ADGP ആർഎസ്എസ് നേതാക്കളെ വ്യക്തിപരമായി കണ്ടതിൽ തെറ്റില്ല: സ്പീക്കർ എ.എൻ.ഷംസീർ

ADGP എം.ആർ. അജിത് കുമാർ RSS നേതാക്കളുമായി നടത്തിയ കൂടിക്കാഴ്ചയെ ന്യായീകരിച്ച് സ്പീക്കർ എ.എൻ. ഷംസീർ. RSS രാജ്യത്തെ പ്രധാന സംഘടനയാണെന്നും ADGP എം.ആർ. അജിത് കുമാർ RSS നേതാക്കളുമായി വ്യകതിപരമായി കൂടിക്കാഴ്ച നടത്തിയതിൽ തെറ്റില്ലെന്നുമാണ് സ്പീക്കർ എ.എൻ. ഷംസീർ പറഞ്ഞത്. സുഹൃത്ത് കൂട്ടിക്കൊണ്ട് പോയതാണെന്ന് ADGP തന്നെ പറഞ്ഞുവെന്നും അതിൽ അപാകതയൊന്നുമില്ലെന്നും പറഞ്ഞ ഷംസീർ ADGP മന്ത്രിമാരുടെ ഫോൺ സംഭാഷണങ്ങൾ ചോർത്തി എന്നത് പി.വി. അൻവർ MLA യുടെ അഭ്യൂഹം മാത്രമാണെന്നും പറഞ്ഞു.

Kerala236 days ago

ഒപ്പം നില്‍ക്കാന്‍ ആളുണ്ടെങ്കില്‍ രാഷ്ട്രീയ പാര്‍ട്ടി രൂപീകരിക്കുമെന്ന് പി. വി. അന്‍വര്‍

സംസ്ഥാന സെക്രട്ടറി എം.വി ഗോവിന്ദന്‍ നടത്തിയ പത്ര സമ്മേളനത്തിന് പിന്നാലെയാണ് മറുപടിയുമായി പി. വി. അന്‍വര്‍ രംഗത്തെത്തിയത്. പാര്‍ട്ടിയെ പറഞ്ഞിട്ടില്ലെന്നും ദുര്‍ബലപ്പെടുത്താന്‍ ശ്രമിച്ചിട്ടില്ലെന്നും അന്‍വര്‍ പറഞ്ഞു. സാധാരണക്കാര്‍ക്ക് ഒപ്പം നിലനില്‍ക്കും. മലപ്പുറത്തെ 16 മണ്ഡലങ്ങളിലും പര്യടനം നടത്തി പ്രസംഗിക്കും. കര്‍ഷകരുടെ പ്രശ്‌നം ഏറ്റെടുക്കും. തീപ്പന്തം പോലെ കത്തും. ജനങ്ങളെ ഉപയോഗിച്ച് പ്രതിരോധിക്കുമെന്നും അന്‍വര്‍ പ്രഖ്യാപിച്ചു.

Kerala218 days ago

പി. വി. അന്‍വറുമായി പാര്‍ട്ടിക്ക് യാതൊരു ബന്ധവുമില്ലെന്നും CPM സെക്രട്ടറി എം. വി. ഗോവിന്ദന്‍

CPMനെ ഇല്ലായ്മ ചെയ്യാന്‍ ആര് ശ്രമിച്ചാലും നടക്കില്ലെന്നും അന്‍വറുമായുള്ള ബന്ധം CPM അവസാനിപ്പിച്ചുവെന്നും CPM പാര്‍ട്ടി സെക്രട്ടറി എം. വി. ഗോവിന്ദന്‍. LDFമായുള്ള ബന്ധം വിച്ഛേദിച്ചെന്ന് അന്‍വര്‍ തന്നെ വ്യക്തമാക്കിയിരുന്നു. പാര്‍ലമെന്ററി പാര്‍ട്ടി അംഗത്വം അന്‍വര്‍ ഉപേക്ഷിച്ചിരുന്നു. പാര്‍ലമെന്ററി പാര്‍ട്ടി അംഗത്വം സ്വയം ഉപേക്ഷിച്ചതിനാല്‍ തന്നെ അന്‍വറുമായുള്ള എല്ലാ ബന്ധവും പാര്‍ട്ടി ഉപേക്ഷിച്ചിരിക്കുകയാണ്. LDF പിന്തുണയോടെ കഴിഞ്ഞ രണ്ടുതവണ MLAയായി തിരഞ്ഞെടുക്കപ്പെട്ട അന്‍വറിന് കമ്മ്യൂണിസ്റ്റ് സംവിധാനത്തെപ്പറ്റി ധാരണയില്ലെന്നും അദ്ദേഹം കൂട്ടിച്ചേര്‍ത്തു.

