ഏഷ്യന്‍ കപ്പ് ഫുട്‌ബോള്‍; സെമിഫൈനലില്‍ ഇന്ന് ദക്ഷിണ കൊറിയ ജോര്‍ദാനെ നേരിടും

ഇന്ന് വൈകിട്ട് ആറ് മണിക്ക് അഹ്‌മദ് ബിന്‍ അലി സ്റ്റേഡിയത്തിലാണ് മത്സരം നടക്കുക. ഏഷ്യന്‍ കപ്പിന്റെ ഗ്രൂപ്പ് ഘട്ടത്തില്‍ ദക്ഷിണ കൊറിയയും ജോര്‍ദാനും ഏറ്റുമുട്ടിയ മത്സരം സമനിലയിലാണ് പിരിഞ്ഞത്. ഇഞ്ചുറി ടൈമിലാണ് ദക്ഷിണ കൊറിയ സമനില ഗോള്‍ നേടിയത്. ഫിഫ റാങ്കിങ്ങില്‍ ജോര്‍ദാന്‍ 87ാം സ്ഥാനത്തും ദക്ഷിണ കൊറിയ 23ാം സ്ഥാനത്തുമാണ്.

Tags : Jordan,South Korea,Asian Cup

Sports452 days ago

വേതന വര്‍ധനവ് ആവശ്യപ്പെട്ട് സാംസങ്ങില്‍ അനിശ്ചിതകാല തൊഴിലാളിസമരം

ദക്ഷിണകൊറിയയിലെ സാംസങ് ഇലക്ട്രോണിക്സിലാണ് തൊഴിലാളികള്‍ വേതന വര്‍ധനവ് ആവശ്യപ്പെട്ട് തിങ്കളാഴ്ച മുതല്‍ അനിശ്ചിതകാല സമരം തുടങ്ങിയത്. മൂന്ന് ദിവസത്തേക്ക് പ്രഖ്യാപിച്ച മരമാണ് അനിശ്ചിതകാലത്തേക്ക് മാറ്റിയിരിക്കുന്നത്. വേതന വര്‍ധനവ്, ജോലിയിലെ കാര്യക്ഷമതയ്ക്ക് അനുസൃതമായ ബോണസ്, യൂണിയന്റെ സ്ഥാപകദിനത്തില്‍ അവധി തുടങ്ങിയവയാണ് സമരം ചെയ്യുന്നവരുടെ ആവശ്യങ്ങള്‍. കമ്പനിയുടെ രണ്ടാംപാദ പ്രവര്‍ത്തന ലാഭത്തില്‍ വലിയ വര്‍ധനവുണ്ടാകുമെന്ന് പ്രവചിക്കപ്പെട്ടതിന് പിന്നാലെയാണ് സമരം പ്രഖ്യാപിച്ചത്.

World296 days ago

രണ്ടാമത്തെ സൈനിക ചാര ഉപഗ്രഹം വിക്ഷേപിച്ച് സൗത്ത് കൊറിയ

ഫ്‌ളോറിഡയിലെ കെന്നഡി ബഹിരാകാശ കേന്ദ്രത്തില്‍ നിന്ന് ഞായറാഴ്ച വൈകുന്നേരത്തോടെയാണ് ഉപഗ്രഹം വിക്ഷേപിച്ചത്. റോക്കറ്റില്‍ നിന്ന് സൈനിക ചാര ഉപഗ്രഹം വിജയകരമായി വേര്‍പ്പെടുത്തിയതായി സൗത്ത് കൊറിയന്‍ പ്രതിരോധ മന്ത്രാലയം അറിയിച്ചു. ഈ വര്‍ഷം ഒന്നിലധികം രഹസ്യാന്വേഷണ ഉപഗ്രഹങ്ങള്‍ വിക്ഷേപിക്കുമെന്ന് ഉത്തര കൊറിയ വ്യക്തമാക്കിയതിന് പിന്നാലെയാണ് സൗത്ത് കൊറിയയുടെ ഈ നീക്കം. ഇലോണ്‍ മസ്‌കിന്റെ സ്പേസ് എക്സുമായുള്ള കരാരിന്റെ അടിസ്ഥാനത്തില്‍ 2025ഓടെ അഞ്ച് ചാര ഉപഗ്രഹങ്ങള്‍ ദക്ഷിണ കൊറിയ വിക്ഷേപിക്കുമെന്നാണ് റിപ്പോര്‍ട്ട്.

