സമ്പൂർണ പോളിങ് കണക്കുകൾ തിരഞ്ഞെടുപ്പ് കമ്മീഷൻ പുറത്തുവിട്ടു

ലോക്സഭാ തിരഞ്ഞെടുപ്പിലെ അഞ്ചുഘട്ടങ്ങളിലെയും വോട്ടെടുപ്പിന്‍റെ സമ്പൂർണ വോട്ട് വിവരങ്ങൾ തിരഞ്ഞെടുപ്പ് കമ്മീഷൻ പുറത്തുവിട്ടു. വോട്ടിങ് ശതമാനം, വോട്ടര്‍മാരുടെ എണ്ണം എന്നിവയടക്കമുള്ള കണക്കുകളാണ് പുറത്തുവിട്ടത്. ഓരോ പോളിങ് സ്റ്റേഷനിലെയും സമ്പൂർണ വോട്ടിങ് വിവരങ്ങൾ പുറത്തുവിടണമെന്ന ഹർജിയിൽ സുപ്രീംകോടതി ഇടപെടാൻ വിസമ്മതിച്ചതിന് പിന്നാലെയാണ് തിരഞ്ഞെടുപ്പ് കമ്മീഷൻ വോട്ടിങ് വിവരങ്ങൾ പുറത്തുവിട്ടത്. തിരഞ്ഞെടുപ്പ് പ്രക്രിയയെ തകര്‍ക്കാന്‍ തെറ്റായ വിവരങ്ങള്‍ പ്രചരിപ്പിക്കുകയാണെന്നും കമ്മീഷൻ കുറ്റപ്പെടുത്തി.

National344 days ago

വിജയിയുടെ TVKയ്ക്ക് തിരഞ്ഞെടുപ്പ് കമ്മീഷന്റെ അംഗീകാരം

TVK ഇനി തിരഞ്ഞെടുപ്പ് രാഷ്ട്രീയത്തിലേക്കെന്നും ആദ്യ വാതില്‍ തുറന്നുവെന്നും വിജയ് പറഞ്ഞു. എല്ലാവരും സമന്മാരെന്ന തത്വത്തില്‍ മുന്നോട്ട് പോകുമെന്നും വിജയ് പുറത്തുവിട്ട വാര്‍ത്താക്കുറിപ്പില്‍ വ്യക്തമാക്കി. പാര്‍ട്ടിയുടെ ആദ്യ സമ്മേളനം ഉടന്‍ പ്രഖ്യാപിക്കുമെന്നാണ് റിപ്പോര്‍ട്ട്. പോലീസ് അനുമതി കിട്ടാത്തതിനാലാണ് TVKയുടെ സംസ്ഥാന സമ്മേളനം വൈകുന്നത്.

National238 days ago

ഹരിയാനയിലെ വോട്ടെടുപ്പ് ഒക്ടോബര്‍ അഞ്ചിലേക്ക് മാറ്റി

ഒക്ടോബര്‍ ഒന്നിന് നടത്താന്‍ തീരുമാനിച്ച നിയമസഭ തെരഞ്ഞെടുപ്പിന്റെ വോട്ടെടുപ്പ് മാറ്റിവെയ്ക്കണമെന്ന ആവശ്യമാണ് കേന്ദ്ര തിരഞ്ഞെടുപ്പ് കമ്മീഷന്‍ അംഗീകരിച്ചത്. ജമ്മുകശ്മീരിലെയും ഹരിനായയിലെയും വോട്ടെണ്ണല്‍ ഒക്ടോബര്‍ നാലില്‍ നിന്ന് ഒക്ടോബര്‍ എട്ടിലേക്കും മാറ്റിയിട്ടുണ്ട്. ഗുരു ജംഭേശ്വരന്റെ സ്മരണാര്‍ഥം നടത്തുന്ന അസോജ് അമാവാസി ആഘോഷത്തില്‍ പങ്കെടുക്കുന്ന നൂറ്റാണ്ടുകള്‍ പഴക്കമുള്ള ആചാരം പിന്തുടരുന്ന ബിഷ്ണോയി സമുദായത്തിന്റെ വോട്ടവകാശത്തെയും പാരമ്പര്യത്തെയും മാനിക്കാനാണ് തീരുമാനമെന്ന് കമ്മീഷന്‍ വ്യക്തമാക്കി.

