ആഷിഖ് അബു ഫെഫ്കയില്‍ നിന്ന് രാജിവെച്ചു

സംവിധായകന്‍ ആഷിഖ് അബു ഫെഫ്കയുടെ പ്രാഥമിക അംഗത്വത്തില്‍ നിന്ന് രാജിവെച്ചു. ഹേമ കമ്മിറ്റി റിപ്പോര്‍ട്ടിലും തുടര്‍ന്നുണ്ടായ വെളിപ്പെടുത്തലുകളിലും ഫെഫ്ക നേതൃത്വം സ്വീകരിച്ച നിലപാടില്‍ അതൃപ്തി പ്രകടിപ്പിച്ചാണ് രാജി. നേരത്തെ ഫെഫ്ക ജനറല്‍ സെക്രട്ടറി ബി. ഉണ്ണികൃഷ്ണനെതിരെയും ആഷിഖ് അബു രംഗത്തെത്തിയിരുന്നു. നിലപാടിന്റെ കാര്യത്തില്‍ തികഞ്ഞ കാപട്യം പുലര്‍ത്തുന്ന നേതൃത്വത്തോട് വിയോജിച്ചുകൊണ്ടും പ്രതിഷേധിച്ചുകൊണ്ടും ഫെഫ്ക അംഗത്വത്തില്‍ നിന്ന് രാജിവെയ്ക്കുന്നതായാണ് ആഷിഖ് അബു അറിയിച്ചിരിക്കുന്നത്.

Kerala245 days ago

സ്ത്രീകള്‍ നേരിടുന്ന പ്രതിസന്ധികളും പരാതികളും അറിയിക്കാന്‍ ടോള്‍ ഫ്രീ നമ്പറുമായി ഫെഫ്ക്ക

ഹേമകമ്മിറ്റി റിപ്പോര്‍ട്ടിന് പിന്നാലെയാണ് ഫെഫ്ക്കയുടെ നടപടി. 8590599946 എന്ന ടോള്‍ ഫ്രീ നമ്പറിലെ സേവനം 24 മണിക്കൂറും ലഭ്യമാകും. സിനിമാ മേഖലയില്‍ സ്ത്രീകള്‍ നേരിടുന്ന പ്രശ്‌നം പരിഹരിക്കുകയാണ് ലക്ഷ്യമെന്ന് ഫെഫ്ക ജനറല്‍ സെക്രട്ടറി ബി. ഉണ്ണികൃഷ്ണന്‍ പറഞ്ഞു. സ്ത്രീകള്‍ തന്നെയാകും പരാതി പരിഹാര സെല്‍ കൈകാര്യം ചെയ്യുകയെന്നും ഇന്ന് വൈകുന്നേരം മുതല്‍ ടോള്‍ ഫ്രീ നമ്പര്‍ പ്രവര്‍ത്തനം ആരംഭിക്കുമെന്നും അദ്ദേഹം വ്യക്തമാക്കി.

Entertainment219 days ago

മലയാള സിനിമയിൽ പുതിയ സംഘടന വരുന്നു

സംവിധായകരായ ആഷിക്ക് അബു, ലിജോ ജോസ് പെല്ലിശ്ശേരി, രാജീവ് രവി, അഞ്ജലി മേനോൻ, നടി റീമ കല്ലിങ്കൽ തുടങ്ങിയവരുടെ നേതൃത്വത്തിലാണ് മലയാള സിനിമയിൽ പുതിയ സംഘടന രൂപീകരിക്കാൻ ഒരുങ്ങുന്നത്. പ്രോഗ്രസീവ് ഫിലിം മേക്കേഴ്സ് എന്ന പേരിലാണ് പുതിയ സംഘടന രൂപീകരിക്കുന്നത്. സംഘടനയെക്കുറിച്ചുള്ള വിശദാംശങ്ങൾ ഉൾക്കൊള്ളുന്ന കത്ത് സിനിമ പ്രവർത്തകർക്ക് നൽകിത്തുടങ്ങി. തൊഴിലാളികളുടെ ശാക്തീകരണവും പുത്തൻ സിനിമ സംസ്കാരം രൂപീകരണവുമാണ് സംഘടനയുടെ ലക്ഷ്യമെന്ന് കത്തിൽ പറയുന്നു.

