പുരുഷ ഹോക്കിയിൽ ഇന്ത്യക്ക് വെങ്കലം

പാരീസ് ഒളിമ്പിക്സിൽ ഇന്ത്യൻ പുരുഷ ഹോക്കി ടീം വെങ്കല മെഡൽ സ്വന്തമാക്കി. വെങ്കല മെഡല്‍ പോരാട്ടത്തില്‍ സ്‌പെയിനിനെ ഒന്നിനെതിരേ രണ്ടു ഗോളുകള്‍ക്ക് പരാജയപ്പെടുത്തിയാണ് ഇന്ത്യയുടെ മെഡൽ നേട്ടം. ഒരു ഗോളിന് പിന്നിൽ നിന്ന ശേഷമാണ് ഇന്ത്യയുടെ തിരിച്ച് വരവ്. ഹര്‍മന്‍പ്രീത് സിംഗാണ് ഇന്ത്യയുടെ രണ്ട് ഗോളുകളും നേടിയത്. കഴിഞ്ഞ ടോക്യോ ഒളിമ്പിക്സിലും ഇന്ത്യൻ പുരുഷ ഹോക്കി ടീം വെങ്കല മെഡൽ സ്വന്തമാക്കിയിരുന്നു. മെഡൽ നേട്ടത്തോടെ ഇന്ത്യയുടെ മലയാളി ഗോള്‍ കീപ്പര്‍ പി.ആര്‍. ശ്രീജേഷ് തന്റെ കരിയര്‍ അവസാനിപ്പിച്ചു. പാരീസ് ഒളിമ്പിക്‌സില്‍ ഇന്ത്യയുടെ നാലാം മെഡലാണിത്.

Sports268 days ago

ഏഷ്യന്‍ ചാമ്പ്യന്‍സ് ട്രോഫി ഹോക്കിയില്‍ ഇന്ത്യക്ക് കിരീടം

ഹോക്കി ഏഷ്യന്‍ ചാമ്പ്യന്‍സ് ട്രോഫി ഫൈനലില്‍ ചൈനയെ പരാജയപ്പെടുത്തി ഇന്ത്യ ജേതാക്കളായി. ഏകപക്ഷീയമായ ഒരു ഗോളിനാണ് ഇന്ത്യയുടെ വിജയം. ഗോള്‍രഹിതമായ മൂന്നുക്വാര്‍ട്ടറുകള്‍ക്ക് ശേഷം നാലാം ക്വാര്‍ട്ടറിലാണ് ഇന്ത്യ വിജയഗോള്‍ നേടിയത്. ജുഗ്‌രാജ് സിങ്ങാണ് ഇന്ത്യയ്ക്കായി ഗോള്‍ നേടിയത്. ഏഷ്യന്‍ ചാമ്പ്യന്‍സ് ട്രോഫിയിൽ ഇന്ത്യയുടെ അഞ്ചാം കിരീട നേട്ടമാണിത്.

Sports228 days ago

ഏഷ്യന്‍ ചാമ്പ്യന്‍സ് ട്രോഫി ഹോക്കി; ഇന്ത്യ സെമി ഫൈനലില്‍

ഗ്രൂപ്പ് ഘട്ടത്തിലെ അവസാന മത്സരത്തില്‍ ഇന്ത്യ പാകിസ്താനെ ഒന്നിനെതിരേ രണ്ട് ഗോളുകള്‍ക്ക് തോല്‍പ്പിച്ചു. ക്യാപ്റ്റന്‍ ഹര്‍മന്‍പ്രീത് സിങ്ങാണ് ഇന്ത്യക്കായി രണ്ട് ഗോളുകളും നേടിയത്. 13, 19 മിനിറ്റുകളിലായിരുന്നു ഗോളുകള്‍. ഗ്രൂപ്പ് ഘട്ടത്തിലെ അഞ്ച് മത്സരങ്ങളിലും ഇന്ത്യ വിജയിച്ചിരുന്നു.ഏഷ്യന്‍ ചാമ്പ്യന്‍സ് ട്രോഫി സെമി ഫൈനലില്‍ ഇതിനകം തന്നെ ഇന്ത്യ, പാകിസ്താന്‍, കൊറിയ ടീമുകള്‍ പ്രവേശിച്ചിട്ടുണ്ട്.

