മണിപ്പൂരില്‍ മന്ത്രിയുടെ പേഴ്സണല്‍ അസിസ്റ്റന്റിനെ തട്ടിക്കൊണ്ടുപോയി

മണിപ്പൂര്‍ ഉപഭോക്തൃകാര്യ മന്ത്രി എല്‍. സുസിന്ദ്രോയുടെ പേഴ്സണല്‍ അസിസ്റ്റന്റ് എസ്. സോമോറെന്‍ഡ്രോയെ ഇംഫാല്‍ ഈസ്റ്റ് ജില്ലയിലെ അദ്ദേഹത്തിന്റെ വസതിക്ക് സമീപം വെച്ച് അജ്ഞാതര്‍ തട്ടിക്കൊണ്ടുപോയതായി പോലീസ് അറിയിച്ചു. സംഭവത്തിന്റെ ഉത്തരവാദിത്തം ഒരു ഗ്രൂപ്പും ഏറ്റെടുത്തിട്ടില്ലെന്നും അന്വേഷണം പുരോഗമിക്കുകയാണെന്നും പോലീസ് അറിയിച്ചു. വ്യാഴാഴ്ച്ച ബിഷ്ണുപൂര്‍ ജില്ലയില്‍ മുന്‍ ചീഫ് സെക്രട്ടറി ഒയിനം നബകിഷോറിന്റെ വസതിക്ക് നേരെ ആയുധധാരികളായ അക്രമികള്‍ അഞ്ച് റൗണ്ട് വെടിയുതിര്‍ത്തതിന് പിന്നാലെയാണ് ഈ സംഭവം.

National224 days ago

സംഘര്‍ഷം; മണിപ്പൂരില്‍ മൂന്ന് ജില്ലകളില്‍ നിരോധനാജ്ഞ

മണിപ്പുരില്‍ ഇരുവിഭാഗങ്ങള്‍ തമ്മിലുള്ള സംഘര്‍ഷം രൂക്ഷമാകുന്ന സാഹചര്യത്തെ തുടര്‍ന്ന് മൂന്ന് ജില്ലകളില്‍ അനിശ്ചിതകാലത്തേക്ക് നിരോധനാജ്ഞ പ്രഖ്യാപിച്ചു. ഇംഫാല്‍ വെസ്റ്റ്, ഇംഫാല്‍ ഈസ്റ്റ്, തൗബാല്‍ ജില്ലകളിലാണ് നിരോധനാജ്ഞ പുറപ്പെടുവിച്ചിരിക്കുന്നത്. രാവിലെ 11 മണി മുതല്‍ നിരോധനാജ്ഞ നിലവില്‍ വന്നു. കങ്പോക്പി ജില്ലയിലുണ്ടായ സംഘര്‍ഷത്തില്‍ ഒരു സ്ത്രീ കൊല്ലപ്പെട്ടിരുന്നു. ഗ്രാമത്തിലെ വീടുകള്‍ അകേരമികള്‍ തീവെച്ച് നശിപ്പിക്കുകയുണ്ടായി.

National235 days ago

മണിപ്പൂരില്‍ വീണ്ടും സംഘര്‍ഷം; ഒരാള്‍ കൊല്ലപ്പെട്ടു

മണിപ്പൂരിലെ കാങ്പോക്പി ജില്ലയിലെ തങ്ബൂഹ് ഗ്രാമത്തില്‍ രണ്ട് സായുധസംഘങ്ങള്‍ തമ്മിലാണ് സംഘര്‍ഷമുണ്ടായത്. ഏറ്റുമുട്ടലില്‍ 46 വയസ്സ് പ്രായമുള്ള ഒരു സ്ത്രീ കൊല്ലപ്പെട്ടതായാണ് റിപ്പോര്‍ട്ട്. അക്രമികള്‍ ഗ്രാമത്തിലെ നിരവധി വീടുകള്‍ക്ക് തീയിട്ടു. സമീപത്തെ സ്‌കൂളില്‍ തമ്പടിച്ചിരുന്ന CRPF ഉദ്യോഗസ്ഥരും അക്രമികളും തമ്മില്‍ വെടിവെയ്പ്പുണ്ടായതായും പോലീസ് അറിയിച്ചു. സംഘര്‍ഷം കണക്കിലെടുത്ത് പ്രദേശത്ത് കൂടുതല്‍ പോലീസിനെ വിന്യസിച്ചിട്ടുണ്ട്.

