്സ് ക്രെഡിറ്റ് അവസാനിക്കുന്നത് പരിഗണിക്കുമെന്ന് ട്രംപ് നേരത്തെ പറഞ്ഞിരുന്നു. റിപ്പബ്ലിക്കന്‍ പാര്‍ട്ടിയുടെ പ്രസിഡന്റ് സ്ഥാനാര്‍ത്ഥിയാണ് ട്രംപ്.

World257 days ago

ബംഗ്ലാദേശ് കലാപം; സമുദ്രാതിര്‍ത്തിയില്‍ സുരക്ഷ ശക്തമാക്കി ഇന്ത്യ

ബംഗ്ലാദേശില്‍ ആഭ്യന്തര സംഘര്‍ഷം രൂക്ഷമായി തുടരുന്ന പശ്ചാത്തലത്തില്‍, ഇന്ത്യ-ബംഗ്ലാദേശ് ഇന്റര്‍നാഷണല്‍ മാരിടൈം ബൗണ്ടറി ലൈനില്‍ (IMBL) പട്രോളിംഗും നിരീക്ഷണ പ്രവര്‍ത്തനങ്ങളും ശക്തമാക്കിയതായി ഇന്ത്യന്‍ കോസ്റ്റ് ഗാര്‍ഡ് അധികൃതര്‍ അറിയിച്ചു. നിയമവിരുദ്ധമായ കടന്നുകയറ്റങ്ങള്‍ തടയുക എന്ന ലക്ഷ്യത്തോടെയാണ് ജാഗ്രത വര്‍ധിപ്പിച്ചിരിക്കുന്നത്. ഷെയ്ഖ് ഹസീനയുടെ നേതൃത്വത്തിലുള്ള അവാമി ലീഗ് സര്‍ക്കാരിന്റെ പതനത്തെത്തുടര്‍ന്ന് ബംഗ്ലാദേശിലുടനീളം പൊട്ടിപ്പുറപ്പെട്ട അക്രമസംഭവങ്ങളില്‍ ഇതുവരെ 230 പേര്‍ കൊല്ലപ്പെട്ടതായാണ് റിപ്പോര്‍ട്ട്.

National265 days ago

വെനസ്വേലയില്‍ 10 ദിവസത്തേക്ക് ‘എക്‌സിന്’ നിരോധനം

സാമൂഹ്യ മാധ്യമമായ എക്‌സിന് പത്ത് ദിവസത്തെ നിരോധനം ഏര്‍പ്പെടുത്തി വെനസ്വേല പ്രസിഡന്റ് നിക്കൊളാസ് മഡുറോ. വെറുപ്പ് പരത്തുന്നു എന്നാരോപിച്ചാണ് എക്‌സിനെതിരെ വെനസ്വേല ഗവണ്‍മെന്റ് നടപടി എടുത്തിരിക്കുന്നത്. ജൂലായ് 28ന് നടന്ന പ്രസിഡന്റ് തിരഞ്ഞെടുപ്പിനെച്ചൊല്ലി ഇലോണ്‍ മസ്‌കും മഡുറോയും തമ്മിലുണ്ടായ വാഗ്വാദമാണ് നിരോധനം ഏര്‍പ്പെടുത്താന്‍ കാരണമെന്നാണ് പുറത്തു വരുന്ന റിപ്പോര്‍ട്ടുകല്‍. തിരഞ്ഞെടുപ്പില്‍ മഡുറോ ജയിച്ചെന്ന് അധികൃതര്‍ പ്രഖ്യാപിച്ചിരുന്നു. എന്നാല്‍ വ്യക്തമായ വോട്ടുകണക്ക് പുറത്തുവിട്ടിട്ടില്ലെന്നും സ്വയംപ്രഖ്യാപിത സോഷ്യലിസ്റ്റ് ഏറ്റവും വലിയ തിരഞ്ഞെടുപ്പ് തട്ടിപ്പ് നടത്തിയിരിക്കുകയാണെന്നുമായിരുന്നു മസ്‌കിന്റെ ആരോപണം.

Technology267 days ago