ജപ്പാന്റെ പുതിയ പ്രധാനമന്ത്രിയായി ഷിഗെരു ഇഷിബ

ജപ്പാന്റെ 102ാമത് പ്രധാനമന്ത്രിയായി ഷിഗെരു ഇഷിബ തിരഞ്ഞെടുക്കപ്പെട്ടു. ഫ്യൂമിയോ കിഷിദയുടെ പിന്‍ഗാമിയായാണ് സ്ഥാനമേല്‍ക്കുന്നത്. ഷിഗെരു ഇഷിബ ഒക്ടോബര്‍ ഒന്നിന് സത്യപ്രതിജ്ഞ ചെയ്ത് അധികാരമേല്‍ക്കും. ഒമ്പത് സ്ഥാനാര്‍ത്ഥികളാണ് പ്രധാനമന്ത്രി സ്ഥാനത്തേക്ക് മത്സരിച്ചത്.

World216 days ago

രാജി പ്രഖ്യാപിച്ച് ജപ്പാന്‍ പ്രധാനമന്ത്രി ഫുമിയോ കിഷിദ

ജപ്പാന്‍ പ്രധാനമന്ത്രി ഫുമിയോ കിഷിദ സെപ്റ്റംബറില്‍ സ്ഥാനമൊഴിയുമെന്നാണ് പ്രഖ്യാപിച്ചിരിക്കുന്നത്. നിരന്തര അഴിമതി ആരോപണങ്ങളും വിവാദങ്ങളും മൂലം ജനപ്രീതി ഇടിഞ്ഞത് കണക്കിലെടുത്താണ് കിഷിദോ സ്ഥാനമൊഴിയുന്നത്. ഭരണകക്ഷി നേതൃത്വം ഒഴിയുന്നുവെന്നും പുതിയ പ്രധാനമന്ത്രിയെ തെരഞ്ഞെടുക്കാനും കിഷിദ ലിബറല്‍ ഡെമോക്രാറ്റിക് പാര്‍ട്ടി നേതൃത്വത്തോട് അഭ്യര്‍ത്ഥിച്ചു.

World259 days ago

ദുരന്ത മേഖലയില്‍ ഞായറാഴ്ച ജനകീയ തിരച്ചില്‍

പ്രധാനമന്ത്രിയുടെ സന്ദര്‍ശനത്തോടനുബന്ധിച്ച് ജില്ലയില്‍ കര്‍ശന നിയന്ത്രണങ്ങളുള്ളതിനാല്‍ മുണ്ടക്കൈ, ചൂരല്‍മല ദുരന്തബാധിത പ്രദേശങ്ങളില്‍ നാളെ തിരച്ചില്‍ ഉണ്ടായിരിക്കില്ലെന്ന് ജില്ലാ കളക്ടര്‍ അറിയിച്ചു. സന്നദ്ധ പ്രവര്‍ത്തകര്‍, തിരച്ചിലുമായി ബന്ധപ്പെട്ട മറ്റുള്ളവര്‍ തുടങ്ങിയവര്‍ക്ക് ദുരന്തബാധിത പ്രദേശങ്ങളില്‍ പ്രവേശനം ഉണ്ടായിരിക്കില്ലെന്നും കളക്ടര്‍ വ്യക്തമാക്കി.

Kerala265 days ago

ജപ്പാനില്‍ ഭൂചലനം; സുനാമി മുന്നറിയിപ്പ് നല്‍കി

തെക്കന്‍ ജപ്പാനിലെ ക്യൂഷു ദ്വീപിലാണ് റിക്ടര്‍ സ്‌കെയിലില്‍ 7.1 തീവ്രത രേഖപ്പെടുത്തിയ ഭൂചലനം അനുഭവപ്പെട്ടത്. ക്യൂഷുവിന്റെ കിഴക്കന്‍ തീരത്ത് ഏകദേശം 30 കിലോമീറ്റര്‍ ആഴത്തിലാണ് ഭൂചലനത്തിന്റെ പ്രഭവകേന്ദ്രമെന്നാണ് റിപ്പോര്‍ട്ട്. ഭൂചലനത്തിന് പിന്നാലെ നിരവധി പ്രദേശങ്ങളില്‍ അധികൃതര്‍ സുനാമി മുന്നറിയിപ്പ് നല്‍കി. ഭൂകമ്പത്തില്‍ ഇതുവരെ വലിയ നാശനഷ്ടങ്ങളൊന്നും ഉണ്ടായിട്ടില്ലെന്നും സ്ഥിതിഗതികള്‍ സൂക്ഷ്മമായി നിരീക്ഷിച്ചു വരികയാണെന്നും അധികൃതര്‍ അറിയിച്ചു.

