തായ്‌വാനില്‍ ഭൂചലനം; 6.3 തീവ്രത രേഖപ്പെടുത്തി

24 മണിക്കൂറിനുള്ളില്‍ തായ്‌വാനില്‍ രണ്ട് ഭൂചലനങ്ങളാണ് ഉണ്ടായത്. ഭൂചലനത്തില്‍ തലസ്ഥാനമായ തായ്പെയില്‍ കെട്ടിടങ്ങള്‍ കുലുങ്ങിയതായാണ് റിപ്പോര്‍ട്ടുകള്‍. 9.7 കിലോമീറ്റര്‍ ആഴത്തിലാണ് ഭൂചലനമുണ്ടായതായി കാലാവസ്ഥാ നിരീക്ഷണ കേന്ദ്രം അറിയിച്ചു. കിഴക്കന്‍ തായ്‌വാനിലെ ഹുവാലിയനില്‍ നിന്ന് 34 കിലോമീറ്റര്‍ അകലെയാണ് ഭൂചലനം അനുഭവപ്പെട്ടത്. ഇതുവരെ നാശനഷ്ടങ്ങള്‍ ഒന്നും റിപ്പോര്‍ട്ട് ചെയ്തിട്ടില്ല.

World259 days ago

പാകിസ്ഥാനില്‍ ഭൂചലനം; ഡല്‍ഹി- NCRലും പ്രകമ്പനം അനുഭവപ്പെട്ടു

പാകിസ്ഥാനില്‍ റിക്ടര്‍ സ്‌കെയിലില്‍ 5.8 തീവ്രത രേഖപ്പെടുത്തിയ ഭൂചലനമുണ്ടായതിന് പിന്നാലെ ഡല്‍ഹിയിലും ഉത്തരേന്ത്യയുടെ മിക്ക ഭാഗങ്ങളിലും നേരിയ ഭൂചലനം അനുഭവപ്പെട്ടു. ഇസ്ലാമാബാദ്, ലാഹോര്‍ എന്നിവിടങ്ങളിലും പ്രകമ്പനം അനുഭവപ്പെട്ടു. പാകിസ്ഥാനിലെ കരോറില്‍ നിന്ന് 25 കിലോമീറ്റര്‍ തെക്ക് പടിഞ്ഞാറാണ് ഭൂചലനത്തിന്റെ പ്രഭവകേന്ദ്രം. ഉത്തര്‍പ്രദേശ്, രാജസ്ഥാന്‍, ഹരിയാന, പഞ്ചാബ്, ജമ്മുകശ്മീര്‍ എന്നിവിടങ്ങളിലാണ് ഭൂചലനം അനുഭവപ്പെട്ടത്. രണ്ടാഴ്ചയ്ക്കിടെ ഇത് രണ്ടാം തവണയാണ് ഡല്‍ഹിയിലും സമീപ പ്രദേശങ്ങളിലും നേരിയ ഭൂചലനം അനുഭവപ്പെടുന്നത്.

National233 days ago

മലപ്പുറത്ത് പ്രകമ്പനം; ജനങ്ങള്‍ പരിഭ്രാന്തിയില്‍

മലപ്പുറം ജില്ലയിലെ അമരമ്പലത്ത് പ്രകമ്പനം അനുഭവപ്പെട്ടതായി നാട്ടുകാര്‍. അമരമ്പലം പൂക്കോട്ടുംപാടത്ത് 15ാം വാര്‍ഡില്‍ അച്ചാര്‍ കമ്പനി, പന്നിക്കോട് ഭാഗങ്ങളിലാണ് ചെറിയ രീതിയില്‍ പ്രകമ്പനം ഉണ്ടായത്. രാവിലെ 10.45ഓടെ ഇടിമുഴക്കം പോലെ ശബ്ദമുണ്ടാകുകയും വീടിന്റെ ജനലുകളില്‍ തരിപ്പ് അനുഭവപ്പെടുകയും ചെയ്തുവെന്നാണ് നാട്ടുകാര്‍ പറയുന്നത്. സംഭവത്തില്‍ അപകടങ്ങളോ മറ്റ് നാശനഷ്ടമോ ഉണ്ടായിട്ടില്ല. പഞ്ചായത്ത് അധികൃതരും പൂക്കോട്ടുംപാടം പോലീസും സ്ഥലത്തെത്തി പരിശോധന നടത്തി. എന്നാല്‍ ഇത് ഭൂചലനമാണെന്ന് സ്ഥിരീകരണം ഉണ്ടായിട്ടില്ല.

