കൊച്ചിയില്‍ അറസ്റ്റിലായ മാവോയിസ്റ്റ് പ്രവര്‍ത്തകനെ റിമാന്‍ഡ് ചെയ്തു

സംസ്ഥാന ഭീകര വിരുദ്ധ സേനയുടെ വാണ്ടഡ് ലിസ്റ്റില്‍ ഉണ്ടായിരുന്ന മാവോയിസ്റ്റ് പ്രവര്‍ത്തകന്‍ മനോജിനെ ഇന്നലെ എറണാകുളം സൗത്ത് റെയില്‍വേ സ്റ്റേഷനില്‍ നിന്നായിരുന്നു പിടികൂടിയത്. ഇന്ന് കോടതിയില്‍ ഹാജരാക്കിയപ്പോഴും ഇയാള്‍ മാവോയിസ്റ്റ് അനുകൂല മുദ്രാവാക്യങ്ങള്‍ വിളിച്ചു. വയനാട്ടില്‍ മാവോയിസ്റ്റുകള്‍ കുഴിബോംബ് സ്ഥാപിച്ചത് കണ്ടെത്തിയതിന് പിന്നാലെ മനോജ് അടക്കമുള്ള വാണ്ടഡ് ലിസ്റ്റിലുള്ളവര്‍ക്കായി നിരീക്ഷണം ശക്തമാക്കിയിരുന്നു. ഇതിന് പിന്നാലെ മനോജ് കൊച്ചിയിലെത്തിയെന്ന വിവരം പിന്തുടര്‍ന്നായിരുന്നു അറസ്റ്റ്.

Kerala288 days ago

ലൈസന്‍സ് തര്‍ക്കം; കൊച്ചിയിലെ അഞ്ച് ‘ഹാജി അലി’ ഔട്ട്‌ലെറ്റുകളില്‍ റിസീവറുടെ നടപടി

പനമ്പിള്ളി നഗര്‍, ഇടപ്പളളി, കോതമംഗലം, ആലുവ, കാക്കനാട് എന്നിവിടങ്ങളില്‍ പ്രവര്‍ത്തിച്ചിരുന്ന ഹാജി അലിയുടെ ഔട്ട് ലെറ്റുകളിലാണ് മുംബൈ ഹൈക്കോടതി നിയോഗിച്ച റിസീവറിന്റെയും സംഘത്തിന്റെയും നടപടി. ഔട്ട് ലെറ്റുകളിലെ പാത്രങ്ങള്‍, നെയിം ബോര്‍ഡ് എന്നിവ ഉള്‍പ്പെടെ ഹാജി അലി ഗ്രൂപ്പിന്റെ പേരു പതിച്ചതെല്ലാം സംഘം കണ്ടുകെട്ടി. രാജ്യത്തെ പ്രമുഖ ജ്യൂസ് വില്‍പ്പന ബ്രാന്‍ഡായ ഹാജി അലി ഗ്രൂപ്പിന്റെ ട്രേഡ് മാര്‍ക്ക് ലൈസന്‍സ് ഉപയോഗിക്കുന്നതുമായി ബന്ധപ്പെട്ട കേസിലാണ് നടപടി. കൊച്ചി സ്വദേശിയായ വിനോദ് നായര്‍ക്കായിരുന്നു ഹാജി അലി ഗ്രൂപ്പിന്റെ ഫ്രാഞ്ചൈസി അനുവദിച്ചത്.Read More

Kerala225 days ago

കൊച്ചിയില്‍ പെണ്‍വാണിഭ സംഘം അറസ്റ്റില്‍

എളമക്കര കേന്ദ്രീകരിച്ചു പ്രവര്‍ത്തിച്ചിരുന്ന സംഘത്തെയാണ് പോലീസ് അറസ്റ്റ് ചെയ്തത്. സെക്സ് റാക്കറ്റിന്റെ കണ്ണിയായ സെറീന, സഹായി ശ്യാം, സെറീനയ്ക്കൊപ്പം സംഘത്തെ നിയന്ത്രിച്ചിരുന്ന മറ്റൊരു സ്ത്രീ എന്നിവരാണ് എളമക്കര പോലീസിന്റെ പിടിയിലായത്. ബെംഗളൂരുവില്‍നിന്ന് കൊച്ചിയിലെത്തിച്ച ഇരുപതുകാരിയായ ബംഗ്ലദേശ് സ്വദേശിനിയെ സംഘം ഇരുപതിലേറെ പേര്‍ക്ക് എത്തിച്ചുനല്‍കിയെന്നാണ് വിവരം. പെണ്‍കുട്ടി ഇപ്പോള്‍ പോലീസ് സംരക്ഷണയിലാണ്.

