ഭാരത് അരി ഇന്ന് പാലക്കാട് ഒറ്റപ്പാലത്ത് വിതരണം ചെയ്യും

ലോക്സഭാ തിരഞ്ഞെടുപ്പ് മുന്നിൽ കണ്ടാണ് കേന്ദ്ര സര്‍ക്കാര്‍ ഭാരത് അരി വിതരണം ചെയ്യുന്നത് എന്ന് സംസ്ഥാന ഭക്ഷ്യമന്ത്രി ജി.ആർ. അനിൽ രൂക്ഷ വിമര്‍ശനം ഉന്നയിച്ചിരുന്നു. ഇതിനു പിന്നാലെയാണ് തൃശ്ശൂര്‍ കൂടാതെ മറ്റൊരു ജില്ലയിലേക്ക് അരി ലഭ്യമാക്കിയിരിക്കുന്നത്. പാലക്കാട്‌ നഗരത്തില്‍ ഭാരത് അരിയുടെ വില്‍പ്പന ഇന്നലെ ഉണ്ടായിരുന്നു. 1000ത്തോളം ആളുകള്‍ അരി വാങ്ങിയതായി അധികൃതര്‍ അറിയിച്ചു.

Tags : Rice,Bharat Rice

Kerala443 days ago

പാലക്കാട് ഭാരത് അരി വിതരണം ചെയ്യാൻ ശ്രമം: തിരഞ്ഞെടുപ്പ് പെരുമാറ്റ ചട്ടലംഘനമെന്ന് LDF

മലമ്പുഴയിൽ ഭാരത് അരി വിതരണം ചെയ്യാൻ ശ്രമിച്ചത് LDF തടഞ്ഞു. തിരഞ്ഞെടുപ്പ് പെരുമാറ്റ ചട്ടലംഘനം ആണെന്ന് ആരോപിച്ചായിരുന്നു LDF പ്രതിഷേധം. മലമ്പുഴ നിയോജക മണ്ഡലത്തിലെ അകത്തേറ പഞ്ചായത്തിലാണ് BJP യുടെ നേതൃത്വത്തിൽ ഭാരത് അരി വിതരണം ചെയ്യാൻ ശ്രമിച്ചത്. പ്രതിഷേധത്തെ തുടർന്ന് സ്ഥലത്തെത്തിയ പോലീസും തിരഞ്ഞെടുപ്പ് ഉദ്യോഗസ്ഥരും അരി എത്തിച്ച ലോറി തിരിച്ചയച്ചു.

Kerala388 days ago

ഭാരത് അരി ഇനി റെയില്‍വേ സ്റ്റേഷനുകളിലും ലഭിക്കും

റെയില്‍വെ സ്റ്റേഷന്‍ വളപ്പില്‍ മൊബൈല്‍ വാനുകള്‍ പാര്‍ക്ക് ചെയ്ത് അരി വിതരണം ചെയ്യാനുള്ള പൊതുവിതരണ വകുപ്പിന്റെ തീരുമാനത്തിന് റെയില്‍വേ പാസഞ്ചര്‍ മാര്‍ക്കറ്റിങ് എക്‌സിക്യുട്ടീവ് ഡയറക്ടര്‍ അനുമതി നല്‍കി. എല്ലാദിവസവും വൈകിട്ട് രണ്ടുമണിക്കൂര്‍ നേരത്തേക്ക് ഭാരത് അരി, ഭാരത് ആട്ട എന്നിവ ആയിരിക്കും വിതരണം ചെയ്യുക. അടുത്ത മൂന്നുമാസത്തേക്ക് പരീക്ഷണ അടിസ്ഥാനത്തിലായിരിക്കും പദ്ധതി നടപ്പാക്കുക.

