സ്വാതന്ത്ര്യദിനം: പ്രത്യേക ട്രെയിന്‍ സര്‍വീസുകളുമായി റെയില്‍വെ

സ്വാതന്ത്ര്യദിന അവധിയോടനുബന്ധിച്ചുള്ള തിരക്ക് പരിഗണിച്ചാണ് ദക്ഷിണ റെയില്‍വെ പ്രത്യേക ട്രെയിന്‍ സര്‍വീസുകള്‍ പ്രഖ്യാപിച്ചിരിക്കുന്നത്. മംഗളൂരുവില്‍ നിന്ന് കൊച്ചുവേളിയിലേക്കും തിരിച്ചുമാണ് പ്രത്യേക സര്‍വീസുകള്‍ അനുവദിച്ചിരിക്കുന്നത്. ആഗസ്റ്റ് 17ന് രാത്രി 7.30ന് മംഗളൂരുവില്‍ നിന്ന് പുറപ്പെടുന്ന ട്രെയിന്‍ പിറ്റേന്ന് രാവിലെ കൊച്ചുവേളിയിലെത്തും. ആഗസ്റ്റ് 18ന് വൈകിട്ട് 6.40ന് കൊച്ചുവേളിയില്‍ നിന്ന് മംഗളൂരുവിലേക്ക് തിരിച്ചും ഈ ട്രെയിന്‍ സര്‍വീസുണ്ടാകും.

National265 days ago

സ്വാതന്ത്ര്യദിനാഘോഷത്തില്‍ കേരളം; പതാക ഉയര്‍ത്തി മുഖ്യമന്ത്രി

തിരുവനന്തപുരം സെന്‍ട്രല്‍ സ്റ്റേഡിയത്തില്‍ മുഖ്യമന്ത്രി പിണറായി വിജയന്‍ പതാക ഉയര്‍ത്തി. വയനാട് ദുരന്തത്തിന്റെ പശ്ചാത്തലത്തില്‍ സംസ്ഥാനം അതീവ ദുഖത്തിലാണെന്നും വിഷമിച്ചിരുന്നാല്‍ മതിയാകില്ലെന്നും നമുക്ക് അതിജീവിക്കേണ്ടതുണ്ടെന്നും മുഖ്യമന്ത്രി പിണറായി വിജയന്‍ സ്വാതന്ത്ര്യദിന സന്ദേശത്തില്‍ പറഞ്ഞു. കാലാവസ്ഥ മുന്നറിയിപ്പുകള്‍ കാര്യക്ഷമമാക്കണമെന്നും പൊതുവായ മുന്നറിയിപ്പുകള്‍ അല്ല കൃത്യമായ പ്രവചനങ്ങളാണ് വേണ്ടതെന്നും മുഖ്യമന്ത്രി പറഞ്ഞു.

Kerala263 days ago

രാജ്യം 78-ാംമത് സ്വാതന്ത്ര്യദിനാഘോഷ നിറവില്‍

പ്രധാനമന്ത്രി നരേന്ദ്ര മോദി ചെങ്കോട്ടയല്‍ ദേശീയ പതാക ഉയര്‍ത്തി. നമ്മുടെ കര്‍ഷകരും ജവാന്മാരുമാക്കെ രാഷ്ട്ര നിര്‍മ്മാണത്തിലെ പങ്കാളികളാണെന്നും സ്വാതന്ത്ര്യത്തിനായി പോരാടിയവരുടെ പുണ്യ സ്മരണക്ക് മുന്‍പില്‍ ആദരം അര്‍പ്പിക്കുന്നുവെന്നും മോദി പറഞ്ഞു. പ്രകൃതി ദുരന്തങ്ങളില്‍ ജീവന്‍ പൊലിഞ്ഞവരെ വേദനയോടെ സ്മരിക്കുന്നുവെന്നും രാജ്യം അവര്‍ക്കൊപ്പം നില്‍ക്കുമെന്നും പ്രധാനമന്ത്രി പറഞ്ഞു.

National263 days ago

ഇന്ത്യ ലോകത്തെ മൂന്നാത്തെ സാമ്പത്തിക ശക്തിയായി മാറുമെന്ന് രാഷ്ട്രപതി

സ്ത്രീപുരുഷ സമത്വത്തിലേക്ക് ഇന്ത്യ വളരുകയാണെന്ന് രാഷ്ട്രപതി ദ്രൗപതി മുര്‍മു. രാജ്യത്തെ സ്ത്രീ ശാക്തീകരണത്തേയും പ്രകീര്‍ത്തിച്ചു. നാരീശക്തി ഇന്ത്യയുടെ സമ്പത്താണെന്നും പ്രധാനമന്ത്രിയുടെ വികസന പദ്ധതികള്‍ എല്ലാ വിഭാഗം ജനങ്ങളിലേക്കും എത്തുകയാണെന്നും രാഷ്ട്രപതി പറഞ്ഞു. 78ാമത് സ്വാതന്ത്ര്യദിനത്തോടനുബന്ധിച്ച് രാജ്യത്തെ അഭിസംബോധന ചെയ്ത് സംസാരിക്കുകയായിരുന്നു രാഷ്ട്രപതി.

