മുതലപ്പൊഴി: ന്യൂനപക്ഷ കമ്മീഷൻ സർക്കാർ റിപ്പോർട്ട് തള്ളി

തിരുവനന്തപുരത്തെ തീരദേശ മേഖലയായ മുതലപ്പൊഴിയിൽ അപകടങ്ങൾ തുടർക്കഥയാകുന്ന സാഹചര്യത്തിൽ സംസ്ഥാന ന്യൂനപക്ഷ കമ്മീഷൻ പ്രത്യേക സിറ്റിംഗ് നടത്തുകയും അപകട മരണങ്ങൾ സംബന്ധിച്ച് സർക്കാർ സമർപ്പിച്ച റിപ്പോർട്ട് തള്ളുകയും ചെയ്തു. റിപ്പോർട്ട് പൂർണമല്ലെന്ന് വ്യക്തമാക്കിയ ന്യൂനപക്ഷ കമ്മീഷൻ മെയ് 28ന് ചേരുന്ന അടുത്ത സിറ്റിംഗിൽ സമഗ്രമായ റിപ്പോർട്ട് സമർപ്പിക്കണമെന്ന് ആവശ്യപ്പെട്ടു.

Kerala352 days ago

മുതലപ്പൊഴിയിലെ തുടർച്ചയായ അപകടങ്ങൾ; റിപ്പോർട്ട് തേടി മനുഷ്യാവകാശ കമ്മീഷൻ

മുതലപ്പൊഴി അഴിമുഖത്ത് ബോട്ട് മറിഞ്ഞ് മത്സ്യത്തൊഴിലാളികൾ മരിക്കുന്ന സാഹചര്യം ഒഴിവാക്കുന്നതിനായി തുറമുഖ വകുപ്പ് സ്വീകരിച്ച നടപടികളെ കുറിച്ചും നിലവിലെ സാഹചര്യം വ്യക്തമാക്കിയും തുറമുഖ വകുപ്പ് സെക്രട്ടറി ഒരു മാസത്തിനകം റിപ്പോർട്ട് സമർപ്പിക്കണമെന്ന് മനുഷ്യാവകാശ കമ്മീഷൻ ചെയർപേഴ്സൺ ജസ്റ്റിസ് അലക്സാണ്ടർ തോമസ് നിർദേശം നൽകി. മുതലപ്പൊഴിയിൽ 2011 ജനുവരി മുതൽ 2023 ഓഗസ്റ്റ് വരെ 66 പേർ മരിച്ചത്. തുടർച്ചയായി അപകടങ്ങളുണ്ടായതിനാൽ പുലിമുട്ട് നിർമാണത്തിലെ അപാകതകൾ കണ്ടെത്തി പരിഹാര മാർഗങ്ങൾ നിർദേശിക്കാൻ പൂനെ സെൻട്രൽ വാട്ടർ ആന്റ് പവർ റിസർച്ച് സ്റ്റേഷന് നിർദേശം നൽകിയിട്ടുണ്ടെന്ന് ഹാർബർ എൻജിനീയറിങ് ചീഫ് എൻജിനീയർ മനുഷ്യാവകാശ കമ്മീഷനെ അറിയിച്ചു.

Kerala222 days ago

മുതലപ്പൊഴിയിൽ വീണ്ടും വള്ളം മറിഞ്ഞു: ഒരാളെ കാണാതായി

മുതലപ്പൊഴിയിൽ വള്ളം മറിഞ്ഞ് മത്സ്യത്തൊഴിലാളിയെ കാണാതായി. അഞ്ചുതെങ്ങ് സ്വദേശിയായ ബെനഡിക്റ്റിനെ (45) ആണ് കാണാതായത്. വള്ളത്തിലുണ്ടായിരുന്ന നാലുതൊഴിലാളികളിൽ മൂന്നു പേരെ രക്ഷപ്പെടുത്തി. കോസ്റ്റൽ പോലീസും മറൈൻ എൻഫോഴ്‌സ്മെന്റും ബെനഡിക്റ്റിനു വേണ്ടി തിരച്ചിൽ തുടരുകയാണ്. മത്സ്യബന്ധനം കഴിഞ്ഞ് തിരികെ വരുമ്പോഴായിരുന്നു അപകടം. ശക്തമായ തിരമാലയിൽ വള്ളം തലകീഴായി മറിയുകയായിരുന്നു.