Sports231 days ago

പാരിസ് ഒളിംപിക്‌സിലും പി. ടി. ഉഷ രാഷ്ട്രീയം കളിക്കുകയായിരുന്നുവെന്ന് വിനേഷ് ഫോഗട്ട്

ഇന്ത്യന്‍ ഒളിംപിക് അസോസിയേഷന്‍ പ്രസിഡന്റായ പി. ടി. ഉഷയ്ക്കെതിരെ രൂക്ഷ വിമര്‍ശനമാണ് ഗുസ്തി താരം വിനേഷ് ഫോഗട്ട് ഉന്നയിച്ചിരിക്കുന്നത്. പി. ടി. ഉഷ തന്നെ ആശുപത്രിയിലെത്തി സന്ദര്‍ശിച്ച് ഫോട്ടോ എടുത്ത് മടങ്ങുക മാത്യമാണ് ചെയ്തതെന്ന് വിനേഷ് ഫോഗട്ട് പറഞ്ഞു. ജീവിതത്തിലെ ഏറ്റവും മോശം സമയത്തിലൂടെ കടന്നുപോവുന്ന തന്നോട് ചോദിക്കാതെ ഫോട്ടോ എടുത്ത് സമൂഹമാധ്യമത്തില്‍ പോസ്റ്റുചെയ്യുകയാണ് പി. ടി. ഉഷ ചെയ്തതെന്ന് വിനേഷ് ഫോഗട്ട് കൂട്ടിച്ചേര്‍ത്തു.

Sports234 days ago

പി. ആര്‍. ശ്രീജേഷിന് രാജ്യത്തിന്റെ ആദരം; ഇനി 16ാം നമ്പര്‍ ജഴ്സി മറ്റാര്‍ക്കുമില്ല

പാരീസ് ഒളിമ്പിക്‌സില്‍ വെങ്കലം നേടിയ ഇന്ത്യന്‍ ഹോക്കി ടീം ഗോള്‍കീപ്പര്‍ പി. ആര്‍. ശ്രീജേഷ് ധരിച്ചിരുന്ന ജഴ്സി പിന്‍വലിക്കാന്‍ ഹോക്കി ഇന്ത്യ തീരുമാനിച്ചു. പാരിസ് ഒളിമ്പിക്സോടെ വിരമിക്കല്‍ പ്രഖ്യാപിച്ച ശ്രീജേഷ് 16-ാം നമ്പര്‍ ജഴ്സി ധരിച്ചാണ് രണ്ട് പതിറ്റാണ്ടോളം കളിച്ചത്. പാരിസിലും ടോക്കിയോയിലും നടന്ന ഒളിമ്പിക്സുകളില്‍ ഇന്ത്യയുടെ വെങ്കല മെഡല്‍ നേട്ടത്തില്‍ പ്രധാനിയായിരുന്നു ശ്രീജേഷ്. പി. ആര്‍. ശ്രീജേഷ് ദേശീയ ജൂനിയര്‍ ഹോക്കി ടീമിന്റെ പരിശീലകനാകുമെന്ന് ഹോക്കി ഇന്ത്യ സെക്രട്ടറി ജനറല്‍ ഭോല നാഥ് സിങ് അറിയിച്ചു.