World266 days ago

മുഹമ്മദ് യൂനുസ് ബംഗ്ലാദേശ് പ്രധാനമന്ത്രിയാകും

ആഭ്യന്തര സംഘര്‍ഷം രൂക്ഷമായ ബംഗ്ലാദേശിലെ ഇടക്കാല സര്‍ക്കാരിനെ നൊബേല്‍ സമ്മാന ജേതാവും സാമ്പത്തിക വിദഗ്ധനുമായ ഡോ. മുഹമ്മദ് യൂനുസ് നയിക്കും. രാജിവെച്ച പ്രധാനമന്ത്രി ഷെയ്ഖ് ഹസീനയുടെ ശക്തനായ വിമര്‍ശകനാണ് യൂനുസ്. സര്‍ക്കാരിലെ മറ്റ് അംഗങ്ങളെയും ഉടന്‍ തന്നെ തീരുമാനിക്കുമെന്നാണ് റിപ്പോര്‍ട്ട്. അതേസമയം പ്രതിഷേധത്തിന് പിന്നാലെ രാജ്യം വിട്ട ഷെയ്ഖ് ഹസീന നിലവില്‍ ഇന്ത്യയില്‍ തുടരുകയാണ്.

World268 days ago

ബംഗ്ലാദേശ് പ്രധാനമന്ത്രി ഷെയ്ഖ് ഹസീന രാജിവെച്ചു

ബംഗ്ലദേശ് സര്‍ക്കാരിനെതിരായ പ്രക്ഷോഭം രൂക്ഷമായതോടെ പ്രധാനമന്ത്രി ഷെയ്ഖ് ഹസീന രാജിവെച്ചതായി റിപ്പോര്‍ട്ട്. ധാക്കയിലെ ഔദ്യോഗിക വസതിയില്‍നിന്നു ഹസീന സൈനിക ഹെലികോപ്റ്ററില്‍ സുരക്ഷിത കേന്ദ്രത്തിലേക്കു മാറിയതായാണ് വിവരം. ഹസീനയുടെ രാജി ആവശ്യപ്പെട്ട് ആയിരക്കണക്കിനാളുകള്‍ പ്രധാനമന്ത്രിയുടെ ഔദ്യോഗിക വസതിയിലെത്തി പ്രതിഷേധിച്ചു. 1971ലെ ബംഗ്ലദേശ് വിമോചനയുദ്ധത്തില്‍ രക്തസാക്ഷികളായവരുടെ കുടുംബങ്ങള്‍ക്കു സംവരണം ഏര്‍പ്പെടുത്തണമെന്ന ഹൈക്കോടതി വിധിയെത്തുടര്‍ന്നായിരുന്നു രാജ്യത്ത് പ്രക്ഷോഭം പൊട്ടിപ്പുറപ്പെട്ടത്.

World269 days ago

ജപ്പാനില്‍ അപൂര്‍വവും അപകടകാരിയുമായ ബാക്ടീരിയല്‍ അണുബാധ

രോഗബാധിതര്‍ ആയിരത്തിനടുത്ത് എത്തിയ സാഹചര്യത്തില്‍ കനത്ത ജാഗ്രതാ നിര്‍ദേശമാണ് പുറപ്പെടുവിച്ചിരിക്കുന്നത്. മാംസം ഭക്ഷിക്കുന്ന ബാക്ടീരിയ മൂലമുണ്ടാകുന്ന സ്‌ട്രെപ്‌റ്റോകോക്കല്‍ ടോക്‌സിക് ഷോക്ക് സിന്‍ഡ്രോം എന്ന അവസ്ഥയാണ് പടരുന്നത്. ഈ വര്‍ഷം ജൂണ്‍ വരെയുള്ള കണക്കെടുത്താല്‍ 977 കേസുകളാണ് റിപ്പോര്‍ട്ട് ചെയ്തിട്ടുള്ളത്. കൊഴുപ്പ്, പേശികള്‍, ചര്‍മം എന്നിവയെ നശിപ്പിക്കുന്ന ടോക്‌സിനുകള്‍ ഉത്പാദിപ്പിക്കുന്ന ബാക്ടീരിയല്‍ അണുബാധ ആയതുകൊണ്ടാണ് ഇതിനെ ഫ്‌ളെഷ് ഈറ്റിങ് ബാക്ടീരിയ എന്നുവിളിക്കുന്നത്.

