2025 ഓടെ TVS തങ്ങളുടെ CNG സ്‌കൂട്ടര്‍ വിപണിയിലെത്തിച്ചേക്കും

2025 പകുതിക്ക് മുമ്പോ 125സിസി CNG സ്‌കൂട്ടര്‍ വിപണിയില്‍ അവതരിപ്പിക്കാനാണ് കമ്പനി ലക്ഷ്യമിടുന്നത്. u740 എന്ന കോഡ് നെയിമിലാണ് പദ്ധതി പുരോഗമിക്കുന്നത്. പ്രതിമാസം 1000 സ്‌കൂട്ടറുകള്‍ വിറ്റഴിക്കാന്‍ കഴിയുന്ന തരത്തിലുള്ളതാണ് പദ്ധതി. 95000 രൂപയ്ക്കും 1.10 ലക്ഷം രൂപയ്ക്കും ഇടയില്‍ വില വരാനാണ് സാധ്യത. സ്‌കൂട്ടറുമായി ബന്ധപ്പെട്ട കൂടുതല്‍ വിവരങ്ങളൊന്നും കമ്പനി പുറത്തുവിട്ടിട്ടില്ല.

Automobile295 days ago

പരിഷ്‌കാരങ്ങളോടെ RayZR സ്ട്രീറ്റ് റാലി ഇന്ത്യന്‍ വിപണിയില്‍ അവതരിപ്പിച്ച് യമഹ

ആന്‍സര്‍ ബാക്ക് ഫംഗ്ഷന്‍, LED ഡേടൈം റണ്ണിംഗ് ലൈറ്റ് (DRL) തുടങ്ങിയ അപ്ഡേറ്റുകളോടെയാണ് യമഹ വീണ്ടും എത്തിയിരിക്കുന്നത്. സ്‌കൂട്ടറിന്റെ പ്രാരംഭ എക്സ് ഷോറൂം വില 98,130 രൂപയാണ്. ഐസ് ഫ്‌ളൂ-വെര്‍മില്ല്യണ്‍ (ബ്ലൂ സ്‌ക്വയര്‍ മാത്രം), മാറ്റ് ബ്ലാക്ക് എന്നിവയ്ക്കൊപ്പം പുതിയ സൈബര്‍ ഗ്രീന്‍ നിറത്തിലും വാഹനം ലഭ്യമാകും. സ്‌കൂട്ടറിന്റെ ആന്‍സര്‍ ബാക്ക് ഫംഗ്ഷന്‍ തിരക്കേറിയ സ്ഥലങ്ങളില്‍ സ്‌കൂട്ടര്‍ കണ്ടെത്താന്‍ ഡ്രൈവറെ സഹായിക്കും.

Automobile219 days ago

നെക്‌സോണിന്റെ CNG പതിപ്പ് പുറത്തിറക്കി

ടാറ്റ നെക്സോണ്‍ iCNGയുടെ വില ആരംഭിക്കുന്നത് 8.99 ലക്ഷം രൂപ മുതലാണ്. 1.2ലിറ്റര്‍ ടര്‍ബോ-പെട്രോള്‍ എഞ്ചിനാണ് നെക്സോണ്‍ iCNGയ്ക്കും. 170 Nm പരമാവധി ടോര്‍ക്കിനെതിരെ 100 Hp പരമാവധി പവര്‍ ഔട്ട്പുട്ടും വാഗ്ദാനം ചെയ്യുന്നുണ്ട്. 6-സ്പീഡ് മാനുവല്‍ ഗിയര്‍ബോക്സ് ആണ് ക്രമീകരിച്ചിരിക്കുന്നത്. SUVയ്ക്ക് 6 എയര്‍ബാഗുകള്‍, ESP എന്നിവ അടക്കം ശക്തമായ സുരക്ഷാ സംവിധാനങ്ങളുമുണ്ട്.

Automobile220 days ago

മാരുതി സുസുക്കി സ്വിഫ്റ്റ് CNG സെപ്റ്റംബര്‍ 12ന് എത്തും

ഒന്നിലധികം വേരിയന്റുകളില്‍ സ്വിഫ്റ്റ് CNG അവതരിപ്പിക്കുമെന്നാണ് റിപ്പോര്‍ട്ട്. പെട്രോള്‍ എഞ്ചിനുമായി വില്‍പ്പനയ്‌ക്കെത്തിയ ഏറ്റവും പുതിയ തലമുറ ഹാച്ച്ബാക്ക് ആയ സ്വിഫ്റ്റിനെ അടിസ്ഥാനമാക്കിയായിരിക്കും സ്വിഫ്റ്റ് CNG. സ്വിഫ്റ്റ് CNGയുടെ വില പെട്രോള്‍ വേരിയന്റുകളേക്കാള്‍ ഏകദേശം 80,000 മുതല്‍ 90,000 രൂപ വരെ കൂടുതലായിരിക്കും. 1.2 ലിറ്ററിന്റെ മൂന്ന് സിലിണ്ടര്‍ Z12E എഞ്ചിനാണ് സ്വിഫ്റ്റ് CNGയ്ക്ക് കരുത്ത് പകരുന്നത്.