Kerala235 days ago

ജമ്മുകശ്മീരിൽ ഭൂചലനം; മിനിറ്റുകൾക്കിടെ രണ്ട് തവണ പ്രകമ്പനമുണ്ടായി

ജമ്മുകശ്മീരിലെ ബാരമുള്ളയിലാണ് ഭൂചലനമുണ്ടായത്. ഇന്ന് പുലർച്ചെ മിനിറ്റുകൾക്കിടെ രണ്ട് തവണ പ്രകമ്പനമുണ്ടായി. റിക്ടർ സ്കെയിലിൽ 4.9 ഉം 4.8 ഉം രേഖപ്പെടുത്തിയ ഭൂചലനമാണുണ്ടായത്. സംഭവത്തിൽ ആളപായമോ നാശനഷ്ടങ്ങളോ റിപ്പോർട്ട് ചെയ്തിട്ടില്ല. നേരിയ ഭൂചലനമാണുണ്ടായതെന്നും ആശങ്കപ്പടേണ്ട സാഹചര്യമില്ലെന്നും അധികൃതർ അറിയിച്ചു.

National255 days ago

റഷ്യയിൽ വൻ ഭൂചലനം; അഗ്‌നിപര്‍വ്വതം പൊട്ടിത്തെറിച്ചു

റഷ്യയില്‍ 7.2 തീവ്രത രേഖപ്പെടുത്തിയ ശക്തമായ ഭൂകമ്പമാണ് ഉണ്ടായത്. രാജ്യത്തെ കിഴക്കന്‍ പ്രദേശമായ കാംചത്ക മേഖലയിലുണ്ടായ ഭൂചലനത്തിന്റെ ശക്തിയില്‍ ഷിവേലുച്ച് എന്ന അഗ്നിപര്‍വതം പൊട്ടിത്തെറിക്കുകയും ചെയ്തു. കാംചത്ക മേഖലയുടെ കിഴക്കന്‍ തീരത്ത് സമുദ്രനിരപ്പില്‍ നിന്ന് 51 കിലോമീറ്റര്‍ താഴ്ചയിലാണ് ഭൂചലനത്തിന്റെ പ്രഭവ കേന്ദ്രമെന്ന് യൂറോപ്യന്‍ മെഡിറ്ററേനിയന്‍ സീസ്‌മോളജിക്കല്‍ സെന്റര്‍ അറിയിച്ചു. ഭൂചലനത്തിലോ അഗ്നിപര്‍വത സ്‌ഫോടനത്തിലോ ആർക്കും പരുക്കേറ്റതായി റിപോര്‍ട്ടില്ല. ഭൂചലനത്തെ തുടര്‍ന്ന് US ദേശീയ സുനാമി മുന്നറിയിപ്പു കേന്ദ്രം സുനാമി മുന്നറിയിപ്പ് പുറപ്പെടുവിച്ചിട്ടുണ്ട്.

World257 days ago

ജപ്പാനില്‍ ഭൂചലനം; സുനാമി മുന്നറിയിപ്പ് നല്‍കി

തെക്കന്‍ ജപ്പാനിലെ ക്യൂഷു ദ്വീപിലാണ് റിക്ടര്‍ സ്‌കെയിലില്‍ 7.1 തീവ്രത രേഖപ്പെടുത്തിയ ഭൂചലനം അനുഭവപ്പെട്ടത്. ക്യൂഷുവിന്റെ കിഴക്കന്‍ തീരത്ത് ഏകദേശം 30 കിലോമീറ്റര്‍ ആഴത്തിലാണ് ഭൂചലനത്തിന്റെ പ്രഭവകേന്ദ്രമെന്നാണ് റിപ്പോര്‍ട്ട്. ഭൂചലനത്തിന് പിന്നാലെ നിരവധി പ്രദേശങ്ങളില്‍ അധികൃതര്‍ സുനാമി മുന്നറിയിപ്പ് നല്‍കി. ഭൂകമ്പത്തില്‍ ഇതുവരെ വലിയ നാശനഷ്ടങ്ങളൊന്നും ഉണ്ടായിട്ടില്ലെന്നും സ്ഥിതിഗതികള്‍ സൂക്ഷ്മമായി നിരീക്ഷിച്ചു വരികയാണെന്നും അധികൃതര്‍ അറിയിച്ചു.

World267 days ago

ജമ്മുകശ്മീരിലെ ബരാമുള്ളയില്‍ ഭൂചലനം

ജമ്മുകശ്മീരിലെ ബരാമുള്ളയില്‍ റിക്ടര്‍ സ്‌കെയിലില്‍ 4.1 തീവ്രത രേഖപ്പെടുത്തിയ ഭൂചലനം. നാഷണല്‍ സെന്റര്‍ ഫോര്‍ സീസ്‌മോളജിയുടെ കണക്കനുസരിച്ച് ഉച്ചയ്ക്ക് 12.26 ഓടെയാണ് പ്രദേശത്ത് ഭൂചലനം അനുഭവപ്പെട്ടത്. ഏകദേശം 10 കിലോമീറ്റര്‍ ആഴത്തിലാണ് ഭൂചലനം ഉണ്ടായത്. അതേസമയം ഭൂചലനത്തില്‍ ഇതുവരെ ആളപായമോ മറ്റ് നാശനഷ്ടങ്ങളോ റിപ്പോര്‍ട്ട് ചെയ്തിട്ടില്ല.

