നവംബര്‍ 24 ഇനി മുതല്‍ ലോക സയാമിസ് ദിനം

UN ജനറല്‍ അസംബ്ലിയാണ് ഇനി മുതല്‍ എല്ലാ വര്‍ഷവും നവംബര്‍ 24 ലോക സയാമിസ് ദിനമായി ആചരിക്കാന്‍ തീരുമാനിച്ചത്. ഖത്തര്‍, യമന്‍, ബഹ്റൈന്‍, മൊറോക്കോ എന്നി രാജ്യങ്ങളുടെ സഹകരണത്തോടെ സൗദി അറേബ്യ മുന്‍കൈ എടുത്താണ് ഇങ്ങനെയൊരു ദിനം ആചരിക്കാനുള്ള തീരുമാനമെടുപ്പിച്ചത്. ജന്മനാ ശരീരഭാഗങ്ങള്‍ ഒട്ടിപ്പിടിച്ച് കഴിയുന്ന സയാമീസ് ഇരട്ടകളെ കുറിച്ച് ബോധവത്കരണം നടത്താനാണ് ഇങ്ങനെയാരു ദിനം.

World303 days ago

ഇസ്രായേല്‍ അധിനിവേശം അവസാനിപ്പിക്കണം; പ്രമേയം പാസാക്കി UN

ഒരു വര്‍ഷത്തിനകം പാലസ്തീനിലെ ഇസ്രായേല്‍ അധിനിവേശം അവസാനിപ്പിക്കണമെന്ന് ആവശ്യപ്പെടുന്ന് പ്രമേയമാണ് പാസാക്കിയത്. 14നെതിരെ 124 വോട്ടുകള്‍ക്കാണ് പ്രമേയം പാസായത്. ഇന്ത്യ ഉള്‍പ്പടെ 43 രാജ്യങ്ങളാണ് പ്രമേയത്തില്‍ നിന്ന് വിട്ടുനിന്നത്. ഇസ്രായേല്‍, US തുടങ്ങിയ രാജ്യങ്ങള്‍ പ്രമേയത്തെ എതിര്‍ത്ത് വോട്ട് ചെയ്തു. ഗസയില്‍ 24 മണിക്കൂറിനിടെയുണ്ടാ ആക്രമണത്തില്‍ 20 പാലസ്തീനികള്‍ കൂടി കൊല്ലപ്പെട്ടു.

World226 days ago

ലെബനനിലെ സ്‌ഫോടന പരമ്പര; അടിയന്തിര യോഗം വിളിച്ച് UN രക്ഷാസമിതി

ലെബനനിലെ ഇലക്ട്രോണിക് സ്‌ഫോടന പരമ്പരയെ തുടര്‍ന്ന് ഈ ആഴ്ച യോഗം ചേരാനാണ് UN തീരുമാനിച്ചിരിക്കുന്നത്. സാധാരണക്കാര്‍ ഉപയോഗിക്കുന്ന വസ്തുക്കള്‍ യുദ്ധോപകരണം ആക്കരുതെന്ന് UN സെക്രട്ടറി ജനറല്‍ അന്റോണിയോ ഗുട്ടറസ് പറഞ്ഞു. ലെബനനിലെ ഇന്നത്തെ വോക്കി ടോക്കി സ്‌ഫോടന പരമ്പരയില്‍ 9 പേര്‍ കൊല്ലപ്പെട്ടു. 300 പേര്‍ക്ക് ആക്രമണത്തില്‍ പരിക്കേറ്റിട്ടുണ്ട്.

World226 days ago

ഗസയിലെ സ്‌കൂളിന് നേരെയുള്ള ഇസ്രായേല്‍ ആക്രമണം; അപലപിച്ച് UN മേധാവി

അന്താരാഷ്ട്ര മാനുഷിക നിയമത്തിന്റെ ലംഘനങ്ങള്‍ ഉടന്‍ അവസാനിപ്പിക്കണമെന്ന് UN മേധാവി അന്റോണിയോ ഗുട്ടെറസ് പറഞ്ഞു. കുടിയൊഴിപ്പിക്കപ്പെട്ടവര്‍ക്ക് അഭയം നല്‍കുന്ന UNന്റെ നിയന്ത്രണത്തിലുള്ള സ്‌കൂളിന് നേരെയുള്ള ആക്രമണം സ്വീകാര്യമല്ലെന്നും ഗസ്സയില്‍ സംഭവിക്കുന്നത് അംഗീകരിക്കാനാവില്ലെന്നും അദ്ദേഹം പറഞ്ഞു. മരിച്ചവരില്‍ ആറ് ഉനര്‍വ തൊഴിലാളികളും ഉള്‍പ്പെടുന്നുവെന്നും അദ്ദേഹം കൂട്ടിച്ചേര്‍ത്തു.

