നീറ്റ് പരീക്ഷാ വിവാദം; CBI അന്വേഷണം ആവശ്യപ്പെട്ട് ജൂനിയര്‍ ഡോക്ടേഴ്സ്

നീറ്റ് പരീക്ഷാ ക്രമക്കേടില്‍ CBI അന്വേഷണം ആവശ്യപ്പെട്ട് IMA ജൂനിയര്‍ ഡോക്ടേഴ്‌സ് നെറ്റ്‌വര്‍ക്ക്, നാഷണല്‍ ടെസ്റ്റിങ് ഏജന്‍സിയ്ക്ക് കത്തയച്ചു. വീണ്ടും പരീക്ഷ നടത്തണമെന്നും സുതാര്യമായ മൂല്യനിര്‍ണയം ഉറപ്പാക്കണമെന്നുമാണ് ആവശ്യം. സംഭവത്തില്‍ വിദ്യാര്‍ത്ഥി സംഘടനകളും രാഷ്ട്രീയ പാര്‍ട്ടികളും ഇതിനോടകം പ്രതിഷേധവുമായി രംഗത്തെത്തിയിട്ടുണ്ട്. മെഡിക്കല്‍ പ്രവേശന പരീക്ഷയായ നീറ്റ് ഫലം പ്രഖ്യാപിച്ചപ്പോള്‍ 67 പേര്‍ക്ക് ഒന്നാം റാങ്ക് ലഭിച്ചതും ഇതില്‍ ആറു പേര്‍ ഒരേ സെന്ററില്‍ നിന്ന് പരീക്ഷ എഴുതിയതുമാണ് ക്രമക്കേട് നടന്നെന്ന പരാതിക്കിടയാക്കിയിരിക്കുന്നത്.

National330 days ago

കൊല്ലം പൂയപ്പിള്ളിയില്‍ നിന്ന് കാണാതായ വിദ്യാര്‍ത്ഥികള്‍ മരിച്ച നിലയില്‍

പൂയപ്പിള്ളി മയിലോട് സ്വദേശിനി ദേവനന്ദ, അമ്പലംകുന്ന് സ്വദേശി ഷെബീന്‍ഷാ എന്നിവരെയാണ് ശാസ്താംകോട്ട കായലില്‍ മരിച്ച നിലയില്‍ കണ്ടെത്തിയത്. കൊട്ടാരക്കര ബോയ്‌സ് സ്‌കൂളിലെ പ്ലസ് വണ്‍ വിദ്യാര്‍ത്ഥിയാണ് ഷെബിന്‍ഷാ. ഓടനാവട്ടം കെആര്‍ജിപിഎം സ്‌കൂളിലെ പ്ലസ് വണ്‍ വിദ്യാര്‍ത്ഥിയാണ് ദേവനന്ദ. ഇന്നലെയാണ് ഇരു വിദ്യാര്‍ത്ഥികളെയും കാണാതായത്. മൃതദേഹം തടാകത്തില്‍ ഒഴുകി നടക്കുന്ന നിലയിലായിരുന്നു.

Kerala219 days ago

കോഴിക്കോട് പേരാമ്പ്രയില്‍ മഞ്ഞപ്പിത്തം വ്യാപിക്കുന്നു

കോഴിക്കോട് പേരാമ്പ്ര ചങ്ങരോത്ത് പഞ്ചായത്തില്‍ 200 ഓളം പേര്‍ക്ക് മഞ്ഞപ്പിത്തം സ്ഥിരീകരിച്ചു. രോഗം ബാധിച്ചവരില്‍ ഭൂരിഭാഗം പേരും പാലേരി വടക്കുമ്പാട് HSSലെ വിദ്യാര്‍ത്ഥികളാണ്. സ്‌കൂളിലെ കിണറ്റിലും കുടിവെള്ളത്തിലും രോഗാണു സാന്നിധ്യമില്ലെന്നും ജല പരിശോധനയില്‍ ബാക്ടീയ സാന്നിധ്യം ഇല്ലെന്നും അധികൃതര്‍ അറിയിച്ചു. രോഗ കാരണത്തിന്റെ സ്രോതസ് ഇതുവരെയും വ്യക്തമായിട്ടില്ല.