National263 days ago

കേരളത്തിലെ 10 പോലീസ് ഉദ്യോഗസ്ഥര്‍ക്ക് രാഷ്ട്രപതിയുടെ മെഡല്‍

ക്രൈംബ്രാഞ്ച് മേധാവിയായ ADGP വെങ്കിടേഷിന് വിശിഷ്ട സേവാ മെഡല്‍ ലഭിച്ചു. SP നജീബ് സുലൈമാന്‍, DYSP സിനോജ് ടി. എസ്, DYSP ഫിറോസ് എം. ഷഫീഖ്, DYSP പ്രതീപ്കുമാര്‍ അയ്യപ്പന്‍ പിള്ള, DYSP രാജ്കുമാര്‍ പുരുഷോത്തമന്‍, ഇന്‍സ്‌പെക്ടര്‍ ശ്രീകുമാര്‍ എം. കൃഷ്ണന്‍കുട്ടി നായര്‍, SI സന്തോഷ് സി.ആര്‍, SI രാജേഷ് കുമാര്‍, ഹെഡ് കോണ്‍സ്റ്റബിള്‍ മോഹന്‍ദാസന്‍ എന്നിവര്‍ക്ക് സ്തുതര്‍ഹ്യ സേവനത്തുനുള്ള മെഡല്‍ ലഭിച്ചു. സ്വാതന്ത്ര്യ ദിനാഘോഷത്തില്‍ അര്‍ഹരായവര്‍ക്ക് മെഡല്‍ സമ്മാനിക്കും.

Kerala264 days ago

സ്വാതന്ത്ര്യ ദിനാഘോഷം; കനത്ത സുരക്ഷയില്‍ ഡല്‍ഹി

നാളെ രാവിലെ ചെങ്കോട്ടയില്‍ പ്രധാനമന്ത്രി ദേശീയപതാക ഉയര്‍ത്തുന്നതോടെ രാജ്യത്തെ സ്വാതന്ത്ര്യ ദിനാഘോഷങ്ങള്‍ക്ക് തുടക്കമാകും. ചെങ്കോട്ടയ്ക്ക് സമീപം താല്‍ക്കാലിക സിസിടിവികള്‍ സ്ഥാപിച്ചു. ആന്റി ഡ്രോണ്‍ ആന്റി എയര്‍ക്രാഫ്റ്റ് സംവിധാനങ്ങളും സ്ഥാപിച്ചു. പതിനായിരത്തിലധികം സുരക്ഷാ ഉദ്യോഗസ്ഥരെയും 3000ത്തിലധികം ട്രാഫിക് ഉദ്യോഗസ്ഥരെയും നിയോഗിച്ചിട്ടുണ്ട്. ഡല്‍ഹി നഗരത്തില്‍ പെട്രോളിങ്ങും ശക്തമാക്കി. നഗരത്തിലെ പ്രധാനപാതകളില്‍ ബാരിക്കേടുകളും താല്‍ക്കാലിക നിരീക്ഷണ പോസ്റ്റുകളും സ്ഥാപിച്ചിട്ടുണ്ട്.

National264 days ago

എറണാകുളത്ത് റെയില്‍വെ ട്രാക്കിലേക്ക് മരം ഒടിഞ്ഞുവീണ് ട്രെയിന്‍ ഗതാഗതം തടസ്സപ്പെട്ടു

പച്ചാളം ലൂര്‍ദ്ദ് ആശുപത്രി പരിസരത്തെ പാളത്തിലേക്കാണ് സ്വകാര്യ വ്യക്തിയുടെ കേസില്‍ പെട്ടു കിടക്കുന്ന ഭൂമിയിലെ മരം പൊട്ടി വീണത്. റെയില്‍വെയുടെ വൈദ്യുതി ലൈനില്‍ തട്ടി മരത്തിന് തീപിടിക്കുകയും ചെയ്തു. അപായമൊന്നും ഉണ്ടായിട്ടില്ല. ഇതോടെ ട്രെയിന്‍ ഗതാഗതം താത്കാലികമായി നിര്‍ത്തിവച്ചിരിക്കുകയാണ്. വേണാട്, മംഗള എക്‌സ്പ്രസുകള്‍ പിടിച്ചിട്ടിട്ടുണ്ട്.