World233 days ago

ഗസയില്‍ അടിഞ്ഞുകൂടിയത് 4 കോടി ടണ്‍ യുദ്ധമാലിന്യം; നീക്കാന്‍ 15 വര്‍ഷം വേണമെന്ന് UN

ഗസയില്‍ അടിഞ്ഞുകൂടിയ നാല് കോടിയോളം ടണ്‍ വരുന്ന യുദ്ധമാലിന്യങ്ങള്‍ നീക്കം ചെയ്യുന്ന പ്രവര്‍ത്തനത്തിന് ഏകദേശം 400 കോടിയോളം രൂപ ചെലവ് വരുമെന്നുമാണ് UN പറയുന്നത്. UN പുറത്തുവിട്ട കണക്കുകള്‍ പ്രകാരം ഏകദേശം 1,37,297 കെട്ടിടങ്ങളാണ് ഗസയില്‍ തകര്‍ക്കപ്പെട്ടത്. മേയില്‍ ചേര്‍ന്ന UN ഡെവലപ്‌മെന്റ് പ്രോഗ്രാമിന്റെ യോഗത്തിന്റെ അടിസ്ഥാനത്തില്‍ ഗസയില്‍ തകര്‍ന്ന പാര്‍പ്പിടങ്ങള്‍ വീണ്ടും നിര്‍മിച്ചുനല്‍കുന്നതിന് 4000 കോടിയോളം രൂപ ചെലവ് വരുമെന്നാണ് പറയുന്നത്.Read More

World292 days ago

2060ല്‍ ഇന്ത്യന്‍ ജനസംഖ്യ 170 കോടിയാകുമെന്ന് UN റിപ്പോര്‍ട്ട്

2060 ഓടെ ഇന്ത്യയുടെ ജനസംഖ്യ ഏകദേശം 170 കോടിയായി ഉയരുമെന്നും പിന്നീട് 12 ശതമാനം കുറയുമെന്നും റിപ്പോര്‍ട്ട്. UN പുറത്തിറക്കിയ വേള്‍ഡ് പോപ്പുലേഷന്‍ പ്രോസ്പെക്ട്സ് 2024 റിപ്പോര്‍ട്ടിലാണ് ഇക്കാര്യം വ്യക്തമാക്കിയിരിക്കുന്നത്. കഴിഞ്ഞ വര്‍ഷമാണ് ഇന്ത്യ ചൈനയെ മറികടന്ന് ലോകത്തിലെ ഏറ്റവും ജനസംഖ്യയുള്ള രാഷ്ട്രമായി മാറിയത്. 2100 വരെ ഇന്ത്യ ഈ സ്ഥാനം നിലനിര്‍ത്തുമെന്നാണ് വിലയിരുത്തല്‍. നിലവില്‍ ഇന്ത്യയില്‍ 145 കോടിയാണ് ജനസംഖ്യയെന്നും റിപ്പോര്‍ട്ട് വ്യക്തമാക്കുന്നു.

National295 days ago

യെമനില്‍ കുടിയേറ്റക്കാര്‍ സഞ്ചരിച്ച ബോട്ട് മുങ്ങി അപകടം; 49 മരണം

ആഫ്രിക്കയില്‍ നിന്നും യാത്ര തിരിച്ച ബോട്ടാണ് അപകടത്തില്‍പ്പെട്ടത്. എത്യോപിയ, സോമാലിയ തുടങ്ങിയ രാജ്യങ്ങളില്‍ നിന്നുള്ള 260 യാത്രക്കാരുമായാണ് ബോട്ട് തിരിച്ചത്. മരിച്ചവരില്‍ 31 സ്ത്രീകളും എട്ട് കുട്ടികളും ഉള്‍പ്പെടുന്നതായി UN വ്യക്തമാക്കി. 140 പേരെ കാണാതായതായും 71 പേരെ രക്ഷപ്പെടുത്തിയതായും UN അറിയിച്ചു. ഏദന്‍ കടലിടുക്ക് കടന്ന് യെമനിലെത്തുകയായിരുന്നു ഇവരുടെ ലക്ഷ്യം.

