മുംബൈയിലേക്കുള്ള ഇന്‍ഡിഗോ വിമാനത്തിന് ബോംബ് ഭീഷണി

ഭീഷണിയെ തുടര്‍ന്ന് ഇന്നലെ രാത്രി 10.30 ഓടെ വിമാനം മുംബൈ വിമാനത്താവളത്തില്‍ സുരക്ഷിതമായി ഇറക്കിയതായി അധികൃതര്‍ അറിയിച്ചു. എല്ലാ യാത്രക്കാരും സുരക്ഷിതരാണെന്ന് ഇന്‍ഡിഗോ പുറത്തിറക്കിയ പ്രസ്താവനയില്‍ പറയുന്നു. ചെന്നൈയില്‍ നിന്ന് മുംബൈയിലേക്ക് സര്‍വീസ് നടത്തുന്ന ഇന്‍ഡിഗോ 6E 5149 വിമാനത്തിനാണ് മെയില്‍ വഴി ബോംബ് ഭീഷണി ലഭിച്ചത്. മുംബൈയില്‍ ലാന്‍ഡ് ചെയ്ത ഉടനെ ഐസൊലേഷന്‍ ബേയിലേക്ക് വിമാനം കൊണ്ടുപോവുകയും ആവശ്യമായ സുരക്ഷ പരിശോധന നടത്തുകയും ചെയ്തതായി അധികൃതര്‍ അറിയിച്ചു.

National319 days ago

മഹാരാഷ്ട്രയില്‍ മഴക്കെടുതിയില്‍ അഞ്ച് പേര്‍ മരിച്ചു

മഹാരാഷ്ട്രയില്‍ കനത്തമഴ തുടരുന്നു. മുംബൈയിലെ അന്ധേരി ഈസ്റ്റില്‍ തുറന്ന ഓടയില്‍ വീണ് സ്ത്രീ മരിച്ചു. റായ്ഗഡ് സ്വദേശിനിയായ യുവതി വെള്ളച്ചാട്ടത്തില്‍ മുങ്ങി മരിക്കുകയും കല്യാണില്‍ ഇടിമിന്നലേറ്റ് മൂന്ന് പേര്‍ മരണപ്പെടുകയും ചെയ്തു. കനത്ത മഴയെത്തുടര്‍ന്ന് മുംബൈയിലെ സ്‌കൂളുകള്‍ക്കും കോളേജുകള്‍ക്കും ഇന്ന് അവധി പ്രഖ്യാപിച്ചിട്ടുണ്ട്. മുംബൈയില്‍ ഇന്നും മഴ തുടരുമെന്നും കാലാവസ്ഥാ വകുപ്പ് അറിയിച്ചു.

National220 days ago

വ്യാജ ബോംബ് ഭീഷണി: വിസ്താര വിമാനം അടിയന്തരമായി തുർക്കിയിലിറക്കി

മുംബൈയിൽ നിന്ന് ജർമനിയിലെ ഫ്രാങ്ക്ഫർട്ടിലേക്ക് പോകുകയായിരുന്ന വിസ്താര വിമാനമാണ് വ്യാജ ബോംബ് ഭീഷണിയെ തുടർന്ന് തുർക്കിയിൽ അടിയന്തരമായി ലാൻഡ് ചെയ്തത്. തുർക്കിയിലെ എൻസുറം വിമാനത്താവളത്തിലാണ് വിമാനം ഇറക്കിയത്. വിമാനത്തിന്റെ ശുചിമുറിയിൽ നിന്നാണ് ഭീഷണി സന്ദേശം എഴുതിയ കത്ത് കണ്ടെത്തിയത്. തുടർന്നാണ് വിസ്താരയുടെ UK27 എന്ന വിമാനം തുർക്കിയിൽ അടിയന്തരമായി ഇറക്കിയത്. യാത്രക്കാരെ ഒഴിപ്പിച്ച ശേഷം വിമാനത്തിൽ നടത്തിയ പരിശോധനയിൽ സംശയകരമായ വസ്തുക്കളൊന്നും കണ്ടെത്തിയില്ല.

National239 days ago

ബോംബ് ഭീഷണി; ഇന്‍ഡിഗോ വിമാനം വഴിതിരിച്ചുവിട്ടു

ബോംബ് ഭീഷണിയെത്തുടര്‍ന്ന് ഇന്‍ഡിഗോ വിമാനം നാഗ്പൂരിലേക്ക് വഴിതിരിച്ചുവിട്ടു. ജബല്‍പൂരില്‍ നിന്ന് ഹൈദരാബാദിലേക്ക് സര്‍വീസ് നടത്തുന്ന ഇന്‍ഡിഗോ 6E 7308 വിമാനമാണ് വഴിതിരിച്ചുവിട്ടത്. എല്ലാ യാത്രക്കാരെയും സുരക്ഷാ പരിശോധനകള്‍ക്ക് വിധേയരാക്കി. യാത്രക്കാര്‍ക്ക് ലഘുഭക്ഷണം നല്‍കിയിട്ടുണ്ടെന്നും അസൗകര്യമുണ്ടായതില്‍ ഖേദിക്കുന്നുവെന്നും ഇന്‍ഡിഗോ പ്രസ്താവനയില്‍ അറിയിച്ചു.