Entertainment228 days ago

ട്രേഡ് യൂണിയന്‍ രൂപീകരിക്കാന്‍ ഫെഫ്കയെ സമീപിച്ച് താരങ്ങള്‍

താരസംഘടനയായ അമ്മയിലെ 20 ഓളം അംഗങ്ങള്‍ പുതിയ ട്രേഡ് യൂണിയന്‍ ആരംഭിക്കാന്‍ ഫെഫ്കയെ സമീപിച്ചതായി ഫെഫ്ക ജനറല്‍ സെക്രട്ടറി ബി. ഉണ്ണികൃഷ്ണന്‍. 17 നടന്മാരും മൂന്ന് നടിമാരുമാണ് ആവശ്യവുമായി സമീപിച്ചതെന്ന് അദ്ദേഹം പറഞ്ഞു. ഫെഫ്കയുടെ ജനറല്‍ കൗണ്‍സില്‍ അംഗീകരിച്ച ശേഷം നിലപാട് അറിയാക്കാമെന്ന് ബി. ഉണ്ണികൃഷ്ണന്‍ താരങ്ങളെ അറിയിച്ചതായാണ് റിപ്പോര്‍ട്ട്. നേരത്തെ ഹേമ കമ്മിറ്റി റിപ്പോര്‍ട്ട് വിവാദമായതിന് പിന്നാലെ താര സംഘടനയായ അമ്മയുടെ എക്‌സിക്യൂട്ടീവ് കമ്മിറ്റി ഒന്നാകെ രാജിവച്ചിരുന്നു.

Kerala232 days ago

ഹേമ കമ്മിറ്റിക്കെതിരെ രൂക്ഷ വിമര്‍ശനവുമായി ഫെഫ്ക

WCC ഒഴികെയുള്ള സംഘടനകളെയൊന്നും ഹേമ കമ്മിറ്റി വിളിക്കുകയോ വിവരങ്ങള്‍ ശേഖരിക്കുകയോ ചെയ്തിട്ടില്ലെന്ന് ഫെഫ്ക ജനറല്‍ സെക്രട്ടറി ബി. ഉണ്ണികൃഷ്ണന്‍ പറഞ്ഞു. എന്ത് അടിസ്ഥാനത്തിലാണ് ഹേമ കമ്മിറ്റി ആളുകളെ കണ്ടതെന്നും നിര്‍മാതാക്കളുടെ സംഘടന, അമ്മ, ഫെഫ്ക അംഗങ്ങള്‍ എങ്ങനെയാണ് ഒഴിവാക്കപ്പെട്ടതെന്നും വാര്‍ത്താ സമ്മേളനത്തില്‍ അദ്ദേഹം ചോദിച്ചു. ഫെഫ്കയിലെ ട്രേഡ് യൂണിയന്‍ ജനറല്‍ സെക്രട്ടറിമാരെ പോലും കമ്മിറ്റി കണ്ടില്ല. ഹേമ കമ്മിറ്റി റിപ്പോര്‍ട്ടില്‍ പരമര്‍ശിച്ച പേരുകളും 15 അംഗ പവര്‍ ഗ്രൂപ്പിലെ അംഗങ്ങളുടെ പേരുകളും പുറത്തുവരണമെന്നും അദ്ദേഹം കൂട്ടിച്ചേര്‍ത്തു.

Kerala232 days ago

ലഹരി പാര്‍ട്ടി ആരോപണം; ആഷിഖ് അബുവിനും റിമ കല്ലിങ്കലിനുമെതിരെ പ്രാഥമിക അന്വേഷണം

ലഹരി പാര്‍ട്ടി നടത്തുന്നുവെന്ന ആരോപണത്തില്‍ സംവിധായകന്‍ ആഷിഖ് അബു, നടി റിമ കല്ലിങ്കല്‍ എന്നിവര്‍ക്കെതിരെ പ്രാഥമിക അന്വേഷണത്തിന് നിര്‍ദേശം. കൊച്ചി സിറ്റി പോലീസ് കമ്മീഷണര്‍ക്ക് യുവമോര്‍ച്ച നല്‍കിയ പരാതിയിലാണ് നടപടി. റിമയും ആഷിഖും കൊച്ചിയിലെ ഫ്‌ലാറ്റില്‍ ലഹരിപാര്‍ട്ടി നടത്തി പെണ്‍കുട്ടികളെ ലൈംഗിക ചൂഷണത്തിന് ഇരയാക്കിയെന്നുള്‍പ്പെടെയുളള ഗുരുതര ആരോപണങ്ങളാണ് തമിഴ് ഗായിക സുചിത്ര ഉന്നയിച്ചത്.