World325 days ago

കുരുന്നുകളുടെ കൂട്ടക്കൊല; ഇസ്രായേലിനെ കരിമ്പട്ടികയില്‍പ്പെടുത്തി UN

ഒരു വര്‍ഷത്തിനിടെ കുട്ടികള്‍ക്കു നേരെയുണ്ടായ അതിക്രമം കണക്കിലെടുത്താണ് UNനെ കരിമ്പട്ടികയില്‍പ്പെടുത്തിയത്. UN സെക്രട്ടറി ജനറല്‍ അന്റോണിയോ ഗുട്ടറസിന്റേതാണ് നടപടി. അടിയന്തര സഹായ വാഹനങ്ങള്‍ക്ക് അനുമതി നിഷേധിക്കലും സ്‌കൂളും ആശുപത്രികളും മറ്റും തകര്‍ക്കലും നടപടിക്ക് കാരണമായിട്ടുണ്ടെന്ന് UNന്റെ വിശദീകരണത്തില്‍ പറയുന്നു.

World328 days ago

റഫയിലെ ഇസ്രായേല്‍ ആക്രമണം; UN സുരക്ഷാ സമിതി ഇന്ന് അടിയന്തര യോഗം ചേരും

റഫയിലെ അസ്സുല്‍ത്താനിലെ ടെന്റുകളിലെ 45 പേരുടെ മരണത്തിന് ഇടയാക്കിയ ഇസ്രായേലിന്റെ ബോംബാക്രമണത്തിന്റെ പശ്ചാത്തലത്തിലാണ് അടിയന്തര യോഗം ചേരുന്നത്. അള്‍ജീരിയ, സ്ലൊവേനിയ ഉള്‍പ്പെടെയുള്ള രാജ്യങ്ങള്‍ വിഷയവുമായി ബന്ധപ്പെട്ട് അടിയന്തര യോഗം വേണമെന്ന് ആവശ്യപ്പെട്ട് രംഗത്ത് വന്നിരുന്നു. ഇസ്രായേലിന്റെ ആക്രമണത്തില്‍ കൊല്ലപ്പെട്ടവരില്‍ ഏറെയും സ്ത്രീകളും കുട്ടികളുമാണെന്ന് ഗസയിലെ ആരോഗ്യ വകുപ്പ് വ്യക്തമാക്കി.

World340 days ago

റഫയിലേക്കുള്ള ഭക്ഷ്യവിതരണം നിര്‍ത്തി UN

ആവശ്യത്തിന് ഭക്ഷ്യവസ്തുക്കള്‍ ലഭിക്കാത്തതിനെയും സുരക്ഷിതത്വം ഇല്ലാത്തതിനെയും തുടര്‍ന്നാണ് UNന്റെ നടപടി. മനുഷ്യാവകാശ സംഘടനകള്‍ക്ക് സുരക്ഷിതമായി സഹായ വിതരണത്തിന് ഇസ്രായേല്‍ അവസരമൊരുക്കിയില്ലെങ്കില്‍ USന്റെ കടല്‍പ്പാലം പദ്ധതി പരാജയപ്പെടുമെന്ന് UN മുന്നറിയിപ്പ് നല്‍കി. കഴിഞ്ഞ രണ്ട് ദിവസമായി സഹായവിതരണത്തിനുള്ള ട്രക്കുകള്‍ US നിര്‍മിച്ച കടല്‍പ്പാലത്തിലൂടെ റഫയിലെത്തിയിട്ടില്ലെന്നും UN വ്യക്തമാക്കി.

World346 days ago

റഫയില്‍ ആക്രമണം; ഐക്യരാഷ്ട്ര സഭയിലെ ഇന്ത്യക്കാരനായ ഉദ്യോഗസ്ഥന്‍ കൊല്ലപ്പെട്ടു

ഗസയിലെ റഫയില്‍ വെച്ച് ഇദ്ദേഹം സഞ്ചരിച്ച വാഹനത്തിനു നേരെ ആക്രമണമുണ്ടാകുകയായിരുന്നു. UN ഡിപ്പാര്‍ട്ട്മെന്റ് ഓഫ് സേഫ്റ്റി ആന്‍ഡ് സെക്യൂരിറ്റിയിലെ സ്റ്റാഫ് അംഗമാണ് കൊല്ലപ്പെട്ടത്. ഇയാളുടെ വിവരങ്ങള്‍ ഇതുവരെ പുറത്തുവിട്ടിട്ടില്ല. ഇസ്രായേല്‍-ഹമാസ് സംഘര്‍ഷം ആരംഭിച്ചതിന് ശേഷം UN ന്റെ അംഗം കൊല്ലപ്പെടുന്ന ആദ്യത്തെ സംഭവമാണിത്. ആക്രമണത്തെ UN സെക്രട്ടറി ജനറല്‍ ആന്റോണിയോ ഗുട്ടറസ് അപലപിക്കുകയും സംഭവത്തില്‍ സമഗ്രമായ അന്വേഷണം വേണമെന്ന് ആവശ്യപ്പെടുകയും ചെയ്തു.

World354 days ago