National244 days ago

യഹോവ സാക്ഷികളുടെ പ്രാര്‍ത്ഥനാ കേന്ദ്രങ്ങളില്‍ ബോംബ് ഭീഷണി

കൊച്ചി തോപ്പുംപടിയിലുളള യഹോവ സാക്ഷികളുടെ പ്രാര്‍ത്ഥനാ കേന്ദ്രത്തിലാണ് ബോംബ് ഭീഷണി ലഭിച്ചത്. ഇന്ന് രാവിലെ എറണാകുളം കണ്ട്രോള്‍ റൂമിലേക്കാണ് ഫോണ്‍ സന്ദേശം ലഭിച്ചത്. തുടര്‍ന്ന് പ്രാര്‍ത്ഥനാ കേന്ദ്രങ്ങളില്‍ പോലീസ് പരിശോധന നടത്തി. കഴിഞ്ഞ ഒക്ടോബറില്‍ കളമശ്ശേരിയില്‍ യഹോവ സാക്ഷികളുടെ മേഖലാ സമ്മേളനം നടന്ന കണ്‍വെന്‍ഷന്‍ സെന്ററില്‍ തമ്മനം സ്വദേശിയായ ഡൈാമിനിക് മാര്‍ട്ടിന്‍ എന്നയാള്‍ സ്‌ഫോടനം നടത്തിയിരുന്നു. അപകടത്തില്‍ 36 പേര്‍ക്ക് പരുക്കേല്‍ക്കുകയും ഒരു സ്ത്രീ അടക്കം എട്ട് പേര്‍ കൊല്ലപ്പെടുകയും ചെയ്തിരുന്നു.

Kerala244 days ago

എയർ ഇന്ത്യ വിമാനത്തിൽ ബോംബ് ഭീഷണി സന്ദേശം ലഭിച്ചത് ശുചിമുറിയിലെ ടിഷ്യു പേപ്പറിൽ നിന്ന്

മുംബൈ – തിരുവനന്തപുരം എയർ ഇന്ത്യ വിമാനത്തിൽ ബോംബ് ഭീഷണി ഉണ്ടായ സംഭവത്തിൽ പോലീസ് അന്വേഷണം ആരംഭിച്ചു. വിമാനത്തിനുള്ളിലെ ടിഷ്യു പേപ്പറിൽ നിന്നാണ് ഭീഷണി സന്ദേശം ലഭിച്ചത്. ഭീഷണി സന്ദേശം കണ്ടെത്തിയതിനെ തുടർന്ന് പൈലറ്റ് എയർ ട്രാഫിക് കൺട്രോളിൽ വിവരം അറിയിക്കുകയും വിമാനം സുരക്ഷിതമായി ലാന്റ് ചെയ്ത് വിശദമായ പരിശോധനയ്ക്ക് വിധേയമാക്കുകയും ചെയ്തു. വ്യാജ സന്ദേശമാണെന്നാണ് നിലവിലെ നിഗമനം. യാത്രക്കാരിൽ ആരെങ്കിലുമാണോ സന്ദേശം എഴുതിയതെന്നാണ് സംശയം. ഇതിനാൽ വിമാനത്തിലുണ്ടായിരുന്ന 135 യാത്രക്കാരെയും ചോദ്യം ചെയ്യും.

Kerala255 days ago

മുംബൈയില്‍ മൂന്ന് നില കെട്ടിടം തകര്‍ന്നു വീണു; രക്ഷാപ്രവര്‍ത്തനം തുടരുന്നു

നവി മുംബൈയിലെ ഷഹബാസ് ഗ്രാമത്തില്‍ പുലര്‍ച്ചെ അഞ്ച് മണിയോടെയാണ് മൂന്ന് നില കെട്ടിടം തകര്‍ന്നു വീണത്. അവശിഷ്ടങ്ങള്‍ക്കടിയില്‍ നിന്ന് രണ്ട് പേരെ രക്ഷപെടുത്തി. രണ്ട് പേര്‍ ഇനിയും കുടുങ്ങിക്കിടക്കുന്നതായാണ് വിവരം. പോലീസും ഫയര്‍ഫോഴ്സും ദേശീയ ദുരന്ത നിവാരണസേനയും ചേര്‍ന്ന് രക്ഷാപ്രവര്‍ത്തനം തുടരുകയാണ്. മഹാരാഷ്ട്രയില്‍ കനത്തമഴ തുടരുന്നതിനിടെയാണ് ഈ അപകടമുണ്ടായിരിക്കുന്നത്.