Kerala240 days ago

ഹേമ കമ്മിറ്റി റിപ്പോര്‍ട്ടില്‍ ഉള്‍പ്പെടുന്ന എല്ലാവരുടെയും പേരുകള്‍ പുറത്തുവരണം: ബി. ഉണ്ണികൃഷ്ണന്‍

ഫെഫ്ക വനിതാ പ്രവര്‍ത്തകരുടെ യോഗശേഷമാണ് റിപ്പോര്‍ട്ടില്‍ ഉള്‍പ്പെടുന്ന എല്ലാവരുടെയും പേരുകള്‍ പുറത്തുവരണമെന്ന് ഫെഫ്ക സംസ്ഥാന ജനറല്‍ സെക്രട്ടറി ബി. ഉണ്ണികൃഷ്ണന്‍ പറഞ്ഞത്. കുറ്റം ചെയ്‌തെന്ന് തെളിഞ്ഞാല്‍ എത്ര ഉന്നതനായാലും സംരക്ഷിക്കില്ല. സംഘടന പ്രതികരിക്കാന്‍ വൈകിയത് മൗനം പാലിക്കലല്ല. ഫെഫ്കക്ക് കീഴിലെ മറ്റ് യൂണിയനുകളുടെ അഭിപ്രായം തേടേണ്ടിയിരുന്നതിനാലാണ് വൈകിയതെന്ന് അദ്ദേഹം പറഞ്ഞു.

Kerala244 days ago

ഹേമ കമ്മിറ്റി റിപ്പോര്‍ട്ട്: ലൈംഗിക അതിക്രമം നടത്തിയ എല്ലാവരുടെയും പേര് പുറത്തുവരണമെന്ന് ഫെഫ്ക

അതിജീവിതര്‍ക്ക് എല്ലാ പിന്തുണയും നല്‍കുമെന്നും നിയമസഹായം ആവശ്യമെങ്കില്‍ അതിനുളള പിന്തുണ നല്‍കുമെന്നും ഫെഫ്ക ജനറല്‍ സെക്രട്ടറി ബി. ഉണ്ണികൃഷ്ണന്‍ പറഞ്ഞു. ഹേമ കമ്മിറ്റി റിപ്പോര്‍ട്ടില്‍ ഫെഫ്കയിലെ അംഗങ്ങളായ സ്ത്രീകളുടെ അഭിപ്രായ രൂപീകരണം നടക്കുന്നുണ്ട്. വിശകലന റിപ്പോര്‍ട്ട് തയ്യാറാക്കി സര്‍ക്കാരിന് സമര്‍പ്പിക്കുമെന്നും ആരോപണ വിധേയരായ ഫെഫ്ക അംഗങ്ങള്‍ക്കെതിരെ കോടതി നടപടിയോ അറസ്റ്റോ ഉണ്ടായാല്‍ അച്ചടക്ക നടപടി സ്വീകരിക്കുമെന്നും ബി. ഉണ്ണികൃഷ്ണന്‍ കൂട്ടിച്ചേര്‍ത്തു.

Kerala247 days ago

ഹേമ കമ്മിറ്റി റിപ്പോര്‍ട്ട് ചര്‍ച്ചചെയ്യാന്‍ മൂന്ന് ദിവസത്തെ യോഗംവിളിച്ച് ഫെഫ്ക

അടുത്ത ശനിയാഴ്ച മുതല്‍ സിനിമയിലെ സാങ്കേതിക പ്രവര്‍ത്തകരുടെ സംഘടനയായ ഫെഫ്ക വിളിച്ചു ചേര്‍ത്ത യോഗം ആരംഭിക്കും. യോഗം സംബന്ധിച്ച് വിവിധ യൂണിയനുകളുടെ സെക്രട്ടറിമാര്‍ക്ക് കത്ത് കൈമാറി. ഹേമ കമ്മിറ്റി റിപ്പോര്‍ട്ട് ആയിരിക്കും യോഗത്തിലെ പ്രധാന വിഷയം. സെറ്റുകളില്‍ സ്ത്രീസുരക്ഷ ഉറപ്പാക്കുന്നതിന് ഉള്‍പ്പെടെ നടപടിയെടുത്തിട്ടുണ്ടെന്ന് നിര്‍മാതാക്കളുടെ സംഘടനയായ പ്രൊഡ്യൂസേഴ്സ് അസോസിയേഷന്‍ അറിയിച്ചിരുന്നു.

