ഇന്‍ഡിഗോ വിമാനത്തിന് ബോംബ് ഭീഷണി; യാത്രക്കാര്‍ സുരക്ഷിതരെന്ന് അധികൃതര്‍

ഡല്‍ഹിയില്‍ നിന്ന് 5.35 ഓടെ വാരണാസിയിലേക്ക് പോകേണ്ട ഇന്‍ഡിഗോ 6E2211 എന്ന വിമാനത്തിനാണ് ബോംബ് ഭീഷണി നേരിട്ടത്. ഇതേ തുടര്‍ന്ന് യാത്രക്കാരെയെല്ലാം എമര്‍ജന്‍സി എക്‌സിറ്റ് വഴി പുറത്തെത്തിച്ചു. ഭീഷണിക്ക് പിന്നാലെ സുരക്ഷിത സ്ഥലത്തേക്ക് മാറ്റിയ വിമാനത്തില്‍ ദ്രുതപ്രതിരോധ സംഘവും ബോംബ് സ്‌ക്വാഡും പരിശോധന നടത്തുകയാണ്. സംഭവത്തില്‍ അന്വേഷണം നടത്താന്‍ വിമാനത്താവള അധികൃതര്‍ ഉത്തരവിട്ടു.

National342 days ago

വ്യാജ ബോംബ് ഭീഷണി: വിസ്താര വിമാനം അടിയന്തരമായി തുർക്കിയിലിറക്കി

മുംബൈയിൽ നിന്ന് ജർമനിയിലെ ഫ്രാങ്ക്ഫർട്ടിലേക്ക് പോകുകയായിരുന്ന വിസ്താര വിമാനമാണ് വ്യാജ ബോംബ് ഭീഷണിയെ തുടർന്ന് തുർക്കിയിൽ അടിയന്തരമായി ലാൻഡ് ചെയ്തത്. തുർക്കിയിലെ എൻസുറം വിമാനത്താവളത്തിലാണ് വിമാനം ഇറക്കിയത്. വിമാനത്തിന്റെ ശുചിമുറിയിൽ നിന്നാണ് ഭീഷണി സന്ദേശം എഴുതിയ കത്ത് കണ്ടെത്തിയത്. തുടർന്നാണ് വിസ്താരയുടെ UK27 എന്ന വിമാനം തുർക്കിയിൽ അടിയന്തരമായി ഇറക്കിയത്. യാത്രക്കാരെ ഒഴിപ്പിച്ച ശേഷം വിമാനത്തിൽ നടത്തിയ പരിശോധനയിൽ സംശയകരമായ വസ്തുക്കളൊന്നും കണ്ടെത്തിയില്ല.

National240 days ago

ബോംബ് ഭീഷണി; ഇന്‍ഡിഗോ വിമാനം വഴിതിരിച്ചുവിട്ടു

ബോംബ് ഭീഷണിയെത്തുടര്‍ന്ന് ഇന്‍ഡിഗോ വിമാനം നാഗ്പൂരിലേക്ക് വഴിതിരിച്ചുവിട്ടു. ജബല്‍പൂരില്‍ നിന്ന് ഹൈദരാബാദിലേക്ക് സര്‍വീസ് നടത്തുന്ന ഇന്‍ഡിഗോ 6E 7308 വിമാനമാണ് വഴിതിരിച്ചുവിട്ടത്. എല്ലാ യാത്രക്കാരെയും സുരക്ഷാ പരിശോധനകള്‍ക്ക് വിധേയരാക്കി. യാത്രക്കാര്‍ക്ക് ലഘുഭക്ഷണം നല്‍കിയിട്ടുണ്ടെന്നും അസൗകര്യമുണ്ടായതില്‍ ഖേദിക്കുന്നുവെന്നും ഇന്‍ഡിഗോ പ്രസ്താവനയില്‍ അറിയിച്ചു.

