ആഞ്ഞടിച്ച് യാഗി; വിയറ്റ്‌നാമില്‍ 35 മരണം

വിയറ്റ്‌നാമില്‍ കനത്ത നാശനഷ്ടം വിതച്ച് യാഗി ചുഴലിക്കാറ്റ്. ഈ വര്‍ഷത്തെ ഏഷ്യയിലെ ഏറ്റവും ശക്തമായ കൊടുങ്കാറ്റായാണ് യാഗി ചുഴലിക്കാറ്റിനെ കണക്കാക്കുന്നത്. ചുഴലിക്കാറ്റിനെ തുടര്‍ന്നുണ്ടായ മണ്ണിടിച്ചിലിലും വെള്ളപ്പൊക്കത്തിലും മുപ്പത്തിയഞ്ച് പേര്‍ മരിക്കുകയും 24 പേരെ കാണാതാവുകയും ചെയ്തതായി വിയറ്റ്‌നാം ദുരന്ത നിവാരണ ഏജന്‍സി അറിയിച്ചു. രാജ്യത്തെ കാര്‍ഷിക മേഖലയേയും അടിസ്ഥാന സൗകര്യങ്ങളേയും അടിമുടി നശിപ്പിച്ചാണ് യാഗിയുടെ വരവ്.

World238 days ago

യാഗി ചുഴലിക്കാറ്റ്: വിയറ്റ്‌നാമില്‍ 141 പേര്‍ മരിച്ചു

വടക്കന്‍ വിയറ്റ്‌നാമില്‍ വീശിയടിച്ച യാഗി ചുഴലിക്കാറ്റിന് പിന്നാലെയുളള പ്രളയത്തിലും മറ്റും മരിച്ചവരുടെ എണ്ണം 141 ആയി ഉയര്‍ന്നതായി അധികൃതര്‍ അറിയിച്ചു. 69 ഓളം പേരെ കാണാനില്ല. 210,000 ത്തോളം ഹെക്ടര്‍ കൃഷി നശിച്ചതായി കൃഷി മന്ത്രാലയം അറിയിച്ചു. പത്തുവര്‍ഷത്തിനിടെ തെക്കുകിഴക്കന്‍ ഏഷ്യന്‍ രാജ്യത്തുണ്ടായ ഏറ്റവും ശക്തമായ ചുഴലിക്കാറ്റാണ് യാഗി. ഞായറാഴ്ചയോടെ കാറ്റ് ദുര്‍ബലമായെങ്കിലും പ്രദേശത്ത് മഴ തുടരുകയാണ്. വെള്ളപ്പൊക്കവും മണ്ണിടിച്ചിലുമാണ് ഭൂരിഭാഗം മരണങ്ങള്‍ക്കും കാരണമായത്.

World236 days ago

അറബിക്കടലില്‍ ചുഴലിക്കാറ്റിന് സാധ്യത; സംസ്ഥാനത്ത് മഴ തുടരും

വടക്കു കിഴക്കന്‍ അറബിക്കടലില്‍ കച്ചിനും പാകിസ്ഥാനും സമീപപ്രദേശങ്ങളിലായി അതിതീവ്രന്യൂനമര്‍ദ്ദം സ്ഥിതി ചെയ്യുന്നു. അടുത്ത ആറു മണിക്കൂറില്‍ അതി തീവ്രന്യൂനമര്‍ദ്ദം പടിഞ്ഞാറു ദിശയില്‍ സഞ്ചരിച്ച് ശക്തിയാര്‍ജിച്ച് ചുഴലിക്കാറ്റായി മാറാന്‍ സാധ്യതയുണ്ട്. വടക്കു പടിഞ്ഞാറന്‍ ബംഗാള്‍ ഉള്‍ക്കടലില്‍ വടക്കന്‍ ആന്ധ്രാ പ്രദേശിനും തെക്കന്‍ ഒഡീഷക്കും സമീപത്തായി സ്ഥിതിചെയ്തിരുന്ന ന്യൂനമര്‍ദ്ദവും ശക്തിയേറിയ ന്യൂനമര്‍ദ്ദമായി മാറിയിട്ടുണ്ട്. ഇതിന്റെ ഫലമായി അടുത്ത 7 ദിവസം സംസ്ഥാനത്ത് ഇടിമിന്നലോട് കൂടിയ ശക്തമായ മഴക്ക് സാധ്യതയുണ്ടെന്ന് കേന്ദ്ര കാലാവസ്ഥ വകുപ്പ് അറിയിച്ചു.

