പുതുതലമുറ ലൂണ എത്തുന്നു ഇലക്ട്രിക് കരുത്തോടെ

ഈ വാഹനം വീണ്ടും എത്തിക്കുന്നത് ഗ്രാമപ്രദേശങ്ങളെ ഉദ്ദേശിച്ചാണെന്ന് കൈനെറ്റിക് ഗ്രീന്‍ അറിയിച്ചു. ലൂണ X1, X2 എന്നീ മോഡലുകളാണ് വിപണിയില്‍ എത്തിയിരിക്കുന്നത്. X1ന് 69990 രൂപയും X2ന് 74,990 രൂപയുമാണ് പ്രാരംഭ വില. 1 kW ശേഷിയുള്ള ബാറ്ററി പാക്കാണ് ലൂണയ്ക്കുള്ളത്. 1.2 kW ശേഷിയുള്ള മോട്ടോറാണ് ലൂണയ്ക്ക് കരുത്തേകുന്നത്. ഒറ്റത്തവണ ചാര്‍ജ് ചെയ്താല്‍ 110 KM സഞ്ചരിക്കാന്‍ സാധിക്കും.

Tags : Two Wheelers,Electric Scooter,E-Luna Electric

Automobile448 days ago

ബെര്‍മിങ്ഹാം സ്മോള്‍ ആംസ് ഇന്ത്യന്‍ നിരത്തുകളിലേക്ക് തിരിച്ചെത്തുന്നു

650 CC എന്‍ജിനില്‍ ഒരുങ്ങിയിട്ടുള്ള ഗോള്‍ഡ്സ്റ്റാര്‍ എന്ന വാഹനം എത്തിച്ചുകൊണ്ടാണ് ലോകത്തിലെ ഏറ്റവും വലിയ മോട്ടോര്‍സൈക്കിള്‍ കമ്പനിയായിരുന്ന BSIയുടെ തിരിച്ചു വരവ്. മൂന്ന് വേരിയന്റുകളില്‍ എത്തിയിട്ടുള്ള ഈ ബൈക്കിന്റെ വില 2.99 ലക്ഷത്തിലാണ് ആരംഭിക്കുന്നത്. മഹീന്ദ്രയുടെ ഉടമസ്ഥതയിലുള്ള ക്ലാസിക് ലെജന്‍ഡ്സ് കമ്പനിയാണ് BSIയുടെ തിരിച്ചുവരവിന് വഴിയൊരുക്കിയത്.

Automobile258 days ago

ഇന്ത്യയിലെ ഏറ്റവും വിലയേറിയ ഇലക്ട്രിക് സ്‌കൂട്ടര്‍ അവതരിപ്പിക്കാനൊരുങ്ങി BMW

രാജ്യത്തെ ഏറ്റവും വിലയേറിയ ഇലക്ട്രിക് സ്‌കൂട്ടര്‍ അവതരിപ്പിക്കാനൊരുങ്ങി ജര്‍മ്മന്‍ ആഡംബര വാഹന നിര്‍മാതാക്കളായ BMW. CE 04 എന്ന പേരില്‍ അവതരിപ്പിക്കുന്ന ഇലക്ട്രിക് സ്‌കൂട്ടര്‍ ജൂലൈ 24ന് ഇന്ത്യയില്‍ അവതരിപ്പിക്കും. വാഹനത്തിന്റെ പ്രീ ലോഞ്ച് ബുക്കിങ് കമ്പനി ആരംഭിച്ചിട്ടുണ്ട്. CE 04 ന് ഇന്ത്യയില്‍ 10 ലക്ഷം രൂപയാണ് വില പ്രതീക്ഷിക്കുന്നത്.

Automobile290 days ago

ഡെസ്റ്റിനി 125-ന്റെ നവീകരിച്ച പതിപ്പ് അവതരിപ്പിക്കാന്‍ ഒരുങ്ങി ഹീറോ മോട്ടോകോര്‍പ്പ്

വരാനിരിക്കുന്ന ഡെസ്റ്റിനി 125 ഡിസൈനിന്റെ കാര്യത്തില്‍ അതിന്റെ മുന്‍ഗാമികളില്‍ നിന്ന് വേറിട്ടുനില്‍ക്കും. ഡെസ്റ്റിനി 125 നിലവിലെ മോഡലിന്റെ 124.6 CC സിംഗിള്‍ സിലിണ്ടര്‍ എയര്‍ കൂള്‍ഡ് എഞ്ചിന്‍ തന്നെ നിലനിര്‍ത്തും. ഇത് 9 BHP പവര്‍ ഔട്ട്പുട്ടും 10.4 Nm ടോര്‍ക്കും ഉത്പാദിപ്പിക്കുന്നതാണ്. ഡെസ്റ്റിനി 125-ല്‍ പ്രതീക്ഷിക്കുന്ന പ്രധാന അപ്ഗ്രേഡ് ബ്രേക്കിംഗ് പ്രകടനവും സുരക്ഷയും വര്‍ദ്ധിപ്പിക്കുന്ന ഒരു ഫ്രണ്ട് ഡിസ്‌ക് ബ്രേക്കാണ്.

