യുക്രൈനിലേക്ക് 100 മിസൈലുകളും ഡ്രോണുകളും വിക്ഷേപിച്ച് റഷ്യ

റഷ്യയുടെ മിസൈലാക്രമണത്തില്‍ അഞ്ച് പേര്‍ കൊല്ലപ്പെട്ടതായാണ് റിപ്പോര്‍ട്ട്. രാജ്യവ്യാപകമായി ഊര്‍ജ്ജ സൗകര്യങ്ങള്‍ തകര്‍ക്കുകയും ചെയ്തു. കീവിലെ നിരവധി സ്ഥലങ്ങളില്‍ വൈദ്യുതി സംവിധാനങ്ങളും ജലവിതരണവും തടസ്സപ്പെട്ടു. റഷ്യയുടെ പൂര്‍ണ്ണ തോതിലുള്ള അധിനിവേശത്തിന് ശേഷം രണ്ടര വര്‍ഷത്തിനുള്ളില്‍ കുറഞ്ഞത് 10 പ്രദേശങ്ങളില്‍ വൈദ്യുതി അല്ലെങ്കില്‍ മറ്റ് നിര്‍ണായക അടിസ്ഥാന സൗകര്യങ്ങള്‍ ലക്ഷ്യമിട്ട് ആക്രമണം നടന്നതായാണ് ഉദ്യോഗസ്ഥര്‍ പറയുന്നത്.

World250 days ago

അമേരിക്കന്‍ പ്രസിഡന്റ് തിരഞ്ഞെടുപ്പിനെ സ്വാധീനിക്കാന്‍ ശ്രമം; റഷ്യന്‍ മാധ്യമങ്ങള്‍ക്ക് മെറ്റയുടെ വിലക്ക്

അമേരിക്കന്‍ പ്രസിഡന്റ് തിരഞ്ഞെടുപ്പിനെ സ്വാധീനിക്കാന്‍ ശ്രമിച്ചെന്ന പേരിലാണ് മെറ്റ റഷ്യന്‍ മാധ്യമങ്ങള്‍ക്ക് വിലക്കേര്‍പ്പെടുത്തിയിരിക്കുന്നത്. റഷ്യന്‍ സ്റ്റേറ്റ് മീഡിയയ്ക്ക് ഉള്‍പ്പടെയാണ് വിലക്ക്. മെറ്റയ്ക്ക് കീഴില്‍ വരുന്ന ഫേസ്ബുക്ക്, ഇന്‍സ്റ്റ്ഗ്രാം, വാട്സ്ആപ്പ്, ത്രെഡ് എന്നിവയിലും റഷ്യന്‍ മാധ്യമങ്ങള്‍ക്ക് വിലക്കപ്പെടും. US തിരഞ്ഞെടുപ്പിനെ സ്വാധീനിക്കും വിധത്തില്‍ ഉള്ളടക്കങ്ങള്‍ സൃഷ്ടിക്കാന്‍ US കമ്പനികളെ ഉപയോഗിച്ചു എന്ന ആരോപണത്തെ തുടര്‍ന്നാണ് പ്രധാന റഷ്യന്‍ മാധ്യമമായ ആര്‍. ടിക്ക് വിലക്ക് നേരിടേണ്ടി വന്നത്.

World228 days ago

യുക്രൈനില്‍ ഷെല്ലാക്രമണം നടത്തി റഷ്യ; ഏഴ് മരണം

യുക്രൈനിലെ വിവിധയിടങ്ങളിലാണ് റഷ്യ ഷെല്ലാക്രമണം നടത്തിയത്. സപ്പോറിന്‍ഷിയ പ്രദേശത്തെ കാര്‍ഷിക മേഖലയുമായി ബന്ധപ്പെട്ട സ്ഥാപനം ഷെല്ലാക്രമണത്തില്‍ തകര്‍ന്നു. ആക്രമണത്തില്‍ സ്ഥാപനത്തിലുണ്ടായിരുന്ന മൂന്ന് പേര്‍ മരിച്ചു. ഒഡേസയില്‍ നടത്തിയ ഷെല്ലാക്രമണത്തിലാണ് രണ്ട് പേര്‍ മരിച്ചത്.

World229 days ago

റഷ്യയിലേക്ക് ഡ്രോണാക്രമണം നടത്തി യുക്രൈന്‍; ഒരു മരണം

ഒറ്റരാത്രി കൊണ്ട് 140 ഡ്രോണുകള്‍ യുക്രൈന്‍ റഷ്യയിലേക്ക് തൊടുത്തതായി റിപ്പോര്‍ട്ട്. ആക്രമണത്തില്‍ മോസ്‌കോക്ക് സമീപം 46 വയസ്സുള്ള ഒരു സ്ത്രീ കൊല്ലപ്പെടുകയും നിരവധി പേര്‍ക്ക് പരിക്കേല്‍ക്കുകയും ചെയ്തു. ഡ്രോണുകള്‍ എല്ലാം വെടിവെച്ചിട്ടതായി റഷ്യന്‍ പ്രതിരോധ മന്ത്രാലയം പ്രസ്താവനയിലൂടെ അറിയിച്ചു.