World389 days ago

ഉത്തരകൊറിയ ബാലിസ്റ്റിക് മിസൈല്‍ വിക്ഷേപിച്ചതായി ദക്ഷിണകൊറിയ

ജപ്പാന്‍ കടലിലേക്കാണ് ഉത്തരകൊറിയ മിസൈല്‍ വിക്ഷേപിച്ചതെന്ന് ദക്ഷിണകൊറിന്‍ സൈന്യത്തിന്റെ ജോയിന്റ് ചീഫ് ഓഫ് സ്റ്റാഫ് അറിയിച്ചു. ഖര-ഇന്ധന എഞ്ചിനുള്ള പുതിയ തരം ഇന്റര്‍മീഡിയറ്റ് റേഞ്ച് ഹൈപ്പര്‍സോണിക് മിസൈലാണ് വിക്ഷേപിച്ചതെന്നാണ് റിപ്പോര്‍ട്ട്. ഉത്തരകൊറിയ ഈ വര്‍ഷം ഇതുവരെ നടത്തിയ മൂന്നാമത്തെ ബാലിസ്റ്റിക് മിസൈല്‍ പരീക്ഷണമായിരുന്നു ഇത്. ഉത്തര കൊറിയ മിസൈല്‍ വിക്ഷേപിച്ചതായി ജപ്പാനും സ്ഥിരീകരിച്ചു.

World396 days ago

സൗത്ത് കൊറിയയില്‍ തിരഞ്ഞെടുപ്പിന് മുന്നോടിയായി AI നിര്‍മിത ഡീപ്പ് ഫേക്ക് വീഡിയോകള്‍ വ്യാപിക്കുന്നു

തിരഞ്ഞെടുപ്പ് പ്രചാരണ ആവശ്യങ്ങള്‍ക്കായി AI നിര്‍മിത ഡീപ്പ് ഫേക്ക് വീഡിയോകളും ചിത്രങ്ങളും രാജ്യത്ത് പ്രചരിക്കുന്നത് ആശങ്ക ഉയര്‍ത്തുകയാണ്. തിരഞ്ഞെടുപ്പ് പ്രചാരണ ആവശ്യങ്ങള്‍ക്കായി ഡീപ്പ് ഫേക്കുകള്‍ ഉപയോഗിക്കാന്‍ പാടില്ലെന്ന പുതിയ തിരഞ്ഞെടുപ്പ് നിയമത്തിന്റെ ലംഘനമാണ് ഇത്. ജനുവരി 29 മുതല്‍ കഴിഞ്ഞയാഴ്ച വരെ 129 AI നിര്‍മിത ഉള്ളടക്കങ്ങള്‍ കണ്ടെത്തിയതായി നാഷണല്‍ ഇലക്ഷന്‍ കമ്മീഷന്‍ അറിയിച്ചു.

World439 days ago

ഏഷ്യന്‍ കപ്പ്: ഖത്തറും ജോര്‍ദാനും ഇന്ന് ഫൈനലിനിറങ്ങും

ദോഹയിലെ ലുസൈല്‍ സ്‌റ്റേഡിയത്തില്‍ ഇന്ത്യന്‍ സമയം രാത്രി 8.30ന് (ഖത്തര്‍ സമയം 6ന്) ആണ് ആതിഥേയരും നിലവിലെ ജേതാക്കളുമായ ഖത്തറും ടൂര്‍ണമെന്റ് ചരിത്രത്തില്‍ തന്നെ ആദ്യമായി ഫൈനലിലെത്തുന്ന ജോര്‍ദാനും മത്സരത്തിനിറങ്ങുന്നത്. സെമിഫൈനലില്‍ കരുത്തരായ ഇറാനെ പരാജയപ്പെടുത്തിയാണ് ഖത്തര്‍ ഫൈനലിലേക്ക് പ്രവേശിച്ചത്. ദക്ഷിണ കൊറിയയെ മറുപടിയില്ലാത്ത രണ്ട് ഗോളിന് തകര്‍ത്താണ് ജോര്‍ദാന്‍ യോഗ്യത നേടിയത്.