Kerala226 days ago

പോലീസിന് വിവരങ്ങൾ നൽകി എന്നാരോപിച്ച് ഛത്തീസ്ഗഢിൽ മാവോയിസ്റ്റുകൾ രണ്ട് പേരെ കൊലപ്പെടുത്തി

ഛത്തീസ്ഗഡിലെ ബിജാപൂർ ജില്ലയിലുള്ള ഒരു ഉൾ ഗ്രാമത്തിലാണ് സംഭവം. പോലീസിന് വിവരം നൽകുന്നവർ എന്നാരോപിച്ചാണ് മാവോയിസ്റ്റുകൾ രണ്ടുപേരെ കൊലപ്പെടുത്തിയത്. സംഭവത്തെക്കുറിച്ചുള്ള വിവരങ്ങൾ പോലീസിന് ലഭിച്ചിട്ടുണ്ടെന്നും ഇത് സംബന്ധിച്ച വിശദാംശങ്ങൾ ശേഖരിച്ചുവരികയാണെന്നും മുതിർന്ന പോലീസ് ഉദ്യോഗസ്ഥൻ പറഞ്ഞു. പ്രാഥമിക വിവരമനുസരിച്ച് മിർതൂർ പോലീസ് സ്റ്റേഷൻ പരിധിയിലെ ജപ്പേമർക ഗ്രാമത്തിൽ നിന്ന് ഒരു സ്കൂൾ വിദ്യാർത്ഥി ഉൾപ്പെടെ മൂന്ന് ഗ്രാമീണരെ മാവോയിസ്റ്റുകൾ തട്ടിക്കൊണ്ടുപോകുകയും പിന്നീട് സ്‌കൂൾ വിദ്യാർത്ഥിയെ മോചിപ്പിക്കുകയും മറ്റ് രണ്ട് പേരെ കൊല്ലുകയുമായിരുന്നു. കൊലപാതകത്തിൻ്റെ ഉത്തരവാദിത്തം മാവോയിസ്റ്റുകളുടെ ഭൈരംഗഡ് ഏരിയ കമ്മിറ്റി ഏറ്റെടുത്തു.

National233 days ago

ചാരവൃത്തി സംശയം; കൊച്ചി കപ്പല്‍ശാലയില്‍ NIA സംഘത്തിന്റെ പരിശോധന

ഹൈദരാബാദ് NIA യൂണിറ്റാണ് കൊച്ചി കപ്പല്‍ശാലയില്‍ പരിശോധന നടത്തുന്നത്. ഒരു ജീവനക്കാരനെ കസ്റ്റഡിയിലെടുത്ത് ചോദ്യം ചെയ്യുകയാണ്. ജീവനക്കാരനില്‍ നിന്നും പ്രതിരോധ കപ്പലുകളുടെ വിവരങ്ങള്‍ ചോര്‍ന്നെന്ന സംശയത്തിന്റെ അടിസ്ഥാനത്തിലാണ് നടപടി. രണ്ട് വര്‍ഷം മുമ്പ് ഒരു അഫ്ഗാന്‍ പൗരന്‍ വ്യാജ രേഖകളുപയോഗിച്ച് കൊച്ചി കപ്പല്‍ശാലയില്‍ ജോലി ചെയ്തിരുന്നതായി കണ്ടെത്തിയിരുന്നു. ഇയാള്‍ പ്രതിരോധ വിവരങ്ങള്‍ മറ്റ് രാജ്യങ്ങള്‍ക്ക് കൈമാറിയെന്ന സംശയത്തെ തുടര്‍ന്ന് സംസ്ഥാന പോലീസ് അന്വേഷണം ദേശീയ അന്വേഷണ ഏജന്‍സിയെ ഏല്‍പ്പിക്കാന്‍ ശുപാര്‍ശ ചെയ്യുകയായിരുന്നു.

