കുവൈത്ത് തീപിടുത്തത്തില്‍ മരിച്ച ബിനോയ് തോമസിന് വീട് നല്‍കുമെന്ന് മന്ത്രി കെ. രാജന്‍

ചാവക്കാട് നഗരസഭ 20 ന് യോഗം ചേര്‍ന്ന് ബിനോയ് തോമസിന് ലൈഫില്‍ വീട് നല്‍കുന്ന അജണ്ട അംഗീകരിക്കുമെന്നും സംസ്ഥാന സര്‍ക്കാര്‍ അംഗീകാരം നല്‍കുമെന്നും ബിനോയ് തോമസിന്റെ വീട് സന്ദര്‍ശിച്ച ശേഷം മന്ത്രി കെ. രാജന്‍ പറഞ്ഞു. ബിനോയ് തോമസിന്റെ മകന് ജോലി ഉറപ്പാക്കുമെന്ന് മന്ത്രി ആര്‍. ബിന്ദുവും പറഞ്ഞിരുന്നു. കുവൈത്തിലെ തൊഴിലാളി ക്യാപിലുണ്ടായ തീപിടുത്തത്തിലാണ് ചാവക്കാട് സ്വദേശി ബിനോയ് തോമസ് മരിച്ചതായി സ്ഥിരീകരിച്ചത്.

Kerala322 days ago

വയനാട് ദുരന്തം: തൊഴിൽമേളയിൽ 67 അപേക്ഷകൾ ലഭിച്ചു

വയനാട് ഉരുൾപൊട്ടലിലെ ദുരന്തബാധിതർക്ക് ജോലി നൽകുന്നതിനായി സംഘടിപ്പിച്ച തൊഴിൽമേളയിൽ 67 അപേക്ഷകൾ ലഭിച്ചുവെന്ന് മന്ത്രി കെ. രാജൻ. ഒരു കുടുംബത്തിലെ ഒരാൾക്കെങ്കിലും തൊഴിൽ നൽകുകയാണ് സർക്കാരിന്റെ ലക്ഷ്യമെന്ന് മന്ത്രി പറഞ്ഞു. 17 കമ്പനികൾ ആദ്യഘട്ടത്തിൽ തൊഴിൽ നൽകാൻ തയ്യാറായി മേളയിൽ പങ്കെടുത്തു. 57 സ്ഥാപനങ്ങൾ രജിസ്റ്റർ ചെയ്തിട്ടുണ്ട്. കേവല പുനരധിവാസമല്ല മാതൃകാപരമായ പദ്ധതിയാണ് സർക്കാർ ലക്ഷ്യമിടുന്നതെന്ന് മന്ത്രി കെ. രാജൻ പറഞ്ഞു.

Kerala253 days ago

വയനാട് ദുരന്തം; അടിയന്തര ധനസഹായം നല്‍കി തുടങ്ങി

വയനാട് ഉരുള്‍പൊട്ടല്‍ ദുരിതബാധിതര്‍ക്കുളള അടിയന്തര ധനസഹായമായ 10000 രൂപ നല്‍കിതുടങ്ങിയെന്ന് റവന്യു മന്ത്രി കെ. രാജന്‍ അറിയിച്ചു. അക്കൗണ്ട് നമ്പറുകള്‍ നല്‍കിയവര്‍ക്കാണ് തുക നല്‍കിയത്. അതില്ലാത്തവര്‍ക്ക് സീറോ ബാലന്‍സ് അക്കൗണ്ട് തുടങ്ങും. ഓഗസ്റ്റ് 20നുള്ളില്‍ ദുരന്തബാധിതരെ വാടക വീടുകളിലേക്ക് മാറ്റാനാകുമെന്നാണ് കരുതുന്നത്. ബന്ധുവീടുകളില്‍ താമസിക്കുന്നവര്‍ ആണെങ്കിലും സര്‍ക്കാര്‍ അനുവദിച്ച വാടക ലഭ്യമാക്കുമെന്നും മന്ത്രി പറഞ്ഞു.

Kerala263 days ago

വയനാട് ദുരന്തം; ഇന്ന് നാല് മൃതദേഹങ്ങള്‍ കൂടി ലഭിച്ചതായി മന്ത്രി കെ. രാജന്‍

വയനാട് ഉരുള്‍പൊട്ടല്‍ ദുരന്തത്തില്‍പ്പെട്ട നാല് പേരുടെ മൃതദേഹങ്ങള്‍ കൂടി ഇന്ന് ലഭിച്ചതായി മന്ത്രി കെ. രാജന്‍ അറിയിച്ചു. ഇതോടെ 427 പേര്‍ മരിച്ചതായി ഔദ്യോഗികമായി സ്ഥിരീകരിച്ചു. 229 മൃതദേഹങ്ങളും 198 ശരീര ഭാഗങ്ങളുമാണ് കണ്ടെത്തിയത്. ഇനിയും 130 പേരെ കണ്ടെത്താനുണ്ട്. ദുരിതാശ്വാസ ക്യാമ്പുകളിലുള്ളവരുടെ പുനരധിവാസം എത്രയും പെട്ടെന്നു സാധ്യമാക്കുമെന്നും ജനകീയ തിരച്ചില്‍ നാളെ വീണ്ടും ആരംഭിക്കുമെന്നും മന്ത്രി അറിയിച്ചു.