Kerala260 days ago

മുതലപ്പൊഴിയില്‍ വീണ്ടും മത്സ്യബന്ധനവള്ളം മറിഞ്ഞു

തിരുവനന്തപുരം മുതലപ്പൊഴിയില്‍ വീണ്ടും മത്സ്യബന്ധനവള്ളം മറിഞ്ഞ് അപകടം. മത്സബന്ധനം കഴിഞ്ഞ് മടങ്ങുന്നതിനിടെ ശക്തമായ തിരമാലയില്‍പ്പെട്ടാണ് വള്ളം മറിഞ്ഞത്. പൂന്തുറ സ്വദേശിയുടെ ഉടമസ്ഥതയിലുള്ള അത്യുന്നതന്‍ എന്ന വള്ളമാണ് മറിഞ്ഞത്. അപകടത്തില്‍ ആര്‍ക്കും പരിക്കില്ലെന്നാണ് വിവരം. ഇന്ന് രാവിലെ പുതുക്കുറിച്ചി സ്വദേശി ഷിജുവിന്റെ ഉടമസ്ഥതയിലുള്ള വള്ളവും അപകടത്തില്‍പ്പെട്ടിരുന്നു. വലിയ തിരയെ തുടര്‍ന്ന് വെള്ളം വള്ളത്തിലേക്ക് കയറിയാണ് അപകടമുണ്ടായത്.

Kerala295 days ago

മുതലപ്പൊഴിയില്‍ വീണ്ടും മത്സ്യബന്ധന ബോട്ട് മറിഞ്ഞു; ആളപായമില്ല

പെരുമാതുറ സ്വദേശി ഷാക്കിറിന്റെ ഉടമസ്ഥതയിലുള്ള വള്ളമാണ് ഇന്ന് പുലര്‍ച്ചെ അപകടത്തില്‍പ്പെട്ടത്. ബോട്ട് മറിഞ്ഞ് 11 മത്സ്യത്തൊഴിലാളികള്‍ കടലിലേക്ക് വീഴുകയായിരുന്നു. അപകടത്തില്‍പ്പെട്ട എല്ലാ മത്സ്യത്തൊഴിലാളികളെയും രക്ഷപ്പെടുത്തി ആശുപത്രിയിലേക്ക് മാറ്റി. ഇവരുടെ ആരോഗ്യനില തൃപ്തികരമാണെന്നാണ് റിപ്പോര്‍ട്ട്. വള്ളത്തിലെ വലകള്‍ കടലിലേക്ക് പോയതിനെ തുടര്‍ന്ന് അത് എടുക്കാന്‍ ശ്രമിച്ചപ്പോഴാണ് അപകടമുണ്ടായത്.

Kerala300 days ago

മുതലപ്പൊഴിയില്‍ വള്ളം മറിഞ്ഞ് മത്സ്യ തൊഴിലാളി മരിച്ചു

തിരുവനന്തപുരം അഞ്ചുതെങ്ങ് സ്വദേശി വിക്ടറാണ് (50) മത്സ്യബന്ധന വള്ളം മറിഞ്ഞ് മരിച്ചത്. ഇന്ന് പുലര്‍ച്ചെ ഒന്നരയോടെ അഴിമുഖത്തുണ്ടായ ശക്തമായ തിരയില്‍പ്പെട്ട് വള്ളം തലകീഴായി മറിയുകയായിരുന്നു. അഞ്ചുതെങ്ങ് സ്വദേശി ജോബോയുടെ ഉടമസ്ഥതയിലുള്ള 'ചിന്തധിര' എന്ന വള്ളമാണ് മറിഞ്ഞത്. ഫിഷറീസ് ഗാര്‍ഡുകളും, കോസ്റ്റല്‍ പോലീസും നടത്തിയ തിരച്ചിലാണ് വിക്ടറിനെ കണ്ടെത്തിയത്. വിക്ടറിനൊപ്പം വള്ളത്തിലുണ്ടായിരുന്ന മൂന്ന് മത്സ്യതൊഴിലാളികള്‍ രക്ഷപ്പെട്ടു.