Kerala248 days ago

രഞ്ജിത്തിനെതിരായ ബംഗാളി നടിയുടെ പരാതിയില്‍ കേസെടുത്തു

സംവിധായകന്‍ രഞ്ജിത്തിനെതിരായ ബംഗാളി നടിയുടെ പരാതിയില്‍ എറണാകുളം നോര്‍ത്ത് പൊലീസ് കേസ് രജിസ്റ്റര്‍ ചെയ്തു. കേസുമായി ബന്ധപ്പെട്ട തുടര്‍ നടപടികള്‍ സ്വീകരിക്കുമെന്നും കൊച്ചി സിറ്റി പോലീസ് കമ്മീഷണര്‍ അറിയിച്ചു. IPC 354 ജാമ്യമില്ലാ വകുപ്പ് പ്രകാരമാണ് കേസെടുത്തിരിക്കുന്നത്. മൂന്ന് വര്‍ഷംവരെ തടവ് ശിക്ഷ ലഭിക്കാവുന്ന കുറ്റമാണ് ചുമത്തിയിരിക്കുന്നത്.

Kerala250 days ago

കൊച്ചിയിൽ പ്ലസ് വൺ വിദ്യാർത്ഥിനി കായലിൽ വീണു; തിരച്ചിൽ തുടരുന്നു

കൊച്ചി നെട്ടൂരിൽ പ്ലസ് വൺ വിദ്യാർത്ഥിനിയെ കായലിൽ വീണ് കാണാതായി. 16 വയസ്സുകാരി ഫിദയാണ് അപകടത്തിൽപ്പെട്ടത്. മാലിന്യം കളയാനായി കായലിന് അരികിലേക്ക് പോയപ്പോൾ കാൽ വഴുതി വെള്ളത്തിലേക്ക് വീഴുകയായിരുന്നു. കായലിൽ ഫയർഫോഴ്സും, സ്കൂബ സംഘവും, സന്നദ്ധ പ്രവർത്തകരും ചേർന്ന് കുട്ടിക്കായി തിരച്ചിൽ നടത്തുകയാണ്.

Kerala268 days ago

നിരാഹാര സമരം: ജയിലിൽ കഴിയുന്ന മാവോയിസ്റ്റ് നേതാവ് സോമൻ്റെ ആരോഗ്യസ്ഥിതി മോശമായി

ജയിലിൽ നിരാഹാര സമരം നടത്തി ആരോഗ്യസ്ഥിതി മോശമായതിനെ തുടർന്ന് മാവോയിസ്റ്റ് നേതാവ് സോമനെ തൃശൂർ മെഡിക്കൽ കോളേജിൽ എത്തിച്ച് ചികിത്സ നൽകി. നിരാഹാര സമരം നടത്തിയതിന് പിന്നാലെ നെഞ്ചുവേദനയും ശരീരത്തിൽ പഞ്ചസാരയുടെ അളവ് കുറഞ്ഞതുമാണ് ആരോഗ്യസ്ഥിതി മോശമാകാൻ കാരണമായത്. കാർഡിയോളജി വിഭാഗത്തിലെ ഡോക്ടർമാർ സോമനെ പരിശോധിച്ച് ചികിത്സ നൽകിയതിനു ശേഷം സോമനെ അതിസുരക്ഷാ ജയിലിലേക്ക് മാറ്റി. കോടതികളില്‍ കൊണ്ടു പോയി തിരികെ കൊണ്ടുവരുമ്പോള്‍ ദേഹപരിശോധനകള്‍ നടത്തുന്നത് നിര്‍ത്തണമെന്നാവശ്യപ്പെട്ടാണ് സോമൻ നിരാഹാരം കിടന്നത്.

