സംസ്ഥാനത്ത് കോളേജ് അധ്യാപകനാകാന്‍ ഇനി SET യോഗ്യത മതി

കോളേജ് അധ്യാപക നിയമനത്തിന് ഇനി NET അടിസ്ഥാന യോഗ്യതയാവില്ലെന്ന ഉത്തരവ് ഉന്നത വിദ്യാഭ്യാസ വകുപ്പ് പുറത്തിറക്കി. UGC അംഗീകരിച്ച യോഗ്യതാ പരീക്ഷകളാണ് SET ഉം SLET യും എന്നതാണ് പുതിയ മാറ്റത്തിനുളള കാരണം. കോളേജിയറ്റ് എജുക്കേഷൻ ചട്ടത്തില്‍ ഇതിനനുസരിച്ചുളള ഭേദഗതികള്‍ വരുത്തുന്നതാണ്.

Tags : Teachers,UGC

Education509 days ago

ക്ലസ്റ്റർ പരിശീലനത്തിൽ പങ്കെടുക്കാത്ത അധ്യാപകർക്ക് എതിരെ അച്ചടക്ക നടപടിയെടുക്കാൻ നിർദേശം

ക്ലസ്റ്റർ പരിശീലനങ്ങളിൽ നിന്ന് ചില അധ്യാപകർ വിട്ടുനിൽക്കുന്നു എന്ന വിലയിരുത്തലിന്റെ അടിസ്ഥാനത്തിലാണ് നടപടികൾ കർശനമാക്കാൻ തീരുമാനിച്ചത്. ഓഗസ്റ്റ് 24ന് നടക്കുന്ന ക്ലസ്റ്റർ യോഗത്തിൽ നിന്ന് മതിയായ കാരണങ്ങൾ ഇല്ലാതെ വിട്ടുനിൽക്കുന്ന അധ്യാപകർക്കെതിരെ കർശന നടപടി സ്വീകരിക്കണമെന്ന് പൊതുവിദ്യാഭ്യാസ ഡയറക്ടർ ഉത്തരവിറക്കി. ഇതിനായി എല്ലാ വിദ്യാഭ്യാസ ഓഫീസർമാരും തങ്ങൾക്ക് കീഴിലുള്ള ക്ലസ്റ്റർ കേന്ദ്രങ്ങൾ കൃത്യമായി മോണിറ്റർ ചെയ്യണമെന്ന് ഉത്തരവിൽ പറയുന്നു.

Kerala258 days ago

സർവകലാശാലകളിൽ വർഷത്തിൽ രണ്ട് തവണ പ്രവേശനം: പുതിയ മാറ്റവുമായി UGC

ഉന്നത വിദ്യാഭ്യാസ സ്ഥാപനങ്ങളിൽ വർഷത്തിൽ രണ്ട് തവണ പ്രവേശനം നടത്താൻ UGC യുടെ അനുമതി. UGC ചെയര്‍മാന്‍ ജഗ്ദീഷ് കുമാറാണ് ഇതുസംബന്ധിച്ച പ്രഖ്യാപനം നടത്തിയത്. അടുത്ത അധ്യയന വർഷം മുതൽ വിദ്യാർത്ഥികൾക്ക് ജനുവരി - ഫെബ്രുവരി, ജൂലൈ - ഓഗസ്റ്റ് മാസങ്ങളിൽ കോളേജുകളിൽ അഡ്മിഷൻ എടുക്കാനാകും. വിദേശ സർവകലാശാലകളുടെ പ്രവേശന നടപടികൾ മാതൃകയാക്കിയാണ് പുതിയ മാറ്റം എന്ന് UGC അറിയിച്ചു.

Education328 days ago

UGC നെറ്റ് പരീക്ഷ; അപേക്ഷാ തീയതി നീട്ടി

CSIR യുജിസി നെറ്റ് പരീക്ഷയ്ക്ക് മെയ് 27 രാത്രി 11.50 വരെ ഓണ്‍ലൈനായി അപേക്ഷിക്കാം. ഫീസ് അടയ്ക്കുന്നതിനുള്ള തീയതിയും 27 വെര നീട്ടിയിട്ടുണ്ട്. നേരത്തെ ഓണ്‍ലൈനായി രജിസ്റ്റര്‍ ചെയ്യുന്നതിനുള്ള അവസാന തീയതി ഇന്നലെ വരെയും ഫീസ് അടയ്ക്കുന്നതിനുള്ള അവസാന തീയതി മെയ് 23 വരെയുമായിരുന്നു. ജൂണ്‍ 25 മുതല്‍ 27 വരെയാണ് പരീക്ഷ. കൂടുതല്‍ വിവരങ്ങള്‍ക്ക് csirnet.nta.ac.in വെബ്‌സൈറ്റ് സന്ദര്‍ശിക്കേണ്ടതാണ്.

