ജമ്മുകശ്മീരില്‍ ഏറ്റുമുട്ടല്‍; ഒരു ഭീകരന്‍ കൊല്ലപ്പെട്ടു

ഞായറാഴ്ച ജമ്മു കശ്മീരിലെ ബാരാമുള്ള ജില്ലയിലെ റാഫിയാബാദ് മേഖലയില്‍ സോപോര്‍ പോലീസും രാഷ്ട്രീയ റൈഫിള്‍സും സംയുക്തമായി നടത്തിയ ഏറ്റുമുട്ടലില്‍ ഒരു ഭീകരന്‍ കൊല്ലപ്പെട്ടു. ലോക്കല്‍ പോലീസും CRPഉം ഉള്‍പ്പെടുന്ന പട്രോളിംഗ് സംഘത്തിന് നേരെയാണ് ആദ്യം ഭീകരരുടെ വെടിവയ്പ്പുണ്ടായത്. ഇതേതുടര്‍ന്ന് സേന തിരിച്ചടിക്കുകയായിരുന്നു. സൈന്യം ഉടന്‍ തിരിച്ചടിച്ചതോടെ സുരക്ഷാ സേനയും ഭീകരരും തമ്മില്‍ ശക്തമായ വെടിവെയ്പ്പുണ്ടായി.

National251 days ago

ജമ്മുകശ്മീരില്‍ രണ്ടാം ഘട്ട നിയമസഭാ തിരഞ്ഞെടുപ്പ് ഇന്ന്

ജമ്മുവിലെ രജൗരി, പൂഞ്ച്, റാസി ജില്ലകളിലും കശ്മീരിലെ ശ്രീനഗര്‍, ബഡ്ഗാം, ഗന്ദർബാൽ എന്നീ ജില്ലകളിലുമാണ് ഇന്ന് വോട്ടെടുപ്പ്. ആറ് ജില്ലകളിലെ 26 മണ്ഡലങ്ങളിലായി നടക്കുന്ന വോട്ടെടുപ്പിൽ 239 സ്ഥാനാര്‍ത്ഥികളാണ് ജനവിധി തേടുന്നത്. കഴിഞ്ഞ ദിവസം കിഷ്ത്വാറിലുണ്ടായ ഭീകരാക്രമണത്തിന്റെ പശ്ചാത്തലത്തില്‍ കനത്ത സുരക്ഷയാണ് ഏര്‍പ്പെടുത്തിയിരിക്കുന്നത്. നാഷണല്‍ കോണ്‍ഫറന്‍സ് പാർട്ടി നേതാവ് ഒമര്‍ അബ്ദുള്ള, അപ്നി പാര്‍ട്ടി നേതാവ് അല്‍ത്താഫ് ബുഖാരി, ജമ്മുകശ്മീർ BJP അധ്യക്ഷന്‍ രവീന്ദര്‍ റെയ്‌ന എന്നിവരാണ് രണ്ടാം ഘട്ടത്തില്‍ ജനവിധി തേടുന്ന പ്രമുഖര്‍. ഒമര്‍ അബ്ദുളള ഗന്ദർബാൽ, ബഡ്ഗാം എന്നീ രണ്ട് മണ്ഡലങ്ങളിൽ നിന്ന് ജനവിധി തേടുന്നുണ്ട്.

National220 days ago

ജമ്മുകശ്മീരില്‍ ആദ്യഘട്ട വോട്ടെടുപ്പ് ഇന്ന്

ജമ്മുകശ്മീര്‍ നിയമസഭ തിരഞ്ഞെടുപ്പിന്റെ ആദ്യഘട്ട വോട്ടെടുപ്പ് ഇന്ന് നടക്കും. കശ്മീരിലെ അനന്ത്‌നാഗ്, പുല്‍വാമ, കുല്‍ഗാം, ഷോപ്പിയാന്‍ ജില്ലകളിലും ജമ്മുവിലെ രരംബാന്‍, കിഷ്ത്വാര്‍, ഡോഡ എന്നീ ജില്ലകളിലുമായി 24 മണ്ഡലങ്ങളാണ് ഇന്ന് വിധിയെഴുതുക. തിരഞ്ഞെടുപ്പ് കണക്കിലെടുത്ത് സംസ്ഥാനത്ത് കനത്ത സുരക്ഷയാണ് ഒരുക്കിയിട്ടുള്ളത്. ആദ്യഘട്ട വോട്ടെടുപ്പിൽ 219 സ്ഥാനാർത്ഥികളാണ് ജനവിധി തേടുന്നത്. ജമ്മുകശ്മീർ പോലീസിന് പുറമേ കേന്ദ്ര സേനയേയും സുരക്ഷയ്ക്കായി വിന്യസിച്ചിട്ടുണ്ടെന്ന് അധികൃതർ അറിയിച്ചു.

