യുട്യൂബില്‍ സ്വന്തം ചാനല്‍ തുടങ്ങി ക്രിസ്റ്റ്യാനോ റൊണാള്‍ഡോ

UR എന്ന രണ്ടക്ഷരം വെച്ചാണ് ഫുട്ബോള്‍ സൂപ്പര്‍ താരം ക്രിസ്റ്റ്യാനോ റൊണാള്‍ഡോ ചാനല്‍ തുടങ്ങിയത്. താരം തന്നെയാണ് സമൂഹ മാധ്യമത്തിലൂടെ ഇക്കാര്യം പോസ്റ്റ് ചെയ്തത്. ഓരോ സെക്കന്റിലും ആയിരക്കണക്കിന് പേരാണ് ചാനല്‍ സബ്സ്‌ക്രൈബ് ചെയ്തുകൊണ്ടിരിക്കുന്നത്. യൂട്യൂബ് ചാനലില്‍ ഫുട്ബോള്‍ മാത്രമായിരിക്കില്ല കുടുംബം, ആരോഗ്യം, പോഷകാഹാരം, വിദ്യാഭ്യാസം, ബിസിനസ് സംബന്ധമായ ഉള്ളടക്കങ്ങളും ഉണ്ടായിരിക്കുമെന്ന് ക്രിസ്റ്റ്യാനോ അറിയിച്ചു.

Sports254 days ago

ലോകകപ്പ് യോഗ്യതാ റൗണ്ടില്‍ അര്‍ജന്റീനയെ വീഴ്ത്തി കൊളംബിയ

ലാറ്റിനമേരിക്കന്‍ ഫുട്‌ബോള്‍ ലോകകപ്പ് യോഗ്യതാ റൗണ്ടില്‍ അര്‍ജന്റീനയെ തോല്‍പ്പിച്ച് കൊളംബിയ. ഒന്നിനെതിരെ രണ്ടു ഗോളുകള്‍ക്കാണ് കൊളംബിയയുടെ വിജയം. പരിക്കുമൂലം ലയണല്‍ മെസ്സി ഈ മത്സരത്തില്‍ കളിച്ചിരുന്നില്ല. തോറ്റെങ്കിലും എട്ടു മത്സരങ്ങഴളില്‍ നിന്ന് ആറു വിജയം നേടി 18 പോയിന്റുമായി അര്‍ജന്റീന തന്നെയാണ് ടൂര്‍ണമെന്റില്‍ മുന്നിലുളളത്.

Sports234 days ago

കരാർ ലംഘനം: ഫുട്ബോൾ താരം അൻവർ അലിക്ക് നാല് മാസം വിലക്കും, പിഴയും

അഖിലേന്ത്യാ ഫുട്ബോൾ ഫെഡറേഷൻ ഇന്ത്യൻ ഫുട്ബോള്‍ താരം അൻവർ അലിയെ നാല് മാസത്തേക്ക് ക്ലബ്ബ് ഫുട്ബോളില്‍ നിന്ന് സസ്പെൻഡ് ചെയ്തു. കാലാവധി കഴിയുന്നതിന് മുന്നേ അൻവർ അലി 2024 ജൂലൈയിൽ മോഹന്‍ ബഗാന്‍ സൂപ്പര്‍ ജയന്റ്‌സുമായുള്ള കരാർ അവസാനിപ്പിച്ച്‌ ഡൽഹി FC യിലേക്ക് മടങ്ങി. തുടർന്ന് 24 മണിക്കൂര്‍ പൂര്‍ത്തിയാകുന്നതിന് മുമ്പ് തന്നെ അലി ട്രാന്‍സ്ഫര്‍ കരാറില്‍ ഈസ്റ്റ് ബംഗാളിലെത്തി. ഇത് നിയമലംഘനം ആണെന്ന് ചൂണ്ടിക്കാട്ടിയാണ് നടപടി സ്വീകരിച്ചത്. കൂടാതെ ഡൽഹിയും, ഈസ്റ്റ് ബംഗാളും, അൻവർ അലിയും ചേർന്ന് 12.90 കോടി രൂപ പിഴയും നൽകണം. പിഴത്തുകയുടെ പകുതി അൻവർ അലിയാണ് നൽകേണ്ടത്. Read More