National281 days ago

മഹാരാഷ്ട്രയില്‍ കനത്ത മഴ; പൂനൈയില്‍ രക്ഷാപ്രവര്‍ത്തനത്തിന് സൈന്യം

കനത്ത മഴയെ തുടര്‍ന്ന് മുംബൈ, പൂനൈ, താനെ എന്നിവിടങ്ങളില്‍ മിക്കയിടത്തും വെള്ളം കയറി. സര്‍ക്കാര്‍ ആവശ്യപ്പെട്ടതിനെ തുടര്‍ന്നാണ് പൂനൈയില്‍ രക്ഷാപ്രവര്‍ത്തനത്തിന് സൈന്യം എത്തിയത്. ഇതേ തുടര്‍ന്ന് വിവിധയിടങ്ങളില്‍ വിദ്യാഭ്യാസ സ്ഥാപനങ്ങള്‍ക്ക് അവധി പ്രഖ്യാപിച്ചു. മഹാരാഷ്ട്രയില്‍ ഇന്ന് കാലാവസ്ഥാ വകുപ്പ് റെഡ് അലര്‍ട്ട് പ്രഖ്യാപിച്ചിരിക്കുകയാണ്.

National282 days ago

പാര്‍ലമെന്റിലും ചെങ്കോട്ടയിലും ബോംബിടുമെന്ന് ഖലിസ്ഥാന്‍ ഭീഷണി

പാര്‍ലമെന്റിന്റെ വര്‍ഷകാല സമ്മേളനം ഇന്ന് തുടങ്ങാനിരിക്കെ പാര്‍ലമെന്റിലും ചെങ്കോട്ടയിലും ബോംബ് സ്‌ഫോടനം നടത്തുമെന്ന് ഖലിസ്ഥാന്‍ ഭീഷണി. മലയാളി രാജ്യസഭാ MPമാരായ വി.ശിവദാസിനും എ.എ. റഹീമിനും ഇന്നലെ രാത്രി 11.30 ഓടെയാണ് ഖലിസ്ഥാന്‍ തീവ്രവാദ സംഘടനയായ സിഖ് ഫോര്‍ ജസ്റ്റിസിന്റെ പേരിലുള്ള പേരിലുള്ള ഭീഷണി സന്ദേശം ലഭിച്ചത്. MPമാര്‍ ഉടന്‍ തന്നെ ഡല്‍ഹി പോലീസിന് വിവരം കൈമാറി. ഭീഷണിയെത്തുടര്‍ന്ന് പാര്‍ലമെന്റില്‍ സുരക്ഷ ശക്തമാക്കി.

National286 days ago

മുംബൈയില്‍ കെട്ടിടം തകര്‍ന്നുവീണ് സ്ത്രീ മരിച്ചു

മുംബൈ ഗ്രാന്റ് റോഡിലുളള റുബിനിസ മന്‍സില്‍ കെട്ടിടത്തിന്റെ മുന്‍ഭാഗമാണ് ഇന്ന് പുലര്‍ച്ചെ തകര്‍ന്ന് വീണത്. അപകടത്തില്‍ ഒരു സ്ത്രീ മരണപ്പെടുകയും മൂന്ന് പേര്‍ക്ക് പരിക്കേല്‍ക്കുകയും ചെയ്തു. അവശിഷ്ടങ്ങള്‍ക്കിടയില്‍ നാല് പേര്‍ കുടുങ്ങിക്കിടക്കുന്നതായി അധികൃതര്‍ അറിയിച്ചു. കെട്ടിടം തകരുമ്പോള്‍ 40 പേര്‍ കെട്ടിടത്തില്‍ ഉണ്ടായിരുന്നു. ഇവരെയെല്ലാം സുരക്ഷിതമായി ഒഴിപ്പിച്ചിട്ടുണ്ട്.

National287 days ago

മുംബൈയില്‍ കനത്ത മഴ; വെള്ളക്കെട്ട്, ഗതാഗതം തടസപ്പെട്ടു

മുംബൈയില്‍ കനത്ത മഴ തുടരുമെന്ന് കാലാവസ്ഥാ വകുപ്പിന്റെ മുന്നറിയിപ്പ്. നഗരത്തില്‍ ഇന്നും നാളെയും ഓറഞ്ച് അലര്‍ട്ട് പ്രഖ്യാപിച്ചു. കനത്ത മഴയെ തുടര്‍ന്ന് താഴ്ന്ന പ്രദേശങ്ങളില്‍ വെള്ളക്കെട്ടുണ്ടായി. ചെമ്പൂര്‍, പി ഡി മെല്ലോ റോഡ്, എപിഎംസി മാര്‍ക്കറ്റ്, ടര്‍ബെ മാഫ്കോ മാര്‍ക്കറ്റ്, കിംഗ്‌സ് സര്‍ക്കിള്‍ തുടങ്ങിയ സ്ഥലങ്ങളിലാണ്‌ വെള്ളക്കെട്ട് റിപ്പോര്‍ട്ട് ചെയ്തത്. ഈ പ്രദേശങ്ങളില്‍ ഗതാഗതം തടസപ്പെട്ടു.

National296 days ago