Health317 days ago

ജപ്പാനിൽ ഹെലികോപ്റ്ററുകൾ കൂട്ടിയിടിച്ചു; ഒരു മരണം 7 പേരെ കാണാനില്ല

ടോറിഷിമ ദ്വീപിൽ വെച്ച് രാത്രി ഒരു ഹെലികോപ്റ്ററുമായുള്ള ആശയവിനിമയം നഷ്ടപ്പെട്ടു. ഏകദേശം 25 മിനിറ്റിനുശേഷം രണ്ടാമത്തെ ഹെലികോപ്റ്ററുമായുള്ള ബന്ധവും അതേ പ്രദേശത്ത് നിന്ന് നഷ്ടപ്പെടുക ആയിരുന്നു. ജപ്പാന്‍ സൈന്യത്തിന്‍റെ ഹെലികോപ്റ്ററുകൾ ആണ് അപകടത്തില്‍ പെട്ടത്. ഹെലികോപ്റ്ററുകളുടെ ചില ഭാഗങ്ങൾ കടലിൽ നിന്നും ലഭിച്ചതായി ജപ്പാന്‍ സെൽഫ് ഡിഫൻസ് ഫോഴ്‌സ് വക്താവ് പറഞ്ഞു.

World375 days ago

കറാച്ചിയില്‍ ജപ്പാന്‍ പൗരന്മാര്‍ സഞ്ചരിച്ച വാനിനുനേരെ ചാവേറാക്രമണം

ലാന്ധിയിലെ മുര്‍താസ ചോരാംഗിക്ക് സമീപമുള്ള റോഡിലാണ് ആക്രമണമുണ്ടായത്. ചാവേറാക്രമണത്തില്‍ സുസുക്കി മോട്ടോഴ്‌സിന്റെ അഞ്ച് ജാപ്പനീസ് പൗരന്മാര്‍ അത്ഭുതകരമായി രക്ഷപ്പെടുകയും ഒരു സുരക്ഷാ ഉദ്യോഗസ്ഥന്‍ കൊല്ലപ്പെടുകയും ചെയ്തു. ജാപ്പനീസ് പൗരന്‍മാര്‍ സഞ്ചരിച്ച വാനില്‍ വാഹനം ഇടിപ്പിക്കാന്‍ തീവ്രവാദികള്‍ ശ്രമിക്കുകയായിരുന്നുവെന്ന് പോലീസ് വ്യക്തമാക്കി. ഏറ്റുമുട്ടലില്‍ രണ്ടു തീവ്രവാദികളെയും സുരക്ഷസേന വധിച്ചു.

World377 days ago

തായ്‌വാന് പിന്നാലെ ജപ്പാനിലും ഭൂചലനം

ജപ്പാനിലെ ഹോണ്‍ഷുവിലെ കിഴക്കന്‍ തീരത്ത് ഫുകുഷിമ മേഖലയില്‍ റിക്ടര്‍ സ്‌കെയിലില്‍ 6 തീവ്രത രേഖപ്പെടുത്തിയ ഭൂചലനം ഉണ്ടായതായി യൂറോപ്യന്‍ മെഡിറ്ററേനിയന്‍ സീസ്മോളജിക്കല്‍ സെന്റര്‍ അറിയിച്ചു. ഭൂകമ്പത്തില്‍ ഇതുവരെ നാശനഷ്ടങ്ങളോ ആളപായമോ റിപ്പോര്‍ട്ട് ചെയ്തിട്ടില്ല. ജപ്പാന്റെ അയല്‍ പ്രദേശമായ തായ്‌വാനില്‍ കഴിഞ്ഞ ദിവസമുണ്ടായ ശക്തമായ ഭൂകമ്പത്തില്‍ ഒമ്പത് പേര്‍ മരണപ്പെടുകയും ആയിരത്തിലധികം പേര്‍ക്ക് പരിക്കേല്‍ക്കുകയും ചെയ്തിരുന്നു.

World392 days ago

കോംഗോയുടെ ആദ്യ വനിതാ പ്രധാനമന്ത്രിയായി ജൂഡിത്ത് സുമിന്‍വ ടുലുക ചുമതലയേറ്റു

രാജ്യത്തിന്റെ സമാധാനത്തിനും പുരോഗതിക്കും വേണ്ടി പ്രവര്‍ത്തിക്കുമെന്ന് ടുലുക ആദ്യ പ്രസംഗത്തില്‍ പറഞ്ഞു. ഡെമോക്രാറ്റിക് ഓഫ് റിപ്പബ്ലിക് ഓഫ് കോംഗോയുടെ മുന്‍ ആസൂത്രണ മന്ത്രിയായിരുന്നു ജൂഡിത്ത് സുമിന്‍വ ടുലുക. ദീര്‍ഘകാലമായി ആഭ്യന്തര കലാപം നടക്കുന്ന കോംഗോയില്‍ ഇതുവരെ 70 ലക്ഷം പേരാണ് അഭയാര്‍ത്ഥികളായത്. ലോകത്തിലെ ഏറ്റവും ദരിദ്ര രാജ്യങ്ങളിലൊന്നായ കോംഗോയില്‍ സംഘര്‍ഷം മൂലം ഏഴ് ദശലക്ഷം ആളുകള്‍ കുടിയിറക്കപ്പെട്ടുവെന്നാണ് UNന്റെ കണക്കുകളില്‍ വ്യക്തമാക്കുന്നത്.

World393 days ago