ബ്രിട്ടനില്‍ സൂക്ഷിച്ച സ്വര്‍ണം ഇന്ത്യയിലെത്തിച്ച് RBI

RBI ബാങ്ക് ഓഫ് ഇംഗ്ലണ്ടില്‍ സൂക്ഷിച്ച 100 ടണ്‍ സ്വര്‍ണമാണ് ഇന്ത്യയിലെത്തിച്ചത്. 1991ന് ശേഷം ആദ്യമായാണ് ഇങ്ങനെയൊരു നടപടി റിസര്‍വ് ബാങ്ക് ഓഫ് ഇന്ത്യ കൈക്കൊള്ളുന്നത്. മാര്‍ച്ച് അവസാനം RBIയുടെ പക്കല്‍ 822.1 ടണ്‍ സ്വര്‍ണമാണ് ഉണ്ടായിരുന്നത്. അതില്‍ 413.8 ടണ്‍ വിദേശത്തായിരുന്നു സൂക്ഷിച്ചിരുന്നത്. വരും മാസങ്ങളില്‍ സമാനമായ അളവില്‍ സ്വര്‍ണം രാജ്യത്തേക്ക് എത്തിച്ചേക്കുമെന്നാണ് RBI പറയുന്നത്.

Business338 days ago

സംസ്ഥാനത്ത് സ്വര്‍ണവില സര്‍വകാല റെക്കോര്‍ഡില്‍

റെക്കോര്‍ഡുകള്‍ ഭേദിച്ച് സ്വര്‍ണവില ആദ്യമായി 56,000 തൊട്ടു. ഇന്ന് പവന് 160 രൂപ വര്‍ധിച്ചതോടെയാണ് 56,000 രൂപയിലെത്തിയത്. ഗ്രാമിന് 20 രൂപ കൂടി 7000 രൂപയായി. അഞ്ചു ദിവസത്തിനിടെ 1400 രൂപയാണ് വര്‍ധിച്ചത്. ഈ മാസത്തിന്റെ തുടക്കത്തില്‍ 53,360 രൂപയായിരുന്നു സ്വര്‍ണവില. കഴിഞ്ഞ ദിവസം ഒറ്റയടിക്ക് 480 രൂപ വര്‍ധിച്ചതോടെയാണ് സ്വര്‍ണവില വീണ്ടും ഉയരാന്‍ തുടങ്ങിയത്.

Business222 days ago

തുടര്‍ച്ചയായ മൂന്നാം ദിവസവും സ്വര്‍ണവിലയില്‍ കുറവ്

സംസ്ഥാനത്ത് മൂന്ന് ദിവസത്തിനിടെ സ്വര്‍ണത്തിന് 440 രൂപയാണ് കുറഞ്ഞത്. ഇന്ന് 200 രൂപ കുറഞ്ഞ് ഒരു പവന്‍ സ്വര്‍ണത്തിന്റെ വില 54,600 രൂപയായി. ഗ്രാമിന് 25 രൂപയാണ് കുറഞ്ഞത്. ഒരു ഗ്രാം സ്വര്‍ണത്തിന് 6825 രൂപയാണ് വിപണി വില. 11 ദിവസത്തിനിടെ ഏകദേശം 1700 രൂപ വര്‍ധിച്ച് 55,000 രൂപ കടന്ന് മുന്നേറിയ സ്വര്‍ണവില സെപ്റ്റംബര്‍ 17 മുതലാണ് ഇടിയാന്‍ തുടങ്ങിയത്.

Business227 days ago

സംസ്ഥാനത്ത് സ്വര്‍ണവില വീണ്ടും കുറഞ്ഞു

ഇന്ന് 120 രൂപ കുറഞ്ഞ് ഒരു പവന്‍ സ്വര്‍ണത്തിന്റെ വില 54,800 രൂപയായി. ഗ്രാമിന് 15 രൂപ കുറഞ്ഞ് 6850 രൂപയുമായി. സെപ്റ്റംബര്‍ 16ന് ഈ മാസത്തെ ഏറ്റവും ഉയര്‍ന്ന വിലയായ 55040 രൂപ രേഖപ്പെടുത്തിയിരുന്നു. അന്ന് ഒറ്റയടിക്ക് ആയിരം രൂപയോളമാണ് വര്‍ധിച്ചത്. ഇങ്ങനെ വില വര്‍ധിച്ചുകൊണ്ടിരുന്ന സ്വര്‍ണത്തിന്റെ വില കഴിഞ്ഞ ദിവസം മുതലാണ് നേരിയ തോതില്‍ കുറയാന്‍ തുടങ്ങിയത്.