National246 days ago

യഹോവ സാക്ഷികളുടെ പ്രാര്‍ത്ഥനാ കേന്ദ്രങ്ങളില്‍ ബോംബ് ഭീഷണി

കൊച്ചി തോപ്പുംപടിയിലുളള യഹോവ സാക്ഷികളുടെ പ്രാര്‍ത്ഥനാ കേന്ദ്രത്തിലാണ് ബോംബ് ഭീഷണി ലഭിച്ചത്. ഇന്ന് രാവിലെ എറണാകുളം കണ്ട്രോള്‍ റൂമിലേക്കാണ് ഫോണ്‍ സന്ദേശം ലഭിച്ചത്. തുടര്‍ന്ന് പ്രാര്‍ത്ഥനാ കേന്ദ്രങ്ങളില്‍ പോലീസ് പരിശോധന നടത്തി. കഴിഞ്ഞ ഒക്ടോബറില്‍ കളമശ്ശേരിയില്‍ യഹോവ സാക്ഷികളുടെ മേഖലാ സമ്മേളനം നടന്ന കണ്‍വെന്‍ഷന്‍ സെന്ററില്‍ തമ്മനം സ്വദേശിയായ ഡൈാമിനിക് മാര്‍ട്ടിന്‍ എന്നയാള്‍ സ്‌ഫോടനം നടത്തിയിരുന്നു. അപകടത്തില്‍ 36 പേര്‍ക്ക് പരുക്കേല്‍ക്കുകയും ഒരു സ്ത്രീ അടക്കം എട്ട് പേര്‍ കൊല്ലപ്പെടുകയും ചെയ്തിരുന്നു.

Kerala246 days ago

എയർ ഇന്ത്യ വിമാനത്തിൽ ബോംബ് ഭീഷണി സന്ദേശം ലഭിച്ചത് ശുചിമുറിയിലെ ടിഷ്യു പേപ്പറിൽ നിന്ന്

മുംബൈ – തിരുവനന്തപുരം എയർ ഇന്ത്യ വിമാനത്തിൽ ബോംബ് ഭീഷണി ഉണ്ടായ സംഭവത്തിൽ പോലീസ് അന്വേഷണം ആരംഭിച്ചു. വിമാനത്തിനുള്ളിലെ ടിഷ്യു പേപ്പറിൽ നിന്നാണ് ഭീഷണി സന്ദേശം ലഭിച്ചത്. ഭീഷണി സന്ദേശം കണ്ടെത്തിയതിനെ തുടർന്ന് പൈലറ്റ് എയർ ട്രാഫിക് കൺട്രോളിൽ വിവരം അറിയിക്കുകയും വിമാനം സുരക്ഷിതമായി ലാന്റ് ചെയ്ത് വിശദമായ പരിശോധനയ്ക്ക് വിധേയമാക്കുകയും ചെയ്തു. വ്യാജ സന്ദേശമാണെന്നാണ് നിലവിലെ നിഗമനം. യാത്രക്കാരിൽ ആരെങ്കിലുമാണോ സന്ദേശം എഴുതിയതെന്നാണ് സംശയം. ഇതിനാൽ വിമാനത്തിലുണ്ടായിരുന്ന 135 യാത്രക്കാരെയും ചോദ്യം ചെയ്യും.