Kerala302 days ago

കൊല്ലം-തിരുപ്പതി ദ്വൈവാര എക്സ്പ്രസ് ഇന്ന് മുതല്‍ സര്‍വീസ് ആരംഭിക്കും

ബുധന്‍, ശനി ദിവസങ്ങളിലാണ് കൊല്ലത്തു നിന്ന് തിരുപ്പതിയിലേക്ക് സര്‍വീസ് ഉണ്ടാകുക. തിരുപ്പതി-കൊല്ലം സര്‍വീസ് ചൊവ്വ, വെള്ളി ദിവസങ്ങളിലാണ് നടത്തുക. തിരുപ്പതിയിൽ നിന്ന് ഉച്ചയ്ക്ക് 2.40ന് തിരിക്കുന്ന എക്സ്പ്രസ് പിറ്റേന്ന് രാവിലെ 6.20ന് കൊല്ലത്ത് എത്തിച്ചേരും. കൊല്ലത്ത് നിന്ന് രാവിലെ 10.45ന് പുറപ്പെടുന്ന ട്രെയിൻ പിറ്റേന്ന് പുലർച്ചെ 3.20ന് തിരുപ്പതിയില്‍ എത്തുന്ന രീതിയിലാണ് സര്‍വീസ് ക്രമീകരിച്ചിരിക്കുന്നത്.

Kerala419 days ago

വന്ദേ സ്ലീപ്പര്‍ ട്രെയിനുകള്‍ ഉടന്‍ വരുമെന്ന് റെയില്‍വേ മന്ത്രി അശ്വിനി വൈഷ്ണവ്

ആദ്യ വന്ദേഭാരത് എക്സ്പ്രസ് സ്ലീപ്പര്‍ പ്രോട്ടോടൈപ്പിന്റെ നിര്‍മാണം പൂര്‍ത്തിയായിട്ടുണ്ടെന്നും BEML നിര്‍മിക്കുന്ന വന്ദേഭാരത് സ്ലീപ്പര്‍ ട്രെയിനുകളില്‍ വയര്‍ലെസ് നിയന്ത്രണ സംവിധാനമടക്കം ഉള്ളവയുണ്ടാകുമെന്നും മന്ത്രി പറഞ്ഞു. 160 കി.മീ വേഗതയില്‍ സഞ്ചരിക്കാന്‍ കഴിയുന്ന വന്ദേ ഭാരത് സ്ലീപ്പര്‍ ട്രെയിനില്‍ 11 AC 3 ടയര്‍ കോച്ചുകളും 4 AC 2 ടയര്‍ കോച്ചുകളും, ഒരു AC ഒന്നാം കോച്ചും ഉണ്ടാകും.

National421 days ago

ലോക്കോ പൈലറ്റില്ലാതെ ട്രെയിന്‍ ഓടിയ സംഭവത്തിൽ റെയിൽവേ മന്ത്രി വിശദീകരണം ആവശ്യപ്പെട്ടു

കശ്മീർ മുതൽ പഞ്ചാബ് വരെ 84 കിലോമീറ്റർ ലോക്കോ പൈലറ്റില്ലാതെ ചരക്ക് ട്രെയിന്‍ ഓടിയ സംഭവത്തിൽ കേന്ദ്ര റെയിൽവേ മന്ത്രി അശ്വിനി വൈഷ്ണവ് റിപ്പോർട്ട് തേടി. പ്രാഥമിക റിപ്പോർട്ട് അന്വേഷണ സംഘം ഇന്ന് മന്ത്രിക്ക് കൈമാറും. നിർത്തിയിട്ടിരുന്ന ട്രെയിൻ ഹാൻഡ് ബ്രേക്ക് ചെയ്യാതെ ലോക്കോ പൈലറ്റ് ഇറങ്ങിപ്പോയതാണ് സംഭവത്തിന് കാരണമായത്.

National434 days ago

ജമ്മു കശ്മീരില്‍ ചരക്കു ട്രെയിൻ ലോക്കോ പൈലറ്റില്ലാതെ കിലോമീറ്ററുകളോളം ഓടി

ലോക്കോ പൈലറ്റ് ഇല്ലാതെ കഠ്‌വ മുതൽ പഞ്ചാബ് വരെയാണ് ട്രെയിൻ ഓടിയത്. കഠ്‌വ സ്റ്റേഷനിൽ നിർത്തിയിട്ടിരുന്ന ട്രെയിൻ അവിചാരിതമായി തനിയെ നീങ്ങുകയായിരുന്നു. നിര്‍ത്തി ഇട്ടിരുന്നതിന് മുന്നിലായി ഉളള ചെറിയ ഇറക്കത്തിലൂടെ തനിയെ ഉരുണ്ടു നീങ്ങി ട്രെയിൻ വേഗത ആര്‍ജിച്ചു. സംഭവത്തില്‍ വൻ ദുരന്തമാണ് ഒഴിവായത്.

National435 days ago