Business228 days ago

സംസ്ഥാനത്ത് ഇന്ന് സ്വര്‍ണവിലയില്‍ നേരിയ ഇടിവ്

തുടര്‍ച്ചയായി ഉയര്‍ന്നു കൊണ്ടിരുന്ന സ്വര്‍ണവിലയിലാണ് ഇന്ന് നേരിയ ഇടിവ് രേഖപ്പെടുത്തിയിരിക്കുന്നത്. ഒരു പവന് 120യാണ് കുറഞ്ഞത്. ഒരു പവന്‍ സ്വര്‍ണത്തിന്റെ ഇന്നത്തെ വിപണി വില 54,920 രൂപയാണ്. ഇന്ന് ഗ്രാമിന് 15 രൂപ കൂറഞ്ഞ് 6865 രൂപയായി. കഴിഞ്ഞ അഞ്ച് ദിവസംകൊണ്ട് 1400 രൂപയോളം രൂപ വര്‍ധിച്ചിരുന്നു. സ്വര്‍ണവിലയില്‍ വലിയ ഉയര്‍ച്ച താഴ്ച്ചകള്‍ രേഖപ്പെടുത്തിയ ഒരു മാസമാണ് കടന്നുപോയത്.

Business229 days ago

സംസ്ഥാനത്ത് സ്വര്‍ണവിലയില്‍ നേരിയ കുറവ്

ഇന്ന് പവന് 80 രൂപ കുറഞ്ഞ് 53,640 രൂപയായി. 6705 രൂപയാണ് ഒരു ഗ്രാം സ്വര്‍ണത്തിന്റെ വില. മൂന്ന് ദിവസം മാറ്റമില്ലാതെ തുടര്‍ന്ന സ്വര്‍ണവിലയില്‍ ഇന്നലെ 280 രൂപ വര്‍ധിച്ചിരുന്നു. അതിന് പിന്നാലെയാണ് നേരിയ കുറവ് ഇന്ന് രേഖപ്പെടുത്തിയിരിക്കുന്നത്. സെപ്റ്റംബര്‍ 7നാണ് ഇതിന് മുമ്പ് അവസാനം സ്വര്‍ണവില കുറഞ്ഞിരുന്നത്. കഴിഞ്ഞ മാസം സ്വര്‍ണവില കൂടിയും കുറഞ്ഞു നില്‍ക്കുകയായിരുന്നു.

Business234 days ago

സ്വര്‍ണവില കുതിക്കുന്നു; പവന് 400 രൂപ കൂടി

സംസ്ഥാനത്ത് സ്വര്‍ണ വിലയില്‍ വര്‍ധനവ്. പവന് 400 രൂപയാണ് കൂടിയത്. ഇതോടെ ഒരു പവന്‍ സ്വര്‍ണത്തിന്റെ വില 53,760 രൂപയായി. ഒരു ഗ്രാം സ്വര്‍ണത്തിന് 50 രൂപ കൂടി 6720 രൂപയായി. വെള്ള ഗ്രാമിന് 2 രൂപ വര്‍ധിച്ച് 91 രൂപക്കാണ് ഇന്ന് വ്യാപാരം പുരോഗമിക്കുന്നത്. ഓണവും വിവാഹ സീസണുമായതിനാല്‍ കേരളത്തില്‍ സ്വര്‍ണ വ്യാപാരം നല്ല രീതിയില്‍ പുരോഗമിക്കുന്നതിനിടെയാണ് വില വര്‍ധനവ് ഉണ്ടായിരിക്കുന്നത്.

