മികച്ച ചിത്രമായി കാതല്‍; മികച്ച നടന്‍ പൃഥിരാജ്, ഉര്‍വശിയും ബീന ആര്‍. ചന്ദ്രനും മികച്ച നടി

മികച്ച നടിയായി ഉര്‍വശിയും ബീന ആര്‍ ചന്ദ്രനും തിരഞ്ഞെടുക്കപ്പെട്ടു. ഉര്‍വശിക്ക് ഉള്ളൊഴുക്കിനും ബീനയ്ക്ക് തടവിനുമാണ് പുരസ്‌കാരം. മികച്ച ചിത്രമായി ജിയോ ബേബി സംവിധാനം ചെയ്ത കാതല്‍ ദ കോര്‍ തിരഞ്ഞെടുക്കപ്പെട്ടു. മികച്ച രണ്ടാമത്തെ ചിത്രമായി ഇരട്ട. ബ്ലെസിയാണ് മികച്ച സംവിധായകന്‍ (ആടുജീവിതം). മികച്ച കഥാകൃത്തിനുള്ള പുരസ്‌കാരം കാതലിന്റെ ആദര്‍ശ് സുകുമാരന്‍ സ്വന്തമാക്കി. മികച്ച സ്വഭാവ നടനായി വിജയരാഘവന്‍ (പൂക്കാലം), മികച്ച സ്വഭാവനടിയായി ശ്രീഷ്മ ( പൊമ്പിളൈ ഒരുമൈ), മികച്ച തിരക്കഥാകൃത്തായി രോഹിത്(ഇരട്ട), മികച്ച ഛായാഗ്രാഹണം സുനില്‍ കെ. എസ് (ആടുജീവിതം) തിരഞ്ഞെടുക്കപ്പെട്ടു. മികച്ച അവലംബിത തിരക്കഥയ്ക്കുള്ള സംസ്ഥാന അവാര്‍ഡ് ആടുജീവിതത്തിലൂടെ ബ്ലസ്സിക്ക് ലഭിച്ചു.

Entertainment260 days ago

അമ്മയ്ക്ക് വീഴ്ച സംഭവിച്ചു; പഴുതടച്ച അന്വേഷണം വേണമെന്ന് പൃഥിരാജ്

ഹേമ കമ്മിറ്റി റിപ്പോര്‍ട്ടില്‍ കുറ്റാരോപിതരായ എല്ലാവര്‍ക്കുമെതിരെ അന്വേഷണം നടത്തണമെന്നും കുറ്റക്കാരാണെന്ന് വ്യക്തമായാല്‍ മാതൃകാപരമായ ശിക്ഷാനടപടി ഉണ്ടാകണമെന്നും പൃഥ്വിരാജ് പറഞ്ഞു. അമ്മ സംഘടനയ്ക്ക് പരാതികള്‍ പരിഹരിക്കുന്നതില്‍ വീഴ്ച സംഭവിച്ചിട്ടുണ്ടെന്നും പൃഥിരാജ്. ആരോപണ വിധേയരുടെ പേരുപുറത്തുവിടുന്നതില്‍ നിയമതടസ്സങ്ങളില്ല. ഇരകളുടെ പേരാണ് സംരക്ഷിക്കേണ്ടതെന്നും പേര് പുറത്തുവിടുന്നതില്‍ സര്‍ക്കാരാണ് തീരുമാനമെടുക്കേണ്ടതെന്നും നടന്‍.Read More

Kerala250 days ago

സംസ്ഥാന ചലച്ചിത്ര അവാര്‍ഡുകള്‍ പ്രഖ്യാപിക്കുന്നു

54ാമത് കേരള സംസ്ഥാന ചലച്ചിത്ര പുരസ്‌കാരങ്ങള്‍ പ്രഖ്യാപിക്കുന്നു. ജനപ്രിയ ചിത്രമായി പൃഥിരാജിന്റെ ആടുജീവിതം തിരഞ്ഞെടുത്തു. കൃഷ്ണന്‍ (ജൈവം), കെ. ആര്‍. ഗോകുല്‍ (ആടുജീവിതം), സുധി കോഴിക്കോട് (കാതല്‍) എന്നിവര്‍ക്ക് അഭിനയത്തിനുള്ള പ്രത്യേക ജൂറി പരാമര്‍ശം. ഗഗനചാരിക്ക് പ്രത്യേക ജൂറി അവാര്‍ഡ് ലഭിച്ചു. മികച്ച നവാഗത സംവിധായകനായി ഫാസില്‍ റസാഖിനെ തിരഞ്ഞെടുത്തു (തടവ്). മികച്ച മേക്കപ്പ് ആര്‍ട്ടിസ്റ്റായി രഞ്ജിത്ത് അമ്പാടി (ആടുജീവിതം), മികച്ച പിന്നണിഗായകനായി വിദ്യാധരന്‍ മാസ്റ്റര്‍, മികച്ച പിന്നണിഗായികയായി ആന്‍ ആമി, മികച്ച കലാസംവിധായകനായി മോഹന്‍ദാസ് (2018) എന്നിവരെയും തിരഞ്ഞെടുത്തു.Read More