Kerala218 days ago

മുഖ്യമന്ത്രിയുടെ പ്രതികരണത്തിന് പിന്നാലെ തുറന്നടിച്ച് പി. വി. അന്‍വര്‍

മുഖ്യമന്ത്രിക്കെതിരെ രൂക്ഷ വിമര്‍ശനം നടത്തിയ അന്‍വര്‍ തന്നെ എന്തിനാണ് വഞ്ചിച്ചതെന്ന് ചോദിച്ചു. പ്രത്യാഘാതം ഭയക്കുന്നില്ലെന്നും മലപ്പുറത്ത് മാധ്യമങ്ങളോട് പറഞ്ഞു. നിലവിലെ ഭരണത്തില്‍ ഏറ്റവും പ്രയാസം അനുഭവിക്കുന്നത് ന്യൂനപക്ഷങ്ങളും സാധാരണ പാര്‍ട്ടി പ്രവര്‍ത്തകരും ആണെന്ന ആരോപണത്തില്‍ ഉറച്ചു നില്‍ക്കുന്നുവെന്നും അന്‍വര്‍ പറഞ്ഞു. തനിക്ക് ഇനിയും കാര്യങ്ങള്‍ പറയാനുണ്ടെന്നും ഞായറാഴ്ച വീണ്ടും മാധ്യമങ്ങളെ കാണുമെന്നും അദ്ദേഹം പറഞ്ഞു.

Kerala218 days ago

പി. വി. അന്‍വറിന്റെ ആരോപണങ്ങള്‍ തള്ളി മുഖ്യമന്ത്രി

LDFനെയും സര്‍ക്കാരിനെയും അപകീര്‍ത്തിപ്പെടുത്താന്‍ ഉദ്ദേശിച്ചിട്ടുള്ളതാണ് പി. വി. അന്‍വറിന്റെ ആരോപണങ്ങളെന്നും ഇത് പൂര്‍ണമായി തള്ളിക്കളയുന്നുവെന്ന് മുഖ്യമന്ത്രി പിണറായി വിജയന്‍ പറഞ്ഞു. അന്‍വര്‍ ഉന്നയിച്ച ആരോപണങ്ങളുടെ അടിസ്ഥാനത്തില്‍ പ്രഖ്യാപിച്ച ഉന്നതതല അന്വേഷണത്തെ ഒരുതരത്തിലും ബാധിക്കില്ല. മുന്‍നിശ്ചയിച്ച പ്രകാരം അന്വേഷണം തുടരുക തന്നെ ചെയ്യുമെന്നും മുഖ്യമന്ത്രി വ്യക്തമാക്കി. നേരത്തെ പറഞ്ഞതുപോലെയാണ് കാര്യങ്ങളെത്തിയിരിക്കുന്നത്. പാര്‍ട്ടിക്കും മുന്നണിക്കും സര്‍ക്കാരിനുമെതിരെയാണ് അന്‍വര്‍ പറഞ്ഞിട്ടുള്ളത്. മാത്രമല്ല LDFന്റെ ശത്രുക്കള്‍ വ്യാപകമായി പ്രചരിപ്പിക്കാന്‍ ഉദ്ദേശിക്കുന്ന കാര്യങ്ങളാണ് അന്‍വര്‍ പറഞ്ഞതെന്നും ഉദ്ദേശം വ്യക്തമാണെന്നും മുഖ്യമന്ത്രി കൂട്ടിച്ചേര്‍ത്തു.

