കോഴിക്കോട് NITയില്‍ വിദ്യാര്‍ത്ഥി ആത്മഹത്യ ചെയ്തു

മുംബൈ സ്വദേശി യോഗേശ്വര്‍ നാഥ് (20) ആണ് ഹോസ്റ്റലില്‍ നിന്നും ചാടി ജീവനൊടുക്കിയത്. ഇന്നു രാവിലെ ആറുമണിയോടെയാണ് NITയിലെ സി ബ്ലോക്ക് ഹോസ്റ്റലിന്റെ ആറാം നിലയില്‍ നിന്നും വിദ്യാര്‍ത്ഥി താഴേക്ക് ചാടിയത്. ഗുരുതരമായി പരിക്കേറ്റ വിദ്യാര്‍ത്ഥിയെ ഉടന്‍ തന്നെ കോഴിക്കോട് മെഡിക്കല്‍ കോളേജ് ആശുപത്രിയില്‍ പ്രവേശിപ്പിച്ചെങ്കിലും ജീവന്‍ രക്ഷിക്കാനായില്ല. മൂന്നാം വര്‍ഷ മെക്കാനിക്കല്‍ എഞ്ചിനീയറിങ് വിദ്യാര്‍ത്ഥിയായിരുന്നു യോഗേശ്വര്‍.

Kerala363 days ago

കോട്ടയത്ത് കന്യാസ്ത്രീ ആത്മഹത്യ ചെയ്ത നിലയില്‍

കോട്ടയം രാമപുരത്ത് കന്യാസ്ത്രീയെ തൂങ്ങിമരിച്ച നിലയില്‍ കണ്ടെത്തി. കാഞ്ഞിരപ്പള്ളി സ്വദേശി ആന്‍ മരിയ (51) ആണ് മരിച്ചത്. കോട്ടയം വെള്ളിയന്നൂര്‍ പുതുവേലി കാഞ്ഞിരമല ആരാധനാമഠത്തിലാണ് സംഭവം. ആന്‍മരിയയെ ഓര്‍മക്കുറവും ആരോഗ്യപ്രശ്‌നങ്ങളും അലട്ടിയിരുന്നതായി റിപ്പോര്‍ട്ടുണ്ട്. കഴിഞ്ഞ എട്ട് ദിവസമായി കാഞ്ഞിരമല ആരാധനാമഠത്തില്‍ പ്രാര്‍ത്ഥനയ്ക്ക് എത്തിയതായിരുന്നു ഇവര്‍.

Kerala288 days ago

നൈജീരിയയില്‍ സ്‌കൂള്‍ കെട്ടിടം തകര്‍ന്ന് വീണ് 22 വിദ്യാര്‍ത്ഥികള്‍ക്ക് ദാരുണാന്ത്യം

നോര്‍ത്ത് സെന്‍ട്രല്‍ നൈജീരിയയിലെ പ്ലാറ്റോ സ്റ്റേറ്റിലെ സെന്റ് അക്കാഡമി കോളേജിന്റെ കെട്ടിടമാണ് ഇന്നലെ രാവിലെ ക്ലാസ് നടക്കുന്നതിനിടെ തകര്‍ന്നു വീണത്. അപകടത്തില്‍ 22 കുട്ടികള്‍ മരണപ്പെട്ടു. കെട്ടിടാവശിഷ്ടങ്ങള്‍ക്കിടയില്‍ കുടുങ്ങി കിടന്ന 132 വിദ്യാര്‍ത്ഥികളെ രക്ഷപ്പെടുത്തിയെന്നും മേഖലയില്‍ രക്ഷാപ്രവര്‍ത്തനം തുടരുകയാണെന്നും അധികൃതര്‍ അറിയിച്ചു.

World295 days ago

കോഴിക്കോട് NIT യിലെ ജീവനക്കാരുടെ സമരം അവസാനിച്ചു

കോഴിക്കോട് NIT ക്ക് മുന്നിൽ സെക്യൂരിറ്റി ജീവനക്കാരും ശുചീകരണ തൊഴിലാളികളും നടത്തിയിരുന്ന സമരം അവസാനിപ്പിച്ചു. 55 വയസ്സ് കഴിഞ്ഞവരെ ജോലിയിൽ വെയ്ക്കേണ്ടെന്ന് രജിസ്ട്രാർ കരാർ കമ്പനികൾക്ക് നിർദേശം നൽകിയതാണ് പ്രതിഷേധത്തിന് ഇടയാക്കിയത്. ഇതോടെ 80 ശതമാനം പേർക്കും ജോലി നഷ്ടപ്പെടും എന്ന സാഹചര്യമുണ്ടായതോടെ കഴിഞ്ഞ അഞ്ച് ദിവസമായി ജീവനക്കാർ സമരം ചെയ്യുകയായിരുന്നു. ജീവനക്കാർക്ക് പിന്തുണയായി രാഷ്ട്രീയ പാർട്ടികളും എത്തിയതോടെ NIT അധികൃതരും സമരക്കാരും ചർച്ച നടത്തുകയും നിലവിൽ ജോലി ചെയ്യുന്ന എല്ലാവർക്കും തുടരാൻ അനുമതി നൽകണമെന്ന ആവശ്യം അംഗീകരിക്കുകയും ചെയ്തു. ഇതോടെയാണ് ജീവനക്കാർ സമരം അവസാനിപ്പിച്ചത്.