Kerala256 days ago

പാര്‍ലമെന്റിലും ചെങ്കോട്ടയിലും ബോംബിടുമെന്ന് ഖലിസ്ഥാന്‍ ഭീഷണി

പാര്‍ലമെന്റിന്റെ വര്‍ഷകാല സമ്മേളനം ഇന്ന് തുടങ്ങാനിരിക്കെ പാര്‍ലമെന്റിലും ചെങ്കോട്ടയിലും ബോംബ് സ്‌ഫോടനം നടത്തുമെന്ന് ഖലിസ്ഥാന്‍ ഭീഷണി. മലയാളി രാജ്യസഭാ MPമാരായ വി.ശിവദാസിനും എ.എ. റഹീമിനും ഇന്നലെ രാത്രി 11.30 ഓടെയാണ് ഖലിസ്ഥാന്‍ തീവ്രവാദ സംഘടനയായ സിഖ് ഫോര്‍ ജസ്റ്റിസിന്റെ പേരിലുള്ള പേരിലുള്ള ഭീഷണി സന്ദേശം ലഭിച്ചത്. MPമാര്‍ ഉടന്‍ തന്നെ ഡല്‍ഹി പോലീസിന് വിവരം കൈമാറി. ഭീഷണിയെത്തുടര്‍ന്ന് പാര്‍ലമെന്റില്‍ സുരക്ഷ ശക്തമാക്കി.

National287 days ago

കനത്ത മഴ; ഡല്‍ഹി വിമാനത്താവളത്തിലെ മേല്‍ക്കൂര തകര്‍ന്നു വീണ് ഒരു മരണം

കനത്ത മഴയില്‍ ഡല്‍ഹി വിമാനത്താവളത്തിലെ ടെര്‍മിനല്‍ ഒന്നിലെ മേല്‍ക്കൂര തകര്‍ന്ന് വീണ് ഒരാള്‍ മരിക്കുകയും അഞ്ച് പേര്‍ക്ക് പരിക്കേല്‍ക്കുകയും ചെയ്തു. പുലര്‍ച്ചെ അഞ്ചരയോടെയാണ് അപകടം ഉണ്ടായത്. ഇതേ തുടര്‍ന്ന് ടെര്‍മിനല്‍ 1 ലെ എല്ലാ പ്രവര്‍ത്തനങ്ങളും ഇനിയൊരു അറിയിപ്പ് ഉണ്ടാകുന്നതുവരെ താല്‍ക്കാലികമായി നിര്‍ത്തിവച്ചതായി സിവില്‍ ഏവിയേഷന്‍ മന്ത്രാലയം അറിയിച്ചു.

National311 days ago

ഇനി വാട്‌സ്ആപ്പ് വഴി ഫ്‌ളൈറ്റ് ടിക്കറ്റ്; പുതിയ മാര്‍ഗവുമായി ഇന്‍ഡിഗോ

വാട്‌സ്ആപ്പ് മുഖേന ഇനി ഇന്‍ഡിഗോ വിമാന യാത്രയ്ക്കുള്ള ടിക്കറ്റ് ബുക്കെ ചെയ്യാന്‍ കഴിയുമെന്ന് എയര്‍ലൈന്‍ വ്യക്തമാക്കി. ഗൂഗിളിന്റെ റിയാഫി സാങ്കേതികവിദ്യയുമായി സഹകരിച്ചാണ് ഈ ഫീച്ചര്‍ കൊണ്ടു വന്നിരിക്കുന്നത്. ഉപഭോക്താക്കള്‍ക്ക് +91 7065145858 എന്ന നമ്പറിലേക്ക് 'ഹായ്' എന്ന വാട്്സ്ആപ്പ് സന്ദേശം അയക്കാം. ഇതിന് മറുപടിയായി ഫ്‌ളൈറ്റ് ടിക്കറ്റ് ബുക്കിംഗ്, വെബ് ചെക്ക്-ഇന്‍, ബോര്‍ഡിംഗ് പാസുകള്‍, ഫ്‌ളൈറ്റ് സ്റ്റാറ്റസ് എന്നിവ ഉള്‍പ്പെടെയുള്ള വിവിധ ഓപ്ഷനുകള്‍ ലഭ്യമാകും. ഇതില്‍ നിന്നും വേണ്ടത് തിരഞ്ഞെടുക്കാവുന്നതാണ്.

