ഇന്ത്യന്‍ 2 ഓഗസ്റ്റ് 9 ന് OTTയിലെത്തും

എസ്. ശങ്കറിന്റെ സംവിധാനത്തില്‍ കമല്‍ഹാസന്‍ നായകനായെത്തിയ ഇന്ത്യന്‍ 2വിന്റെ OTT റിലീസ് പ്രഖ്യാപിച്ചു. നെറ്റ്ഫ്‌ലിക്‌സിലൂടെ ഓഗസ്റ്റ് ഒമ്പതിനാണ് ചിത്രം OTTയില്‍ എത്തുക. കമല്‍ഹാസന്‍ നായകനായി 1996ല്‍ പ്രദര്‍ശനത്തിനെത്തിയ ചിത്രം 'ഇന്ത്യന്‍' വന്‍ ഹിറ്റായിരുന്നു. ഇതിന്റെ രണ്ടാം ഭാഗമെന്ന നിലയിലാണ് ഇന്ത്യന്‍ 2 എത്തിയത് എങ്കിലും പ്രതീക്ഷയ്‌ക്കൊത്ത വിജയം നേടാന്‍ ഈ ചിത്രത്തിന് സാധിച്ചില്ല.

Entertainment273 days ago

വിജയ് ചിത്രം ‘ദ ഗോട്ട്’ സെപ്റ്റംബര്‍ അഞ്ചിന് തിയേറ്ററുകളില്‍ എത്തും

ആരാധകര്‍ ഏറെ പ്രതീക്ഷയോടെ കാത്തിരിക്കുന്ന വിജയ് ചിത്രമാണ് ദ ഗ്രേറ്റസ്റ്റ് ഓഫ് ഓള്‍ ടൈം (ദ ഗോട്ട്). വെങ്കട്ട് പ്രഭു സംവിധാനം ചെയ്യുന്ന ആക്ഷന്‍ ചിത്രം സെപ്റ്റംബര്‍ അഞ്ചിന് ആഗോളതലത്തില്‍ പ്രദര്‍ശനത്തിനെത്തും. അച്ഛനും മകനുമായി വിജയ് ഡബിള്‍ റോളില്‍ എത്തുന്ന ചിത്രത്തില്‍ മീനാക്ഷി ചൗധരിയാണ് നായിക. പ്രശാന്ത്, പ്രഭുദേവ, ജയറാം, സ്‌നേഹ തുടങ്ങിയവരും ചിത്രത്തില്‍ പ്രധാനകഥാപാത്രങ്ങളെ അവതരിപ്പിക്കുന്നു. ഗോകുലം മൂവീസിന്റെ ബാനറില്‍ ഗോകുലം ഗോപാലനാണ് ചിത്രം കേരളത്തില്‍ വിതരണത്തിനെത്തിക്കുന്നത്.

Entertainment248 days ago

കല്‍ക്കി 2898 AD OTT റിലീസ് തീയതി ഔദ്യോഗികമായി പ്രഖ്യാപിച്ചു

പ്രഭാസിന്റെ ബ്രഹ്മാണ്ഡ ചിത്രമായ കൽക്കി ഓഗസ്റ്റ് 22ന് OTT യിലെത്തും. ചിത്രത്തിന്‍റെ ഹിന്ദി സ്ട്രീമിംഗ് നെറ്റ്ഫ്ലിക്സും, ദക്ഷിണേന്ത്യന്‍ ഭാഷകളിലെ സ്ട്രീമിംഗ് ആമസോണ്‍ പ്രൈം വീഡിയോസുമാണ് നടത്തുക. ഓഗസ്റ്റ് 22ന് ദക്ഷിണേന്ത്യന്‍ ഭാഷകളിലെ സ്ട്രീമിംഗാണ് ആരംഭിക്കുക. ജൂൺ 27ന് തിയേറ്ററുകളിൽ എത്തിയ ചിത്രം ആഗോളതലത്തില്‍ 1200 കോടിയിലധികം നേടി. കല്‍ക്കി ഇന്ത്യയില്‍ നിന്ന് മാത്രം 650 കോടിയോളം കളക്ഷൻ നേടി. അമിതാഭ് ബച്ചൻ, കമൽ ഹാസൻ, ദീപിക പദുകോൺ, ദിഷ പഠാനി, ശോഭന തുടങ്ങി വലിയ താരനിര അണിനിരന്ന ചിത്രം സംവിധാനം ചെയ്തിരിക്കുന്നത് നാഗ് അശ്വിനാണ്.