Business240 days ago

LGBTQ വ്യക്തികള്‍ക്ക് ഇനി ജോയിന്റ് ബാങ്ക് അക്കൗണ്ടുകള്‍ തുറക്കാം

LGBTQ കമ്മ്യൂണിറ്റിയില്‍ ഉള്‍പ്പെട്ട ആളുകള്‍ക്ക് ജോയിന്റ് ബാങ്ക് അക്കൗണ്ട് തുറക്കുന്നതിന് ഇനി മുതല്‍ നിയന്ത്രണങ്ങളൊന്നുമില്ലെന്ന് ധനമന്ത്രാലയം അറിയിച്ചു. അക്കൗണ്ട് ഉടമ മരണപ്പെടുന്ന സാഹചര്യത്തില്‍ അക്കൗണ്ടിലെ ബാക്കി തുക സ്വീകരിക്കുന്നതിന് ക്വിയര്‍ റിലേഷന്‍ഷിപ്പിലുള്ള വ്യക്തിയെ നാമനിര്‍ദ്ദേശം ചെയ്യുന്നതിനും നിയന്ത്രണമുണ്ടാകില്ല. എല്ലാ വാണിജ്യ ബാങ്കുകള്‍ക്കും റിസര്‍വ് ബാങ്ക് ഓഫ് ഇന്ത്യ ഇതുമായി ബന്ധപ്പെട്ട് വ്യക്തത നല്‍കിയിട്ടുണ്ടെന്നും ധനമന്ത്രാലയം അറിയിച്ചു.

National247 days ago

കോളേജ് വിദ്യാര്‍ത്ഥികള്‍ക്ക് ക്വിസ് മത്സരവുമായി RBI ; സമ്മാനമായി 10 ലക്ഷം രൂപ നേടാം

ബിരുദതലത്തിലുള്ള കോളേജ് വിദ്യാര്‍ത്ഥികള്‍ക്കായാണ് RBI ക്വിസ് മത്സരം സംഘടിപ്പിക്കുന്നത്. RBIയുടെ 90ാം വാര്‍ഷികാഘോഷത്തിന്റെ ഭാഗമായി ദേശീയ തലത്തില്‍ നടക്കുന്ന മത്സരമാണിത്. പൊതുവിജ്ഞാനവുമായി ബന്ധപ്പെട്ട ചോദ്യങ്ങള്‍ ആയിരിക്കും മത്സരത്തില്‍ ഉണ്ടാകുക. ജില്ലാതലത്തിലും സംസ്ഥാനതലത്തിലും പിന്നീട് ദേശീയ തലത്തിലും മത്സരങ്ങള്‍ നടക്കും. ഓണ്‍ലൈനായാണ് മത്സരങ്ങള്‍ നടക്കുക.

National256 days ago

ആശ്വാസം; റിപ്പോ നിരക്കില്‍ മാറ്റം വരുത്താതെ റിസര്‍വ് ബാങ്ക്

റിസര്‍വ് ബാങ്ക് ഓഫ് ഇന്ത്യയുടെ മോണിറ്ററി പോളിസി കമ്മിറ്റിയാണ് റിപ്പോ നിരക്ക് 6.5% ആയി തുടരാന്‍ തീരുമാനിച്ചത്. ആറംഗ കമ്മിറ്റിയില്‍ നാല് പേരും തീരുമാനത്തെ അനുകൂലിച്ച് വോട്ടു ചെയ്തു. വാണിജ്യ ബാങ്കുകള്‍ റിസര്‍വ് ബാങ്കില്‍ നിന്ന് വായ്പയെടുക്കുന്ന നിരക്കാണ് റിപ്പോ നിരക്ക്. റിപ്പോ നിരക്ക് വര്‍ധിച്ചാല്‍ ബാങ്കുകളില്‍ നിന്ന് ലഭിക്കുന്ന വായ്പകളുടെ പലിശ നിരക്ക് വര്‍ധിക്കും. തുടര്‍ച്ചയായ ഒന്‍പതാം തവണയാണ് റിപ്പോ നിരക്ക് മാറ്റമില്ലാതെ തുടരുന്നത്.

Business269 days ago

സ്വര്‍ണ വിലയില്‍ ഇന്നും ഇടിവ്

സംസ്ഥാനത്തെ സ്വര്‍ണവിലയില്‍ തുടര്‍ച്ചയായ മൂന്നാം ദിവസവും ഇടിവ്. ഗ്രാമിന് 35 രൂപ കുറഞ്ഞ് ഒരു ഗ്രാം സ്വര്‍ണത്തിന് 6780 രൂപയായി. പവന് 280 രൂപ കുറഞ്ഞ് ഒരു പവന്‍ സ്വര്‍ണത്തിന് 54,240 രൂപയിലാണ് ഇന്ന് വ്യാപാരം നടക്കുന്നത്. മൂന്ന് ദിവസം കൊണ്ട് 760 രൂപയുടെ ഇടിവാണ് ഒരു പവന്‍ സ്വര്‍ണവിലയില്‍ ഉണ്ടായത്. നേരത്തെ ഒരു പവന്‍ സ്വര്‍ണത്തിന് 55000 രൂപ കടന്ന് മുന്നേറിയിരുന്നു.

Business288 days ago