കനത്ത മഴ; ആലപ്പുഴയില്‍ ശിക്കാര ബോട്ടുകളുടെയും മറ്റ് ചെറുവള്ളങ്ങളുടെയും സര്‍വീസ് നിര്‍ത്തി വച്ചു

ഇനിയൊരു അറിപ്പുണ്ടാവുന്നത് വരെ സര്‍വീസ് നടത്തരുതെന്നാണ് ജില്ലാ കളക്ടറുടെ ഉത്തരവ്. സര്‍വീസ് നടത്തുന്ന ഹൗസ് ബോട്ടുകളില്‍ സുരക്ഷാ മുന്‍കരുതലുകള്‍ കര്‍ശനമായി പാലിക്കണമെന്നും നിര്‍ദേശമുണ്ട്. ഈ ഉത്തരവ് നടപ്പാക്കുന്നുവെന്ന് ഉറപ്പാക്കാന്‍ ജില്ലാ പോലീസ് മേധാവി, DTPC സെക്രട്ടറി, ടൂറിസം ഡെപ്യൂട്ടി ഡയറക്ടര്‍, LSGD ജോയന്റ് ഡയറക്ടര്‍ എന്നിവരെ ചുമതലപ്പെടുത്തി. ബീച്ചിലേക്കുള്ള യാത്രകളും കടലില്‍ ഇറങ്ങിയുള്ള വിനോദങ്ങളും ഒഴിവാക്കണമെന്നും നിര്‍ദേശമുണ്ട്.

Kerala376 days ago

നെഹ്‌റു ട്രോഫി വള്ളംകളി ഇന്ന്

എഴുപതാമത് നെഹ്‌റു ട്രോഫി വള്ളംകളി ഇന്ന് പുന്നമടക്കായലിൽ. വള്ളംകളി പ്രമാണിച്ച് ആലപ്പുഴ ജില്ലയില്‍ ഇന്ന് ജില്ലാ കളക്ടര്‍ പൊതു അവധി പ്രഖ്യാപിച്ചിട്ടുണ്ട്. ഉച്ചകഴിഞ്ഞ് രണ്ടിനാണ് ഉദ്ഘാടന ചടങ്ങ്. ഉദ്ഘാടന സമ്മേളനത്തില്‍ മന്ത്രിമാര്‍, ജില്ലയിലെ MP മാർ, MLA മാര്‍ തുടങ്ങിയവര്‍ പങ്കെടുക്കും. വയനാട് ഉരുൾപൊട്ടൽ ദുരന്തത്തിന്റെ പശ്ചാത്തലത്തിലാണ് ഓഗസ്റ്റ് 10ന് നടത്താനിരുന്ന വള്ളംകളി ഇന്നത്തേക്ക് മാറ്റിയത്. എന്നാൽ എല്ലാ വര്‍ഷവും സംഘടിപ്പിക്കാറുള്ള വിവിധ പരിപാടികളും, സാംസ്‌കാരിക ഘോഷയാത്രയും, വഞ്ചിപ്പാട്ട് ഉള്‍പ്പെടെയുള്ള മത്സരങ്ങളും ദുരന്തത്തിന്റെ പശ്ചാത്തലത്തില്‍ റദ്ദാക്കിയിരുന്നു. ഒമ്പത് വിഭാഗങ്ങളിലായി 74 വള്ളങ്ങളാണ് മത്സരിക്കുന്നത്. വള്ളംകളിയോടനുബന്ധിച്ച് നഗരത്തിൽ ഗതാഗത നിയന്ത്രണങ്ങൾ ഏർപ്പെടുത്തിയിട്ടുണ്ട്.