Automobile237 days ago

ഹ്യുണ്ടായ് ഓറ CNG വിപണിയിലെത്തി

കുറഞ്ഞ മുതല്‍ മുടക്കില്‍ കൂടുതല്‍ മൈലേജ് തരുന്നതാണ് ഹ്യുണ്ടായ് ഓറ. CNG ഇന്ധനം തീര്‍ന്നാലും പെട്രോളില്‍ ഓടാം എന്ന പ്രത്യേകത. 28 കി.മീ മൈലേജാണ് സിംഗിള്‍ സിലിണ്ടര്‍ പതിപ്പില്‍ ഹ്യുണ്ടായ് വാഗ്ദാനം ചെയ്തിരിക്കുന്നത്. പവര്‍ വിന്‍ഡോകള്‍, ഡ്രൈവര്‍ സീറ്റ് ഹൈറ്റ് അഡ്ജസ്റ്റ്മെന്റ്, അഡ്ജസ്റ്റബിള്‍ റിയര്‍സീറ്റ് ഹെഡ്‌റെസ്റ്റുകള്‍, മള്‍ട്ടി ഇന്‍ഫര്‍മേഷന്‍ ഡിസ്‌പ്ലേയുള്ള സ്പീഡോമീറ്റര്‍, Z ആകൃതിയിലുള്ള LED ടെയില്‍ലാമ്പുകള്‍ എന്നിവയോടെയാണ് വാഹനം എത്തിയിരിക്കുന്നത്.

Automobile240 days ago

പുതിയ വാഹനം അവതരിപ്പിക്കാന്‍ TVS മോട്ടോര്‍ തയ്യാറെടുക്കുന്നതായി സൂചന

ഈ മാസം 19ന് തമിഴ്‌നാട്ടിലെ ഹൊസൂരിലെ പ്ലാന്റില്‍ വെച്ചായിരിക്കും വാഹനത്തിന്റെ ലോഞ്ചിങ്ങെന്നാണ് റിപ്പോര്‍ട്ട്. വരാന്‍ പോകുന്നത് TVS ജൂപിറ്ററിന്റെ CNG പതിപ്പോ അല്ലെങ്കില്‍ ജനപ്രിയ സ്‌കൂട്ടറിന്റെ ഫെയ്സ്ലിഫ്റ്റ് പതിപ്പോ ആയിരിക്കും പുറത്തിറങ്ങുക എന്നാണ് സൂചന. പുതിയ ഉല്‍പ്പന്നത്തെ കുറിച്ചുള്ള ടീസറുകളും ലോഞ്ച് ക്യാമ്പയ്നുകളും ഉടന്‍ ആരംഭിക്കുമെന്നാണ് പ്രതീക്ഷ.

Automobile273 days ago

ലോകത്തിലെ ആദ്യ CNG ബൈക്കുമായി ബജാജ്

ഫ്രീഡം 125 എന്ന് പേരിട്ടിരിക്കുന്ന ബൈക്കിന്റെ വില 95000 രൂപ മുതല്‍ 1.10 ലക്ഷം രൂപ വരെയായിരിക്കും.125 CC എന്‍ജിന്‍ ഉപയോഗിക്കുന്ന വാഹനത്തിന് 9.5 HP കരുത്തും 9.7 NM ടോര്‍ക്കുമുണ്ട്. പെട്രോളിലും CNGയിലും വാഹനം ഉപയോഗിക്കാം എന്നതാണ് ഇതിന്റെ പ്രത്യേകത. ഡ്രൈവിങ്ങിനിടയില്‍ തന്നെ പെട്രോളിലേക്കും CNGയിലേക്കും സ്വിച്ച് ചെയ്യാം. പെട്രോള്‍ ടാങ്കിന് 2 ലിറ്റര്‍ കപ്പാസിറ്റിയും CNG ടാങ്കിന് 18 കിലോഗ്രാം കപ്പാസിറ്റിയുമാണുള്ളത്.