National227 days ago

ജമ്മു കശ്മീരില്‍ തീവ്രവാദം അവസാന ശ്വാസം വലിച്ചുകൊണ്ടിരിക്കുകയാണെന്ന് നരേന്ദ്ര മോദി

ജമ്മു കശ്മീരിലെ തിരഞ്ഞെടുപ്പ് പ്രചാരണ റാലിക്ക് തുടക്കമിട്ടുകൊണ്ട് സംസാരിക്കുകയായിരുന്നു മോദി. ജമ്മു കശ്മീര്‍ വിദേശ ശക്തികളുടെ ലക്ഷ്യമായി മാറിയെന്നും കുടുംബരാഷ്ട്രീയം ഈ പ്രദേശത്തെ പൊള്ളയാക്കിയെന്നും മോദി ബിജെപി റാലിയെ അഭിസംബോധന ചെയ്തുകൊണ്ട് പറഞ്ഞു. വിദ്വേഷത്തിന്റെ കട നടത്തുന്ന ആളുകള്‍ സ്നേഹത്തിന്റെ കട എന്ന ബോര്‍ഡിന് പിന്നില്‍ ഒളിച്ചിരിക്കുന്നുണ്ടെന്നും മോദി പറഞ്ഞു.

National231 days ago

നുഴഞ്ഞുകയറ്റ ശ്രമം; ജമ്മുകശ്മീരില്‍ രണ്ട് ഭീകരരെ വധിച്ചു

ജമ്മുകശ്മീരിലെ രജൗരിയില്‍ ഇന്ത്യന്‍ സൈന്യം രണ്ട് ഭീകരരെ വധിച്ചു. ഇന്ത്യ-പാക് അതിര്‍ത്തിയില്‍ നുഴഞ്ഞുകയറ്റത്തിനു ശ്രമിച്ച രണ്ടു ഭീകരരെയാണ് വധിച്ചത്. അതിര്‍ത്തി ജില്ലയിലെ നൗഷേര സെക്ടറില്‍ സൈന്യം ഭീകരവിരുദ്ധ ഓപ്പറേഷന്‍ നടത്തിവരികയായിരുന്നു. ഭീകരരില്‍നിന്നു എകെ47 തോക്കുകള്‍ ഉള്‍പ്പെടെയുളള ആയുധശേഖരം പിടിച്ചെടുത്തു. പ്രദേശത്തു തിരച്ചില്‍ പുരോഗമിക്കുകയാണെന്നും സൈന്യം അറിയിച്ചു.

National236 days ago

ജമ്മുകശ്മീര്‍ തിരഞ്ഞെടുപ്പ്; രാഹുല്‍ ഗാന്ധി ഇന്ന് രണ്ട് പ്രചാരണ റാലികളില്‍ പങ്കെടുക്കും

10 വര്‍ഷങ്ങള്‍ക്ക് ശേഷം സെപ്റ്റംബര്‍ 18ന് ജമ്മുകശ്മീരില്‍ നിയമസഭാ തിരഞ്ഞെടുപ്പ് നടക്കാന്‍ പോവുകയാണ്. പ്രചാരണത്തിന്റെ ഭാഗമായി ജമ്മുവിലെത്തുന്ന രാഹുല്‍ ഗാന്ധി കോണ്‍ഗ്രസ് സ്ഥാനാര്‍ത്ഥികളായ വികാര്‍ റസൂല്‍ വാനിയുടെയും ഗാമിറിന്റെയും തിരഞ്ഞെടുപ്പ് റാലിയെ അഭിസംബോധന ചെയ്യും. ദൂരു നിയമസഭാ മണ്ഡലത്തില്‍ നിന്നുള്ള സ്ഥാനാര്‍ത്ഥിയാണ് ഗാമിര്‍. റംബാന്‍ ജില്ലയിലെ സംഗല്‍ദാനിലാണ് വികാര്‍ റസൂല്‍ വാനിയുടെ തിരഞ്ഞെടുപ്പ് റാലി. പാര്‍ട്ടി ജനറല്‍ സെക്രട്ടറി ഭരത്സിങ് സോളങ്കി, സംസ്ഥാന കോണ്‍ഗ്രസ് അധ്യക്ഷന്‍ താരിഖ് ഹമീദ് കര്‍റ എന്നിവര്‍ രാഹുലിനൊപ്പം പങ്കെടുക്കും.