Sports262 days ago

അയോഗ്യയാക്കിയ നടപടി; വിനേഷ് ഫോഗട്ടിന്റെ ഹര്‍ജിയില്‍ വിധി പറയുന്നത് വീണ്ടും മാറ്റി

പാരീസ് ഒളിമ്പിസില്‍ 50 കിലോഗ്രാം ഗുസ്തി ഫൈനലില്‍ നിന്ന് അയോഗ്യയാക്കിയതിനെതിരെ വിനേഷ് ഫോഗട്ട് നല്‍കിയ അപ്പീലില്‍ വിധി പറയുന്നത് വീണ്ടും മാറ്റി. ഓഗസ്റ്റ് 16ന് രാത്രി 9.30നാണ് വിധി പറയുക. മത്സരത്തിന് അനുവദനീയമായതിലും 100 ഗ്രാം ഭാരം കൂടിയതിന്റെ പേരിലായിരുന്നു വിനേഷിനെ അയോഗ്യയാക്കിയത്. എന്നാല്‍ ഫൈനലില്‍ എത്തിയതിനുശേഷമാണ് അയോഗ്യയാക്കപ്പെട്ടതെന്നും അതുവരെ അനുവദനീയമായ ശരീര ഭാരത്തിനുള്ളിലാണ് മത്സരിച്ചതെന്നും അതിനാല്‍ വെള്ളി മെഡല്‍ നല്‍കണമെന്നുമാണ് വിനേഷിന്റെ ആവശ്യം.

Sports263 days ago

അയോഗ്യയാക്കിയതിനെതിരെ വിനേഷ് ഫോഗട്ട് നല്‍കിയ അപ്പീലില്‍ വിധി ഇന്ന്

പാരീസ് ഒളിമ്പിസില്‍ 50 കിലോഗ്രാം ഗുസ്തി ഫൈനലില്‍ അയോഗ്യയാക്കിയതിനെതിരെ വിനേഷ് ഫോഗട്ട് നല്‍കിയ അപ്പീലില്‍ അന്താരാഷ്ട്ര കായിക കോടതി ഇന്ന് വിധി പറയും. ഇന്ത്യന്‍ സമയം രാത്രി 9:30നാണ് കോടതി വിധി പറയുക. ഫൈനലില്‍ എത്തിയതിനുശേഷമാണ് അയോഗ്യയാക്കപ്പെട്ടതെന്നും അതുവരെ അനുവദിനീയമായ ശരീര ഭാരത്തിനുള്ളിലാണ് മത്സരിച്ചതെന്നും അതിനാൽ വെള്ളി മെഡല്‍ നല്‍കണമെന്നുമാണ് വിനേഷിന്റെ ആവശ്യം.

Sports264 days ago

പാരീസ് ഒളിമ്പിക്സിന് കൊടിയിറങ്ങി

പതിനഞ്ച് പകലിരവുകൾക്കൊടുവിൽ ലോക കായിക മാമാങ്കമായ ഒളിമ്പിക്സ് പാരീസിൽ സമാപിച്ചു. ജൂലൈ 24 നാണ് പാരീസ് ഒളിമ്പിക്സിന് കൊടിയേറിയത്. 32 കായിക ഇനങ്ങളിലായി 329 മത്സരങ്ങളാണ് ഒളിമ്പിക്സിൽ നടന്നത്. 40 സ്വർണം, 44 വെള്ളി, 42 വെങ്കലം എന്നിങ്ങനെ 126 മെഡലുകളുമായി USA യാണ് ഒന്നാം സ്ഥാനത്ത്. ഒരു വെള്ളിയും 5 വെങ്കലവുമായി ഇന്ത്യ 71-ാം സ്ഥാനത്താണ്. സമാപന മാർച്ച് പാസ്റ്റിൽ പി.ആർ. ശ്രീജേഷും മനു ഭാക്കാറുമാണ് ഇന്ത്യയുടെ പതാക വഹിച്ചത്. 2028 ൽ US നഗരമായ ലോസ് ആഞ്ജലീസാണ് 34-ാമത് ഒളിമ്പിക്സിന് വേദിയാകുക.