Kerala257 days ago

ആലപ്പുഴയില്‍ സര്‍ക്കാര്‍ ഓഫീസുകള്‍ക്കും വിദ്യാഭ്യാസ സ്ഥാപനങ്ങള്‍ക്കും ശനിയാഴ്ച്ച അവധി

നെഹ്റു ട്രോഫി വള്ളംകളിയുടെ പശ്ചാത്തലത്തില്‍ ആലപ്പുഴയിലെ സര്‍ക്കാര്‍ ഓഫീസുകള്‍ക്കും വിദ്യാഭ്യാസ സ്ഥാപനങ്ങള്‍ക്കും 28 ന് ജില്ലാ കളക്ടര്‍ അവധി പ്രഖ്യാപിച്ചു. 28ന് ഉച്ചകഴിഞ്ഞ് രണ്ടിനാണ് 70-ാമത് നെഹ്റു ട്രോഫി വള്ളംകളിയുടെ ഉദ്ഘാടന ചടങ്ങ്. ഇതിനായുളള ഒരുക്കങ്ങള്‍ പൂര്‍ത്തിയായതായും അധികൃതര്‍ അറിയിച്ചു. ഓഗസ്റ്റ് 10ന് നടത്താനിരുന്ന വള്ളംകളി വയനാട് ഉരുള്‍പൊട്ടല്‍ ദുരന്തത്തിന്റെ പശ്ചാത്തലത്തില്‍ സെപ്റ്റംബര്‍ 28 ലേക്ക് മാറ്റുകയായിരുന്നു.

Kerala258 days ago

ആലപ്പുഴ സ്വദേശിയുടെ എംപോക്സ് പരിശോധനാ ഫലം നെഗറ്റീവ്

ആലപ്പുഴയിൽ എംപോക്സ് ലക്ഷണങ്ങളെ തുടർന്ന് വണ്ടാനം മെഡിക്കൽ കോളേജ് ആശുപത്രിയിൽ പ്രവേശിപ്പിച്ച വ്യക്തിയുടെ എംപോക്സ് പരിശോധനാ ഫലം നെഗറ്റീവായി. ബഹ്റൈനിൽ നിന്നെത്തിയ യുവാവിനെയാണ് എംപോക്സ് സംശയത്തെ തുടർന്ന് മെഡിക്കൽ കോളേജിൽ പ്രവേശിപ്പിച്ചത്. ഇദ്ദേഹത്തിന്റെ കുടുംബം ഉൾപ്പെടെ ക്വാറന്‍റൈനില്‍ കഴിയുകയായിരുന്നു. ആരോഗ്യവകുപ്പ് സമ്പർക്കപ്പട്ടികയും തയ്യാറാക്കിയിരുന്നു. നാഷണൽ വൈറോളജി ഇൻസ്റ്റിറ്റ്യൂട്ടിൽ നിന്ന് ലഭിച്ച രണ്ട് പരിശോധനാ ഫലങ്ങളും നെഗറ്റീവ് ആയതോടെ ആലപ്പുഴയിലെ എംപോക്സ്‌ ആശങ്ക ഒഴിഞ്ഞു.

Health261 days ago

കേരളത്തിൽ നാളെ മുതൽ മഴ ശക്തമാകും

ഒരിടവേളയ്‌ക്ക് ശേഷം സംസ്ഥാനത്ത് വീണ്ടും മഴ ശക്തമാകുന്നു. ശക്തമായ മഴയ്ക്ക് സാധ്യതയുള്ളതിനാൽ നാളെ എറണാകുളം, ഇടുക്കി, തൃശൂര്‍, കോഴിക്കോട്, വയനാട്, കണ്ണൂര്‍, കാസര്‍ഗോഡ് എന്നീ ഏഴ് ജില്ലകളിൽ കേന്ദ്ര കാലാവസ്ഥ വകുപ്പ് യെല്ലോ അലർട്ട് പ്രഖ്യാപിച്ചിട്ടുണ്ട്. ഇവിടങ്ങളിൽ ഒറ്റപ്പെട്ട ശക്തമായ മഴയ്ക്ക് സാധ്യതയുണ്ടെന്നാണ് മുന്നറിയിപ്പ്. കേരള - കര്‍ണാടക- ലക്ഷദ്വീപ് തീരങ്ങളില്‍ 23, 24 തീയതികളില്‍ മത്സ്യബന്ധനത്തിന് പോകാന്‍ പാടില്ലെന്നും കേന്ദ്ര കാലാവസ്ഥ വകുപ്പ് അറിയിച്ചു.

