കോപ്പ അമേരിക്ക: ആദ്യ സെമിഫൈനൽ നാളെ

കോപ്പ അമേരിക്ക സെമിഫൈനലിന് നാളെ തുടക്കമാകും. നാളെ പുലർച്ചെ 5:30ന് നടക്കുന്ന ആദ്യ സെമിയിൽ അർജന്റീന കാനഡയെ നേരിടും. വ്യാഴാഴ്ച പുലർച്ചെ 5:30ന് നടക്കുന്ന രണ്ടാം സെമിയിൽ കൊളംബിയയും ഉറുഗ്വേയും ആണ് ഏറ്റുമുട്ടുക. ജൂലൈ 16 തിങ്കളാഴ്ചയാണ് ഫൈനൽ. കോപ്പ അമേരിക്ക കിരീടം നിലനിർത്തനാനാണ് മെസ്സിയുടെ നേതൃത്വത്തിലുള്ള അർജന്റീന ഇറങ്ങുന്നത്. കാനഡയ്ക്കെതിരായ സെമിയിൽ ഇക്വഡോറിനെതിരായ ക്വാർട്ടറിൽ നിന്ന് വ്യത്യസ്തമായി അർജന്റീനയുടെ പ്ലേയിങ് ഇലവണിൽ മധ്യനിരയിൽ മാറ്റം ഉണ്ടായേക്കും എന്നാണ് ടീം വൃത്തങ്ങളിൽ നിന്നുള്ള സൂചന. ആദ്യമായി കോപ്പ അമേരിക്കയിൽ എത്തുന്ന കാനഡ സെമിഫൈനലിലെത്തിയതും ശ്രദ്ധേയമാണ്.

Sports299 days ago

കോപ്പ അമേരിക്ക കിരീടം സ്വന്തമാക്കി അര്‍ജന്റീന

ഫൈനലില്‍ കൊളംബിയയെ വീഴ്ത്തിയാണ് അര്‍ജന്റീന കിരീടം നിലനിര്‍ത്തിയത്. മത്സരത്തിനിടെ പരിക്കേറ്റ് മടങ്ങിയ മെസിക്ക് പകരക്കാരനായി എത്തിയ ലൗട്ടാരോ മാര്‍ട്ടിനസിന്റെ ഗോളാണ് ടീമിനെ തുണച്ചത്. 90 മിനുറ്റുകള്‍ക്ക് ശേഷമുള്ള എക്സ്ട്രാടൈമില്‍ നേടിയ ലൗട്ടാരോ മാര്‍ട്ടിനസിന്റെ ഏക ഗോളിലൂടെയാണ് അര്‍ജന്റീന കിരീടം ചൂടിയത്. അര്‍ജന്റീനയുടെ തുടര്‍ച്ചയായ രണ്ടാം കോപ്പ കിരീടമാണിത്.

Sports293 days ago

യൂറോപ്പിലേയും ലാറ്റിൻ അമേരിക്കയിലേയും ഫുട്ബോൾ ചാമ്പ്യന്മാരെ അറിയാൻ കേവലം മണിക്കൂറുകൾ മാത്രം ബാക്കി

ആരാധകരെ ആവേശത്തിലാഴ്ത്തി യൂറോ കപ്പിന്റെയും കോപ്പ അമേരിക്കയുടെയും ഫൈനലുകൾ ഏതാനും മണിക്കൂറുകൾക്കുള്ളിൽ ആരംഭിക്കും. അർധരാത്രി 12:30ന് നടക്കുന്ന യൂറോ കപ്പ് ഫൈനലിൽ സ്പെയിനും ഇംഗ്ലണ്ടും ആണ് ഏറ്റുമുട്ടുക. സ്പെയിൻ തങ്ങളുടെ നാലാം യൂറോ കിരീട നേട്ടം ലക്ഷ്യം വെച്ചിറങ്ങുമ്പോൾ ഇംഗ്ലണ്ട് തങ്ങളുടെ കന്നി യൂറോ കിരീടമാണ് ലക്ഷ്യമിടുന്നത്. പുലർച്ചെ 5:30ന് നടക്കുന്ന കോപ്പ അമേരിക്ക ഫൈനലിൽ അര്ജന്റീനയും കൊളംബിയയുമാണ് ഏറ്റുമുട്ടുക. 15 തവണയാണ് അര്ജന്റീന കോപ്പ അമേരിക്ക ജേതാക്കളായത്. അതേസമയം കൊളംബിയ 2001ൽ മെക്സിക്കോയെ പരാജയപ്പെടുത്തി തങ്ങളുടെ കന്നി കോപ്പ അമേരിക്ക കിരീടം സ്വന്തമാക്കിയിരുന്നു.