Kerala250 days ago

പവര്‍ ഗ്രൂപ്പ് ശരിവെച്ച് ആഷിഖ് അബു; സര്‍ക്കാരിനെതിരെയും രൂക്ഷ വിമര്‍ശനം

സര്‍ക്കാരിനും സിനിമാ സംഘടനകള്‍ക്കുമെതിരെ രൂക്ഷ വിമര്‍ശനവുമായി സംവിധായകനും പ്രൊഡ്യൂസറുമായ ആഷിഖ് അബു. സാമൂഹിക ഉത്തരവാദിത്തമില്ലാത്ത ക്ലബ് പോലെ പ്രവര്‍ത്തിക്കുന്ന സംഘടനയാണ് അമ്മ എന്നും സിനിമയില്‍ പവര്‍ ഗ്രൂപ്പുണ്ടെന്നും ആഷിഖ് അബു പറഞ്ഞു. ഹേമ കമ്മിറ്റി റിപ്പോര്‍ട്ടില്‍ സര്‍ക്കാരിന് ഒന്നും ഒളിക്കാനില്ലെങ്കില്‍ പിന്നെ എന്തിനാണ് വിവരങ്ങള്‍ ഒളിപ്പിക്കുന്നതെന്നും ഇക്കാര്യത്തില്‍ ഉത്തരം പറയേണ്ടിവരുമെന്നും അദ്ദേഹം പറഞ്ഞു. സര്‍ക്കാരിന്റെ നിലപാടില്‍ ശക്തമായ പ്രതിഷേധം ഉണ്ട്. വിവരാവാകാശപ്രകാരം ലഭിക്കേണ്ട കാര്യങ്ങള്‍ എങ്ങനെ മാഞ്ഞുവെന്നും ആഷിഖ് ചോദിച്ചു.

Kerala252 days ago

ഓണ്‍ലൈന്‍ മാധ്യമങ്ങളെ നിയന്ത്രിക്കാന്‍ നീക്കവുമായി സിനിമാ നിര്‍മാതാക്കള്‍

സിനിമ മേഖലയില്‍ പ്രവര്‍ത്തിക്കുന്ന ഓണ്‍ലൈന്‍ മാധ്യമങ്ങള്‍ക്ക് നിയന്ത്രണം ഏര്‍പ്പെടുത്തണമെന്നാവശ്യപ്പെട്ട് ഫിലിം പ്രൊഡ്യൂസേഴ്‌സ് അസോസിയേഷന്‍, സാങ്കേതിക പ്രവര്‍ത്തകരുടെ സംഘടനയായ ഫെഫ്കയ്ക്ക് കത്തു നല്‍കി. കേന്ദ്രസര്‍ക്കാരിന്റെ ഉദ്യം പോര്‍ട്ടലില്‍ രജിസ്റ്റര്‍ ചെയ്തതിന്റെ വിവരങ്ങളും ഫെഫ്കയുടെ അംഗീകൃത പിആര്‍ഒയുടെ കത്തും കൈവശം ഉള്ളവര്‍ മാത്രമേ പരിപാടികള്‍ ചിത്രീകരിക്കാവൂ എന്നാണ് നിര്‍ദേശം. അക്രഡിറ്റേഷന്‍ ഉളള ഓണ്‍ലൈന്‍ മാധ്യമങ്ങള്‍ക്ക് പ്രവേശനം നല്‍കുന്ന കാര്യത്തില്‍ നാളെ നടക്കുന്ന ഫെഫ്ക സ്റ്റിയറിങ് കമ്മറ്റി ചര്‍ച്ച നടത്തും.

Entertainment303 days ago