Kerala218 days ago

മുഖ്യമന്ത്രിക്കെതിരെയും പൊളിറ്റിക്കല്‍ സെക്രട്ടറി പി. ശശിക്കെതിരെയും വീണ്ടും വിമർശനവുമായി പി.വി. അൻവർ

മുഖ്യമന്ത്രി പിണറായി വിജയനെതിരെയും, പൊളിറ്റിക്കൽ സെക്രട്ടറി പി. ശശിക്കെതിരെയും, ADGP എം.ആർ. അജിത് കുമാറിനുമെതിരെയും ആരോപണങ്ങൾ കടുപ്പിച്ച് പി.വി. അൻവർ MLA. പി. ശശിയെ കാട്ടുകള്ളന്‍ എന്ന് അഭിസംബോധന ചെയ്ത അൻവർ പി. ശശിയാണ് മുഖ്യമന്ത്രിയെ വികൃതമാക്കി മാറ്റുന്നതെന്നും ആരോപിച്ചു. പിണറായി വിജയന്‍ എന്ന സൂര്യൻ കെട്ടുപോയെന്നും മുഖ്യമന്ത്രിക്ക് ആഭ്യന്തരവകുപ്പ് വഹിക്കാനുള്ള അര്‍ഹത ഇല്ലെന്നും അന്‍വര്‍ വിമർശിച്ചു. തന്റെ പരാതികളിൽ‌ കേസ് അന്വേഷണം തൃപ്തികരമല്ലെന്നും പാർട്ടി നൽകിയ ഉറപ്പ് ലംഘിക്കുകയാണെന്നും പറഞ്ഞ അൻവർ തന്റെ പരാതികളിൽ സിറ്റിങ് ജഡ്ജിയെക്കൊണ്ട് അന്വേഷണം നടത്തണമെന്നും ആവശ്യപ്പെട്ടു. CPM പാർലമെൻ്ററി പാർട്ടി യോഗത്തിൽ ഇനി പങ്കെടുക്കില്ലെന്നും പി.വി. അൻവർ പറഞ്ഞു.

Kerala219 days ago

ADGP- RSS കൂടിക്കാഴ്ച്ചയില്‍ അന്വേഷണത്തിന് ഉത്തരവിട്ട് സര്‍ക്കാര്‍

ADGP അജിത് കുമാര്‍ RSS നേതാക്കളുമായി കൂടിക്കാഴ്ച്ച നടത്തിയ സംഭവത്തില്‍ സംസ്ഥാന സര്‍ക്കാര്‍ അന്വേഷണത്തിന് ഉത്തരവിട്ടു. DGPക്കാണ് അന്വേഷണത്തിന് നിര്‍ദേശം നല്‍കിയിരിക്കുന്നത്. ADGPക്കൊപ്പം നേതാക്കളെ കണ്ടവരുടെ മൊഴിയും അന്വേഷണ സംഘം രേഖപ്പെടുത്തും. ADGP- RSS കൂടിക്കാഴ്ച്ച രാഷ്ടീയ തലത്തില്‍ വന്‍ വിവാദമായ സാഹചര്യത്തിലാണ് നടപടി.

Kerala220 days ago

പരസ്യ പ്രസ്താവനയില്‍ നിന്ന് പിന്മാറുകയാണെന്ന് പി. വി. അന്‍വര്‍

പാര്‍ട്ടി നിര്‍ദേശം പാലിക്കാന്‍ താന്‍ ബാധ്യസ്ഥനാണെന്നും ADGP അജിത് കുമാറിനും മുഖ്യമന്ത്രിയുടെ പൊളിറ്റിക്കല്‍ സെക്രട്ടറി പി. ശശിക്കുമെതിരായ ആരോപണങ്ങളില്‍ ഉള്‍പ്പടെയുള്ള പരസ്യ പ്രസ്താവന അവസാനിപ്പിക്കുകയാണെന്ന് പി. വി. അന്‍വര്‍ MLA. ഫേസ്ബുക്ക് പോസ്റ്റിലൂടെയാണ് അദ്ദേഹം ഇക്കാര്യം അറിയിച്ചത്. പാര്‍ട്ടിയില്‍ പൂര്‍ണ വിശ്വാസമുണ്ടെന്നും നീതി ലഭിക്കുമെന്ന് ഉറപ്പുണ്ടെന്നും അദ്ദേഹം പറഞ്ഞു. പോലീസിലെ ചില പുഴുക്കുത്തുകള്‍ക്കെതിരെയാണ് ശബ്ദമുയര്‍ത്തിയതെന്നും അതില്‍ നിന്ന് പിന്നോട്ടില്ലെന്നും കുറിച്ചു.Read More