Sports293 days ago

കോപ്പ അമേരിക്ക: കാനഡയെ പെനാല്‍റ്റി ഷൂട്ടൗട്ടില്‍ തോല്‍പ്പിച്ച് ഉറുഗ്വായ്

ആവേശം നീണ്ടുനിന്ന ലൂസേഴ്‌സ് ഫൈനലില്‍ നിശ്ചിതസമയത്ത് ഇരു ടീമുകളും രണ്ട് ഗോളുകള്‍ വീതമടിച്ച് സമനില പാലിച്ചതോടെയാണ് മത്സരം ഷൂട്ടൗട്ടിലേക്ക് കടന്നത്. കാനഡക്കായി ജോനാഥന്‍ ഡേവിഡും ഉറുഗ്വായിക്കായി വാല്‍വെര്‍ഡെയും ആദ്യ കിക്ക് ഗോളാക്കി. കാനഡയുടെ മുന്നേറ്റത്തോടെയാണ് കളിയുടെ ആദ്യ പകുതി തുടങ്ങിയത്. കാനഡക്കായി മൂന്നാം കിക്കെടുത്ത കോനയുടെ ദുര്‍ബലമായൊരു ഷോട്ട് ഉറുഗ്വായ് ഗോളി തടഞ്ഞിടുകയായിരുന്നു.

Sports294 days ago

കോപ്പ അമേരിക്ക: ഉറുഗ്വെയെ വീഴ്ത്തി കൊളംബിയ ഫൈനലില്‍

ഉറുഗ്വെയെ എതിരില്ലാത്ത ഒറ്റ ഗോളിന് വീഴ്ത്തിയാണ് കൊളംബിയ ഫൈനലിലേക്ക് പ്രവേശിച്ചത്. 23 വര്‍ഷങ്ങള്‍ക്ക് ശേഷമാണ് കൊളംബിയ കോപ്പ അമേരിക്കയുടെ ഫൈനലിലെത്തുന്ന എന്ന പ്രത്യേകത കൂടിയുണ്ട്. കളിയുടെ 39ാം മിനിറ്റില്‍ ജെഫേഴ്സന്‍ ലെര്‍മയാണ് കൊളംബിയയ്ക്കായി വിജയ ഗോള്‍ നേടിയത്. രണ്ടാം പകുതിയില്‍ പത്ത് പേരായി ചുരുങ്ങിയിട്ടും കൊളംബിയന്‍ പ്രതിരോധം തകര്‍ക്കാന്‍ ഉറുഗ്വെയ്ക്ക് സാധിച്ചില്ല. ഫൈനലില്‍ അര്‍ജന്റീനയാണ് കൊളംബിയയുടെ എതിരാളികള്‍.

Sports297 days ago

കോപ്പ അമേരിക്ക: കാനഡയെ തകര്‍ത്ത് അര്‍ജന്റീന ഫൈനലില്‍

കാനഡയെ എതിരില്ലാത്തെ രണ്ടു ഗോളുകള്‍ക്ക് തകര്‍ത്താണ് മെസ്സിപ്പട ഫൈനലില്‍ എത്തിയത്. ആദ്യ പകുതിയില്‍ ജൂലിയന്‍ അല്‍വാരസും രണ്ടാം പകുതിയില്‍ ലയണല്‍ മെസ്സിയുമാണ് അര്‍ജന്റീനയ്ക്കായി ഗോള്‍ നേടിയത്. 15ന് നടക്കുന്ന ഫൈനലില്‍ യുറഗ്വായ് കൊളംബിയ മത്സരത്തിലെ വിജയികളെയാകും നിലവിലെ ചാമ്പ്യന്മാരായ അര്‍ജന്റീന നേരിടുക. കഴിഞ്ഞതവണ ബ്രസീലിനെ തകര്‍ത്തായിരുന്നു അര്‍ജന്റീന കോപ്പ അമേരിക്ക ജേതാക്കളായത്.

Sports298 days ago

കോപ്പ അമേരിക്ക; ഷൂട്ടൗട്ടിലൂടെ ബ്രസീലിനെ തകര്‍ത്ത് ഉറുഗ്വോ

ക്വാര്‍ട്ടറില്‍ 4-2നാണ് പെനാല്‍റ്റി ഷൂട്ടൗട്ടിലൂടെ ബ്രസീലിനെ ഉറുഗ്വോ പരാജയപ്പെടുത്തിയത്. നിശ്ചിത സമയത്ത് കളി ഗോള്‍ രഹിതമായതിനെ തുടര്‍ന്നാണ് ഷൂട്ടൗട്ടിലേക്ക് എത്തിയത്. ഗോളി സെര്‍ജിയോ റോഷെയാണ് ഉറുഗ്വോയുടെ രക്ഷകനായത്. ഇതോടെ ബ്രസീലിന് സെമി കാണാതെ മടങ്ങേണ്ടി വന്നു. സെമിയില്‍ കൊളംബിയയാണ് ഉറുഗ്വോയ്ക്ക് എതിരാളികളായി എത്തുക.