Sports235 days ago

കുട്ടികളുടെ യൂട്യൂബ് ഉപയോഗത്തില്‍ രക്ഷിതാക്കള്‍ക്ക് ശ്രദ്ധിക്കാം; പുതിയ ഫീച്ചര്‍ എത്തുന്നു

കുട്ടികളുടെ യൂട്യൂബ് അക്കൗണ്ടിനെ സ്വന്തം അക്കൗണ്ടുമായി രക്ഷിതാക്കള്‍ക്ക് ബന്ധിപ്പിക്കാനാകുന്ന ഫീച്ചറാണ് ഗൂഗിള്‍ അവതരിപ്പിച്ചിരിക്കുന്നത്. കുട്ടികള്‍ യൂട്യൂബില്‍ എന്തെല്ലാം കാാണുന്നു, എത്ര വീഡിയോകള്‍ അപ്ലോഡ് ചെയ്യുന്നു, ഏതെല്ലാം ചാനലുകള്‍ സബ്സ്‌ക്രൈബ് ചെയ്തിട്ടുണ്ട്, പോസ്റ്റ് ചെയ്യുന്ന കമന്റുകള്‍ ഉള്‍പ്പടെയുള്ള വിവരങ്ങള്‍ പുതിയ ഫീച്ചര്‍ വഴി രക്ഷിതാക്കള്‍ക്ക് എളുപ്പം മനസിലാക്കാം. കുട്ടികള്‍ ഒരു വീഡിയോ അപ്ലോഡ് ചെയ്യുമ്പോഴും സ്ട്രീമിങ് ആരംഭിക്കുമ്പോഴും ഇ-മെയില്‍ വഴി രക്ഷിതാക്കള്‍ക്ക് മെസെജുമെത്തും.

Technology237 days ago

മെസിയും റൊണോള്‍ഡോയുമില്ല; ബാലന്‍ ഡി ഓര്‍ പട്ടിക പ്രസിദ്ധീകരിച്ചു

ഫുട്‌ബോള്‍ ഇതിഹാസങ്ങളായ ലയണല്‍ മെസിയും ക്രിസ്റ്റിയാനോ റൊണാള്‍ഡോയുമില്ലാതെ ബാലന്‍ഡി ഓര്‍ പുരസ്‌കാരത്തിനുളള പട്ടിക പ്രസിദ്ധീകരിച്ചു. 2003ന് ശേഷം ഇതാദ്യമായാണ് ഇരു താരങ്ങളുമില്ലാതെ ബാലന്‍ ഡി ഓര്‍ പട്ടിക പുറത്തിറങ്ങുന്നത്. റൊണാള്‍ഡോ അഞ്ച് തവണവും മെസി എട്ടു തവണയുമാണ് പുരസ്‌കാരം നേടിയിട്ടുളളത്. ഒക്ടോബര്‍ 28നാണ് ഇത്തവണത്തെ ബാലന്‍ ഡി ഓര്‍ പുരസ്‌കാര പ്രഖ്യാപനം.

Sports240 days ago

അര്‍ജന്റീന ഫുട്‌ബോള്‍ ടീമിനെ കേരളത്തിലേക്ക് ക്ഷണിക്കാനൊരുങ്ങി സർക്കാർ

അർജന്റീന ഫുട്ബോൾ ടീമിനെ കേരളത്തിലേക്ക് ക്ഷണിക്കാൻ കായിക മന്ത്രി വി. അബ്ദുറഹിമാൻ ഇന്ന് സ്പെയിനിലേക്ക് യാത്രതിരിക്കും. മാഡ്രിഡില്‍ എത്തുന്ന മന്ത്രി വി. അബ്ദുറഹിമാനും സംഘവും അര്‍ജന്റീന ഫുട്‌ബോള്‍ പ്രതിനിധികളുമായി ചര്‍ച്ച നടത്തും. മന്ത്രിക്കൊപ്പം കായിക വകുപ്പ് ഡയറക്ടറും സെക്രട്ടറിയും സ്പെയിനിലേക്ക് പോകുന്നുണ്ട്. സൗഹൃദ മത്സരം കളിക്കാനുള്ള അര്‍ജന്റീനയുടെ ക്ഷണം ഇന്ത്യന്‍ ഫുട്ബോള്‍ അസോസിയേഷന്‍ നേരത്തെ നിരസിച്ചിരുന്നു. ഇതിന് പിന്നാലെയാണ് കേരളത്തിലേക്ക് ക്ഷണിക്കുമെന്ന് കായികമന്ത്രി വ്യക്തമാക്കിയത്. അർജൻ്റീന ടീമിനെ ഇന്ത്യയിലെത്തിക്കാനുള്ള ഉയർന്ന ചെലവായിരുന്നു ഓൾ ഇന്ത്യ ഫുട്ബോൾ ഫെഡറേഷൻ ക്ഷണം നിരസിക്കുന്നതിന് കാരണമായത്.