Education348 days ago

UGC നെറ്റ് പരീക്ഷ നീട്ടിവെച്ചു

ജൂണ്‍ 16ന് നടത്താനിരുന്ന പരീക്ഷ 18ലേക്കാണ് മാറ്റിവെച്ചിരിക്കുന്നത്. ജൂണ്‍ 16ന് സിവില്‍ സര്‍വീസ് പ്രിലിമിനറി പരീക്ഷ വരുന്നതിനാണ് ഈ മാറ്റം. ഉദ്യോഗാര്‍ത്ഥികള്‍ക്ക് രണ്ട് പരീക്ഷയും എഴുതാന്‍ അവസരം ഒരുക്കുന്നതിനായി ഉദ്യോഗാര്‍ത്ഥികളില്‍ നിന്നുള്ള ഫീഡ്ബാക്കും കണക്കിലെടുത്താണ് പരീക്ഷാ തീയതി നീട്ടിയതെന്ന് UGC ചെയര്‍മാന്‍ എം. ജഗദീഷ് കുമാര്‍ എക്‌സിലൂടെ അറിയിച്ചു. പരീക്ഷ മാറ്റിവെച്ചതുമായി ബന്ധപ്പെട്ട് വിജ്ഞാപനം ഉടന്‍ ഇറക്കും.

Education370 days ago

25 ശതമാനം അധികസീറ്റ്; വിദേശ വിദ്യാര്‍ത്ഥികളുടെ ബിരുദപ്രവേശന മാര്‍ഗരേഖ പുറത്തിറക്കി

നിലവില്‍ അനുവദിച്ച സീറ്റുകള്‍ക്ക് പുറമെയാണ് ബിരുദ, ബിരുദാനന്തര കോഴ്സുകളില്‍ അഡ്മിഷനെടുക്കുന്ന വിദേശ വിദ്യാര്‍ത്ഥികള്‍ക്ക് 25 ശതമാനം അധികസീറ്റ് അനുവദിക്കുമെന്ന് UGC അറിയിച്ചിരിക്കുന്നത്. അടിസ്ഥാനസൗകര്യങ്ങള്‍, അധ്യാപകരുടെ ലഭ്യത തുടങ്ങിയ ഘടകങ്ങള്‍ കണക്കിലെടുത്ത് അധിക സീറ്റ് അനുവദിക്കുന്നതിനുള്ള തീരുമാനം സ്ഥാപനങ്ങളില്‍ അധിഷ്ഠിതമാണെന്നും മാര്‍ഗരേഖയില്‍ പറയുന്നു. വിശദവിവരങ്ങള്‍ക്ക് ugc.gov.in എന്ന വെബ്‌സൈറ്റ് സന്ദര്‍ശിക്കാവുന്നതാണ്.

Education371 days ago

ബംഗാള്‍ അധ്യാപക നിയമന അഴിമതി; എല്ലാ അനധികൃത നിയമനങ്ങളും റദ്ദാക്കി ഹൈക്കോടതി

പശ്ചിമ ബംഗാള്‍ സ്‌കൂള്‍ സര്‍വീസ് കമ്മീഷന്റെ (WBSCC) സകൂള്‍ അധ്യാപകര്‍ക്കുളള 2016ലെ മുഴുവന്‍ റിക്രൂട്ട്‌മെന്റ് പാനലും റദ്ദാക്കി കൊല്‍ക്കത്ത ഹൈക്കോടതി. നിയമവിരുദ്ധമായി നിയമനം ലഭിച്ച അധ്യാപകര്‍ നാലാഴ്ച്ചയ്ക്കകം ശമ്പളം തിരികെ നല്‍കണമെന്നും റിക്രൂട്ട്മെന്റ് പ്രവേശന പരീക്ഷയുടെ 23 ലക്ഷം OMR ഷീറ്റുകള്‍ പുനര്‍മൂല്യനിര്‍ണയം നടത്തണമെന്നും കോടതി ഉത്തരവിട്ടു. Read More

National378 days ago

UGC നെറ്റ് പരീക്ഷയ്ക്ക് മെയ് 10 വരെ അപേക്ഷിക്കാം

UGC നെറ്റ് ജൂണ്‍ 2024ലേക്കുള്ള അപേക്ഷകള്‍ ക്ഷണിച്ചു. https://ugcnet.nta.ac.in/ എന്ന ഔദ്യോഗിക വെബ്സൈറ്റിലൂടെ മെയ് 10 രാത്രി 11.50 വരെ പരീക്ഷയ്ക്ക് രജിസ്റ്റര്‍ ചെയ്യാം. അപേക്ഷകളില്‍ മേയ് 13 മുതല്‍ 15 വരെ തിരുത്തലുകള്‍ സാധ്യമാണ്. ജൂണ്‍ 16നാണ് പരീക്ഷ. ജൂനിയര്‍ റിസര്‍ച്ച് ഫെല്ലോഷിപ്പിനും (JRF) അസിസ്റ്റന്റ് പ്രൊഫസര്‍ തസ്തികയ്ക്കുമുള്ള യോഗ്യതാനിര്‍ണയ പരീക്ഷയാണ് UGC നെറ്റ്.