Kerala318 days ago

മുതലപ്പൊഴിയില്‍ വള്ളം മറിഞ്ഞ് അപകടം; ഒരു മത്സ്യത്തൊഴിലാളി മരിച്ചു

പുലര്‍ച്ചെയുണ്ടായ അപകടത്തില്‍ പുതുക്കുറിച്ചി സ്വദേശി ജോണ്‍ (50) ആണ് മരിച്ചത്. പുലര്‍ച്ചെ 3.30ഓടെയാണ് അപകടം. വള്ളത്തില്‍ ജോണടക്കം 6 പേരാണ് ഉണ്ടായിരുന്നത്. ബാക്കിയുള്ളവര്‍ നീന്തി രക്ഷപ്പെട്ടു. കാണാതായ ജോണിനായി മത്സ്യത്തൊഴിലാളികളും തീരദേശ പൊലീസും ചേര്‍ന്ന് നടത്തിയ തിരച്ചിലിലാണ് മൃതദേഹം കണ്ടെത്തിയത്. കടല്‍ പ്രക്ഷുബ്ദമായതാണ് അപകട കാരണമെന്നാണ് പ്രാഥമിക നിഗമനം.

Kerala370 days ago

മുതലപ്പൊഴിയില്‍ വീണ്ടും മത്സ്യബന്ധന വള്ളം മറിഞ്ഞു

തിരുവനന്തപുരം മുതലപ്പൊഴി അഴിമുഖത്ത് ശക്തമായ തിരമാലയില്‍പ്പെട്ട് വള്ളം മറിഞ്ഞു. മത്സ്യബന്ധനം കഴിഞ്ഞ് തിരികെ വരവെയായിരുന്നു സംഭവം. അപകടത്തില്‍പ്പെട്ട മൂന്ന് മത്സ്യത്തൊഴിലാളികള്‍ നീന്തിക്കയറി. മുതലപ്പൊഴിയില്‍ ഇന്നലെയും മത്സ്യബന്ധന വള്ളങ്ങള്‍ മറിഞ്ഞ് അഞ്ചുപേര്‍ക്ക് പരിക്കേറ്റിരുന്നു.

Kerala397 days ago

മുതലപ്പൊഴി അഴിമുഖത്ത് മത്സ്യബന്ധന വള്ളങ്ങള്‍ മറിഞ്ഞ് അഞ്ചുപേര്‍ക്ക് പരിക്ക്

മത്സ്യബന്ധനം കഴിഞ്ഞ് മടങ്ങിവന്ന വള്ളം ശക്തമായ കടലാക്രമണത്തില്‍പ്പെട്ടാണ് അപകടമുണ്ടായത്. കടലിലേക്ക് ഒഴുകി പോയ വള്ളം കരയ്‌ക്കെത്തിക്കാന്‍ ശ്രമിക്കുന്നതിനിടെ കോസ്റ്റല്‍ പോലീസിന്റെ ബോട്ടും മറ്റൊരു വള്ളവും കൂടി അപകടത്തില്‍പ്പെട്ടു. അപകടത്തില്‍ കോസ്റ്റല്‍ പോലീസ് ബോട്ട് ജീവനക്കാരനുള്‍പ്പെടെ അഞ്ചുപേര്‍ക്ക് പരിക്കേറ്റു. അഴിമുഖത്തുണ്ടായ ശക്തമായ തിരയില്‍പ്പെട്ട് രാവിലെ ഏഴ് മണിയോടെയാണ് അപകടങ്ങള്‍ ഉണ്ടായത്.

Kerala398 days ago