ഡീപ്ഫേക്ക് ദുരുപയോഗം; സോഷ്യല്‍ മീഡിയ പ്ലാറ്റ്‌ഫോമുകള്‍ക്ക് മുന്നറിയിപ്പ് നൽകി കേന്ദ്രം

ഡീപ്ഫേക്ക് ചിത്രങ്ങള്‍ പ്രചരിപ്പിച്ചാല്‍ 3 വർഷം തടവും 1 ലക്ഷം പിഴയുമാണെന്ന ഓര്‍മപ്പെടുത്തല്‍ സോഷ്യല്‍ മീഡിയ പ്ലാറ്റ്ഫോമുകള്‍ക്ക് നല്‍കി കേന്ദ്ര സര്‍ക്കാര്‍. ആർട്ടിഫിഷ്യൽ ഇന്‍റലിജൻസ് ഉപയോഗിച്ച് വ്യാജ ഫോട്ടോകളും വീഡിയോകളും നിര്‍മിക്കുന്ന സാങ്കേതിക വിദ്യയാണ് ഡീപ്ഫേക്ക്.

Technology543 days ago

കുട്ടികൾ സോഷ്യൽ മീഡിയ ഉപയോഗിക്കുന്നതിന് പ്രായപരിധി ഏർപ്പെടുത്താനൊരുങ്ങി ഓസ്‌ട്രേലിയ

കുട്ടികള്‍ സോഷ്യല്‍ മീഡിയ ഉപയോഗിക്കുന്നതിന് കുറഞ്ഞ പ്രായപരിധി ഏര്‍പ്പെടുത്തുന്നതിനായി ഈ വർഷം നിയമനിർമാണം നടത്തുമെന്ന് ഓസ്‌ട്രേലിയൻ ഗവൺമെന്റ്. എന്നാൽ പ്രായം എങ്ങനെ പരിശോധിക്കുമെന്ന് ഇതുവരെ പ്രഖ്യാപിച്ചിട്ടില്ല. കുട്ടികളുടെ പ്രായം സ്ഥിരീകരിക്കുന്നതിനായി സർക്കാർ കൊണ്ടുവന്ന സാങ്കേതിക വിദ്യ ഉടന്‍ പരീക്ഷിക്കുമെന്ന് പ്രധാനമന്ത്രി ആന്റണി അല്‍ബാനീസ് പറഞ്ഞു. 14,15,16 എന്നീ വയസുകളിലേതെങ്കിലുമായിരിക്കും പ്രായപരിധിയായി നിശ്ചയിക്കുക. സോഷ്യല്‍ മീഡിയ വഴി കുട്ടികളെ ഉപദ്രവിക്കുകയും ഭീഷണിപ്പെടുത്തുകയും ചെയ്യുന്നത് പൂര്‍ണമായും ഇല്ലാതാക്കുന്നതിന് വേണ്ടിയാണ് ഇത്തരത്തിലൊരു നിയമ നിര്‍മാണനത്തിന് തയ്യാറെടുക്കുന്നത്.

World235 days ago

ഏറ്റെടുക്കല്‍ ചര്‍ച്ചകള്‍ പരാജയം; എക്‌സിന്റെ ഇന്ത്യന്‍ ബദല്‍ ‘കൂ’ അടച്ചുപൂട്ടുന്നു

എക്‌സിന്റെ ഇന്ത്യന്‍ ബദല്‍ എന്ന വിശേഷണവുമായി ആരംഭിച്ച സോഷ്യല്‍ മീഡിയ പ്ലാറ്റ്‌ഫോം 'കൂ' പ്രവര്‍ത്തനം അവസാനിപ്പിക്കുന്നു. 2020ല്‍ അപ്രമേയ രാധാകൃഷ്ണയും മായങ്ക് ബിദാവത്കയും ചേര്‍ന്ന് ആരംഭിച്ച സ്റ്റാര്‍ട്ടപ്പാണ് കൂ. ഒന്നിലധികം കമ്പനികളുമായും മീഡിയ ഹൗസുകളുമായും നടത്തിയ ഏറ്റെടുക്കല്‍ ചര്‍ച്ചകള്‍ പരാജയപ്പെട്ടതിനെത്തുടര്‍ന്നാണ് കമ്പനി പ്രവര്‍ത്തനം അവസാനിപ്പിക്കുന്നത്. സോഷ്യല്‍ മീഡിയ ആപ്പ് പ്രവര്‍ത്തിപ്പിക്കുന്നതിന് ചെലവ് കൂടുതലായതിനാലാണ് അടച്ചുപൂട്ടാന്‍ തീരുമാനിച്ചതെന്നും രാധാകൃഷ്ണ പറഞ്ഞു.