National241 days ago

ജമ്മുവിൽ സുൻജ്‍വാൻ സൈനിക കേന്ദ്രത്തിന് നേരെ വെടിവെപ്പ്; ഒരു സൈനികന് പരിക്കേറ്റു

ജമ്മുവിലെ സുൻജ്‌വാൻ സൈനിക കേന്ദ്രത്തിന് നേരെ ഭീകരർ നടത്തിയ വെടിവെപ്പിൽ ഒരു സൈനികന് ഗുരുതരമായി പരിക്കേറ്റു. സൈനിക കേന്ദ്രത്തിന് പുറത്തുള്ള കവാടത്തിന് സമീപത്തു നിന്ന് ഇന്ന് രാവിലെയാണ് വെടിവെപ്പുണ്ടായത്. സൈനിക പോസ്റ്റിലുണ്ടായിരുന്ന ജവാന്മാർ തിരിച്ചും വെടിവെച്ചു. അൽപ സമയത്തിനകം വെടിവെപ്പ് അവസാനിപ്പിച്ച് ഭീകര‍ർ ഇവിടെ നിന്ന് രക്ഷപ്പെടുകയായിരുന്നു. ഭീകരരെ കണ്ടെത്താനായി സൈന്യവും ജമ്മുകശ്മീർ പോലീസിൻ്റെ പ്രത്യേക ഓപ്പറേഷൻ ഗ്രൂപ്പും പ്രദേശത്ത് തിരച്ചിൽ നടത്തുകയാണ്.

National243 days ago

ഭീകരാക്രമണം; ബലൂചിസ്ഥാനില്‍ കൊല്ലപ്പെട്ടവരുടെ എണ്ണം 70 കടന്നു

പാകിസ്ഥാനിലെ ബലൂചിസ്ഥാനില്‍ വിവിധയിടങ്ങളിലായാണ് ഭീകരാക്രമണം നടന്നത്. പാകിസ്ഥാന്റെ തെക്കുപടിഞ്ഞാറന്‍ പ്രവിശ്യയില്‍ വിവിധയിടങ്ങളിലായി നടന്ന ആക്രമണ പരമ്പരയില്‍ പിന്നില്‍ ബലൂച് ലിബറേഷന്‍ ആര്‍മി. പഞ്ചാബില്‍ നിന്നെത്തിയ ബസ് ദേശീയപാതയില്‍ തടഞ്ഞുനിര്‍ത്തി ഐഡന്റിറ്റി കാര്‍ഡ് പരിശോധിച്ച ശേഷം 23 പേരെ വെടിവച്ചുകൊലപ്പെടുത്തുകയായിരുന്നു. തിരിച്ചടിച്ച പാകിസ്ഥാന്‍ സേന 21 തീവ്രവാദികളെ വധിച്ചതായാണ് റിപ്പോര്‍ട്ട്. 14 സുരക്ഷാ ഉദ്യോഗസ്ഥരും ക്ലിയറന്‍സ് ഓപ്പറേഷനില്‍ കൊല്ലപ്പെട്ടിട്ടിട്ടുണ്ട്.