National246 days ago

ജമ്മുകശ്മീരിലെ നിയമസഭാ തിരഞ്ഞെടുപ്പ്; ആദ്യഘട്ട വോട്ടെടുപ്പിനുള്ള വിജ്ഞാപനം ഇന്ന്

ജമ്മുകശ്മീരിലെ 24 നിയമസഭാ മണ്ഡലങ്ങളിലേക്കുള്ള ആദ്യഘട്ട വോട്ടെടുപ്പിനുള്ള വിജ്ഞാപനമാണ് കേന്ദ്ര തിരഞ്ഞെടുപ്പ് കമ്മീഷന്‍ ഇന്ന് പുറപ്പെടുവിക്കുന്നത്. സെപ്റ്റംബര്‍ 18, സെപ്റ്റംബര്‍ 25, ഒക്ടോബര്‍ 1 തീയതികളിലായി മൂന്ന് ഘട്ടങ്ങളിലായാണ് തിരഞ്ഞെടുപ്പ് നടക്കുന്നത്. ഒക്ടോബര്‍ നാലിന് ഫലം പ്രഖ്യാപിക്കുമെന്നാണ് റിപ്പോര്‍ട്ട്. 2014ലാണ് ജമ്മുകശ്മീരില്‍ അവസാനമായി തിരഞ്ഞെടുപ്പ് നടന്നത്. അടുത്ത ദിവസങ്ങളിലായി രാഷ്ട്രീയ പാര്‍ട്ടികള്‍ തങ്ങളുടെ സ്ഥാനാര്‍ത്ഥികളുടെ ആദ്യ പട്ടിക പുറത്തിറക്കുമെന്നാണ് പ്രതീക്ഷ.

National257 days ago

നാല് സംസ്ഥാനങ്ങളിലെ നിയമസഭ തിരഞ്ഞെടുപ്പ് തീയതികള്‍ ഇന്ന് പ്രഖ്യാപിക്കും

ജമ്മുകശ്മീര്‍ മഹാരാഷ്ട്ര, ഹരിയാന, ഝാര്‍ഖണ്ഡ് എന്നീ സംസ്ഥാനങ്ങളിലെ നിയമസഭ തിരഞ്ഞെടുപ്പ് തീയതികളാണ് ഇന്ന് കേന്ദ്ര തിരഞ്ഞെടുപ്പ് കമ്മീഷന്‍ ഇന്ന് പ്രഖ്യാപിക്കുന്നത്. വൈകീട്ട് മൂന്നുമണിക്ക് സംഘടിപ്പിച്ചിരിക്കുന്ന വാര്‍ത്താ സമ്മേളനത്തിലാണ് പ്രഖ്യാപനം. ഹരിയാന നിയമസഭയുടെ കാലാവധി നവംബര്‍ മൂന്നിനും മഹാരാഷ്ട്ര നിയമസഭയുടെ കാലാവധി നവംബര്‍ 26 നും അവസാനിക്കും. ഝാര്‍ഖണ്ഡ് നിയമസഭയുടെ കാലാവധിയും ഈ വര്‍ഷം ഡിസംബറോടെ അവസാനിക്കും.

National261 days ago

നിയമസഭ കൗൺസിൽ ഉപതിരഞ്ഞെടുപ്പ് ജൂലൈ 12ന്

നാല് സംസ്ഥാനങ്ങളിലായി അഞ്ച് നിയമസഭ കൗൺസിൽ ഒഴിവുകളിലേക്ക് ജൂലൈ 12 ന് ഉപതിരഞ്ഞെടുപ്പ് നടക്കുമെന്ന് തിരഞ്ഞെടുപ്പ് കമ്മീഷൻ അറിയിച്ചു. കർണാടക, ഉത്തർപ്രദേശ്, ബിഹാർ, ആന്ധ്രപ്രദേശ് എന്നീ സംസ്ഥാനങ്ങളിലാണ് ഉപതിരഞ്ഞെടുപ്പ്. കർണാടകയിൽ മുൻ മുഖ്യമന്ത്രി ജഗദീഷ് ഷെട്ടർ MLC (Member of Legislative Council) സ്ഥാനം രാജിവെച്ചതിനെ തുടർന്നുള്ള ഒഴിവിലേക്കാണ് ഉപതിരഞ്ഞെടുപ്പ്. സ്വാമി പ്രസാദ് മൗര്യ സമാജ്‌വാദി പാർട്ടി വിട്ട് ഫെബ്രുവരിയിൽ സഭയിൽ നിന്ന് രാജിവച്ചതോടെയാണ് ഉത്തർപ്രദേശ് നിയമസഭയിൽ ഒഴിവ് വന്നത്. Read More