Automobile317 days ago

2024 കവാസാക്കി നിഞ്ച 300 ഇന്ത്യയില്‍ അവതരിപ്പിച്ചു

3.43 ലക്ഷം രൂപയാണ് ഇതിന്റെ വില. കാന്‍ഡി ലൈം ഗ്രീന്‍, മെറ്റാലിക് മൂണ്‍ഡസ്റ്റ് ഗ്രേ എന്നിങ്ങനെ രണ്ട് പുതിയ കളര്‍ ഓപ്ഷനുകളില്‍ വാഹനം ലഭിക്കും. എന്നാല്‍ മെക്കാനിക്കല്‍ മാറ്റങ്ങളൊന്നുമില്ല. കാവസാക്കി നിഞ്ച 300ന്റെ 39 യൂണിറ്റുകള്‍ മാത്രമാണ് ഏപ്രിലില്‍ വില്‍ക്കാനായത്. പക്ഷേ കവാസാക്കി നിഞ്ച ZX-10R, കാവസാക്കി Z900 എന്നിവയുടെ കൂടുതല്‍ യൂണിറ്റുകള്‍ കമ്പനിക്ക് വിറ്റഴിക്കാനായിട്ടുണ്ട്.

Automobile319 days ago

നിഞ്ച ZX-4RR ലോഞ്ച് ചെയ്യാന്‍ ഒരുങ്ങി കവാസാക്കി മോട്ടോര്‍ ഇന്ത്യ

ഇത് ഇന്ത്യയിലെത്തുന്നത് പൂര്‍ണ്ണമായും ബില്‍റ്റ് യൂണിറ്റ് ആയിട്ടായിരിക്കും. ഇന്ത്യയില്‍ അടുത്തിടെ പുറത്തിറക്കിയ നിഞ്ച ZX-4Rന് മുകളിലായിരിക്കും നിഞ്ച ZX-4RRന്റെ സ്ഥാനം. നിഞ്ച ZX-4RR ന് 399 CC ലിക്വിഡ്-കൂള്‍ഡ്, ഇന്‍-ലൈന്‍ ഫോര്‍ സിലിണ്ടര്‍ എഞ്ചിനാണ് കരുത്ത് പകരുക. റാം എയര്‍ ഇന്‍ടേക്ക് സംവിധാനവും ബൈക്കിന്റെ സവിശേഷതയായിരിക്കും. ഈ ബൈക്കിന് ഒമ്പതുലക്ഷം മുതല്‍ 9.5 ലക്ഷം രൂപ വരെ എക്‌സ്-ഷോറൂം വിലയാണ് പ്രതീക്ഷിക്കുന്നത്.

Automobile349 days ago

ടുവാറെഗ് 660 ഇന്ത്യന്‍ വിപണിയില്‍ അവതരിപ്പിച്ച് അപ്രീലിയ

18.85 ലക്ഷം രൂപ മുതല്‍ 19.16 ലക്ഷം രൂപ വരെയാണ് അപ്രീലിയ ടുവാരെഗ് 660ന്റെ എക്‌സ് ഷോറൂം വില. അട്രെയിഡ്‌സ് ബ്ലാക്ക്, കാന്യോണ്‍ സാന്‍ഡ് കളര്‍ വേരിയന്റുകളാണ് വാഹനത്തിനുള്ളത്. അപ്രീലിയ RS, ട്യൂണോ 660 മോഡലുകളില്‍ കാണുന്ന അതേ എഞ്ചിനാണ് അപ്രീലിയ ടുവാരെഗ് 660നും കരുത്തേകുക. ഇതിന് താരതമ്യേന ഭാരം കുറവാണെങ്കിലും ഉയരമുള്ള സീറ്റാണ് ഉള്ളത്.

Automobile379 days ago

റോയല്‍ എന്‍ഫീല്‍ഡ് ഗറില്ല 450 ഈ വര്‍ഷം തന്നെ പുറത്തിറക്കും

ഈ വര്‍ഷം ജൂലൈയിലോ സെപ്റ്റംബറിലോ വാഹനം പുറത്തിറക്കും. റോയല്‍ എന്‍ഫീല്‍ഡ് ഗറില്ല 450 ഇന്ത്യയിലും വിദേശത്തും പരീക്ഷണയോട്ടം നടത്തുകയാണ്. സിംഗിള്‍ പീസ് സീറ്റ്, ടിയര്‍ ഡ്രോപ്പ് ആകൃതിയിലുള്ള ഇന്ധന ടാങ്ക്, സ്ലീക്ക് ടെയില്‍ സെക്ഷന്‍ എന്നിവയാണ് ഈ വാഹനത്തിന്റെ ശ്രദ്ധേയമായ സവിശേഷതകള്‍. പുതിയതായി പുറത്തിറക്കിയ ഹിമാലയനുമായാണ് ഗറില്ല 450 40 bhp കരുത്തും 40 Nm ടോര്‍ക്കും ഉത്പാദിപ്പിക്കുന്ന എഞ്ചിന്‍ പങ്കിടുന്നത്.