World235 days ago

റഷ്യ-യുക്രൈന്‍ പ്രശ്‌ന പരിഹാരം; അജിത് ഡോവല്‍ മോസ്‌കോയിലേക്ക്

റഷ്യ- യുക്രൈന്‍ സംഘര്‍ഷം അവസാനിപ്പിക്കുന്നതിനുള്ള ചര്‍ച്ചകള്‍ക്കായാണ് ദേശീയ സുരക്ഷാ ഉപദേഷ്ടാവ് അജിത് ഡോവല്‍ റഷ്യയിലേക്ക് പോകുന്നതെന്നാണ് സൂചന. ചൊവ്വാഴ്ച മോസ്‌കോയിലെത്തുന്ന ഡോവല്‍ രണ്ട് ദിവസം അവിടെ ഉണ്ടായിരിക്കുമെന്നാണ് റിപ്പോര്‍ട്ട്. റഷ്യന്‍ പ്രസിഡന്റ് വ്ലാദിമിര്‍ പുടിനുമായി അദ്ദേഹം കൂടിക്കാഴ്ച നടത്തും. ഇരുരാജ്യങ്ങളിലെയും പ്രസിഡന്റുമാരുമായി പ്രധാനമന്ത്രി ചര്‍ച്ച നടത്തിയതിന് ശേഷമാണ് ഡോവലിന്റെ സന്ദര്‍ശനം.

National237 days ago

റഷ്യയില്‍ 22 യാത്രക്കാരുമായി പറന്ന ഹെലികോപ്ടര്‍ കാണാതായി

റഷ്യയുടെ കിഴക്കന്‍ മേഖലയിലെ കംചാകുവില്‍ നിന്ന് പറന്ന് ഹെലികോപ്ടറാണ് കാണാതായത്. 19 യാത്രക്കാരും മൂന്ന് ജീവനക്കാരുമാണ് ഹെലികോപ്ടറില്‍ ഉണ്ടായത്. ഹെലികോപ്ടറുമായുള്ള ആശയവിനിമയം നഷ്ടപ്പെട്ടിരിക്കുകയാണ്. കണ്ടെത്താനായി തിരച്ചില്‍ ആരംഭിച്ചതായി എമര്‍ജന്‍സി മന്ത്രാലയം അറിയിച്ചു.

World245 days ago

പ്രധാനമന്ത്രി മോദി യുക്രൈൻ പ്രസിഡൻ്റുമായി കൂടിക്കാഴ്ച നടത്തി

യുക്രൈൻ സന്ദർശനത്തിനെത്തിയ പ്രധാനമന്ത്രി നരേന്ദ്ര മോദി യുക്രൈൻ പ്രസിഡന്റ് വ്ളാദിമിർ സെലൻസ്കിയുമായി കൂടിക്കാഴ്ച നടത്തി. യുക്രൈൻ റിപ്പബ്ലിക് സ്ഥാപിതമായതിനുശേഷം ആദ്യമായാണ് ഒരു ഇന്ത്യൻ പ്രധാനമന്ത്രി യുക്രൈനിൽ സന്ദർശനം നടത്തുന്നത്. സെലൻസ്കിയുമായുള്ള ചർച്ചയിൽ ഇന്ത്യ - യുക്രൈൻ സഹകരണം ശക്തമാക്കാനുള്ള നാലു കരാറുകളിൽ ഇരു രാജ്യങ്ങളും ഒപ്പുവച്ചു. റഷ്യ - യുക്രൈൻ യുദ്ധം തുടരുന്ന പശ്ചാത്തലത്തിൽ യുദ്ധം അവസാനിപ്പിക്കുന്നതിനുള്ള പ്രശ്നപരിഹാര സാധ്യതകളും ഇരു നേതാക്കളും ചർച്ച ചെയ്തു.

World252 days ago

പ്രധാനമന്ത്രി നരേന്ദ്ര മോദി ഇന്ന് യുക്രൈനില്‍

ഒരു ദിവസത്തെ സന്ദര്‍ശനത്തിനായാണ് പ്രധാനമന്ത്രി നരേന്ദ്ര മോദി ഇന്ന് യുക്രൈനിലെത്തുന്നത്. യുക്രൈന്‍ തലസ്ഥാനമായ കീവിലെത്തുന്ന അദ്ദേഹം യുക്രൈന്‍ പ്രസിഡന്റ് വ്‌ളോദിമിര്‍ സെലന്‍സ്‌കിയുമായി കൂടിക്കാഴ്ച നടത്തും. ഇന്ത്യ-റഷ്യ ബന്ധം യുക്രൈനില്‍ കടുത്ത അതൃപ്തിക്ക് ഇടയാക്കിയിരിക്കുന്ന സാഹചര്യത്തിലാണ് പ്രധാനമന്ത്രിയുടെ യുക്രൈന്‍ സന്ദര്‍ശനം. നയതന്ത്ര ബന്ധം ആരംഭിച്ച് 30 വര്‍ഷമാകുമ്പോഴാണ് ഒരു ഇന്ത്യന്‍ പ്രധാനമന്ത്രി യുക്രൈന്‍ സന്ദര്‍ശിക്കുന്നത്.