National235 days ago

മണിപ്പൂരിൽ മുൻ MLA യുടെ വീട്ടിൽ ബോംബ് സ്ഫോടനം

മണിപ്പൂരിലെ കാംങ്പോക്പി ജില്ലയിൽ മുൻ MLA യാംതോംഗ് ഹാവോക്കിപ്പിൻ്റെ വീട്ടിലാണ് ബോംബ് സ്ഫോടനമുണ്ടായത്. സ്ഫോടനത്തിൽ MLA യുടെ ഭാര്യ സപം ചാരുബാല (59) കൊല്ലപ്പെട്ടു. ഇന്നലെ വൈകിട്ടാണ് MLA യുടെ വീട്ടിൽ സ്ഫോടനമുണ്ടായത്. സ്ഫോടനത്തിൽ ഗുരുതരമായി പരിക്കേറ്റ ചാരുബാലയെ ആശുപത്രിയിൽ പ്രവേശിപ്പിച്ചെങ്കിലും പിന്നീട് മരണത്തിന് കീഴടങ്ങുകയായിരുന്നു. സ്ഫോടനം നടക്കുമ്പോൾ ഹാവോക്കിപ്പും വീട്ടിലുണ്ടായിരുന്നെങ്കിലും അദ്ദേഹത്തിന് പരിക്കില്ല. സംഭവത്തിൽ പോലീസ് അന്വേഷണം നടത്തിവരികയാണ്.

National265 days ago

മണിപ്പൂരിലെ കലാപബാധിത പ്രദേശങ്ങള്‍ സന്ദര്‍ശിച്ച് രാഹുല്‍ ഗാന്ധി

ഈ അടുത്ത് സംഘര്‍ഷം നടന്ന ജിരിബാമിലെ ക്യാമ്പാണ് രാഹുല്‍ ഗാന്ധി ആദ്യം സന്ദര്‍ശിച്ചത്. ഇന്ന് പുലര്‍ച്ചെയും ജിരിബാമില്‍ അക്രമികള്‍ സുരക്ഷാ സേനയ്ക്ക് നേരെ വെടിയുതിര്‍ത്തിരുന്നു. നേരത്തെ പ്രശ്‌നങ്ങളില്ലാതിരുന്ന ജിരിബാം മേഖലയിലേക്ക് ഈയിടെയാണ് സംഘര്‍ഷം വ്യാപിച്ചത്. ചുരാചന്ദ്പൂര്‍, മൊയ്‌റാങ് എന്നിവിടങ്ങളിലെ ക്യാമ്പുകളും സന്ദര്‍ശിക്കുന്ന രാഹുല്‍ ഗാന്ധി വൈകീട്ട് ആറ് മണിക്ക് ഗവര്‍ണര്‍ അനസൂയ ഉയിക്കയെ കാണും. അസമിലെ കാച്ചാര്‍, സില്‍ച്ചര്‍ എന്നിവിടങ്ങളിലെ പ്രളയ ബാധിതരെ കണ്ട ശേഷമാണ് രാഹുല്‍ ഗാന്ധി ജിരിബാമിലെത്തിയത്.