Weather248 days ago

റിമാല്‍ ചുഴലിക്കാറ്റ് കരതൊട്ടു; അതീവ ജാഗ്രതാ നിര്‍ദേശം

110 മുതല്‍ 120 കിലോമീറ്റര്‍ വരെ വേഗതയിലാണ് ചുഴലിക്കാറ്റ് വീശുന്നത്. ബംഗാളിലെ തീരപ്രദേശങ്ങളില്‍ കേന്ദ്ര കാലാവസ്ഥാ നിരീക്ഷണ കേന്ദ്രം റെഡ് അലര്‍ട്ട് പ്രഖ്യാപിച്ചു. ശക്തമായ കാറ്റില്‍ സൗത്ത് 24 പര്‍ഗാനാസ് ജില്ലയില്‍ നിരവധി മരങ്ങള്‍ കടപുഴകി വീഴുകയുണ്ടായി. ബംഗാളിലെ തീരപ്രദേശങ്ങളില്‍ നിന്നും ഒരു ലക്ഷത്തിലധികം പേരെ മാറ്റി പാര്‍പ്പിക്കുകയും ചെയ്തു.

Weather343 days ago

റെമാല്‍ ചുഴലിക്കാറ്റ്; കേരളത്തില്‍ ഭീഷണിയില്ല

റെമാല്‍ ചുഴലിക്കാറ്റിനെ തുടര്‍ന്ന് തീരദേശ ജില്ലകളില്‍ അതിശക്തമായ മഴ പെയ്യുമെന്ന് കാലാവസ്ഥാ വകുപ്പ് മുന്നറിയിപ്പ് നല്‍കി. ചുഴലിക്കാറ്റ് കേരള തീരത്തെ ബാധിക്കാത്തതിനാല്‍ സംസ്ഥാനത്ത് മുന്നറിയിപ്പുകളൊന്നും നല്‍കിയിട്ടില്ല. നേരത്തെയുള്ള മുന്നറിയിപ്പ് പ്രകാരം ശക്തമാകാറ്റും മോശം കാലാവസ്ഥയും പ്രതീക്ഷിക്കുന്നതിനാല്‍ കടലില്‍ പോകാന്‍ പാടില്ലെന്ന് അധികൃതര്‍ അറിയിച്ചു.

Weather344 days ago

ബംഗാൾ ഉൾക്കടലിൽ രൂപപ്പെട്ട റെമാൽ ചുഴലിക്കാറ്റ് ഇന്ന് രാത്രി കരതൊടും

ബംഗാൾ ഉൾക്കടലിൽ രൂപംകൊണ്ട റെമാൽ ചുഴലിക്കാറ്റ് അതിതീവ്രമായി മാറിയെന്നും 120 കിലോമീറ്റർ വേഗതയിൽ ബംഗ്ലാദേശ് - ബംഗാൾ തീരത്തുള്ള സാഗർ ദ്വീപിന് സമീപം ഇന്ന് രാത്രി കരതൊടുമെന്നും കേന്ദ്ര കാലാവസ്ഥ വകുപ്പ് അറിയിച്ചു. പശ്ചിമ ബംഗാളിലും ഒഡീഷയിലും അതിശക്തമായ മഴയ്ക്ക് സാധ്യതയുണ്ടെന്നും ജാഗ്രത പാലിക്കണമെന്നും മുന്നറിയിപ്പുണ്ട്. വടക്ക് - കിഴക്കൻ സംസ്ഥാനങ്ങളിലും ഒറ്റപ്പെട്ട മഴക്ക് സാധ്യതയുണ്ട്.