Technology304 days ago

ഡീപ്പ് ഫേക്കുകള്‍ തിരിച്ചറിയാനുള്ള പുതിയ ടൂളുമായി ഓപ്പണ്‍ AI

ഓപ്പണ്‍ AIയുടെ DALL-E എന്ന ടെക്‌സ്റ്റ് ടു ഇമേജ് ജനറേറ്റര്‍ ഉപയോഗിച്ച് നിര്‍മിച്ച ചിത്രങ്ങള്‍ കണ്ടുപിടിക്കുന്നതിനുള്ള പുതിയ ടൂളാണ് അവതരിപ്പിച്ചിരിക്കുന്നത്. DALL-E ഉപയോഗിച്ച് നിര്‍മിച്ച 98 ശതമാനം ചിത്രങ്ങളെയും കണ്ടെത്താനുള്ള ശേഷി ഈ ടൂളിനുണ്ടെന്നാണ് കമ്പനി പറയുന്നത്. ചിത്രങ്ങള്‍ ക്രോപ്പ് ചെയ്താലും, കംപ്രസ് ചെയ്താലും, സാച്ചുറേഷനില്‍ മാറ്റങ്ങള്‍ വരുത്തിയാലും ഈ ടൂളിന് കണ്ടെത്താനാവും.

Technology360 days ago

ഡീപ് ഫേക്ക് വീഡിയോയ്‌ക്കെതിരെ പരാതി നൽകി നടൻ രൺവീർ സിംഗ്

രൺവീർ സിംഗ് ഒരു രാഷ്ട്രീയ പാർട്ടിയെ പിന്തുണയ്ക്കുന്നതായി ഉളള ഡീപ് ഫേക്ക് വീഡിയോ ആണ് വ്യാപകമായി പ്രചരിച്ചത്. വാരണാസി സന്ദർശന വേളയിൽ രൺവീർ നല്‍കിയ അഭിമുഖത്തിന്‍റെ വീഡിയോ യഥാർത്ഥമാണെങ്കിലും AI ഉപയോഗിച്ച് ഓഡിയോ വ്യാജമായി നിര്‍മിച്ചാണ് ഡീപ് ഫേക്ക് സൃഷ്ടിച്ചത്. തൊഴിലില്ലായ്മയും പണപ്പെരുപ്പവും സംബന്ധിച്ച് പ്രധാനമന്ത്രിയെ രൺവീർ വിമർശിക്കുന്നതാണ് ഡീപ്ഫേക്കിൽ ഉളളത്. നേരത്തെ, സമാനമായ രീതിയില്‍ ഉളള നടൻ ആമിർ ഖാന്‍റെ ഡീപ് ഫേക്ക് വീഡിയോയും സോഷ്യൽ മീഡിയയിൽ വൈറലായിരുന്നു.