Education378 days ago

ഇനി എല്ലാവര്‍ഷവും ഹയര്‍സെക്കന്‍ഡറി അധ്യാപകര്‍ക്ക് നിര്‍ബന്ധിത പരിശീലനം

വിദ്യാഭ്യാസത്തിന്റെ ഗുണമേന്മ ഉറപ്പാക്കാനാണ് ഈ തീരുമാനം. പുതിയ സ്‌കൂള്‍ പാഠ്യപദ്ധതി തൊഴില്‍ വിദ്യാഭ്യാസത്തെ അടിസ്ഥാനമാക്കിയുള്ളതാണ്. അതിനുസരിച്ച് അധ്യയനരീതി മാറ്റുകയും ഇതിനെല്ലാം അധ്യാപകരെ പാകപ്പെടുത്തുകയും ചെയ്യേണ്ടതുണ്ട്. 2018-19ല്‍ ഹയര്‍സെക്കന്‍ഡറി അധ്യാപക പരിശീലന പരിപാടി ആരംഭിച്ചിരുന്നെങ്കിലും ഇതുവരെ 5300 അധ്യാപകര്‍ മാത്രമേ പരിശീലനം നേടിയിട്ടുള്ളൂ. ആദ്യഘട്ടമായി 28,028 അധ്യാപകര്‍ക്ക് മെയ് മാസത്തില്‍ നാലുദിവസത്തെ പരിശീലനമുണ്ടാവും.

Kerala381 days ago

PhD പ്രവേശനം: യോഗ്യതാ മാനദണ്ഡങ്ങൾ പരിഷ്കരിച്ച് UGC

2024-25 അധ്യയന വർഷം മുതൽ NET സ്കോർ ഉള്ളവർക്ക് വിവിധ സർവകലാശാലകളുടെ എൻട്രൻസ് പരീക്ഷ എഴുതാതെ PhD പ്രവേശനം നേടാനാകും. മുമ്പ് NET ന് പുറമെ JRF കൂടി ഉള്ളവർ മാത്രമേ നേരിട്ട് PhD പ്രവേശനത്തിന് യോഗ്യത നേടിയിരുന്നുള്ളു. JRF ഇല്ലാത്തവർക്ക് എൻട്രൻസ് പരീക്ഷ പാസായാൽ മാത്രമാണ് PhD പ്രവേശനം ലഭിച്ചിരുന്നത്. എന്നാൽ ഇനി മുതൽ NET പരീക്ഷയിൽ നിശ്ചിത കട്ട് ഓഫ് മാർക്ക് നേടുന്നവർക്ക് നേരിട്ട് PhD പ്രവേശനം ലഭിക്കും. പുതിയ നയം എല്ലാ സർവകലാശാലകളും പാലിക്കണമെന്ന് UGC ഉത്തരവിൽ വ്യക്തമാക്കി.

Education403 days ago

ലോക്സഭാ തിരഞ്ഞെടുപ്പ്; കോമണ്‍ യൂണിവേഴ്സിറ്റി എന്‍ട്രന്‍സ് ടെസ്റ്റിന്റെ തീയതി മാറ്റുമെന്ന് UGC

മേയ് 15 മുതല്‍ 31 വരെ CUET-UG 2024 പരീക്ഷ നടത്തുമെന്നായിരുന്നു നാഷണല്‍ ടെസ്റ്റിങ് ഏജന്‍സി പ്രഖ്യാപിച്ചിരുന്നത്. എന്നാല്‍ പരീക്ഷ തീയതി മാറ്റുമെന്നും തിരഞ്ഞെടുപ്പ് തീയതികള്‍ പ്രഖ്യാപിച്ച ശേഷം പരീക്ഷാ തീയതി സംബന്ധിച്ച് തീരുമാനമെടുക്കുമെന്നും UGC ചെയര്‍മാന്‍ ജഗദീഷ് കുമാര്‍ വ്യക്തമാക്കി. മാര്‍ച്ച് 26 ആണ് CUET-UG 2024ന് അപേക്ഷിക്കാനുള്ള അവസാന തീയതി.

National427 days ago