Sports241 days ago

ലൂയിസ് സുവാരസ് അന്താരാഷ്ട്ര ഫുട്ബോളിൽ നിന്ന് വിരമിക്കൽ പ്രഖ്യാപിച്ചു

യുറുഗ്വേന്‍ ഫുട്ബോൾ ഇതിഹാസം ലൂയിസ് സുവാരസ് അന്താരാഷ്ട്ര ഫുട്ബോളിൽ നിന്ന് വിരമിക്കൽ പ്രഖ്യാപിച്ചു. യുറുഗ്വേയ്ക്കായി ഏറ്റവും കൂടുതൽ ഗോൾ (69) നേടിയ താരം എന്ന റെക്കോർഡ് നേട്ടത്തോടെയാണ് സുവാരസ് തന്റെ ശ്രദ്ധേയമായ കരിയറിന് വിരാമമിടുന്നത്. വെള്ളിയാഴ്ച പരാഗ്വേക്കെതിരെ നടക്കുന്ന ലോകകപ്പ് യോഗ്യത മത്സരമാകും യുറുഗ്വേ കുപ്പായത്തിൽ 37 കാരനായ സുവാരസിന്റെ അവസാന മത്സരം. 2007ൽ യുറുഗ്വേ ദേശീയ ടീമിൽ അരങ്ങേറ്റം കുറിച്ച സുവാരസ് 2010ൽ ലോകകപ്പിൽ മൂന്നാം സ്ഥാനത്ത് എത്തിയ ടീമിലും, 2011ലെ കോപ്പ അമേരിക്ക കിരീടം നേടിയ ടീമിലും അംഗമായിരുന്നു.

Sports242 days ago

ഹാക്ക് ചെയ്യപ്പെട്ട അക്കൗണ്ടുകള്‍ വീണ്ടെടുക്കാന്‍ AI ഫീച്ചറുമായി യൂട്യൂബ്

അക്കൗണ്ടുകള്‍ ഹാക്ക് ചെയ്യപ്പെടുന്ന തങ്ങളുടെ ഉപയോക്താക്കളെ സഹായിക്കാന്‍ പുതിയ ട്രബിള്‍ഷൂട്ടിങ് ടൂളാണ് യൂട്യൂബ് ആരംഭിക്കുന്നത്. യുട്യൂബ് സപ്പോര്‍ട്ട് സെന്റര്‍ വഴിയാണ് AI ചാറ്റ് ബോട്ട് ഉപേയാഗിക്കാന്‍ കഴിയുക. നിലവില്‍ ചാറ്റ്ബോട്ട് അസിസ്റ്റന്റ് ഇംഗ്ലീഷില്‍ മാത്രമേ ലഭ്യമാവുകയുള്ളു. ടൂളിനുള്ളിലെ ചില ട്രബിള്‍ഷൂട്ടിങ് ഫീച്ചറുകള്‍ ചില ക്രിയേറ്റേഴ്സിന് മാത്രമേ ലഭ്യമാകൂ. എന്നാല്‍ ഈ ഫീച്ചര്‍ എല്ലാ ഉപയോക്താക്കള്‍ക്കും ലഭ്യമാക്കാനുള്ള ശ്രമത്തിലാണ് ഗൂഗിള്‍.