Weather262 days ago

ആലപ്പുഴയിലും എംപോക്സ് എന്ന് സംശയം

വിദേശത്തു നിന്നെത്തിയ ആൾക്കാണ് രോഗലക്ഷണങ്ങൾ. ഇയാളെ ആലപ്പുഴ മെഡിക്കൽ കോളേജിൽ പ്രവേശിപ്പിച്ചു. ഇദ്ദേഹത്തിൻ്റെ കുടുംബം ക്വാറന്റീനിലാണ്. അതേസമയം കണ്ണൂരിൽ എംപോക്സ്‌ രോഗ ലക്ഷണങ്ങളെ തുടർന്ന് പരിയാരം മെഡിക്കൽ കോളേജിൽ നിരീക്ഷണത്തിലായിരുന്ന യുവതിയുടെ പരിശോധനാ ഫലം നെഗറ്റീവായി.

Health263 days ago

ആറന്മുള ഉത്രട്ടാതി ജലമേള; കോയിപ്രത്തിനും കോറ്റാത്തൂരിനും മന്നം ട്രോഫി

ആറന്മുള ഉത്രട്ടാതി ജലമേളയില്‍ കോയിപ്രവും കോറ്റാത്തൂര്‍-കൈതക്കൊടി പള്ളിയോടവും ജേതാക്കളായി. എ ബാച്ചില്‍ കോയിപ്രവും ബി ബാച്ചില്‍ കോറ്റാത്തൂര്‍ കൈതക്കോടിയും മന്നം ട്രോഫിയില്‍ മുത്തമിട്ടു. ആറന്മുളയില്‍ ഇത് ആദ്യമായാണ് നെഹ്‌റുട്രോഫി മാതൃകയില്‍ സമയത്തിന് അടിസ്ഥാനത്തില്‍ ഫൈനല്‍ മത്സരത്തിലേക്കുള്ള യോഗ്യത തീരുമാനിച്ചത്. എ, ബി ബാച്ചുകളിലായി 49 വള്ളങ്ങല്‍ മത്സരത്തിനിറങ്ങി.

Kerala266 days ago

കനത്തമഴ; ഡല്‍ഹിയിലെ വായു ഗുണനിലവാരം മെച്ചപ്പെട്ടു

സെപ്തംബറില്‍ റെക്കോര്‍ഡ് മഴ ലഭിച്ചതിന് പിന്നാലെ ഡല്‍ഹിയിലെ വായു ഗുണനിലവാരം മെച്ചപ്പെട്ടു. എയര്‍ ക്വാളിറ്റി ഇന്‍ഡക്സില്‍ 52 (നല്ലത് / തൃപ്തികരം) രേഖപ്പെടുത്തി. ഈ വര്‍ഷത്തെ ഏറ്റവും മെച്ചപ്പെട്ട നിലയാണിത്. ഡല്‍ഹിയിലും പരിസര പ്രദേശങ്ങളിലുമുണ്ടായ ശക്തമായ മഴയും കാറ്റുമാണ് മലിനീകരണത്തെ ഫലപ്രദമായി ഇല്ലാതാക്കിയത്. സെപ്തംബര്‍ മാസത്തിന്റെ ആദ്യ ദിവസങ്ങളില്‍ ഡല്‍ഹിയില്‍ 1,000 മില്ലിമീറ്റര്‍ മഴ ലഭിച്ചിരുന്നു.