National299 days ago

മണിപ്പൂരിൽ മുഖ്യമന്ത്രിയുടെ വസതിക്ക് സമീപം വൻ തീപിടിത്തം

മണിപ്പൂരിൻ്റെ തലസ്ഥാനമായ ഇംഫാലിൽ മുഖ്യമന്ത്രിയുടെ വസതിക്കും സെക്രട്ടറിയേറ്റിനും സമീപമുള്ള ഉപേക്ഷിക്കപ്പെട്ട കെട്ടിടത്തിലാണ് തീപിടിത്തം ഉണ്ടായത്. സംഭവത്തിൽ ആർക്കും പരിക്കേറ്റിട്ടില്ല. ഗോവ മുൻ ചീഫ് സെക്രട്ടറിയും അന്തരിച്ച IAS ഉദ്യോഗസ്ഥനുമായ ടി. കിപ്ഗൻ്റെ കുടുംബത്തിന്റെ ഒരു വർഷത്തിലേറെയായി ഉപേക്ഷിക്കപ്പെട്ട വീട്ടിലാണ് തീപിടിത്തം ഉണ്ടായത്. തീപിടിത്തത്തിന്റെ കാരണം അന്വേഷിച്ച് വരികയാണെന്ന് അധികൃതർ പറഞ്ഞു.

National321 days ago

മണിപ്പുര്‍ മുഖ്യമന്ത്രിയുടെ വാഹനവ്യൂഹത്തിനുനേരെ ആക്രമണം

ആയുധധാരികളായ സംഘമാണ് മണിപ്പുര്‍ മുഖ്യമന്ത്രി ബിരേന്‍ സിങ്ങിന്റെ വാഹനവ്യൂഹത്തിനുനേരെ ആക്രമണം നടത്തിയത്. ആക്രമണത്തില്‍ സുരക്ഷാ ഉദ്യോഗസ്ഥന് പരിക്കേറ്റു. വാഹനവ്യൂഹം ഇംഫാലില്‍ നിന്ന് ജിരിബം ജില്ലയിലേക്ക് സഞ്ചരിക്കവേയാണ് ആക്രമണം. ജൂണ്‍ 6-ാം തീയതി മണിപ്പൂരില്‍ അജ്ഞാതരുടെ ആക്രമണത്തെ തുടര്‍ന്ന് ഒരാള്‍ മരണപ്പെട്ടിരുന്നു. ഇതിന്റെ പശ്ചാത്തലത്തിലാണ് മുഖ്യമന്ത്രി ജിരിബം ജില്ലയിലേക്ക് പുറപ്പെട്ടത്.

National327 days ago

മണിപ്പൂരില്‍ വീണ്ടും സംഘര്‍ഷം; 70തോളം വീടുകള്‍ക്ക് തീവെച്ചു

ജിരിബം ജില്ലയില്‍ തോക്കുധാരികളായി എത്തിയവര്‍ 70തോളം വീടുകള്‍ക്കും രണ്ട് പോലീസ് ഔട്ട്‌പോസ്റ്റുകള്‍ക്കും ഒരു ഫോറസ്റ്റ് ഓഫീസിനും തീവെച്ചു. ലാംതായ് ഖുനൂ, ദിബോംഗ് ഖുനൂ, നുങ്കാല്‍, ബെഗ്ര ഗ്രാമങ്ങളിലെ വീടുകള്‍ക്കാണ് തീവെച്ചത്. ആക്രമണത്തെ തുടര്‍ന്ന് സ്ത്രീകളും കുട്ടികളുമടങ്ങുന്ന 239 മെയ്‌തെയ് വിഭാഗക്കാരെ പുതിയ ദുരിതാശ്വാസ ക്യാമ്പിലേക്ക് മാറ്റി.