National413 days ago

ശബരി കെ റൈസിന്റെ വിതരണ ഉദ്ഘാടനം മുഖ്യമന്ത്രി നിര്‍വഹിച്ചു

കിലോയ്ക്ക് 40 രൂപ ചെലവഴിച്ച് സര്‍ക്കാര്‍ എടുക്കുന്ന അരി 29 മുതല്‍ 30 രൂപ വരെ സബ്‌സിഡി നിരക്കിലാണ് ജനങ്ങള്‍ക്ക് നല്‍കുന്നത്. അതായത് കിലോക്ക് 10-11 രൂപ നഷ്ടം സഹിച്ചാണ് സര്‍ക്കാണ് കെ റൈസ് വിപണിയിലെത്തിക്കുന്നതെന്ന് മുഖ്യമന്ത്രി പിണറായി വിജയന്‍ പറഞ്ഞു. കേന്ദ്ര സര്‍ക്കാരിന്റെ ഭാരത് റൈസ് പദ്ധതിയെയും അദ്ദേഹം വിമര്‍ശിച്ചു. 18 രൂപയ്ക്ക് ലഭിക്കുന്ന അരി കേന്ദ്രം 29 രൂപയ്ക്ക് നല്‍കി 10 രൂപ ലാഭം എടുക്കുന്നുണ്ടെന്നും മുഖ്യമന്ത്രി കുറ്റപ്പെടുത്തി.

Kerala417 days ago

സംസ്ഥാന സര്‍ക്കാര്‍ 29 രൂപയ്ക്ക് നല്‍കുന്ന ‘ശബരി കെ റൈസ്’ സപ്ലൈകോയിലൂടെ വില്‍പ്പനയ്ക്ക് എത്തിക്കും

കിലോഗ്രാമിനു 40.11 രൂപയ്ക്ക് വാങ്ങുന്ന അരി സബ്സിഡി നല്‍കി കെ റൈസ് എന്ന പേരില്‍ നൽകുകയാണ്. ജയ (29 രൂപ), കുറുവ (30), മട്ട (30) എന്നീ ഇനം അരികളാണ് തുടക്കത്തില്‍ ശബരി കെ റൈസായി വില്‍പ്പനയ്ക്ക് എത്തിക്കുന്നത്. പ്രതിമാസം 5 കിലോഗ്രാം അരിയാണ് ലഭിക്കുക. ഇന്ന് ഭക്ഷ്യമന്ത്രി ജി.ആര്‍. അനില്‍ കെ റൈസിന്റെ സംസ്ഥാനതല ഉദ്ഘാടനം നിര്‍വഹിച്ച ശേഷം വിൽപ്പന തുടങ്ങുന്നതാണ്.

Kerala424 days ago

അരിക്ക് പിന്നാലെ ഭാരത് പരിപ്പും അവതരിപ്പിക്കാനൊരുങ്ങി കേന്ദ്ര സര്‍ക്കാര്‍

ഭാരത് ആട്ടയ്ക്കും അരിക്കും ശേഷം ഭാരത് പരിപ്പ് അവതരിപ്പിക്കാനാണ് കേന്ദ്രസർക്കാർ ഉദ്ദേശിക്കുന്നത്. കാര്യമായ ഡിസ്കൗണ്ട് ഇല്ലാതെ കിലോയ്ക്ക് ഏകദേശം 89 രൂപയ്ക്ക് ആയിരിക്കും പരിപ്പ് ലഭ്യമാക്കുക. മാർച്ച് ആദ്യവാരം മുതൽ വിൽപ്പന ആരംഭിക്കുമെന്നാണ് പ്രതീക്ഷിക്കുന്നത്. ഭാരത് പരിപ്പ് ഒരു കിലോ പായ്ക്കറ്റുകളിൽ ലഭിക്കുന്നതാണ്.

National429 days ago

തൃശൂരില്‍ ഭാരത് അരി വില്‍പ്പന തടഞ്ഞ് പോലീസ്

തൃശൂര്‍ മുല്ലശേരി പഞ്ചായത്തിലാണ് അരി വിതരണം തടഞ്ഞത്. പഞ്ചായത്തിലെ ഏഴാം വാര്‍ഡില്‍ ഉപതിരഞ്ഞെടുപ്പ് നടക്കാനിരിക്കെ അരി വിതരണം നടത്തുന്നത് പെരുമാറ്റചട്ട ലംഘനമാണെന്ന് ചൂണ്ടിക്കാട്ടിയാണ് പോലീസ് നടപടി. സംഭവത്തില്‍ BJP പ്രവര്‍ത്തകരും പോലീസും തമ്മില്‍ തര്‍ക്കമുണ്ടായി. വ്യാഴാഴ്ചയാണ് ഇവിടെ ഉപതിരഞ്ഞെടുപ്പ് നടക്കുക.