Kerala272 days ago

എറണാകുളത്ത് മാവോയിസ്റ്റ് പ്രവർത്തകൻ പിടിയിൽ

എറണാകുളം സൗത്ത് റെയിൽവേ സ്റ്റേഷനിൽ നിന്ന് ഭീകരവിരുദ്ധ സ്ക്വാഡാണ് മാവോയിസ്റ്റ് ബന്ധമുള്ളയാളെ പിടികൂടിയത്. വയനാട് സ്വദേശി മനോജാണ് പിടിയിലായത്. വയനാട്ടിലെ കുഴിബോംബ് സംഭവത്തിന് ശേഷം ഭീകരവിരുദ്ധ സ്‌ക്വാഡ് മനോജിനെ നിരീക്ഷിക്കുന്നുണ്ടായിരുന്നു. ഇതിന് പിന്നാലെയാണ് ഇയാളെ കസ്റ്റഡിയിലെടുത്തത്. സംഘടനാ പ്രവർത്തനത്തിന് പണം വാങ്ങുന്നതുമായി ബന്ധപ്പെട്ടാണ് ഇയാൾ കൊച്ചിയിൽ എത്തിയത് എന്നാണ് പോലീസ് വൃത്തങ്ങൾ നിന്ന് ലഭിക്കുന്ന പ്രാഥമിക വിവരം.

Kerala289 days ago

കനത്ത മഴയില്‍ കൊച്ചി മെട്രോ ട്രാക്കിലേക്ക് ഫ്‌ളക്‌സ് ബോര്‍ഡ് മറിഞ്ഞു വീണു; സര്‍വീസ് തടസ്സപ്പെട്ടു

നഗരത്തില്‍ ശക്തമായ മഴയും കാറ്റുമാണ് അനുഭവപ്പെടുന്നത്. ഇതേതുടര്‍ന്ന് കലൂര്‍ മെട്രോ സ്‌റ്റേഷനും ടൗണ്‍ ഹാള്‍ മെട്രോ സ്‌റ്റേഷനും ഇടയില്‍ ഫ്‌ളക്‌സ് ബോര്‍ഡ് മറിഞ്ഞ് വീണ് അപകടമുണ്ടായി. ഇതോടെ ഈ റൂട്ടിലെ സര്‍വീസ് നിര്‍ത്തിവെച്ചു. എറണാകുളം സൗത്ത് - കടവന്ത്ര സ്റ്റേഷന് ഇടയിലുള്ള മെട്രോ ട്രാക്കിലേക്ക് ടര്‍പ്പോളിനും മറിഞ്ഞു വീണു. രണ്ട് ഭാഗത്തേക്കുമുള്ള ട്രെയിന്‍ സര്‍വീസ് 15 മിനിറ്റോളം നിര്‍ത്തിവെച്ചു.

Kerala290 days ago

മഹാരാഷ്ട്രയില്‍ ഏറ്റുമുട്ടല്‍; 12 മാവോയിസ്റ്റുകളെ വധിച്ചു

മഹാരാഷ്ട്രയിലെ ഗഡ്ചിരോളി ജില്ലയിലാണ് ആറ് മണിക്കൂറോളം നീണ്ടുനിന്ന ഏറ്റുമുട്ടലുണ്ടായത്. ഛത്തീസ്ഗഢ് അതിര്‍ത്തിയോട് ചേര്‍ന്ന വന്ദോലി ഗ്രാമത്തിന് സമീപം പതിനഞ്ചോളം മാവോയിസ്റ്റുകള്‍ ക്യാമ്പ് ചെയ്യുന്നതായി വിവരം ലഭിച്ചതിനെ തുടര്‍ന്നാണ് മഹാരാഷ്ട്ര പോലീസ് രാവിലെ മുതല്‍ തിരച്ചില്‍ നടത്തിയത്. തുടര്‍ന്ന് നടന്ന ഏറ്റുമുട്ടലില്‍ 12 മാവോയിസ്റ്റുകളെ വധിക്കുകയും നിരവധി ആയുധങ്ങള്‍ കണ്ടെടുക്കുകയും ചെയ്തു. വെടിവെയ്പില്‍ രണ്ട് ഉദ്യോഗസ്ഥര്‍ക്കും പരിക്കേറ്റിട്ടുണ്ട്.

National290 days ago