National344 days ago

റെമാല്‍ ചുഴലിക്കാറ്റ് ശക്തിപ്രാപിക്കുന്നു; നാളെ തീരം തൊടും

ബംഗാള്‍ ഉള്‍ക്കടലില്‍ രൂപപ്പെട്ട ന്യൂനമര്‍ദം അതിതീവ്ര ചുഴലിക്കാറ്റായി മാറിയതായി ഇന്ത്യന്‍ കാലാവസ്ഥാ വകുപ്പ് അറിയിച്ചു. റെമാല്‍ എന്ന് പേരിട്ടിരിക്കുന്ന ചുഴലിക്കാറ്റ് നാളെ പുലര്‍ച്ചെ ബംഗ്ലദേശ്, പശ്ചിമ ബംഗാള്‍ തീരത്തെത്തും. മണിക്കൂറില്‍ 110-120 കിലോമീറ്റര്‍ വേഗതയിലാകും കാറ്റ് എത്തുകയെന്നും ഇത് കരയില്‍ 135 കിലോമീറ്റര്‍ വരെ വേഗതയില്‍ വീശുമെന്നും IMD പ്രവചിക്കുന്നു.

National345 days ago

റിമാല്‍; ഈ വര്‍ഷത്തെ ആദ്യ ചുഴലിക്കാറ്റ് മുന്നറിയിപ്പ് പുറപ്പെടുവിച്ചു

ബംഗാള്‍ ഉള്‍ക്കടലില്‍ ഈ വര്‍ഷത്തെ ആദ്യ ചുഴലിക്കാറ്റ് മുന്നറിയിപ്പ് പുറപ്പെടുവിച്ചു. റിമാല്‍ എന്നാണ് ചുഴലിക്കാറ്റിന് പേര് നല്‍കിയിരിക്കുന്നത്. ഇത് പശ്ചിമ ബംഗാള്‍-ബംഗ്ലാദേശ് തീരത്ത് തീവ്ര ചുഴലിക്കാറ്റായി മാറി ഞായറാഴ്ചയോടെ കരയില്‍ പ്രവേശിക്കാനാണ് സാധ്യതയെന്നും കേന്ദ്ര കാലാവസ്ഥാ വകുപ്പ് അറിയിച്ചു. ചുഴലിക്കാറ്റിന് പുറമെ തെക്കന്‍ കേരളത്തിന് മുകളിലായി ചക്രവാതച്ചുഴിയും നിലനില്‍ക്കുന്നുണ്ട്. ഇതിന്റെ സ്വാധീന ഫലമായി കേരളത്തില്‍ അടുത്ത അഞ്ച് ദിവസവും മഴ പ്രതീക്ഷിക്കാമെന്നും മുന്നറിയിപ്പുണ്ട്.

National347 days ago

പശ്ചിമ ബംഗാളിൽ ചുഴലിക്കാറ്റ്; നാല് മരണം

പശ്ചിമ ബംഗാളിലെ ജൽപായ്ഗുരി ജില്ലയിലുണ്ടായ കൊടുങ്കാറ്റിൽ നാല് പേർ മരിക്കുകയും 70 പേർക്ക് പരിക്കേൽക്കുകയും ചെയ്തു. ജില്ലാ ആസ്ഥാനത്തും സമീപ പ്രദേശമായ മൈനാഗുരിയുടെ ചില ഭാഗങ്ങളിലും നാശം വിതച്ച ശക്തമായ കാറ്റിൽ നിരവധി വീടുകൾക്ക് കേടുപാടുകൾ സംഭവിക്കുകയും മരങ്ങൾ കടപുഴകി വീഴുകയും ചെയ്തു. ദുരിതാശ്വാസ പ്രവർത്തനങ്ങൾക്കായി സിവിൽ അഡ്മിനിസ്‌ട്രേഷൻ, പോലീസ്, ഡിസാസ്റ്റർ മാനേജ്‌മെൻ്റ് എന്നിവയുടെ ഉദ്യോഗസ്ഥരെ വിന്യസിച്ചിട്ടുണ്ടെന്ന് മുഖ്യമന്ത്രി മമത ബാനർജി പറഞ്ഞു.

National400 days ago