Kerala266 days ago

കോഴിക്കോട് വിലങ്ങാട് ഉരുൾപൊട്ടൽ; പഠനത്തിനായി വിദഗ്ധ സമിതിയെ അയക്കുമെന്ന് മന്ത്രി കെ. രാജൻ

കോഴിക്കോട് ജില്ലയിലെ വിലങ്ങാട് ഉണ്ടായ ഉരുൾപൊട്ടലിൽ പഠനത്തിനായി വിദഗ്ധ സമിതിയെ പ്രദേശത്തേക്ക് അയക്കുമെന്ന് ഉരുൾപൊട്ടലുണ്ടായ പ്രദേശങ്ങൾ സന്ദർശിച്ച ശേഷം റവന്യു മന്ത്രി കെ. രാജൻ പറഞ്ഞു. പ്രദേശത്ത് ചെറുതും വലുതുമായി 24 ഇടങ്ങളിൽ ഉരുൾപൊട്ടിയതായാണ് പരിശോധനയിൽ വ്യക്തമായത്. ദുരിതബാധിതർക്കുള്ള സഹായം സംബന്ധിച്ച് അടുത്ത മന്ത്രിസഭായോഗത്തിൽ തീരുമാനമെടുക്കുമെന്നും മന്ത്രി അറിയിച്ചു. വിലങ്ങാട് ടൗൺ, ഉരുട്ടിപ്പാലം, മഞ്ഞച്ചിലി, മലയങ്ങാട്, പാലൂർ തുടങ്ങിയ വിവിധ പ്രദേശങ്ങൾ സന്ദർശിച്ച മന്ത്രി ഉരുൾപൊട്ടലിൽ മരണമടഞ്ഞ മാത്യു മാസ്റ്ററുടെ വീടും സന്ദർശിച്ചു.

Kerala268 days ago

ദുരിതബാധിതരെ ഒഴിഞ്ഞു കിടക്കുന്ന വീടുകളിലേക്കും റിസോര്‍ട്ടുകളിലേക്കും മാറ്റും: മന്ത്രി കെ. രാജന്‍

ദുരിതാശ്വാസ ക്യാമ്പുകളില്‍ താമസിക്കുന്നവരെ ഉടന്‍ തന്നെ മാറ്റുമെന്നും ദുരിത ബാധിതരുടെ പുനരധിവാസത്തിനായുള്ള നടപടികള്‍ അതിവേഗം പുരോഗമിക്കുകയാണെന്നും റവന്യൂ മന്ത്രി കെ. രാജന്‍. മേപ്പാടി പ്രദേശത്ത് ഒഴിഞ്ഞു കിടക്കുന്ന സര്‍ക്കാര്‍ കെട്ടിടങ്ങളുടെ കണക്ക് PWD എടുക്കുന്നുണ്ടെന്നും അദ്ദേഹം പറഞ്ഞു. ക്യാമ്പുകള്‍ പ്രവര്‍ത്തിക്കുന്ന സ്‌കൂളുകള്‍ തുറക്കുന്ന കാര്യം ചര്‍ച്ച ചെയ്യുമെന്നും ചൂരല്‍മല, വെള്ളാര്‍മല അടക്കം തകര്‍ന്ന സ്‌കൂളുകളിലെ കുട്ടികളുടെ തുടര്‍ പഠനത്തില്‍ ഉടന്‍ തീരുമാനമെടുക്കുമെന്നും മന്ത്രി വ്യക്തമാക്കി.

Kerala271 days ago

ദുരന്ത മേഖലയിൽ ശരിയായ രീതിയിലാണ് തിരച്ചിൽ പുരോഗമിക്കുന്നത്: മന്ത്രി കെ. രാജൻ

വയനാട്ടിൽ ഉരുൾപൊട്ടൽ ഉണ്ടായ മേഖലയിൽ ശരിയായ രീതിയിലാണ് രക്ഷാപ്രവർത്തനം പുരോഗമിക്കുന്നതെന്ന് റവന്യൂ മന്ത്രി കെ. രാജൻ. പുഞ്ചിരിമട്ടത്ത് തിരച്ചിൽ അവസാന ഘട്ടത്തിൽ ആണെന്നും ചെളി നിറഞ്ഞ മേഖലയിൽ കൂടുതൽ പരിശോധന നടത്തുമെന്നും അദ്ദേഹം പറഞ്ഞു. വിവിധ റഡാറുകൾ ഉപയോഗിച്ചും കടാവർ ഡോഗിനെ ഉപയോഗിച്ചും പ്രദേശത്ത് പരിശോധന പുരോഗമിക്കുകയാണെന്നും അദ്ദേഹം അറിയിച്ചു.