Kerala222 days ago

പി. വി അന്‍വറിനെതിരെ വിമര്‍ശനവുമായി എ. വിജയരാഘവന്‍

പി. വി അന്‍വര്‍ പാര്‍ട്ടിയെയും സര്‍ക്കാരിനെയും ദുര്‍ബലപ്പെടുത്തിയെന്നും പ്രസ്താവനകള്‍ ശത്രുക്കള്‍ക്ക് ആഹ്ലാദിക്കാന്‍ വകയുണ്ടാക്കിയെന്നും എ.വിജയരാഘവന്‍ പറഞ്ഞു. ഇക്കാര്യത്തില്‍ സര്‍ക്കാര്‍ എടുത്ത നടപടികള്‍ മുഖ്യമന്ത്രി വ്യക്തമാക്കിയതോടെ ആ വിഷയങ്ങള്‍ക്ക് വ്യക്തത വന്നിട്ടുണ്ട്. പക്ഷെ കാര്യങ്ങള്‍ വ്യക്തമാക്കിയതിന് ശേഷവും അന്‍വര്‍ പ്രതികരിക്കുന്നത് ശരിയല്ലെന്നും വിജയരാഘവന്‍ പറഞ്ഞു. സാധാരണക്കാരുടെ താല്‍പര്യം സംരക്ഷിക്കുന്ന സര്‍ക്കാരാണ് നമ്മുടേതെന്നും അദ്ദേഹം കൂട്ടിച്ചേര്‍ത്തു.

Kerala223 days ago

പാർട്ടിയെ ദുർബലപ്പെടുത്തുന്ന നിലപാടുകളിൽ നിന്ന് പിന്മാറണമെന്ന് പി.വി. അൻവറിനോട് CPM

പി.വി. അൻവർ MLA ക്കെതിരെ CPM സംസ്ഥാന സെക്രട്ടറിയേറ്റ്. പി.വി.അൻവർ MLA യുടെ നിലപാടുകളോട് യോജിപ്പില്ലെന്നും അൻവറിന്റെ പ്രവർത്തികൾ ശത്രുക്കള്‍ക്ക് പാര്‍ട്ടിയേയും സര്‍ക്കാരിനേയും ആക്രമിക്കാനുള്ള ആയുധമായി മാറിയെന്നും സംസ്ഥാന സെക്രട്ടറിയേറ്റ് വിലയിരുത്തി. നിലപാടുകൾ തിരുത്തി പാർട്ടിയെ ദുർബലപ്പെടുത്താനുള്ള സമീപനത്തിൽനിന്ന് അൻവര്‍ പിന്തിരിയണമെന്നും CPM സംസ്ഥാന സെക്രട്ടേറിയേറ്റ് വാര്‍ത്താക്കുറിപ്പിൽ അറിയിച്ചു.

Kerala223 days ago

തൃശൂർ പൂരം അലങ്കോലമായ സംഭവം; ബാഹ്യ ഇടപെടൽ ഉണ്ടായിട്ടില്ലെന്ന് ADGP യുടെ അന്വേഷണ റിപ്പോർട്ട്

തൃശൂര്‍ പൂരം അലങ്കോലപ്പെടുത്തിയതിന് പിന്നിൽ ഗൂഢാലോചനയ്ക്ക് തെളിവില്ലെന്നും ബാഹ്യ ഇടപെടല്‍ ഉണ്ടായിട്ടില്ലെന്നും ADGP എം.ആര്‍. അജിത് കുമാറിന്റെ അന്വേഷണ റിപ്പോര്‍ട്ട്. പൂരം ഏകോപനത്തിൽ അന്നത്തെ കമ്മീഷണർ അങ്കിത് അശോകന് വീഴ്ച പറ്റിയെന്നും റിപ്പോർട്ടിൽ പറയുന്നു. പൂരം നടത്തിപ്പുമായി ബന്ധപ്പെട്ട് ചില വിട്ടുവീഴ്ചയ്ക്ക് തയ്യാറാകാതിരുന്നത് ചില പ്രശ്നങ്ങൾക്ക് കാരണമായി എന്നാണ് റിപ്പോർട്ടിലെ കണ്ടെത്തൽ. കമ്മീഷണറുടെ പരിചയക്കുറവ് കാരണമാണ് പ്രശ്നങ്ങൾ ഉണ്ടായപ്പോൾ കാരണക്കാരെ അനുനയിപ്പിക്കാൻ കഴിയാതെ വന്നതും പ്രശ്‌നം കൂടുതൽ സങ്കീർണമാക്കിയതെന്നും റിപ്പോർട്ടിൽ പറയുന്നു. 1300 പേജുള്ള റിപ്പോർട്ട് മുഖ്യമന്ത്രി ഉടൻ പരിശോധിക്കും.

Kerala223 days ago