Entertainment260 days ago

സൂര്യയുടെ കങ്കുവ ഒക്ടോബറില്‍ തിയേറ്ററുകളിലെത്തും

സൂര്യ നായകനായി എത്തുന്ന പിരീഡ് ആക്ഷന്‍ ഡ്രാമ ചിത്രം കങ്കുവ ഒക്ടോബര്‍ 10ന് തിയേറ്ററുകളില്‍ എത്തും. സിരുത്തൈ ശിവ സംവിധാനം ചെയ്യുന്ന ചിത്രം 38 ഭാഷകളിലാവും റിലീസ് ചെയ്യുക. ചിത്രത്തില്‍ സൂര്യ 13 വ്യത്യസ്ത ലുക്കില്‍ എത്തുമെന്നാണ് റിപ്പോര്‍ട്ടുകളുളളത്. ദിഷ പഠാനിയാണ് ചിത്രത്തിലെ നായിക. 350 കോടിയോളം ബജറ്റുള്ള ചിത്രം സ്റ്റുഡിയോ ഗ്രീനും യുവി ക്രിയേഷന്‍സും ചേര്‍ന്നാണ് നിര്‍മിക്കുന്നത്.

Entertainment286 days ago

‘ഇന്ത്യന്‍ 2’ ജൂലൈ 12 ന് തീയേറ്ററുകളിലെത്തും

ശങ്കര്‍ സംവിധാനം ചെയ്യുന്ന കമല്‍ ഹാസന്‍ ചിത്രം 'ഇന്ത്യന്‍ 2' ജൂലൈ 12ന് തീയേറ്ററുകളിലെത്തും. 1996ല്‍ പുറത്തിറങ്ങിയ 'ഇന്ത്യന്‍' സിനിമയുടെ രണ്ടാം ഭാഗമാണിത്. അഴിമതിക്കെതിരെ ഒറ്റയാള്‍ പോരാട്ടം നടത്തിയ സേനാപതിയുടെ കഥ പറഞ്ഞ ചിത്രത്തിന്റെ രണ്ടാംഭാഗത്തെ ഏറെ പ്രതീക്ഷയോടെയാണ് സിനിമാ പ്രേമികള്‍ ഉറ്റുനോക്കുന്നത്. കാജല്‍ അഗര്‍വാള്‍, സിദ്ധാര്‍ഥ്, സമുദ്രക്കനി, രാകുല്‍ പ്രീത്, ബോബി സിംഹ തുടങ്ങി വലിയൊരു താരനിര തന്നെ ചിത്രത്തില്‍ അണിനിരക്കുന്നുണ്ട്.

Entertainment299 days ago

ബോക്‌സോഫീസ് തൂത്തുവാരി കല്‍ക്കി; ആദ്യദിന കളക്ഷന്‍ 95 കോടി

തീയേറ്ററുകളില്‍ മികച്ച പ്രതികരണം നേടി പ്രഭാസ് ചിത്രം കല്‍ക്കി 2898 എഡി. 95 കോടിയാണ് ചിത്രത്തിന്റെ ആദ്യദിന കളക്ഷന്‍. ഇതോടെ ഇന്ത്യയില്‍ ആദ്യദിനം ഏറ്റവും കൂടുതല്‍ കളക്ഷന്‍ നേടുന്ന ചിത്രം എന്ന നേട്ടം കല്‍ക്കി സ്വന്തമാക്കി. നാഗ് അശ്വിന്‍ സംവിധാനം ചെയ്തിരിക്കുന്ന ചിത്രത്തില്‍ അമിതാഭ് ബച്ചന്‍, ദീപിക പദുക്കോണ്‍, കമല്‍ ഹസന്‍, ദുല്‍ഖര്‍ സല്‍മാന്‍ തുടങ്ങി വമ്പന്‍ താരനിരയാണ് അണിനിരന്നിരിക്കുന്നത്.

Entertainment310 days ago

‘ഗുരുവായൂരമ്പല നടയില്‍’ ജൂണ്‍ 27 ന് OTTയിലെത്തും

പൃഥ്വിരാജും ബേസില്‍ ജോസഫും പ്രധാന കഥാപാത്രങ്ങളായെത്തിയ 'ഗുരുവായൂരമ്പലനടയില്‍' OTTയിലേക്ക്. ഡിസ്‌നി പ്ലസ് ഹോട്ട്സ്റ്റാറിലൂടെ ജൂണ്‍ 27 മുതല്‍ ചിത്രം സ്ട്രീമിങ് ആരംഭിക്കും. ജയ ജയ ജയഹേയ്ക്ക് ശേഷം വിപിന്‍ദാസ് സംവിധാനം ചെയ്ത ചിത്രമാണ് ഗുരുവായൂരമ്പലനടയില്‍. മെയ് 16ന് തീയേറ്ററില്‍ റിലീസ് ചെയ്ത ചിത്രം ആഗോള ബോക്‌സ് ഓഫീസില്‍ നിന്ന് 90 കോടിയോളം രൂപ കളക്റ്റ് ചെയ്തതായാണ് റിപ്പോര്‍ട്ട്.