Sports265 days ago

പാരീസ് ഒളിമ്പിക്സ് നാളെ സമാപിക്കും

പാരീസ് ഒളിമ്പിക്സിന് നാളെ സമാപനം. ഇന്ത്യൻ സമയം അർധരാത്രി 12:30നാണ് സമാപന ചടങ്ങുകൾ നടക്കുക. ഒളിമ്പിക്സിൽ ഏറെ പ്രതീക്ഷകളുമായി എത്തിയ ഇന്ത്യൻ സംഘത്തിന് എല്ലാ മത്സരങ്ങളും അവസാനിച്ചപ്പോൾ ഇന്ത്യക്ക് ഒരു സ്വർണമെഡൽ പോലും നേടാനായില്ല. ഒരു വെള്ളിയും അഞ്ച് വെങ്കലവുമടക്കം ആറ് മെഡലുകളാണ് ഇന്ത്യ നേടിയത്. ഷൂട്ടിങ്ങിൽ നിന്നാണ് മൂന്ന് വെങ്കല മെഡലുകളും. ഒളിമ്പിക്സ് ഗുസ്തിയിൽ നിന്ന് അയോഗ്യയാക്കിയതിനെതിരെ വിനേഷ് ഫോഗട്ട് അന്താരാഷ്ട്ര കായിക കോടതിയിൽ നൽകിയ അപ്പീലിൽ വിധി വന്നിട്ടില്ല. വിനേഷിനും മെഡൽ ലഭിക്കുകയാണെങ്കിൽ ഇന്ത്യയുടെ മെഡൽ നേട്ടം 7 ആകും.

Sports265 days ago

അയോഗ്യയാക്കിയ നടപടി; വിനേഷിന്റെ അപ്പീലില്‍ ഇന്ന് വിധി പറയില്ല

പാരിസ് ഒളിംപിക്സില്‍ ഭാരപരിശോധനയില്‍ 100 ഗ്രാം കൂടിയതിനെ തുടര്‍ന്ന് ഗുസ്തി മത്സരത്തില്‍ നിന്ന് അയോഗ്യയാക്കിയ നടപടിക്കെതിരെ വിനേഷ് ഫോഗട്ട് നല്‍കിയ അപ്പീലില്‍ ഇന്നു വിധി പറയില്ല. ഞായറാഴ്ച വൈകിട്ട് 9.30ന് മുന്‍പ് വിധി പറയുമെന്നാണ് കോടതി അറിയിച്ചിരിക്കുന്നത്. വെള്ളി മെഡലിന് അര്‍ഹതയുണ്ടെന്ന് കാണിച്ചാണ് വിനേഷ് അന്താരാഷ്ട്ര കായിക കോടതിയെ സമീപിച്ചത്. വിനേഷിന്റെ അപ്പീലില്‍ വാദം പൂര്‍ത്തിയായിരുന്നു.

Sports266 days ago

ഒളിമ്പിക്‌സ്: ഇന്ത്യയുടെ റീതിക ഹൂഡ തോറ്റുപുറത്തായി

പാരിസ് ഒളിമ്പിക്‌സിലെ വനിതാ ഫ്രീസ്‌റ്റൈല്‍ 76 കിലോഗ്രാം ഗുസ്തിയില്‍ ഇന്ത്യയുടെ റീതിക ഹൂഡ ക്വാര്‍ട്ടറില്‍ തോറ്റുപുറത്തായി. കിര്‍ഗിസ്ഥാന്‍ താരം അയ്‌പേറി മെഡെറ്റ് കിസിയോടാണ് റീതിക കീഴടങ്ങിയത്. അതേസമയം പുരുഷ വിഭാഗം 57 കിലോഗ്രാം ഫ്രീസ്റ്റൈല്‍ ഗുസ്തിയില്‍ അമന്‍ ഷെറാവത്താണ് രാജ്യത്തിനായി വെങ്കല മെഡല്‍ നേടിയിരുന്നു. പോര്‍ട്ടറിക്കോയുടെ ഡാരിയന്‍ ക്രൂസിനെയായിരുന്നു അമന്‍ കീഴടക്കിയത്.

Sports266 days ago