National376 days ago

ഇന്ത്യയില്‍ നിന്നുള്ള രണ്ട് ലക്ഷത്തിലേറെ അക്കൗണ്ടുകള്‍ക്ക് വിലക്കേര്‍പ്പെടുത്തി എക്സ്

ഫെബ്രുവരി 26 നും മാര്‍ച്ച് 25 നും ഇടയില്‍ 2,12,627 അക്കൗണ്ടുകള്‍ക്കാണ് ഇലോണ്‍ മസ്‌കിന്റെ സോഷ്യല്‍ മീഡിയാ സേവനമായ എക്സ് വിലക്കേര്‍പ്പെടുത്തിയത്. സമ്മതമില്ലാതെ പങ്കുവെക്കപ്പെട്ട നഗ്‌ന ഉള്ളടക്കങ്ങളും കുട്ടികളെ ലൈംഗികമായി ചൂഷണം ചെയ്യുന്ന ഉള്ളടക്കങ്ങളും പ്രചരിപ്പിച്ച അക്കൗണ്ടുകളാണ് വിലക്കിയത്. കമ്പനിയുടെ പരാതി പരിഹാര സംവിധാനത്തിലൂടെ 5158 പരാതികള്‍ ലഭിച്ചതായി പ്രതിമാസ റിപ്പോര്‍ട്ടില്‍ എക്സ് പറയുന്നു.

National385 days ago

ഡീപ് ഫേക്ക് തട്ടിപ്പുകള്‍ തടയേണ്ടതുണ്ടെന്ന് പ്രധാനമന്ത്രി നരേന്ദ്ര മോദി

ഡീപ് ഫേക്ക് തട്ടിപ്പുകളുടെ ആരംഭ കാലത്തിലൂടെ ആണ് നമ്മൾ‌ കടന്നു പോകുന്നത്. AI ദുരുപയോഗം ചെയ്യാന്‍ സാധ്യതകള്‍ ഏറെയാണ്. AI നിർമിത ഉള്ളടക്കങ്ങൾക്ക് വാട്ടർ മാർക്ക് നിർബന്ധമാക്കുന്നത് തട്ടിപ്പുകള്‍ ഒരു പരിധി വരെ തടഞ്ഞേക്കാം എന്നും നരേന്ദ്ര മോദി ബിൽഗേറ്റ്സുമായി ഡല്‍ഹിയില്‍ നടത്തിയ കൂടിക്കാഴ്ചയില്‍ പറഞ്ഞു. അതേസമയം AI ഒരു വലിയ അവസരമാണ് എങ്കിലും അതോടൊപ്പം വെല്ലുവിളികളും ഉയര്‍ത്തുന്നുണ്ടെന്ന് ബില്‍ ഗേറ്റ്സ് പറഞ്ഞു.

National400 days ago

സാമൂഹിക മാധ്യമങ്ങളില്‍ ആരോഗ്യവകുപ്പ് ഉദ്യോഗസ്ഥര്‍ പോസ്റ്റിടുന്നത് വിലക്കിയ ഉത്തരവ് റദ്ദാക്കി

ഭരണപരമായ കാരണത്താലാണ് വിലക്കേര്‍പ്പെടുത്തി കൊണ്ട് പുറത്തിറക്കിയ ഉത്തരവ് പിന്‍വലിച്ചിരിക്കുന്നതെന്നാണ് വിശദീകരണം. വിലക്കേര്‍പ്പെടുത്തിയതിനെ തുടര്‍ന്ന് കേരള ഗവണ്‍മെന്റ് മെഡിക്കല്‍ ഓഫീസേഴ്‌സ് അസോസിയേഷന്റെയും( KGMOA) ഇന്ത്യന്‍ മെഡിക്കല്‍ അസോസിയേഷന്റെയും(IMA) ഭാഗത്ത് നിന്ന് വിമര്‍ശനം ഉയര്‍ന്നിരുന്നു. സാമൂഹിക മാധ്യമങ്ങളില്‍ പോസ്റ്റിടുന്നതിനും ചാനല്‍ തുടങ്ങുന്നതിനുമാണ് വിലക്ക് ഏര്‍പ്പെടുത്തിയത്.