National270 days ago

സംസ്ഥാനത്ത് അടുത്ത ഏഴ് ദിവസം മഴയ്ക്ക് സാധ്യത

ചക്രവാതച്ചുഴിയുടെയും, ന്യൂനമർദത്തിന്റെയും സ്വാധീനഫലമായി സംസ്ഥാനത്ത് അടുത്ത ഏഴു ദിവസം വ്യാപകമായ മഴയ്ക്ക് സാധ്യതയുണ്ടെന്ന് കേന്ദ്ര കാലാവസ്ഥാ വകുപ്പ് മുന്നറിയിപ്പ് നൽകി. അതേസമയം അഞ്ച് ദിവസം ഒരു ജില്ലകളിലും പ്രത്യേക മഴ മുന്നറിയിപ്പില്ല. കേരള - കർണാടക - ലക്ഷദ്വീപ് തീരങ്ങളിൽ മത്സ്യബന്ധനത്തിന് വിലക്കില്ലെന്നും കേന്ദ്ര കാലാവസ്ഥാ വകുപ്പ് അറിയിച്ചു.

Weather272 days ago

കാണാതായ എറണാകുളം സ്വദേശിയായ വയോധികയുടെ മൃതദേഹം ആലപ്പുഴയിൽ കുഴിച്ചുമൂടിയ നിലയിൽ കണ്ടെത്തി

എറണാകുളം സ്വദേശി സുഭദ്രയുടെ (73) മൃതദേഹമാണ് ആലപ്പുഴ കോർത്തുശ്ശേരി ക്ഷേത്രത്തിനു സമീപത്തുള്ള വീടിനോടു ചേർന്നു കുഴിച്ചിട്ട നിലയിൽ കണ്ടെത്തിയത്. ഓഗസ്റ്റ് നാലിനാണ് സുഭദ്രയെ കാണാനില്ലെന്ന് മകൻ രാധാകൃഷ്ണൻ കടവന്ത്ര പോലീസിൽ പരാതി നൽകിയത്. കണ്ടെത്തിയ മൃതദേഹം സുഭദ്രയുടേതാണെന്ന് മകൻ തിരിച്ചറിഞ്ഞു. മാത്യൂസ്-ശര്‍മിള ദമ്പതിമാര്‍ വാടകയ്ക്ക് താമസിച്ചിരുന്ന വീടിന്റെ പറമ്പിലാണ് മൃതദേഹം കണ്ടെത്തിയത്. ഇവർ ഒളിവിലാണ്. പോലീസ് നടത്തിയ അന്വേഷണത്തില്‍ സുഭദ്ര അവസാനമെത്തിയത് ആലപ്പുഴ മണ്ണഞ്ചേരി പോലീസ് സ്‌റ്റേഷന്‍ പരിധിയിലാണെന്ന് കണ്ടെത്തി. Read More

Kerala274 days ago

സംസ്ഥാനത്ത് ഇന്നും നാളെയും ശക്തമായ മഴയ്ക്ക് സാധ്യത

അതിതീവ്ര ന്യൂനമര്‍ദത്തെ തുടർന്ന് സംസ്ഥാനത്ത് ഇന്നും നാളെയും ശക്തമായ മഴയ്ക്ക് സാധ്യതയുണ്ടെന്ന് കേന്ദ്ര കാലാവസ്ഥാ വകുപ്പ് മുന്നറിപ്പ് നൽകി. ഒറ്റപ്പെട്ടയിടങ്ങളിൽ ശക്തമായ മഴയ്ക്ക് സാധ്യതയുണ്ടെന്നാണ് അറിയിപ്പുള്ളത്. ഇന്ന് 9 ജില്ലകളിൽ യെല്ലോ അലർട്ട് പ്രഖ്യാപിച്ചിട്ടുണ്ട്. പത്തനംതിട്ട, ആലപ്പുഴ, കോട്ടയം, എറണാകുളം, ഇടുക്കി, തൃശൂര്‍, കോഴിക്കോട്, കണ്ണൂര്‍, കാസര്‍ഗോഡ് ജില്ലകളിലാണ് ജാഗ്രതാ നിര്‍ദേശം നല്‍കിയിട്ടുള്ളത്.

Weather275 days ago