Kerala227 days ago

നീറ്റ് പരീക്ഷാ വിവാദം; NTAയ്ക്ക് നിര്‍ദേശവുമായി സുപ്രീംകോടതി

ചോദ്യപ്പേപ്പര്‍ ചോര്‍ച്ച തടയുന്നതിനായി സൈബര്‍ സുരക്ഷാ പ്രൊഫൈലിലെ പിഴവുകള്‍ തിരിച്ചറിയാന്‍ സാങ്കേതികവിദ്യ ഉപയോഗിക്കുന്നതുള്‍പ്പെടെ പരീക്ഷാ സമ്പ്രദായത്തിലെ പോരായ്മകള്‍ പരിഹരിക്കണമെന്ന് സുപ്രീംകോടതി നാഷണല്‍ ടെസ്റ്റിംഗ് ഏജന്‍സിയ്ക്ക് (NTA) നിര്‍ദേശം നല്‍കി. വിഷയത്തില്‍ ISRO മുന്‍ മേധാവി ഡോ. കെ. രാധാകൃഷ്ണന്‍, ഡല്‍ഹി എയിംസ് മുന്‍ ഡയറക്ടര്‍ ഡോ. രണ്‍ദീപ് ഗുലേറിയ എന്നിവരടങ്ങുന്ന ഏഴംഗ സമിതി സെപ്റ്റംബര്‍ 30ന് മുമ്പ് റിപ്പോര്‍ട്ട് സമര്‍പ്പിക്കണമെന്നും കോടതി അറിയിച്ചു.Read More

National275 days ago

IAS കോച്ചിങ് സെന്ററില്‍ വെള്ളം കയറി വിദ്യാര്‍ത്ഥികള്‍ മരിച്ച സംഭവം; 2 പേര്‍ കസ്റ്റഡിയില്‍

റാവൂസ് കോച്ചിങ് സെന്റര്‍ ഉടമ, കോര്‍ഡിനേറ്റര്‍ എന്നിവരെയാണ് പോലീസ് കസ്റ്റഡിയിലെടുത്തത്. ഭാരതീയ ന്യാസ സംഹിതയിലെ 105, 106 (1), 115 (2), 290, 35 എന്നീ വകുപ്പുകള്‍ പ്രകാരമാണ് കേസെടുത്തിരിക്കുന്നത്. ഡല്‍ഹിയിലെ IAS പരിശീലന കേന്ദ്രത്തിന്റെ ബേസ്മെന്റില്‍ വെള്ളം കയറി ഒരു മലയാളി ഉള്‍പ്പടെ മൂന്ന് വിദ്യാര്‍ത്ഥികളാണ് മരിച്ചത്.

National280 days ago

ഡല്‍ഹിയില്‍ IAS കോച്ചിങ് സെന്ററില്‍ വെള്ളം കയറി മരിച്ചവരില്‍ മലയാളി വിദ്യാര്‍ത്ഥിയും

എറണാകുളം സ്വദേശി നവീനാണ് മരിച്ചതെന്ന് ഡല്‍ഹി പോലീസ് സ്ഥിരീകരിച്ചു. തെലങ്കാന സ്വദേശിയും ഉത്തര്‍പ്രദേശ് സ്വദേശിയുമായ മറ്റു രണ്ട് വിദ്യാര്‍ത്ഥികളാണ് മരിച്ചത്. ഡല്‍ഹിയിലെ രാജേന്ദ്ര നഗറിലുള്ള റാവൂസ് UPSC പരിശീലന കേന്ദ്രത്തിലാണ് വെള്ളം കയറിയത്. ബേസ്‌മെന്റില്‍ കുടുങ്ങിയ മറ്റു വിദ്യാര്‍ത്ഥികളെ പുറത്തെത്തിച്ചു.

National280 days ago

നീറ്റ് UG പരീക്ഷയുടെ പുതുക്കിയ റാങ്ക് പട്ടിക പ്രസിദ്ധീകരിച്ചിട്ടില്ലെന്ന് NTA

പുതുക്കിയ റാങ്ക് പട്ടിക പ്രസിദ്ധീകരിച്ചിട്ടില്ലെന്നും വെബ്‌സൈറ്റിലുള്ളത് പഴയ റാങ്ക് പട്ടികയാണെന്നും NTA വ്യക്തമാക്കി. സുപ്രീംകോടതി ഉത്തരവിനു പിന്നാലെ നീറ്റ് UG പരീക്ഷയുടെ പുതുക്കിയ റാങ്ക് പട്ടിക പ്രസിദ്ധീകരിച്ചുവെന്ന തരത്തില്‍ വാര്‍ത്തകള്‍ വന്നതോടെയാണ് വിശദീകരണവുമായി അധികൃതര്‍ രംഗത്തെത്തിയത്. പുതിയ പട്ടിക ഉടന്‍ പുറത്തിറക്കുമെന്നാണ് റിപ്പോര്‍ട്ട്.