National328 days ago

മണിപ്പൂരില്‍ BJPക്ക് കനത്ത തിരിച്ചടി; രണ്ട് സീറ്റുകളിലും കോണ്‍ഗ്രസ് വ്യക്തമായ ലീഡ്

കലാപം തകര്‍ത്ത മണിപ്പൂരില്‍ ഭരണകക്ഷിയായ BJP തകര്‍ന്നടിയുകയാണ്. ഔട്ടര്‍ മണിപ്പുരില്‍ അമ്പതിനായിരം വോട്ടിന്റെ ലീഡാണ് കോണ്‍ഗ്രസ് സ്ഥാനാര്‍ത്ഥി ആല്‍ഫ്രഡ് കന്നഗം ആര്‍ത്തൂറിനുള്ളത്. ഇന്നര്‍ മണിപ്പൂരില്‍ കോണ്‍ഗ്രസ് സ്ഥാനാര്‍ത്ഥിയുടെ ലീഡ് എഴുപതിനായിരത്തിന് മുകളില്‍ കടന്നിട്ടുണ്ട്. കലാപം തുടങ്ങിയിട്ട് ഒരു വര്‍ഷത്തിലേറേയായിട്ടും ഒന്നും ചെയ്യാന്‍ തയ്യാറാകാത്ത NDA സര്‍ക്കാരിനെതിരെ കടുത്ത രോഷമുണ്ട്.

National333 days ago

കാസര്‍ഗോഡ് ഉറങ്ങിക്കിടന്ന പത്തുവയസുകാരിയെ തട്ടിക്കൊണ്ടുപോയി; കമ്മല്‍ മോഷ്ടിച്ച് ഉപേക്ഷിച്ചു

കാസര്‍ഗോഡ് പടന്നക്കാട് ഒഴിഞ്ഞ വളപ്പില്‍ ഇന്ന് പുലര്‍ച്ചെ മൂന്ന് മണിയോടെയായിരുന്നു സംഭവം. കുട്ടിയുടെ മുത്തശ്ശന്‍ പശുവിനെ കറക്കാന്‍ പോയ സമയത്താണ് വീട്ടില്‍ കയറിയ അക്രമി കുട്ടിയെ തട്ടിക്കൊണ്ടുപോയത്. പിന്നീട് കുട്ടിയുടെ കാതിലുണ്ടായിരുന്ന സ്വര്‍ണക്കമ്മല്‍ മോഷ്ടിച്ചശേഷം കുട്ടിയെ വീടിന് സമീപം ഉപേക്ഷിച്ച് കടന്നു കളഞ്ഞു. കണ്ണിനും കഴുത്തിനും പരിക്കേറ്റ കുട്ടിയെ കാഞ്ഞങ്ങാട് ജില്ലാ ആശുപത്രിയില്‍ പ്രവേശിപ്പിച്ചു. സംഭവത്തില്‍ പോലീസ് അന്വേഷണം ആരംഭിച്ചിട്ടുണ്ട്.

Kerala353 days ago

ആലിപ്പഴ വര്‍ഷം; മണിപ്പൂരില്‍ വ്യാപക നാശനഷ്ടം

മണിപ്പൂരിന്റെ വിവിധ ഭാഗങ്ങളില്‍ ഞായറാഴ്ചയുണ്ടായ ശക്തമായ ആലിപ്പഴ വര്‍ഷത്തില്‍ വീടുകള്‍ക്കും വാഹനങ്ങള്‍ക്കും കാര്‍ഷിക വിളകള്‍ക്കും വ്യാപക നാശനഷ്ടമുണ്ടായി. ഇംഫാല്‍ വെസ്റ്റ് ജില്ലയില്‍ ഇരുചക്രവാഹനങ്ങളിലെത്തിയ യാത്രക്കാര്‍ക്ക് ആലിപ്പഴ വര്‍ഷത്തില്‍ തലയ്ക്ക് പരിക്കേറ്റു. പ്രദേശത്ത് പാര്‍ക്ക് ചെയ്തിരുന്ന വാഹനങ്ങളുടെ ഗ്ലാസില്‍ വിള്ളലുകള്‍ വീണു. ആലിപ്പഴ വര്‍ഷത്തില്‍ തകര്‍ന്ന വീടുകള്‍ സര്‍ക്കാര്‍ നന്നാക്കി നല്‍കുമെന്ന് മണിപ്പൂര്‍ മുഖ്യമന്ത്രി എന്‍. ബിരേന്‍ സിങ് ഉറപ്പ് നല്‍കി.

National362 days ago