Entertainment313 days ago

‘ഇന്ത്യന്‍ 2’ ന് മുന്‍പ് ‘ഇന്ത്യന്‍’ റീ റിലീസിനൊരുങ്ങുന്നു

സിനിമ പ്രേക്ഷകർ ആകാംക്ഷയോടെ കാത്തിരിക്കുന്ന സിനിമകളിലൊന്നാണ് കമൽഹാസൻ - ശങ്കർ ടീമിന്റെ 'ഇന്ത്യൻ 2'. ചിത്രം തിയേറ്ററുകളിൽ എത്തുന്നതിന് മുൻപ് 1996 ൽ റിലീസ് ചെയ്ത ആദ്യ ഭാഗമായ 'ഇന്ത്യൻ' റീ റിലീസിനൊരുങ്ങുന്നു. ജൂൺ 7 ന് ചിത്രം റീ റിലീസായി തിയേറ്ററുകളിൽ എത്തും. ചിത്രത്തിലെ മികച്ച പ്രകടനത്തെ തുടർന്ന് കമൽ ഹാസന് ദേശീയ അവാർഡ് ലഭിച്ചിരുന്നു.

Entertainment342 days ago

പാസ്‌വേര്‍ഡ് ഷെയറിങിന് ഏര്‍പ്പെടുത്തിയ നിയന്ത്രണം ഗുണം ചെയ്‌തെന്ന് നെറ്റ്ഫ്‌ളിക്‌സ്

പാസ്‌വേര്‍ഡ് ഷെയര്‍ ചെയ്ത് ഒന്നില്‍ കൂടുതല്‍ ആളുകള്‍ ഒരു അക്കൗണ്ട് ഉപയോഗിക്കുന്നത് തടയുന്നതിന് ഏര്‍പ്പെടുത്തിയ നിയന്ത്രണത്തിലൂടെ പുതിയ വരിക്കാരുടെ എണ്ണം വര്‍ധിച്ചതായി OTT പ്ലാറ്റ്‌ഫോമായ നെറ്റ്ഫ്‌ളിക്‌സ് വ്യക്തമാക്കി. ആഗോള തലത്തില്‍ 2024ന്റെ ആദ്യ പാദത്തില്‍ 93 ലക്ഷം പുതിയ വരിക്കാരെയാണ് നെറ്റ്ഫ്‌ളിക്‌സിന് ലഭിച്ചത്. മുന്‍ വര്‍ഷത്തെ അപേക്ഷിച്ച് അഞ്ച് മടങ്ങ് വര്‍ധനവാണ് ഉണ്ടായത്. ഇതോടെ നെറ്റ്ഫ്‌ളിക്‌സിന്റെ മൊത്തം വരിക്കാരുടെ എണ്ണം 26.9 കോടിയായി ഉയര്‍ന്നു.

Technology380 days ago

അശ്ലീല ഉള്ളടക്കം; 18 OTT പ്ലാറ്റ്‌ഫോമുകളുടെ പ്രവര്‍ത്തനം തടഞ്ഞ് കേന്ദ്രം

ഒന്നിലധികം മുന്നറിയിപ്പുകള്‍ നല്‍കിയിട്ടും അശ്ലീല ഉള്ളടക്കങ്ങള്‍ സംപ്രേഷണം ചെയ്യുന്ന 18 OTT പ്ലാറ്റ്‌ഫോമുകളുടെ പ്രവര്‍ത്തനം തടഞ്ഞ് കേന്ദ്രസര്‍ക്കാര്‍. 19 വെബ്സൈറ്റുകള്‍, 10 ആപ്പുകള്‍, ഈ പ്ലാറ്റ്‌ഫോമുകളുമായി ബന്ധപ്പെട്ട 57 സോഷ്യല്‍ മീഡിയ അക്കൗണ്ടുകള്‍ എന്നിവയും പ്രവര്‍ത്തനരഹിതമാക്കിയതായി ഇന്‍ഫര്‍മേഷന്‍ ആന്‍ഡ് ബ്രോഡ്കാസ്റ്റിംഗ് മന്ത്രാലയം അറിയിച്ചു. 2000ലെ IT ആക്ട് പ്രകാരമാണ് തീരുമാനം.Read More

National416 days ago

സര്‍ക്കാരിന്റെ OTT ‘സി സ്‌പേസ്’ പ്രവര്‍ത്തനമാരംഭിച്ചു

സി സ്‌പേസിന്റെ നിര്‍വഹണ ചുമതല KSDFCക്കാണ്. 60 അംഗ ക്യുറേറ്റര്‍ സമിതിയാണ് പ്ലാറ്റ്‌ഫോമിലേക്കുള്ള സിനിമകള്‍ തിരഞ്ഞെടുക്കുക. ആദ്യഘട്ടത്തില്‍ 42 സിനിമകളാണ് തിരഞ്ഞെടുത്തിരിക്കുന്നത്. കാണുന്ന സിനിമയ്ക്ക് മാത്രം പണം ഈടാക്കുന്ന OTT പ്ലാറ്റ്‌ഫോമാണ് സി സ്‌പേസ്. ഈടാക്കുന്ന തുകയുടെ പകുതിയാണ് പ്രൊഡ്യൂസര്‍ക്ക് നല്‍കുക. പ്ലേ സ്റ്റോറിലും ആപ്പ് സ്റ്റോറിലും സി സ്‌പേസ് ലഭിക്കും.

Kerala423 days ago