Entertainment260 days ago

സംസ്ഥാന ചലച്ചിത്ര പുരസ്‌കാരങ്ങൾ നാളെ പ്രഖ്യാപിക്കും

ചലച്ചിത്ര പ്രേമികൾ ഏറെ ആകാംക്ഷയോടെ കാത്തിരിക്കുന്ന 54-ാം സംസ്ഥാന ചലച്ചിത്ര പുരാസ്കാരങ്ങള്‍ നാളെ പ്രഖ്യാപിക്കും. ഉച്ചയ്ക്ക് 12 മണിക്ക് മന്ത്രി സജി ചെറിയാനാണ് അവാർഡ് പ്രഖ്യാപനം നടത്തുക. സംവിധായകനും തിരക്കഥാകൃത്തുമായ സുധീർ മിശ്ര അധ്യക്ഷനായ ജൂറിയാണ് പുരസ്‌കാര നിർണയം പൂർത്തിയാക്കിയത്. പുരസ്‌കാര നിർണയത്തിന്റെ അവസാന റൗണ്ട് വരെ കടുത്ത മത്സരമാണ് നടന്നത്. ‘ആടുജീവിതം’, ‘കാതൽ’, ‘2018’, ‘ഉള്ളൊഴുക്ക്’ തുടങ്ങിയ സിനിമകളാണ് മികച്ച ചലച്ചിത്ര പുരസ്‌കാരത്തിന് മുൻനിരയിലുള്ളത്.Read More

Entertainment260 days ago

ആടുജീവിതം ജൂലൈ 19ന് OTTയിലെത്തും

പൃഥ്വിരാജ്-ബ്ലെസി ചിത്രം നെറ്റ്ഫ്‌ളിക്‌സിലൂടെയാണ് സ്ട്രീം ചെയ്യുന്നത്. പൃഥ്വിരാജ് ആണ് സോഷ്യല്‍ മീഡിയയിലൂടെ ഇക്കാര്യം വെളിപ്പെടുത്തിയത്. മലയാളം, കന്നഡ, തെലുങ്ക്, തമിഴ്, ഹിന്ദി ഭാഷകളില്‍ ചിത്രമെത്തും. ആഗോളതലത്തില്‍ 150 കോടിയിലധികമാണ് ചിത്രം സ്വന്തമാക്കിയത്.

Entertainment292 days ago

ആടുജീവിതവും ആവേശവും OTTയിലേക്ക്

പൃഥിരാജ് നായകനായി എത്തിയ ആടുജീവിതം മെയ് 10ന് ഡിസ്‌നി പ്ലസ് ഹോട്‌സ്റ്റാറിലൂടെ സ്ട്രീമിംങ് ആരംഭിക്കുമെന്നാണ് റിപ്പോര്‍ട്ട്. സമയ ദൈര്‍ഘ്യത്തെ തുടര്‍ന്ന് തീയേറ്ററില്‍ നിന്ന് നീക്കം ചെയ്ത രംഗങ്ങളും OTTയിലുണ്ടായേക്കും. ഫഹദ് ഫാസില്‍-ജിത്തു മാധവന്‍ ചിത്രം ആവേശം ആമസോണ്‍ പ്രൈമിലെത്തുമെന്നാണ് വിവരം.Read More

Entertainment364 days ago

ആഗോളതലത്തില്‍ 150 കോടി ക്ലബ്ബിലെത്തി ആടുജീവിതം

ആടുജീവിതത്തിന്റെ കേരള ബോക്‌സ് ഓഫീസ് കളക്ഷനിലും വന്‍ നേട്ടമാണ് ഉണ്ടായിരിക്കുന്നത്. കേരള ബോക്‌സ് ഓഫീസില്‍ 75 കോടി ക്ലബിലെത്തിയിരിക്കുകയാണ് ചിത്രം. കേരള ബോക്‌സ് ഓഫീസില്‍ ഇന്‍ഡസ്ട്രി ഹിറ്റായ മഞ്ഞുമ്മല്‍ ബോയ്‌സിനെ ആടുജീവിതം മറികടന്നിരിക്കുകയാണ്. പൃഥ്വിരാജിനെ നായകനാക്കി ബ്ലെസി സംവിധാനം ചെയ്ത ചിത്രം മാര്‍ച്ച് 28നാണ് തീയേറ്ററുകളിലെത്തിയത്.