National320 days ago

വോട്ടെണ്ണല്‍ യന്ത്രം ഹാക്ക് ചെയ്തുവെന്ന ആരോപണം തള്ളി തിരഞ്ഞെടുപ്പ് കമ്മീഷന്‍

EVM യന്ത്രത്തിന്റെ പ്രവര്‍ത്തനത്തിന് OTP ആവശ്യമില്ലെന്ന് റിട്ടേണിങ് ഓഫീസര്‍ വന്ദന സൂര്യവംശി പറഞ്ഞു. മുംബൈ നോര്‍ത്ത് വെസ്റ്റ് ലോക്‌സഭാ സീറ്റിലാണ് വോട്ടെണ്ണല്‍ യന്ത്രം ഹാക്ക് ചെയ്തുവെന്ന ആരോപണം വന്നത്. ആശയവിനിമയത്തിന് യാതൊരു സാധ്യതയുമില്ലാത്ത ഉപകരണമാണ് EVM എന്നും മൊബൈല്‍ ഫോണ്‍ ഉപയോഗിച്ച് EVM അണ്‍ലോക്ക് ചെയ്യാന്‍ സാധിക്കില്ലെന്നും തിരഞ്ഞെടുപ്പ് കമ്മീഷന്‍ വ്യക്തമാക്കി.

National322 days ago

ലോക്സഭാ തിരഞ്ഞെടുപ്പ്: മാതൃക പെരുമാറ്റച്ചട്ടം പിൻവലിച്ചു

ലോക്‌സഭാ തിരഞ്ഞെടുപ്പ് പ്രഖ്യാപിച്ചതോടെ മാർച്ച് 16ന് നിലവിൽ വന്ന മാതൃകാ പെരുമാറ്റച്ചട്ടം തിരഞ്ഞെടുപ്പ് കമ്മീഷൻ പിൻവലിച്ചു. ലോക്സഭാ തിരഞ്ഞെടുപ്പിന്റെ ഫല പ്രഖ്യാപനം വന്നതോടെയാണ് പെരുമാറ്റച്ചട്ടം പിൻവലിച്ചത്. പ്രചാരണം, പോളിംഗ്, വോട്ടെണ്ണൽ തുടങ്ങിയ പ്രക്രിയകൾ ചിട്ടയായി നടത്തുക, അധികാരത്തിലിരിക്കുന്ന പാർട്ടി സർക്കാർ സംവിധാനങ്ങളും ധനകാര്യങ്ങളും ദുരുപയോഗം ചെയ്യുന്നത് തടയുക എന്നതാണ് പെരുമാറ്റച്ചട്ടം ഏർപ്പെടുത്തുന്നതിന്റെ ലക്ഷ്യം. പെരുമാറ്റച്ചട്ടം പിൻവലിച്ചതോടെ സർക്കാരിന് സ്വതന്ത്രമായി തീരുമാനങ്ങൾ എടുക്കാൻ കഴിയും.

National332 days ago

അമിത് ഷാ 150 ജില്ലാ മജിസ്‌ട്രേറ്റുമാരെ വിളിച്ചെന്ന ആരോപണം; ജയറാം രമേശിനോട് ഇലക്ഷൻ കമ്മീഷൻ വിശദാംശങ്ങൾ ആവശ്യപ്പെട്ടു