Kerala310 days ago

തിരുവനന്തപുരത്ത് പ്ലസ് ടു വിദ്യാർത്ഥിനി ആത്മഹത്യ ചെയ്തു; സൈബര്‍ ആക്രമണമെന്ന് ആരോപണം

തിരുവനന്തപുരം തൃക്കണ്ണാപുരം ഞാലിക്കോണം സ്വദേശി ആദിത്യ (18) ആണ് ജീവനൊടുക്കിയത്. കഴിഞ്ഞ തിങ്കളാഴ്ച ആത്മഹത്യക്ക് ശ്രമിച്ച ആദിത്യ ചികിത്സയിലിരിക്കെയാണ് മരിച്ചത്. ഇൻസ്റ്റാഗ്രാമിൽ റീലുകളിലൂടെ പ്രശസ്തയായിരുന്ന ആദിത്യ സൈബർ ആക്രമണത്തിൽ മനംനൊന്താണ് ആത്മഹത്യ ചെയ്തതെന്ന് കുടുംബവും സുഹൃത്തുക്കളും ആരോപിച്ചു. ആദിത്യയുടെ മരണത്തിൽ പൂജപ്പുര പോലീസ് അസ്വാഭാവിക മരണത്തിന് കേസെടുത്തു.

Kerala321 days ago

തെലങ്കാന സ്റ്റേറ്റ് ബോര്‍ഡ് ഓഫ് ഇന്റര്‍മിഡിയറ്റ് പരീക്ഷയില്‍ തോറ്റു; ഏഴ് വിദ്യാര്‍ത്ഥികള്‍ ആത്മഹത്യ ചെയ്തു

ആറ് പെണ്‍കുട്ടികളും ഒരു ആണ്‍കുട്ടിയുമാണ് ജീവനൊടുക്കിയത്. കഴിഞ്ഞ ബുധനാഴ്ചയാണ് തെലങ്കാന സ്റ്റേറ്റ് ബോര്‍ഡ് ഓഫ് ഇന്റര്‍മിഡിയറ്റ് പരീക്ഷയുടെ ഒന്നാം വര്‍ഷ, രണ്ടാം വര്‍ഷ ഫലങ്ങള്‍ പ്രഖ്യാപിച്ചത്. പരീക്ഷയില്‍ തോറ്റതറിഞ്ഞ് മഹബൂബാദിലും സുല്‍ത്താന്‍ബസാറിലും നല്ലകുണ്ടയിലുമുള്ള വിദ്യാര്‍ത്ഥികളാണ് ആത്മഹത്യ ചെയ്തത്.

National373 days ago

കിര്‍ഗിസ്ഥാനില്‍ മഞ്ഞുറഞ്ഞ വെള്ളച്ചാട്ടത്തില്‍പ്പെട്ട് ഇന്ത്യക്കാരനായ മെഡിക്കല്‍ വിദ്യാര്‍ത്ഥി മരിച്ചു

കിര്‍ഗിസ്ഥാനിലെ ഒരു മെഡിക്കല്‍ കോളേജിലെ രണ്ടാം വര്‍ഷ മെഡിക്കല്‍ വിദ്യാര്‍ത്ഥിയായിരുന്ന ആന്ധ്രാപ്രദേശ് അനകപെല്ല സ്വദേശിയായ ദസരി ചന്ദു(21) ആണ് മരിച്ചത്. ആന്ധ്ര സ്വദേശികളായ മറ്റ് നാല് വിദ്യാര്‍ത്ഥികള്‍ക്കൊപ്പമായിരുന്നു വെള്ളച്ചാട്ടം സന്ദര്‍ശിക്കാനെത്തിയത്. പിന്നാലെ വെള്ളച്ചാട്ടത്തില്‍ കുളിക്കുന്നതിനിടെ ചന്ദു മഞ്ഞുപാളിയില്‍ അകപ്പെടുകയായിരുന്നു.