Sports448 days ago

ഏഷ്യന്‍ കപ്പ് ഫുട്‌ബോളില്‍ ഖത്തര്‍ ഫൈനലില്‍

ഖത്തറിലെ അല്‍ തുമാമ സ്റ്റേഡിയത്തില്‍ നടന്ന സെമിഫൈനല്‍ മത്സരത്തില്‍ ഇറാനെ രണ്ടിനെതിരെ മൂന്ന് ഗോളുകള്‍ക്കാണ് ആതിഥേയര്‍ പരാജയപ്പെടുത്തിയത്. ഖത്തറിനായി ജസീം ഗാബര്‍ അബ്ദസ്സലാമും അക്രം അഫീഫും അല്‍മോയസ് അലിയുമാണ് ഗോളുകള്‍ നേടിയത്. ശനിയാഴ്ച രാത്രി നടക്കുന്ന ഫൈനലില്‍ ഖത്തര്‍ ജോര്‍ദാനെ നേരിടും.

Sports450 days ago

ഏഷ്യന്‍ കപ്പിൽ നിന്ന് ഇന്ത്യ പുറത്ത്

ഗ്രൂപ്പ് പോരാട്ടത്തില്‍ സിറിയക്കെതിരെ ഏകപക്ഷീയമായ ഒരു ഗോളിന് ഇന്ത്യ പരാജയപ്പെട്ടു. 6-ാം മിനിറ്റില്‍ ഖബ്രിനാണ് സിറിയയുടെ വിജയഗോള്‍ നേടിയത്. ചരിത്രത്തിലാദ്യമായി സിറിയ ഏഷ്യന്‍ കപ്പ് പ്രീ ക്വാര്‍ട്ടര്‍ യോഗ്യത നേടിയപ്പോള്‍ മൂന്ന് കളികളിലും തോറ്റ ഇന്ത്യ പുറത്തായി.

Sports466 days ago

ഏഷ്യൻ കപ്പിൽ ഇന്ത്യ ഇന്ന് സിറിയയെ നേരിടും

ഗ്രൂപ്പ് ഘട്ടത്തിലെ അവസാന മത്സരത്തിൽ ഇന്ത്യ ഇന്ന് സിറിയയെ നേരിടും. ഇന്ന് വൈകിട്ട് അഞ്ച് മണിക്കാണ് മത്സരം. നോക്ക് ഔട്ട് റൗണ്ടിൽ എത്താനുള്ള നേരിയ സാധ്യതകൾ നിലനിർത്താൻ ഇന്ത്യക്ക് ഇന്നത്തെ നിർണായക മത്സരത്തിൽ വിജയം അനിവാര്യമാണ്.

Sports466 days ago

ഏഷ്യന്‍ കപ്പ് ഫുട്‌ബോള്‍: ഇന്ത്യക്ക് തുടര്‍ച്ചയായ രണ്ടാം പരാജയം

ഏഷ്യന്‍ കപ്പ് ഫുട്‌ബോളില്‍ ഇന്ത്യ ഉസ്‌ബെക്കിസ്ഥാനോടും പരാജയപ്പെട്ടു. എതിരില്ലാത്ത മൂന്ന് ഗോളുകള്‍ക്കാണ് ഉസ്‌ബെക്കിസ്ഥാന്‍ ഇന്ത്യയെ പരാജയപ്പെടുത്തിയത്. ഇന്ത്യയുടെ ഇന്നത്തെ തോല്‍വി നോക്ഔട്ട് റൗണ്ടില്‍ പ്രവേശിക്കുന്നതിന് തിരിച്ചടിയാകും.

Sports470 days ago

ഏഷ്യൻ കപ്പിൽ ഇന്ത്യ ഇന്ന് ഉസ്ബെക്കിസ്ഥാനെ നേരിടും

അല്‍റയ്യാൻ സ്റ്റേഡിയത്തില്‍ രാത്രി 8 മണിക്കാണ് മത്സരം. ടൂര്‍ണമെന്റിലെ ആദ്യ മത്സരത്തില്‍ ഇന്ത്യ ഓസ്ട്രേലിയയോട് 2-0ത്തിന് പരാജയപ്പെട്ടിരുന്നു. ഇന്നത്തെ മത്സരത്തിൽ സമനിലയിലൂടെ ഒരുപോയിന്റെങ്കിലും നേടി നോക്കൗട്ട് സാധ്യത നിലനിർത്താനാണ് സുനില്‍ ഛെത്രിയും സംഘവും ശ്രമിക്കുക.

Sports471 days ago