Technology251 days ago

സൗദി സൂപ്പർ കപ്പ് ഫൈനൽ ഇന്ന്

സൗദി സൂപ്പർ കപ്പ് ഫൈനലിൽ സൂപ്പർതാരം ക്രിസ്റ്റ്യാനോ റൊണാൾഡോയുടെ അൽ നസർ അൽ ഹിലാലിനെ നേരിടും. ഇന്ത്യൻ സമയം ഇന്ന് രാത്രി 9:45നാണ് മത്സരം. ക്രിസ്റ്റ്യാനോ റൊണാൾഡോയുടെ മികവിലാണ് അൽ നസർ ഫൈനലിൽ എത്തിയത്. സെമിഫൈനലിൽ അൽ അഹ്‌ലി സൗദിയെ പെനാൽറ്റി ഷൂട്ടൗട്ടിൽ പരാജയപ്പെടുത്തിയാണ് അൽ ഹിലാൽ ഫൈനലിൽ എത്തിയത്. അൽ ഹിലാൽ ആണ് നിലവിൽ സൗദി സൂപ്പർ കപ്പിലെ ചാമ്പ്യന്മാർ. 2020ലാണ് അൽ നസർ സൗദി സൂപ്പർ കപ്പിൽ അവസാനമായി ജേതാക്കളായത്. അൽ നസർ തങ്ങളുടെ മൂന്നാം കിരീടം ലക്ഷ്യമിട്ടാണ് ഇന്ന് ഫൈനൽ പോരാട്ടത്തിന് ഇറങ്ങുന്നത്.

Sports259 days ago

യുവേഫ സൂപ്പര്‍ കപ്പ് കിരീടപ്പോരാട്ടം ഇന്ന്

ഫൈനല്‍ മത്സരത്തില്‍ റയല്‍ മാഡ്രിഡ് അറ്റലാന്റയെ നേരിടും. പോളണ്ടിലെ വാഴ്സോ നാഷണല്‍ സ്റ്റേഡിയത്തില്‍ രാത്രി പന്ത്രണ്ടരയ്ക്കാണ് മത്സരം. റയല്‍ മാഡ്രിഡ് ജഴ്സിയില്‍ കിലിയന്‍ എംബാപ്പേയുടെ അരങ്ങേറ്റത്തിനായി കാത്തിരിക്കുകയാണ് ആരാധകര്‍. റയല്‍ മാഡ്രിഡും അറ്റലാന്റയും നേര്‍ക്കുനേര്‍ വരുന്ന മൂന്നാമത്തെ മത്സരമാണിത്. ആദ്യ രണ്ട് കളിയിലും റയല്‍ മാഡ്രിഡ് തന്നെയാണ് വിജയിച്ചത്.

Sports262 days ago

പാരിസ് ഒളിമ്പിക്‌സ്: സമനിലയല്ല, അര്‍ജന്റീനയ്ക്ക് തോല്‍വി

അസാധാരണ സംഭവവികാസങ്ങള്‍കൊണ്ട് സമ്പന്നമായി പാരിസ് ഒളിമ്പിപിക്‌സിലെ ആദ്യ ഫുട്ബോൾ മത്സരം. ഇന്‍ജുറി ടൈമിന്റെ അവസാന മിനിറ്റില്‍ നേടിയ ഗോളില്‍ അര്‍ജന്റീന സമനില നേടിയതായി പ്രഖ്യാപിച്ചെങ്കിലും പിന്നീട് ഗോള്‍ അനുവദിച്ച തീരുമാനം റഫറി പിന്‍വലിക്കുകയായിരുന്നു. കളി സമനിലയെന്ന് പ്രഖ്യാപിച്ച് ഏതാണ്ട് രണ്ടു മണിക്കൂറിനു ശേഷം ഇന്‍ജുറി ടൈമിലെ അവസാന മൂന്ന് മിനിറ്റ് ഒരിക്കല്‍ക്കൂടി ഇരു ടീമുകളും കളത്തിലിറങ്ങിയെങ്കിലും ഒന്നിനെതിരെ രണ്ടു ഗോളുകള്‍ക്ക് മൊറോക്കോ വിജയിച്ചു. മൊറോക്കോയ്ക്കായി സൂഫിയാന്‍ റാഹിമിയാണ് രണ്ട് ഗോളുകളും നേടിയത്.

Sports282 days ago