World376 days ago

കോഴിക്കോട് NIT യുടെ വിവാദ നടപടി: റിപ്പോർട്ട് തേടി ന്യൂനപക്ഷ കമ്മീഷൻ

മുസ്ലിം, ക്രിസ്ത്യൻ ഉൾപ്പടെയുള്ള ന്യൂനപക്ഷ മതവിഭാഗങ്ങളുടെ വേദഗ്രന്ഥങ്ങളായ ഖുര്‍ആനും ബൈബിളും അവയുടെ പരിഭാഷകളും കോഴിക്കോട് NIT യിലെ ലൈബ്രറിയിൽ നിന്നും നീക്കം ചെയ്തതിനെതിരെ നടപടി സ്വീകരിക്കണമെന്ന് ആവശ്യപ്പെട്ട് സമർപ്പിച്ച ഹർജിയിലാണ് ന്യൂനപക്ഷ കമ്മീഷന്‍ റിപ്പോർട്ട് തേടിയത്. ഹർജി ഫയലിൽ സ്വീകരിച്ച കമ്മീഷൻ NIT യുടെ ഡയറക്ടര്‍, രജിസ്ട്രാര്‍, മാനവ വിഭവ ശേഷി മന്ത്രാലയം ഡയറക്ടര്‍ ജനറല്‍ എന്നിവരോട് റിപ്പോര്‍ട്ട് തേടി.

Kerala383 days ago

കോഴിക്കോട് NITയില്‍ രാത്രി നിയന്ത്രണം; പ്രതിഷേധവുമായി വിദ്യാര്‍ത്ഥികള്‍

ചാത്തമംഗലം NIT ക്യാമ്പസില്‍ രാത്രി 12 മണിക്ക് മുമ്പ് വിദ്യാര്‍ത്ഥികള്‍ ഹോസ്റ്റലില്‍ പ്രവേശിക്കണമെന്നും 24 മണിക്കൂര്‍ പ്രവര്‍ത്തിച്ചിരുന്ന കാന്റീന്‍ പ്രവര്‍ത്തനം രാത്രി 11 മണി വരെയാക്കണം എന്നുമാണ് ഡീന്‍ ഉത്തരവിറക്കിയിരിക്കുന്നത്. നിയന്ത്രണം ലംഘിക്കുന്നവര്‍ക്കെതിരെ സസ്‌പെന്‍ഷന്‍ അടക്കമുള്ള നടപടികള്‍ സ്വീകരിക്കും. എന്നാല്‍ രാത്രി നിയന്ത്രണത്തിനെതിരെ വിദ്യാര്‍ത്ഥികള്‍ പ്രതിഷേധവുമായി രംഗത്തെത്തിയിട്ടുണ്ട്.

Kerala409 days ago

കോഴിക്കോട് NITയില്‍ അധ്യാപകന് കുത്തേറ്റു

സിവില്‍ എഞ്ചിനീയറിങ് അസിസ്റ്റന്റ് പ്രൊഫസര്‍ ഡോ. ജയചന്ദ്രന് നേരെ ഉച്ചയ്ക്ക് 12 മണിയോടെയാണ് ആക്രമണമുണ്ടായത്. സേലം സ്വദേശി വിനോദ് കുമാര്‍ ആണ് അധ്യാപകനെ ആക്രമിച്ചത്. പരിക്കേറ്റ അധ്യാപകന്‍ KMCT ആശുപത്രിയില്‍ ചികിത്സയിലാണ്. എംടെക് സര്‍ട്ടിഫിക്കറ്റുമായി ബന്ധപ്പെട്ട പ്രശ്‌നത്തെത്തുടര്‍ന്നാണ് കുത്തിയതെന്നാണ് വിവരം.

Kerala429 days ago

ഗോഡ്‌സയെ പ്രകീർത്തിച്ച സംഭവം: NIT പ്രൊഫസർക്ക് ജാമ്യം

ഗോഡ്‌സയെ പ്രകീർത്തിച്ച് ഫേസ്ബുക്കിൽ കമന്റിട്ട NIT പ്രൊഫസർ ഷൈജ ആണ്ടവന് കോഴിക്കോട് കുന്ദമംഗലം കോടതി ജാമ്യം അനുവദിച്ചു. സംഭവത്തിൽ ഇവർക്കെതിരെ കലാപാഹ്വാനത്തിന് കേസെടുത്ത കുന്ദമംഗലം പോലീസ് ഇവരെ വീട്ടിലെത്തി ചോദ്യം ചെയ്തിരുന്നു. കോടതിയിൽ നേരിട്ട് ഹാജരായ ശേഷമാണ് ഇവർ ജാമ്യാപേക്ഷ സമർപ്പിച്ചത്.

Kerala439 days ago