Kerala273 days ago

കുവൈത്തില്‍ തീപിടിത്തം; നാലംഗ മലയാളി കുടുംബത്തിന് ദാരുണാന്ത്യം

കുവൈത്തിലെ അബ്ബാസിയയിലെ ഫ്‌ലാറ്റിലുണ്ടായ തീപിടിത്തത്തില്‍ നാലംഗ മലയാളി കുടുംബത്തിന് ദാരുണാന്ത്യം. ആലപ്പുഴ തലവടി നീരേറ്റുപുറം സ്വദേശികളായ മാത്യൂസ് മുളയ്ക്കല്‍ (40), ഭാര്യ ലിനി ഏബ്രഹാം (38), മക്കളായ ഐറിന്‍ (14), ഐസക് (9) എന്നിവരാണ് മരിച്ചത്. നാട്ടില്‍ അവധി ആഘോഷിക്കാനെത്തിയ ഇവര്‍ ഇന്നലെ വൈകിട്ടാണ് കുവൈത്തില്‍ തിരിച്ചെത്തിയത്. ഷോര്‍ട്ട് സര്‍ക്യൂട്ടാണ് അപകട കാരണമെന്നാണ് പ്രാഥമിക നിഗമനം.

Kerala288 days ago

കുവൈത്ത് തീപ്പിടിത്തത്തില്‍ മരിച്ച സ്റ്റെഫിന്റെ കുടുംബത്തിന് ധനസഹായം കൈമാറി

സഹകരണ- തുറമുഖ- ദേവസ്വം വകുപ്പു മന്ത്രി വി.എന്‍. വാസവനാണ് തീപ്പിടിത്തത്തില്‍ മരിച്ച പാമ്പാടി സ്വദേശി സ്റ്റെഫിന്‍ ഏബ്രഹാമിന്റെ വീട്ടിലെത്തി മാതാപിതാക്കളായ സാബു എബ്രഹാമിനും ഷേര്‍ലി സാബുവിനും ധനസഹായം കൈമാറിയത്. സര്‍ക്കാര്‍ സഹായമായ അഞ്ച് ലക്ഷം, വ്യവസായി യൂസഫലി നല്‍കിയ അഞ്ച് ലക്ഷം, ഫെഡറേഷന്‍ ഓഫ് കേരള അസോസിയേഷന്‍ ഇന്‍ നോര്‍ത്ത് അമേരിക്ക നല്‍കിയ രണ്ടു ലക്ഷം, വ്യവസായി രവി പിള്ള നല്‍കിയ രണ്ടു ലക്ഷം രൂപ എന്നിവയെല്ലാം മന്ത്രി കൈമാറി.

Kerala302 days ago

മരിച്ചവരുടെ കുടുംബങ്ങള്‍ക്ക് 12.5 ലക്ഷം ധനസഹായം പ്രഖ്യാപിച്ച് കുവൈത്ത്

കുവൈത്തിലെ മംഗഫിലുണ്ടായ തീപിടിത്തത്തില്‍ മരിച്ചവരുടെ കുടുംബങ്ങള്‍ക്ക് അതത് എംബസികള്‍ വഴിയാകും ധനസഹായം വിതരണം ചെയ്യുക. ഇന്ത്യക്കാരടക്കം 50 പേരാണ് തീപിടിത്തത്തില്‍ മരിച്ചത്. ഇതില്‍ 24 പേര്‍ മലയാളികളാണ്. മംഗഫില്‍ പ്രവാസി തൊഴിലാളികള്‍ താമസിച്ചിരുന്ന ആറു നില കെട്ടിടത്തിലാണ് ജൂണ്‍ 12ന് രാവിലെയാണ് തീപിടിത്തമുണ്ടായത്. സെക്യൂരിറ്റി ജീവനക്കാരന്റെ മുറിയിലുണ്ടായ ഷോര്‍ട്ട് സര്‍ക്ക്യൂട്ടാണ് അപകട കാരണമെന്നാണ് റിപ്പോര്‍ട്ട്.

World319 days ago

കുവൈത്ത് ദുരന്തത്തില്‍ മരിച്ചവരുടെ കുടുംബങ്ങള്‍ക്ക് നഷ്ടപരിഹാരം ഉറപ്പാക്കണമെന്ന് മുഖ്യമന്ത്രി

ലോകകേരള സഭയുടെ നാലാമത് സമ്മേളനം ഉദ്ഘാടനം ചെയ്യുകയായിരുന്നു മുഖ്യമന്ത്രി പിണറായി വിജയന്‍. കേന്ദ്രം കുവൈത്തുമായി ബന്ധപ്പെട്ട് നടപടി ത്വരിതപ്പെടുത്തണമെന്നും ഇക്കാര്യത്തില്‍ കേന്ദ്രത്തിന്റെ സമയോചിത ഇടപെടല്‍ ഉണ്ടാവണമെന്നും മുഖ്യമന്ത്രി ആവശ്യപ്പെട്ടു. ഈ കാര്യത്തില്‍ സംസ്ഥാന സര്‍ക്കാരും കേന്ദ്ര സര്‍ക്കാരും ഒരേ മനസോടെ നീങ്ങണമെന്നും മുഖ്യമന്ത്രി പറഞ്ഞു.

Kerala321 days ago