National294 days ago

തൃശൂരും പാലക്കാടും വീണ്ടും ഭൂചലനം

തൃശൂർ, പാലക്കാട് ജില്ലകളുടെ വിവിധ ഭാഗങ്ങളിൽ ഇന്ന് വീണ്ടും നേരിയ ഭൂചലനം അനുഭവപ്പെട്ടു. ഇന്ന് പുലർച്ചെ 3:55നാണ് ഭൂചലനം ഉണ്ടായത്. തൃശൂരിൽ കുന്നംകുളം, എരുമപ്പെട്ടി, വേലൂർ, വടക്കാഞ്ചേരി മേഖലകളിലും പാലക്കാട് ജില്ലയിൽ തൃത്താല, തിരുമറ്റിക്കോട്, ആനക്കര തുടങ്ങിയ പ്രദേശങ്ങളിലുമാണ് പ്രകമ്പനം ഉണ്ടായത്. ഭൂചലനം ഏതാനും സെക്കന്റുകളോളം നീണ്ടു നിന്നു. സംഭവത്തില്‍ ആളപായമോ മറ്റ് നാശനഷ്ടങ്ങളോ റിപ്പോര്‍ട്ട് ചെയ്തിട്ടില്ല.

Kerala320 days ago

തൃശൂര്‍ ജില്ലയിലെ വിവിധയിടങ്ങളില്‍ ഭൂചലനം

ഇന്ന് രാവിലെ 8:15നാണ് ശക്തമായ പ്രകമ്പനത്തോടൊപ്പം ഭൂമി കുലുങ്ങുന്നതായി അനുഭവപ്പെട്ടത്. കുന്നംകുളം, വേലൂര്‍, എരുമപ്പെട്ടി, വെള്ളറക്കാട്, നെല്ലിക്കുന്ന്, വെള്ളത്തേരി, മരത്തംക്കോട്, കടങ്ങോട് ഭാഗങ്ങളിലാണ് മൂന്ന് മുതല്‍ നാല് സെക്കന്റ് വരെ നീണ്ടുനിന്ന പ്രകമ്പനം ഉണ്ടായത്. വീടുകളില്‍ ഇരുന്ന പാത്രങ്ങളും മറ്റുപകരണങ്ങളും ഉള്‍പ്പെടെ താഴെ വീണു. ഭൂചലനം ഉണ്ടായ മേഖലകളില്‍ പരിശോധന നടത്താന്‍ ജില്ലാ ഭരണകൂടം നിര്‍ദേശം നല്‍കി.

Kerala321 days ago

തയ്‌വാനില്‍ അനുഭവപ്പെട്ടത് 80 ലധികം ഭൂചലനങ്ങൾ

തിങ്കളാഴ്ച രാത്രി മുതല്‍ ചൊവാഴ്ച പുലർച്ചെ വരെ തയ്‌വാന്റെ കിഴക്കൻ തീരത്താണ് ഭൂചലനങ്ങൾ ഉണ്ടായത്. ഏറ്റവും ശക്തിയേറിയ ഭൂചലനം റിക്ടർ സ്കെയിലില്‍ 6.3 തീവ്രത രേഖപ്പെടുത്തി. ഗ്രാമീണ കിഴക്കൻ മേഖലകളിലാണ് ഭൂചലനങ്ങളിൽ അധികവും ഉണ്ടായത്, സംഭവത്തിൽ ആളപായമൊന്നും റിപ്പോര്‍ട്ട് ചെയ്തിട്ടില്ല. 1999 ൽ റിക്ടർ സ്‌കെയിലിൽ 7.3 തീവ്രത രേഖപ്പെടുത്തിയ ഭൂചലനത്തിൽ രണ്ടായിരത്തിലധികം പേര്‍ മരിച്ചിരുന്നു.

World374 days ago

തായ്‌വാനിൽ ഭൂചലനം: 5.5 തീവ്രത രേഖപ്പെടുത്തി

കിഴക്കൻ തായ്‌വാനിലെ ഹുവാലിയൻ കൗണ്ടിയിലാണ് ഇന്ന് വൈകുന്നേരം റിക്ടർ സ്കെയിലിൽ 5.5 തീവ്രത രേഖപ്പെടുത്തിയ ഭൂചലനമുണ്ടായത്. 9 മിനിറ്റിനുള്ളിൽ അഞ്ച് ഭൂചലനങ്ങളാണ് ഹുവാലിയനെ ബാധിച്ചത്. ഏപ്രിൽ 3ന് തായ്‌വാൻ്റെ കിഴക്കൻ തീരത്ത് 7.4 തീവ്രത രേഖപ്പെടുത്തിയ ശക്തമായ ഭൂചലനത്തിൽ നാല് പേർ മരിക്കുകയും 700 പേർക്ക് പരിക്കേൽക്കുകയും ചെയ്തിരുന്നു.

World375 days ago