Kerala408 days ago

ഡീപ് ഫേക്ക് വിഡിയോയില്‍ 90 ലക്ഷം രൂപ നഷ്ടപരിഹാരം ആവശ്യപ്പെട്ട് ഇറ്റലി പ്രധാനമന്ത്രി

ഇറ്റലിയുടെ പ്രധാനമന്ത്രി ജോർജിയ മെലോനി നഷ്ടപരിഹാരത്തിനായി കോടതിയെ സമീപിച്ചു. മെലോനി പ്രധാനമന്ത്രിയായി അധികാരമേൽക്കുന്നതിനു മുൻപ് നിര്‍മിച്ചതാണ് ഡീപ് ഫേക്ക് വിഡിയോകള്‍. 2020 ൽ US ലെ ഒരു അശ്ലീല വെബ്സൈറ്റിൽ പ്രസിദ്ധപ്പെടുത്തിയ വീഡിയോകള്‍ ലക്ഷക്കണക്കിന് ആളുകളാണ് കണ്ടത്. ആര്‍ട്ടിഫിഷ്യല്‍ ഇന്‍റലിജന്‍സ് ഉപയോഗിച്ച് ഒരാളുടെ മുഖം മറ്റൊരാളുടേതിൽ കൃത്രിമമായി ചേർക്കുകയാണ് ഡീപ് ഫേക്കില്‍ ചെയ്യുന്നത്.

World408 days ago

SPB യുടെ ശബ്‌ദം AI ഉപയോഗിച്ച് പുനസൃഷ്ടിച്ചതിനെതിരെ കുടുംബം രംഗത്ത്

അന്തരിച്ച ഗായകൻ എസ്.പി ബാലസുബ്രമണ്യത്തിന്റെ ശബ്‌ദം ഡീപ്ഫേക്ക് സാങ്കേതിക വിദ്യയിലൂടെ അനുമതി ഇല്ലാതെ പുനസൃഷ്ടിച്ചതിന് തെലുങ്ക് ചിത്രമായ കീഡാ കോളയുടെ നിർമ്മാതാക്കൾക്കും സംഗീതസംവിധായകർക്കും SPB യുടെ മകൻ എസ്.പി കല്യാൺ വക്കീൽ നോട്ടീസ് അയച്ചു. അദ്ദേഹത്തിന്റെ ശബ്‌ദം അനശ്വരമായി നിലനിർത്തുന്നതിന് സാങ്കേതികവിദ്യ ഉപയോഗിക്കുന്നതിനെ പിന്തുണയ്ക്കുന്നുണ്ടെന്നും എന്നാൽ ഇത് വാണിജ്യ ആവശ്യങ്ങൾക്കായി ഉപയോഗിച്ചതിൽ നിരാശയുണ്ടെന്നും എസ്.പി കല്യാൺ പറഞ്ഞു.

Entertainment441 days ago

സോഷ്യല്‍ മീഡിയകള്‍ ദോഷകരമായി ബാധിച്ച കുട്ടികളുടെ മാതാപിതാക്കളോട് ക്ഷമ ചോദിച്ച് മാർക്ക് സക്കർബർഗ്

സോഷ്യല്‍ മീഡിയ പ്ലാറ്റ്ഫോമുകളില്‍ നിന്ന് കുട്ടികള്‍ക്ക് നേരിട്ട ലൈംഗിക അതിക്രമങ്ങളും ഭീഷണികളും ചെറുക്കുന്നതില്‍ ഈ ആപ്പുകള്‍ പരാജയം നേരിട്ടതിനെ തുടർന്ന് അമേരിക്കൻ സെനറ്റില്‍ നടന്ന ഹിയറിങ്ങിലായിരുന്നു മെറ്റാ CEO മാർക്ക് സക്കർബർഗിന്‍റെ ക്ഷമാപണം. മെറ്റയ്ക്കെതിരെ നിരവധി സംസ്ഥാനങ്ങള്‍ കേസ് ഫയല്‍ ചെയ്തിരുന്നു. ടിക്ടോക്ക്, സ്നാപ്പ്, എക്സ് എന്നീ പ്ലാറ്റ്ഫോമുകളിലെ ഉന്നത ഉദ്യോഗസ്ഥരും സെനറ്റ് ജുഡിഷ്യറി കമ്മിറ്റിയില്‍ നിന്നും വിമർശനം നേരിട്ടു.

Technology457 days ago