Kerala440 days ago

കേന്ദ്രത്തിന്റെ ഭാരത് അരിക്ക് ബദല്‍; കുറഞ്ഞ വിലയ്ക്ക് ശബരി അരി വിപണിയിലിറക്കാന്‍ കേരളം

മറ്റ് സംസ്ഥാനങ്ങളില്‍ നിന്ന് കുറഞ്ഞ വിലയ്ക്ക് അരി എത്തിച്ച് സ്വന്തം നിലയില്‍ വിതരണം ചെയ്യാനാണ് സംസ്ഥാനത്തിന്റെ നീക്കം. ഇക്കാര്യം പരിശോധിക്കാന്‍ സപ്ലൈകോയ്ക്ക് നിര്‍ദേശം നല്‍കിയതായി ഭക്ഷ്യവകുപ്പ് മന്ത്രി ജി.ആര്‍ അനില്‍ പറഞ്ഞു. മലയാളികള്‍ ഉപയോഗിക്കുന്ന അരിയാകും വിതരണം ചെയ്യുകയെന്നും ഇത് കേന്ദ്രവും കേരളവും തമ്മിലുള്ള മത്സരമല്ലെന്നും മന്ത്രി പറഞ്ഞു.

Kerala441 days ago

ഭാരത് റൈസ് തൃശ്ശൂരിൽ കൊണ്ടുവന്ന് കേന്ദ്ര സര്‍ക്കാര്‍ വിലകുറഞ്ഞ രാഷ്ട്രീയം കളിക്കുന്നതായി ഭക്ഷ്യ മന്ത്രി

ഇന്ത്യയില്‍ മറ്റൊരു സംസ്ഥാനത്തും ഭാരത് റൈസ് വില്‍പ്പന നടത്തുന്നില്ല. സപ്ലൈകോയില്‍ അരിയില്ലെന്ന് വരുമ്പോൾ ജനങ്ങള്‍ സ്വാഭാവികമായും സംസ്ഥാന സര്‍ക്കാരിനെതിരെ തിരിയും. ഇത് മുതലെടുക്കാനാണ് ഭാരത് റൈസ് കൊണ്ടു വന്നിരിക്കുന്നത്. മോദി സര്‍ക്കാരിന്‍റെ നടപടി സങ്കുചിത രാഷ്ട്രീയമാണെന്ന് വ്യക്തമാണെന്നും മന്ത്രി ജി.ആർ. അനിൽ പറഞ്ഞു.

Kerala450 days ago

കേന്ദ്ര സര്‍ക്കാരിന്‍റെ ഭാരത് അരി സംസ്ഥാനത്ത് ആദ്യം വില്‍പ്പന തുടങ്ങിയത് തൃശ്ശൂരില്‍

കിലോയ്ക്ക് 29 രൂപ നിരക്കില്‍ തൃശ്ശൂരില്‍ 150 ചാക്ക് പൊന്നി അരിയാണ് വില്‍പ്പന നടത്തിയത്. അടുത്തയാഴ്ചയോടെ കേരളത്തില്‍ ആകെ ഭാരത് അരി വില്‍പ്പനയ്ക്ക് എത്തിക്കുമെന്ന് നാഷണൽ കോ–ഓപറേറ്റീവ് കൺസ്യൂമർ ഫെഡറേഷന്‍ അറിയിച്ചു. ഭാരത് അരി വിതരണത്തിന് ഷോപ്പുകള്‍ ആരംഭിക്കാന്‍ ഉദ്ദേശിക്കുന്നതായും അധികൃതര്‍ പറഞ്ഞു.

Kerala452 days ago

കിലോഗ്രാമിന് 29 രൂപ എന്ന നിരക്കില്‍ ഭാരത് അരി കേന്ദ്രസർക്കാര്‍ പുറത്തിറക്കി

അടുത്തയാഴ്ച വിപണിയിലെത്തുന്ന അരി അഞ്ച്, 10 കിലോ ഗ്രാം പാക്കറ്റുകളിലായിരിക്കും ലഭിക്കുക. നാഫെഡ്, നാഷണൽ കോ-ഓപ്പറേറ്റീവ് കൺസ്യൂമേഴ്സ് ഫെഡറേഷൻ, കേന്ദ്രീയ ഭണ്ഡാർ തുടങ്ങിയ സംവിധാനങ്ങളിലൂടെ അരി പൊതുവിപണിയില്‍ ലഭ്യമാക്കാനാണ് ലക്ഷ്യമിടുന്നത്. ഇ-കൊമേഴ്സ് പ്ലാറ്റ്ഫോമുകളിലൂടെയും അരി വാങ്ങാന്‍ സാധിക്കുന്നതാണ്.

National452 days ago