Automobile380 days ago

കൊച്ചിയിൽ ഇനി മുതൽ ഇലക്ട്രിക്ക് സ്കൂട്ടറുകൾ വാടകയ്ക്ക് ലഭിക്കും

കൊച്ചി നഗരം ചുറ്റിക്കാണുന്നതിന് ഇനി മുതൽ ഇലക്ട്രിക് സ്കൂട്ടറുകൾ വാടകയ്ക്ക് ലഭിക്കും. സിക്കോ മൊബിലിറ്റി എന്ന സ്റ്റാർട്ട് അപ്പ് കമ്പിനിയാണ് പുതിയ ആശയത്തിന് പിന്നിൽ. കൊച്ചി ജവഹർലാൽ നെഹ്‌റു സ്റ്റേഡിയം, മറൈൻ ഡ്രൈവ്, ബ്രോഡ്‌വെ എന്നിവിടങ്ങളിൽ നിന്ന് ഇലക്ട്രിക്ക് സ്‌കൂട്ടർ വാടകയ്ക്ക് ലഭിക്കും. യുലു (Yulu) എന്ന മൊബൈൽ ആപ്പ് വഴിയാണ് പൂർണ പ്രവർത്തനം. ആപ്പിലൂടെ പണമടച്ച് QR കോഡ് സ്കാൻ ചെയ്താൽ സ്കൂട്ടർ അൺലോക്ക് ആകും. അര മണിക്കൂർ ഉപയോഗിക്കുന്നതിന് 100 രൂപയും ഒരു മണിക്കൂറിന് 140 രൂപയുമാണ് വാടക.

Kerala381 days ago

ഫാമിലി സ്‌കൂട്ടര്‍ ശ്രേണിയിലേക്ക് ഏഥറിന്റെ പുതിയ മോഡല്‍ ഏഥര്‍ റിസ്റ്റ എത്തുന്നു

റിസ്റ്റ S, റിസ്റ്റ Z എന്നീ പേരുകളില്‍ രണ്ട് ബാറ്ററിപാക്ക് ഓപ്ഷനുകളില്‍ മൂന്ന് വേരിയന്റുകളില്‍ എത്തിയിട്ടുള്ള ഈ വാഹനത്തിന്റെ എക്സ്ഷോറൂം വില1.10 ലക്ഷം രൂപ മുതല്‍ 1.45 ലക്ഷം രൂപ വരെയാണ്. ഏറ്റവും വലിപ്പമുള്ള സീറ്റും ഏറ്റവും ഉയര്‍ന്ന സ്റ്റോറേജ് സ്പേസും ഉള്‍പ്പെടുത്തിയാണ് റിസ്റ്റ എത്തുന്നത്. സ്‌കിഡ് പ്രൊട്ടക്ഷന്‍, ഫോള്‍ സേഫ്റ്റി, എമര്‍ജന്‍സി സ്റ്റോപ്പ് സിഗ്‌നല്‍ തുടങ്ങിയ പുതിയ സുരക്ഷ സംവിധാനങ്ങളും വാഹനത്തിലുണ്ട്.

Automobile391 days ago

ചെറിയ വൈദ്യുത സ്‌കൂട്ടറുകള്‍ക്കും നമ്പര്‍പ്ലേറ്റുകള്‍ നിര്‍ബന്ധമാക്കണമെന്ന് ബെംഗളൂരു ട്രാഫിക് പോലീസ്

കുറഞ്ഞ ശക്തിയുള്ള മോട്ടോര്‍ ഉപയോഗിക്കുന്ന ഇത്തരം സ്‌കൂട്ടറുകള്‍ നിരന്തരം സിഗ്നലുകള്‍ ലംഘിക്കുന്നതായും അപകടങ്ങളുണ്ടാക്കുന്നതായും പോലീസ് പറയുന്നു. ഇക്കാര്യം ചൂണ്ടിക്കാട്ടി ബെംഗളൂരു ട്രാഫിക് പോലീസ് ഗതാഗതവകുപ്പിന് കത്തുനല്‍കി. 250 വാട്ടില്‍ താഴെ ശേഷിയുള്ള വൈദ്യുതി സ്‌കൂട്ടറുകള്‍ക്ക് കേന്ദ്ര മോട്ടോര്‍വാഹന നിയമമനുസരിച്ച് നമ്പര്‍ പ്ലേറ്റുകളോ ഓടിക്കുന്നയാള്‍ക്ക് ഹെല്‍മെറ്റോ ലൈസന്‍സോ ആവശ്യമില്ല.

Automobile394 days ago