Sports301 days ago

കോപ്പ അമേരിക്ക; കാനഡ സെമിയില്‍

ക്വാര്‍ട്ടര്‍ ഫൈനല്‍ പോരാട്ടത്തില്‍ വെനസ്വേലയെ പെനാല്‍റ്റി ഷൂട്ടൗട്ടില്‍ കീഴടക്കിയാണ് കാനഡ സെമിയില്‍ പ്രവേശിച്ചത്. നിശ്ചിത സമയത്ത് ഇരു ടീമുകളും സമനില പാലിച്ചതോടെയാണ് മത്സരം പെനാല്‍റ്റി ഷൂട്ടൗട്ടിലേക്ക് നീങ്ങിയത്. വെനസ്വേലന്‍ താരങ്ങളുടെ രണ്ട് കിക്കുകള്‍ തടഞ്ഞ കാനഡ ഗോള്‍കീപ്പര്‍ മാക്സിം ക്രെപാവുവാണ് ടീമിനെ വിജയത്തിലേക്ക് നയിച്ചത്. ആദ്യമായി കോപ്പ അമേരിക്ക ടൂര്‍ണമെന്റിനെത്തിയ കാനഡ് ആദ്യ ശ്രമത്തില്‍ തന്നെ സെമിയിലെത്തി. സെമിയില്‍ അര്‍ജന്റീനയാണ് കാനഡയുടെ എതിരാളികള്‍.

Sports302 days ago

കോപ്പ അമേരിക്ക: ഇക്വഡോറിനെ വീഴ്ത്തി അര്‍ജന്റീന സെമിയില്‍

ഇക്വഡോറിനെ പെനാല്‍റ്റി ഷൂട്ടൗട്ടില്‍ വീഴ്ത്തിയാണ് അര്‍ജന്റീന സെമയില്‍ പ്രവേശിച്ചത്. നിശ്ചിത സമയത്ത് മത്സരം 1-1 ന് അവസാനിച്ചപ്പോള്‍ പെനാല്‍റ്റി ഷൂട്ടൗട്ടില്‍ 4-2 എന്ന സ്‌കോറിനാണ് അര്‍ജന്റീന വിജയം നേടിയത്. അര്‍ജന്റീനയ്ക്കായി ലിസാന്‍ഡ്രോ മാര്‍ട്ടിനസും ഇക്വഡോറിനായി കെവിന്‍ റോഡ്രിഗസുമാണ് ഗോളുകള്‍ നേടിയത്. ഷൂട്ടൗട്ടിലേക്ക് കടന്നപ്പോള്‍ ആദ്യ കിക്ക് ലയണല്‍ മെസി നഷ്ടപ്പെടുത്തിയെങ്കിലും പിന്നീട് കിക്കെടുത്ത ജൂലിയന്‍ അല്‍വാരസ്, അലക്സിസ് മാക്ക് അലിസ്റ്റര്‍, ഗോണ്‍സാലോ മോണ്ടിയല്‍, നിക്കോളാസ് ഒഡാമെന്‍ഡി എന്നിവര്‍ സെമി ഉറപ്പാക്കുക ആയിരുന്നു.

Sports303 days ago

കോപ്പ അമേരിക്ക: കൊളംബിയക്കെതിരെ സമനിലയില്‍ കുടുങ്ങി ബ്രസീല്‍

കോപ്പ അമേരിക്ക ഗ്രൂപ്പ് ഡി മത്സരത്തില്‍ കൊളംബിയക്കെതിരെ സമനില വഴങ്ങി ബ്രസീല്‍. ഇരു ടീമുകളും ഓരോ ഗോളുകള്‍ വീതം നേടി. ബ്രസീലിനായി റാഫീനയും കൊളംബിയക്കായി ഡാനിയല്‍ മുനോസിനുമാണ് വല കുലുക്കിയത്. ഇതോടെ ക്വാര്‍ട്ടറില്‍ ബ്രസീല്‍ ഉറുഗ്വെയെ നേരിടും. അതേസമയം പനാമയാണ് ക്വാര്‍ട്ടറില്‍ കൊളംബിയയുടെ എതിരാളികള്‍.

Sports305 days ago

കോപ്പ അമേരിക്ക: ഉറുഗ്വെയും പനാമയും ക്വാര്‍ട്ടറില്‍

അവസാന ഗ്രൂപ്പ് മത്സരത്തില്‍ USനെ എതിരില്ലാത്ത ഒരു ഗോളിന് കീഴടക്കിയാണ് ഉറുഗ്വെ ക്വാര്‍ട്ടറില്‍ പ്രവേശിച്ചത്. 66ാം മിനിറ്റില്‍ മത്തിയാസ് ഒളിവെരയാണ് ഉറുഗ്വെയ്ക്കായി ഗോള്‍ നേടിയത്. ബൊളീവിയയെ ഒന്നിനെതിരെ മൂന്നു ഗോളുകള്‍ക്ക് തകര്‍ത്താണ് പനാമ ക്വാര്‍ട്ടറില്‍ പ്രവേശിച്ചത്. ജയത്തോടെ മൂന്ന് കളികളില്‍ രണ്ടും ജയിച്ച് ആറ് പോയിന്റോടെയാണ് പനാമ ക്വാര്‍ട്ടറിലെത്തിയിരിക്കുന്നത്.

Sports306 days ago