കേന്ദ്ര ആഭ്യന്തര മന്ത്രിയും BJP നേതാവുമായ അമിത് ഷാ വോട്ടെണ്ണലിന് മുന്നോടിയായി 150 ജില്ലാ മജിസ്‌ട്രേറ്റുമാരെ വിളിച്ചെന്ന അവകാശവാദത്തിൻ്റെ വിശദാംശങ്ങൾ പങ്കിടാൻ കോൺഗ്രസ് നേതാവ് ജയറാം രമേശിനോട് തിരഞ്ഞെടുപ്പ് കമ്മീഷൻ ആവശ്യപ്പെട്ടു. ഇന്ന് രാത്രി 7 മണിക്ക് മുമ്പ് വിവരങ്ങൾ നൽകണമെന്നാണ് ഇലക്ഷൻ കമ്മീഷൻ ജയറാം രമേശിന് അയച്ച കത്തിൽ പറയുന്നത്. നാളിതുവരെ ഒരു ജില്ലാ മജിസ്‌ട്രേറ്റും അനാവശ്യ സ്വാധീനം അനുഭവിച്ചതായി റിപ്പോർട്ട് ചെയ്തിട്ടില്ലെന്നും ആരോപണത്തിന്റെ ഗൗരവം കണക്കിലെടുത്താണ് വിശദാംശങ്ങൾ ആവശ്യപ്പെട്ടതെന്നും കമ്മീഷൻ അറിയിച്ചു.

National336 days ago

ലോക്സഭാ തിരഞ്ഞെടുപ്പ്: വോട്ടെണ്ണല്‍ ഫലം അറിയാന്‍ തിരഞ്ഞെടുപ്പ് കമ്മീഷന്റെ ഏകീകൃത സംവിധാനം

ലോക്സഭാ തിരഞ്ഞെടുപ്പിന്റെ വോട്ടെണ്ണൽ ജൂൺ നാലിന് രാവിലെ എട്ട് മണിക്ക് ആരംഭിക്കും. വോട്ടെണ്ണല്‍ ഫലം തല്‍സമയം പൊതുജനങ്ങളില്‍ എത്തിക്കാന്‍ ഏകീകൃത സംവിധാനമാണ് ഒരുക്കിയിട്ടുള്ളതെന്ന് മുഖ്യ തിരഞ്ഞെടുപ്പ് ഓഫീസർ സഞ്ജയ് കൗൾ അറിയിച്ചു. തിരഞ്ഞെടുപ്പ് കമ്മീഷന്റെ വെബ്സൈറ്റിലൂടെയും വോട്ടര്‍ ഹെല്‍പ് ലൈന്‍ ആപ്പിലൂടെയും തത്സമയ ഫലം അറിയാനാവും. https://results.eci.gov.in എന്ന വെബ്സൈറ്റ് വഴിയാണ് തത്സമയ ഫലം ലഭ്യമാവുക. Read More

National337 days ago

മമതാ ബാനര്‍ജിക്കെതിരായ പരാമര്‍ശം; BJP നേതാവിനെ പ്രചാരണത്തില്‍ നിന്ന് വിലക്കി തിരഞ്ഞെടുപ്പ് കമ്മീഷന്‍

പശ്ചിമ ബംഗാളിലെ തംലുക്ക് മണ്ഡലത്തിലെ BJP സ്ഥാനാര്‍ത്ഥി അഭിജിത് ഗംഗോപാധ്യയെ ആണ് ഇന്ന് വൈകുന്നേരം 5 മണി മുതല്‍ 24 മണിക്കൂറത്തേക്ക് തിരഞ്ഞെടുപ്പ് പ്രചാരണത്തില്‍ നിന്ന് വിലക്കിയത്. മാതൃകാ പെരുമാറ്റച്ചട്ടം നിലനില്‍ക്കുന്ന സമയത്ത് പരസ്യമായി സംസാരിക്കുന്നതില്‍ ജാഗ്രത പാലിക്കണമെന്നും കമ്മീഷന്‍ ഗംഗോപാധ്യക്ക് മുന്നറിയിപ്പ് നല്‍കി. മെയ് 15 ന് ഹാല്‍ദിയയില്‍ നടന്ന ഒരു പൊതുയോഗത്തിലാണ് അദ്ദേഹം മുഖ്യമന്ത്രിക്കെതിരെ മോശം പരാമര്‍ശം നടത്തിയത്. ഇതില്‍ TMC നല്‍കിയ പരാതിയിലാണ് തിരഞ്ഞെടുപ്പ് കമ്മീഷന്റെ നടപടി.

National348 days ago