World253 days ago

പ്രധാനമന്ത്രി നരേന്ദ്ര മോദി ഓഗസ്റ്റ് 23 ന് യുക്രൈൻ സന്ദർശിക്കും

പ്രധാനമന്ത്രി നരേന്ദ്ര മോദി ഓഗസ്റ്റ് 21, 22 തീയതികളിൽ പോളണ്ടും പിന്നീട് ഓഗസ്റ്റ് 23 ന് യുക്രൈനും സന്ദർശിക്കുമെന്ന് വിദേശകാര്യ മന്ത്രാലയം അറിയിച്ചു. പോളണ്ട് പ്രധാനമന്ത്രി ഡൊണാൾഡ് ടസ്കിൻ്റെ ക്ഷണപ്രകാരമാണ് പ്രധാനമന്ത്രി മോദി പോളണ്ടിൽ ഔദ്യോഗിക സന്ദർശനം നടത്തുന്നത്. 45 വർഷത്തിന് ശേഷമാണ് ഒരു ഇന്ത്യൻ പ്രധാനമന്ത്രി പോളണ്ട് സന്ദർശിക്കുന്നത്. യുക്രൈന്‍ പ്രസിഡൻ്റ് വ്ലാദിമിർ സെലന്‍സ്‍കിയുടെ ക്ഷണപ്രകാരമാണ് മോദിയുടെ യുക്രൈൻ സന്ദർശനം. യുക്രൈൻ - റഷ്യ യുദ്ധം തുടങ്ങിയ ശേഷമുള്ള മോദിയുടെ ആദ്യ സന്ദർശനമാണിത്. 30 വർഷത്തിനിടെ ഒരു ഇന്ത്യൻ പ്രധാനമന്ത്രിയുടെ ആദ്യ യുക്രൈൻ സന്ദർശനം കൂടിയാണിത്.

National257 days ago

റഷ്യയിൽ വൻ ഭൂചലനം; അഗ്‌നിപര്‍വ്വതം പൊട്ടിത്തെറിച്ചു

റഷ്യയില്‍ 7.2 തീവ്രത രേഖപ്പെടുത്തിയ ശക്തമായ ഭൂകമ്പമാണ് ഉണ്ടായത്. രാജ്യത്തെ കിഴക്കന്‍ പ്രദേശമായ കാംചത്ക മേഖലയിലുണ്ടായ ഭൂചലനത്തിന്റെ ശക്തിയില്‍ ഷിവേലുച്ച് എന്ന അഗ്നിപര്‍വതം പൊട്ടിത്തെറിക്കുകയും ചെയ്തു. കാംചത്ക മേഖലയുടെ കിഴക്കന്‍ തീരത്ത് സമുദ്രനിരപ്പില്‍ നിന്ന് 51 കിലോമീറ്റര്‍ താഴ്ചയിലാണ് ഭൂചലനത്തിന്റെ പ്രഭവ കേന്ദ്രമെന്ന് യൂറോപ്യന്‍ മെഡിറ്ററേനിയന്‍ സീസ്‌മോളജിക്കല്‍ സെന്റര്‍ അറിയിച്ചു. ഭൂചലനത്തിലോ അഗ്നിപര്‍വത സ്‌ഫോടനത്തിലോ ആർക്കും പരുക്കേറ്റതായി റിപോര്‍ട്ടില്ല. ഭൂചലനത്തെ തുടര്‍ന്ന് US ദേശീയ സുനാമി മുന്നറിയിപ്പു കേന്ദ്രം സുനാമി മുന്നറിയിപ്പ് പുറപ്പെടുവിച്ചിട്ടുണ്ട്.

World258 days ago

പ്രധാനമന്ത്രി നരേന്ദ്ര മോദി അടുത്ത മാസം യുക്രൈന്‍ സന്ദര്‍ശിച്ചേക്കും

പ്രധാനമന്ത്രി നരേന്ദ്ര മോദിയുടെ റഷ്യന്‍ സന്ദര്‍ശനം മറ്റു രാജ്യങ്ങളില്‍ വിമര്‍ശനത്തിനിടയാക്കിയ സാഹചര്യത്തിലാണ് യുക്രൈനിലേക്കുള്ള സന്ദര്‍ശനമെന്നാണ് റിപ്പോര്‍ട്ട്. പോളണ്ടില്‍ നിന്ന് ട്രെയിന്‍ മാര്‍ഗം കീവിലേക്ക് പോകാനാണ് സാധ്യതയെന്ന് ഉന്നത വൃത്തങ്ങള്‍ സൂചിപ്പിക്കുന്നത്. യുക്രൈന്‍ സന്ദര്‍ശിക്കാന്‍ പ്രധാനമന്ത്രിയെ നേരത്തെ പ്രസിഡന്റ് വ്‌ളോഡിമിര്‍ സെലന്‍സ്‌കി ക്ഷണിച്ചിരുന്നു.

National279 days ago