Technology311 days ago

എയര്‍ ഇന്ത്യ എക്‌സ്പ്രസിലെ ബോംബ് ഭീഷണി; മലപ്പുറം സ്വദേശി പിടിയില്‍

കൊച്ചിയില്‍ നിന്നും ലണ്ടനിലേക്ക് പോകുന്ന എയര്‍ ഇന്ത്യ എക്‌സ്പ്രസ് വിമാനത്തില്‍ ബോംബ് വെച്ചിട്ടുണ്ടെന്ന് ഇന്ന് പുലര്‍ച്ചെ മുംബൈയിലെ എയര്‍ ഇന്ത്യ കോള്‍ സെന്ററിലേക്ക് സന്ദേശം അയച്ച മലപ്പുറം സ്വദേശിയായ സുഹൈബ് (29) ആണ് പിടിയിലായത്. ഭീഷണി മുഴക്കിയ AI 149 വിമാനത്തില്‍ കയറാെനത്തിയപ്പോഴാണ് ഇയാളെ കസ്റ്റഡിയിലെടുത്തത്. ഒന്നര ആഴ്ച മുന്‍പു ലണ്ടനില്‍ നിന്നു തിരിച്ചെത്തിയ ഇവരുടെ കുട്ടിക്കു വിമാനത്തില്‍ നിന്ന് ഭക്ഷ്യവിഷബാധ ഉണ്ടായി. അതിനാല്‍ തിരിച്ചുപോകുന്ന ടിക്കറ്റ് കുറച്ചു ദിവസത്തേക്കു കൂടി നീട്ടി നല്‍കണമെന്നു മൂന്ന് ദിവസം മുന്‍പ് ആവശ്യപ്പെട്ടിരുന്നു.Read More

Kerala314 days ago

കൊച്ചി-ലണ്ടന്‍ എയര്‍ ഇന്ത്യാ എക്‌സ്പ്രസില്‍ ബോംബ് ഭീഷണി

ഇന്ന് 11.50ന് നെടുമ്പാശ്ശേരിയില്‍ നിന്ന് ലണ്ടനിലേക്ക് പുറപ്പെടേണ്ട എയര്‍ ഇന്ത്യാ എക്‌സ്പ്രസില്‍ ബോംബ് വെച്ചിട്ടുണ്ടെന്ന് എയര്‍ ഇന്ത്യയുടെ ആസ്ഥാനത്തേക്കാണ് സന്ദേശം ലഭിച്ചത്. ഇതേ തുടര്‍ന്ന് വിമാനത്തില്‍ കര്‍ശന പരിശോധന നടത്തിയെങ്കിലും ഒന്നും കണ്ടെത്താനായില്ല. സംഭവത്തില്‍ ബ്യൂറോ ഓഫ് സിവില്‍ ഏവിയേഷന്‍ സെക്യൂരിറ്റീസ് അന്വേഷണം ആരംഭിച്ചു.

Kerala314 days ago

ഡല്‍ഹി വിമാനത്താവളത്തിലെ ബോംബ് ഭീഷണി; 13കാരന്‍ പോലീസ് കസ്റ്റഡിയില്‍

ദുബായിലേക്കുള്ള വിമാനത്തില്‍ ബോംബുണ്ടെന്ന് കാട്ടി ഡല്‍ഹി വിമാനത്താവളത്തിലേക്ക് ഇമെയില്‍ സന്ദേശം അയച്ച 13കാരനെയാണ് കസ്റ്റഡിയിലെടുത്തിരിക്കുന്നത്. തമാശയ്ക്കാണ് ഇമെയില്‍ അയച്ചതെന്ന് 13കാരന്‍ സമ്മതിച്ചതായി ഡെപ്യൂട്ടി പൊലീസ് കമ്മീഷണര്‍ പറഞ്ഞു. സന്ദേശം അയച്ചതിന് പിന്നാലെ ഇമെയില്‍ ID നശിപ്പിച്ചിരുന്നു. ഇമെയിലിന്റെ ഉറവിടം ഉത്തരാഖണ്ഡിലെ പിത്തോറഗഢില്‍ നിന്നാണെന്ന് മനസിലായതോടെയാണ് അന്വേഷണ സംഘം കൗമാരക്കാരനെ പിടികൂടിയത്.Read More

National316 days ago