Entertainment373 days ago

25 ദിവസത്തില്‍ 150 കോടി ക്ലബ്ബില്‍ ഇടംനേടി ആടുജീവിതം

മലയാള സിനിമയിലെ മൂന്നാമത്തെ 150 കോടി ചിത്രമായി മാറിയിരിക്കുകയാണ് ആടുജീവിതം. മഞ്ഞുമ്മല്‍ ബോയ്‌സ്, 2018 എന്നീ സിനിമകളാണ് മുന്നിലുള്ളത്. പ്രേമലു, ലൂസിഫര്‍, പുലിമുരുകന്‍ എന്നീ സിനിമകളുടെ ലൈഫ് ടൈം കളക്ഷനാണ് ആടുജീവിതം മറികടന്നിരിക്കുന്നത്. ബ്ലെസിയുടെ സംവിധാനത്തില്‍ പൃഥ്വിരാജ് നായകനായി എത്തിയ ചിത്രത്തിന് ഇതര ഭാഷാ സിനിമാസ്വാദകര്‍ക്കിടയില്‍ പോലും വന്‍ സ്വീകാര്യതയാണ് ലഭിച്ചത്.

Entertainment377 days ago

അതിവേഗം 100 കോടി ക്ലബില്‍; റെക്കോര്‍ഡ് നേട്ടവുമായി ‘ആടുജീവിതം’

100 കോടി ക്ലബില്‍ ഇടം നേടി പൃഥ്വിരാജ്-ബ്ലസി ചിത്രം ആടുജീവിതം. ഇതോടെ മലയാളത്തില്‍ നിന്ന് അതിവേഗം 100 കോടി കളക്ഷന്‍ നേടിയ ചിത്രം എന്ന നേട്ടവും ആടുജീവിതം സ്വന്തമാക്കി. മാര്‍ച്ച് 28ന് റിലീസ് ചെയ്ത ചിത്രത്തിന് വന്‍ പ്രേക്ഷക സ്വീകാര്യതയാണ് ലഭിക്കുന്നത്. ജോലിക്കായി സൗദിയിലെത്തി മരുഭൂമിയില്‍ ഒറ്റപ്പെട്ടുപോകുന്ന നജീബ് എന്ന മലയാളിയുടെ ജീവിതത്തെ ആസ്പദമാക്കി ബെന്യാമിന്‍ എഴുതിയ ആടുജീവിതം എന്ന നോവലാണ് ചിത്രത്തിന്റെ പ്രമേയം.

Entertainment392 days ago

‘ആടുജീവിതം’ 50 കോടി ക്ലബിൽ ഇടം നേടി

പൃഥ്വിരാജിനെ നായകനാക്കി ബ്ലസി സംവിധാനം ചെയ്ത 'ആടുജീവിതം' 50 കോടി ക്ലബിൽ ഇടം നേടി. നാല് ദിവസം കൊണ്ടാണ് ആഗോള തലത്തിൽ 50 കോടി കളക്ഷൻ നേടിയത്. ഇതോടെ ഏറ്റവും വേഗത്തിൽ 50 കോടി ക്ലബിൽ ഇടം നേടുന്ന മലയാള ചിത്രം എന്ന നേട്ടം ലൂസിഫറിനൊപ്പം ആടുജീവിതം സ്വന്തമാക്കി. ഈ വർഷം 50 കോടി കടക്കുന്ന അഞ്ചാമത്തെ മലയാള ചിത്രമാണ് ആടുജീവിതം.

Entertainment397 days ago

ആടുജീവിതം വ്യാജ പതിപ്പ് അപ്‌ലോഡ് ചെയ്തത് കാനഡയില്‍ നിന്ന്

ചിത്രം IPTV പ്ലാറ്റ്‌ഫോം വഴി പ്രചരിക്കുന്നതായും സൂചനയുണ്ട്. മലയാളികളുടെ വാട്‌സ്ആപ്, ടെലഗ്രാം ഗ്രൂപ്പുകള്‍ സൈബര്‍സെല്‍ നിരീക്ഷിച്ചു വരികയാണ്. ആട് ജീവിതം സിനിമയുടെ വ്യാജ പതിപ്പിനെതിരെ സംവിധായകന്‍ ബ്ലസി നല്‍കിയ പരാതിയില്‍ മലയാളികളെ കേന്ദ്രീകരിച്ചാണ് സൈബര്‍സെല്‍ അന്വേഷണം നടത്തുന്നത്. ചിത്രം മൊബൈലില്‍ പകര്‍ത്തിയ ചെങ്ങന്നൂര്‍ സ്വദേശിയെ കഴിഞ്ഞ ദിവസം കസ്റ്റഡിലെടുത്തിരുന്നു.

Entertainment399 days ago