World249 days ago

പാകിസ്ഥാനിൽ ഭീകരാക്രമണം: 39 പേർ കൊല്ലപ്പെട്ടു

പാകിസ്ഥാനിലെ ബലൂചിസ്ഥാനിലെ മുസാഖൈല്‍ ജില്ലയിലെ പഞ്ചാബ്-ബലൂചിസ്താന്‍ ഹൈവേയിലാണ് ഭീകരാക്രമണം ഉണ്ടായത്. ഒരു ബസ് കേന്ദ്രീകരിച്ചാണ് ആക്രമണം ഉണ്ടായത്. ബസ് തടഞ്ഞ് നിർത്തി ആളുകളെ പരിശോധിച്ച ശേഷം തിരഞ്ഞുപിടിച്ച് കൊലപ്പെടുത്തുകയായിരുന്നു എന്നാണ് റിപ്പോര്‍ട്ട്. ഭീകരാക്രമണത്തിൽ 39 പേർ കൊല്ലപ്പെട്ടു. നിരവധിപ്പേർക്ക് പരിക്കേറ്റു. ഭീകരർ ട്രക്കുകളും, വാനുകളും ഉൾപ്പെടെ 10 വാഹനങ്ങൾ തീയിട്ട് നശിപ്പിച്ചുവെന്നും പോലീസ് അറിയിച്ചു. ആക്രമണത്തിൻ്റെ ഉത്തരവാദിത്തം ഇതുവരെ ആരും ഏറ്റെടുത്തിട്ടില്ല.

World250 days ago

ജമ്മുകശ്‌മീർ നിയമസഭാ തിരഞ്ഞെടുപ്പ്; BJP ആദ്യഘട്ട സ്ഥാനാർത്ഥി പട്ടിക പുറത്തുവിട്ടു

ജമ്മുകശ്മീരിലെ നിയമസഭാ തിരഞ്ഞെടുപ്പിനുള്ള 15 സ്ഥാനാർത്ഥികളടങ്ങിയ ആദ്യഘട്ട സ്ഥാനാർത്ഥി പട്ടിക BJP പുറത്തിറക്കി. 44 സ്ഥാനാർത്ഥികളടങ്ങിയ പട്ടിക BJP ആദ്യം പുറത്തുവിട്ടിരുന്നു. എന്നാൽ ഉടൻ തന്നെ സ്ഥാനാർത്ഥിപ്പട്ടിക പിൻവലിക്കുകയിരുന്നു. പിന്നീടാണ് 15 അംഗങ്ങൾ അടങ്ങിയ പുതുക്കിയ സ്ഥാനാർത്ഥി പട്ടിക പുറത്തിറിക്കിയത്. സെപ്റ്റംബർ 18, 25, ഒക്ടോബർ 1 തീയതികളിൽ മൂന്ന് ഘട്ടങ്ങളിലായാണ് ജമ്മുകശ്മീരിൽ വോട്ടെടുപ്പ്. ഒക്ടോബർ 4നാണ് വോട്ടെണ്ണൽ.

National250 days ago

ജമ്മുകശ്മീർ തിരഞ്ഞെടുപ്പ്: കോൺഗ്രസും BJP യും ആദ്യഘട്ട സ്ഥാനാർത്ഥി പട്ടിക ഇന്ന് പുറത്തിറക്കും

ജമ്മുകശ്മീർ നിയമസഭാ തിരഞ്ഞെടുപ്പിനുള്ള കോൺഗ്രസിന്റെയും BJP യുടെയും ആദ്യഘട്ട സ്ഥാനാർത്ഥികളെ ഇന്ന് പ്രഖ്യാപിക്കും. ഒന്നാം ഘട്ട തിരഞ്ഞെടുപ്പ് നടക്കുന്ന 24 മണ്ഡലങ്ങളിലെ സ്ഥാനാർത്ഥികളെയാകും പ്രഖ്യാപിക്കുക. സെപ്റ്റംബർ 18നാണ് ഒന്നാം ഘട്ട തിരഞ്ഞെടുപ്പ്. ആദ്യ ഘട്ടത്തിൽ തിരഞ്ഞെടുപ്പ് നടക്കുന്ന മണ്ഡലങ്ങളിലേക്ക് നാമനിർദേശപത്രിക സമർപ്പിക്കാനുള്ള സമയം ചൊവ്വാഴ്ച അവസാനിക്കും. ജമ്മു മേഖലയിലെ 8 മണ്ഡലങ്ങളിലും കശ്മീർ താഴ്‌വരയിലെ 16 മണ്ഡലങ്ങളിലുമാണ് ആദ്യഘട്ടത്തിൽ തിരഞ്ഞെടുപ്പ് നടക്കുക.

National250 days ago