National283 days ago

നീറ്റ് UG പരീക്ഷയുടെ പുതുക്കിയ റാങ്ക് പട്ടിക പ്രസിദ്ധീകരിച്ചു

സുപ്രീംകോടതി ഉത്തരവിനെ തുടര്‍ന്നാണ് NTA പുതുക്കിയ റാങ്ക് പട്ടിക പ്രസിദ്ധീകരിച്ചത്. exams.nta.ac.in/NEET എന്ന വെബ്‌സൈറ്റ് വഴി ഫലം അറിയാനാകും. ഒരു ചോദ്യത്തിന് തെറ്റായ ഉത്തരം നല്‍കിയവരുടെ മാര്‍ക്ക് തിരുത്തി റാങ്ക് പട്ടിക പുനപ്രസിദ്ധീകരിക്കാനാണ് കോടതി ഉത്തരവിട്ടത്. ഇതോടെ മുഴുവന്‍ മാര്‍ക്കോടെ ഒന്നാം റാങ്ക് നേടിയവരുടെ എണ്ണം 67ല്‍നിന്ന് 17 ആയി കുറഞ്ഞു.Read More

National283 days ago

നീറ്റിനെതിരെ പ്രമേയം പാസാക്കി പശ്ചിമ ബംഗാള്‍

തമിഴ്നാടിന് പിന്നാലെ നീറ്റ് പരീക്ഷയ്‌ക്കെതിരെ പ്രമേയം പാസാക്കി പശ്ചിമ ബംഗാള്‍ സര്‍ക്കാര്‍. മുമ്പ് നിലവിലുണ്ടായിരുന്ന രീതിയിലേക്ക് മടങ്ങാന്‍ ആഗ്രഹിക്കുന്നുവെന്നും സംസ്ഥാനം വ്യക്തമാക്കി. വീണ്ടും നീറ്റ് പരീക്ഷ നടത്തില്ലെന്ന് സുപ്രീംകോടതി ഉത്തരവിട്ടതിന് പിന്നാലെയാണ് സംസ്ഥാനത്തിന്റെ നീക്കം. അതേസമയം വിദ്യാഭ്യാസ സമ്പ്രദായത്തില്‍ കഴുത്തറ്റം അഴിമതിയില്‍ മുങ്ങി നില്‍ക്കുന്നവരാണ് ഈ പ്രമേയം കൊണ്ടുവന്നിരിക്കുന്നതെന്ന് BJP നേതാവ് ശങ്കര്‍ ഘോഷ് പ്രതികരിച്ചു.

National284 days ago

കേന്ദ്ര ബജറ്റ്: വിദ്യാര്‍ത്ഥികള്‍ക്ക് 10 ലക്ഷം രൂപ വരെ വിദ്യാഭ്യാസ വായ്പ

ഓരോ വര്‍ഷവും വിദ്യാഭ്യാസ വായ്പയെടുക്കുന്ന ഒരു ലക്ഷം വിദ്യാര്‍ത്ഥികള്‍ക്ക് ഇ-വൗച്ചര്‍ നല്‍കും. ഇതിലൂടെ മൂന്ന് ശതമാനം വരെ ഇളവ് ലഭിക്കുമെന്ന് ധനമന്ത്രി നിര്‍മല സീതാരാമന്‍ അറിയിച്ചു. വിദ്യാഭ്യാസത്തിനും തൊഴില്‍ ശേഷിയും നൈപുണ്യവും മെച്ചപ്പെടുത്തുന്നതിന് 1.48 ലക്ഷം കോടിയാണ് ബജറ്റില്‍ നീക്കിവച്ചിട്ടുള്ളത്.

National285 days ago

നീറ്റ് വിവാദം: വിദ്യാഭ്യാസ മന്ത്രിക്കെതിരെ രാഹുല്‍ ഗാന്ധി

നീറ്റ് പരീക്ഷാ വിവാദത്തില്‍ കേന്ദ്ര വിദ്യാഭ്യാസമന്ത്രി ധര്‍മേന്ദ്ര പ്രധാനെതിരെ രൂക്ഷ വിമര്‍ശനവുമായി കോണ്‍ഗ്രസ് എംപിയും പ്രതിപക്ഷ നേതാവുമായ രാഹുല്‍ ഗാന്ധി. നീറ്റില്‍ മാത്രമല്ല രാജ്യത്തെ എല്ലാ പ്രധാന പരീക്ഷകളിലും വളരെ ഗുരുതരമായ പ്രശ്നമുണ്ടെന്ന് രാജ്യത്തിന് മുഴുവന്‍ വ്യക്തമാണ്. നിങ്ങള്‍ക്ക് പണമുണ്ടെങ്കില്‍ ഇന്ത്യന്‍ പരീക്ഷാ സമ്പ്രദായം തന്നെ വാങ്ങാമെന്ന് ദശലക്ഷക്കണക്കിന് ആളുകള്‍ കരുതാന്‍ തുടങ്ങിയെന്നും പ്രതിപക്ഷത്തിനും അങ്ങനെയാണ് തോന്നുന്നതെന്നും രാഹുല്‍ പാര്‍ലമെന്റില്‍ പറഞ്ഞു.

National286 days ago