Automobile299 days ago

CNG ക്ഷാമത്തില്‍ വലഞ്ഞ് തിരുവനന്തപുരത്തെ ഓട്ടോ തൊഴിലാളികളും വാഹന ഉടമകളും

CNG ലഭിക്കുന്ന അഞ്ചു പമ്പുകള്‍ മാത്രമാണ് തലസ്ഥാനത്തുള്ളത്. ഇന്ധനം തികയാത്തതിനാല്‍ മിക്ക പമ്പുകളിലും വാഹനങ്ങളുടെ നീണ്ട നിരയാണ്. ചെലവ് കുറയ്്ക്കാനായി CNGയിലേക്ക് മാറിയ ഓട്ടോ തൊഴിലാളികള്‍ ഓട്ടം ഒഴിവാക്കി ഇന്ധനം നിറയ്ക്കാന്‍ കാത്തു നില്‍ക്കേണ്ട അവസ്ഥയിലാണ്. ആയിരത്തിലധികം CNG ഓട്ടോകളാണ് തിരുവനന്തപുരം നഗരത്തിലുള്ളത്. ഇതിന് പുറമേ CNG കാറുകളും ബസുകളുമുണ്ട്. ഇവയ്‌ക്കെല്ലാം ഇന്ധനം നിറയ്ക്കാന്‍ അവശ്യമായ പമ്പുകള്‍ ഇല്ലാത്തതാണ് പ്രശ്‌നം.

Kerala335 days ago

ലോകത്തെ ആദ്യ CNG ബൈക്ക് നിരത്തിലെത്തിക്കാന്‍ ഒരുങ്ങി ബജാജ് ഓട്ടോ

വാഹനം 2024 ജൂണില്‍ പുറത്തിറക്കുമെന്നാണ് ബജാജ് ഓട്ടോ മാനേജിങ് ഡയറക്ടര്‍ രാജീവ് ബജാജ് പറഞ്ഞത്. CNGയില്‍ ഓടുന്ന ബൈക്കില്‍ മലിനീകരണവും ഇന്ധനച്ചെലവും കുറവായിരിക്കും. ബൈക്കില്‍ CNG ടാങ്ക് തയ്യാറാക്കുന്നത് വലിയ വെല്ലുവിളിയായതിനാല്‍ ഉത്പാദനച്ചെലവും കൂടുതലാണ്. അതിനാല്‍ ഈ വാഹനത്തിന് പെട്രോള്‍ ബൈക്കിനെക്കാള്‍ വില കൂടുതലായിരിക്കും.

Automobile405 days ago

2025 യമഹ ജോഗ് 125 CC മോഡല്‍ ഉടന്‍ പുറത്തിറക്കുമെന്ന് കമ്പനി

മാര്‍ച്ച് 19ന് വാഹനം വിപണിയിലെത്തിക്കുമെന്നാണ് കമ്പനി അറിയിച്ചിരിക്കുന്നത്. വിശാലമായ 21.3 ലിറ്റര്‍ അണ്ടര്‍സീറ്റ് സ്റ്റോറേജ് ഓടെ എത്തുന്ന സ്‌കൂട്ടറിന് 1.46 ലക്ഷം രൂപയാണ് വില. മുന്‍വശത്ത് ഒരു ചെറിയ കുപ്പി വെയ്ക്കാനുള്ള പ്രത്യേക ഇടവും നല്‍കിയിട്ടുണ്ട്. മുന്‍വശത്ത് നല്‍കിയിരിക്കുന്ന പ്രത്യേക ഇടത്തില്‍ ഉപയോക്താക്കള്‍ക്ക് ഫോണ്‍ ചാര്‍ജ് ചെയ്യേണ്ട USB ചാര്‍ജര്‍ ഇന്‍സ്റ്റാള്‍ ചെയ്യാന്‍ സാധിക്കും. സ്‌കൂട്ടറിന്റെ കോംപാക്ട് രൂപത്തിനൊപ്പം കുറഞ്ഞ 735 മില്ലീമീറ്റര്‍ സീറ്റ് ഹൈറ്റാണ് കമ്പനി ഒരുക്കിയിരിക്കുന്നത്.

Automobile424 days ago

29 മാസത്തിനുള്ളില്‍ 7 ലക്ഷം കടന്ന് TVS റൈഡര്‍ 125

2024 ജനുവരി വരെ TVS റൈഡര്‍ 125ന്റെ മൊത്തം 7,14,484 യൂണിറ്റുകളാണ് വിറ്റഴിച്ചത്. 124.8 സിസി, സിംഗിള്‍ സിലിണ്ടര്‍, 3-വാല്‍വ്, എയര്‍, ഓയില്‍ കൂള്‍ഡ് എഞ്ചിന്‍ എന്നിവയാണ് TVS റൈഡര്‍ 125ന്റെ പ്രത്യേകതകള്‍. റൈഡറിന് 67 കിലോമീറ്റര്‍ മൈലേജുണ്ടെന്നും മണിക്കൂറില്‍ 99 കിലോമീറ്റര്‍ പരമാവധി വേഗത്തില്‍ പോകാമെന്നും കമ്പനി അവകാശപ്പെടുന്നു.

Automobile429 days ago