അതിര്‍ത്തി കടക്കുന്ന ഭീകരതയ്ക്ക് മറുപടി നല്‍കാന്‍ ഒരു നിയമവും നോക്കില്ലെന്ന് കേന്ദ്ര വിദേശകാര്യ മന്ത്രി

തീവ്രവാദികള്‍ ഒരു നിയമത്തിന്റെയും അടിസ്ഥാനത്തില്‍ അല്ല പ്രവര്‍ത്തിക്കുന്നതെന്നും അതിനാല്‍ മറുപടി നല്‍കാന്‍ ഒരു നിയമവും നോക്കില്ലെന്നും കേന്ദ്ര വിദേശകാര്യ മന്ത്രി എസ്. ജയശങ്കര്‍ പറഞ്ഞു. 2014 മുതല്‍ ഇന്ത്യയുടെ വിദേശനയത്തില്‍ മാറ്റമുണ്ടെന്നും ഭീകരതയെ നേരിടുന്ന സമീപനത്തിലാണ് ആ മാറ്റമുള്ളതെന്നും അദ്ദേഹം വ്യക്തമാക്കി. മുംബൈ ആക്രമണത്തിന് ശേഷം, നമ്മള്‍ പ്രതികരിക്കാന്‍ പാടില്ലായിരുന്നുവെന്ന് ഒരാള്‍ക്ക് പോലും അഭിപ്രായമുണ്ടായിരുന്നില്ലെന്നും എസ്. ജയശങ്കര്‍ കൂട്ടിച്ചേര്‍ത്തു.

National385 days ago

നുഴഞ്ഞുകയറ്റ ശ്രമം; ജമ്മുകശ്മീരില്‍ രണ്ട് ഭീകരരെ വധിച്ചു

ജമ്മുകശ്മീരിലെ രജൗരിയില്‍ ഇന്ത്യന്‍ സൈന്യം രണ്ട് ഭീകരരെ വധിച്ചു. ഇന്ത്യ-പാക് അതിര്‍ത്തിയില്‍ നുഴഞ്ഞുകയറ്റത്തിനു ശ്രമിച്ച രണ്ടു ഭീകരരെയാണ് വധിച്ചത്. അതിര്‍ത്തി ജില്ലയിലെ നൗഷേര സെക്ടറില്‍ സൈന്യം ഭീകരവിരുദ്ധ ഓപ്പറേഷന്‍ നടത്തിവരികയായിരുന്നു. ഭീകരരില്‍നിന്നു എകെ47 തോക്കുകള്‍ ഉള്‍പ്പെടെയുളള ആയുധശേഖരം പിടിച്ചെടുത്തു. പ്രദേശത്തു തിരച്ചില്‍ പുരോഗമിക്കുകയാണെന്നും സൈന്യം അറിയിച്ചു.

National237 days ago

ജമ്മുവിൽ സുൻജ്‍വാൻ സൈനിക കേന്ദ്രത്തിന് നേരെ വെടിവെപ്പ്; ഒരു സൈനികന് പരിക്കേറ്റു

ജമ്മുവിലെ സുൻജ്‌വാൻ സൈനിക കേന്ദ്രത്തിന് നേരെ ഭീകരർ നടത്തിയ വെടിവെപ്പിൽ ഒരു സൈനികന് ഗുരുതരമായി പരിക്കേറ്റു. സൈനിക കേന്ദ്രത്തിന് പുറത്തുള്ള കവാടത്തിന് സമീപത്തു നിന്ന് ഇന്ന് രാവിലെയാണ് വെടിവെപ്പുണ്ടായത്. സൈനിക പോസ്റ്റിലുണ്ടായിരുന്ന ജവാന്മാർ തിരിച്ചും വെടിവെച്ചു. അൽപ സമയത്തിനകം വെടിവെപ്പ് അവസാനിപ്പിച്ച് ഭീകര‍ർ ഇവിടെ നിന്ന് രക്ഷപ്പെടുകയായിരുന്നു. ഭീകരരെ കണ്ടെത്താനായി സൈന്യവും ജമ്മുകശ്മീർ പോലീസിൻ്റെ പ്രത്യേക ഓപ്പറേഷൻ ഗ്രൂപ്പും പ്രദേശത്ത് തിരച്ചിൽ നടത്തുകയാണ്.

National243 days ago

തൊഴിൽ തട്ടിപ്പിനിരയായി റഷ്യയിലെത്തിയ മലയാളികളെ തിരിച്ചെത്തിക്കണം: കേന്ദ്രസർക്കാരിന് മുഖ്യമന്ത്രി കത്തയച്ചു

തൊഴിൽ തട്ടിപ്പിനിരയായി റഷ്യയിലെത്തിയ മലയാളികളെ തിരികെയെത്തിക്കണമെന്നും റഷ്യ - യുക്രൈൻ യുദ്ധത്തിൽ അതിർത്തിയിൽ കൊല്ലപ്പെട്ട മലയാളിയായ സന്ദീപ് ചന്ദ്രന്റെ ഭൗതികശരീരം നാട്ടിലെത്തിക്കാനുള്ള നടപടികൾ സ്വീകരിക്കണമെന്നും ആവശ്യപ്പെട്ട് മുഖ്യമന്ത്രി പിണറായി വിജയൻ കേന്ദ്ര വിദേശകാര്യ മന്ത്രി ഡോ. എസ്. ജയശങ്കറിന് കത്തയച്ചു. നിരവധി കേരളീയർ സൈനിക ക്യാമ്പുകളിൽ കുടുങ്ങിക്കിടക്കുകയാണെന്നും കത്തിൽ വിശദമാക്കി. അനധികൃത റിക്രൂട്ട്മെന്റ് ഏജൻസികളിലൂടെയും വ്യക്തികളിലൂടെയുമാണ് ഇവർ റഷ്യയിൽ എത്തിയതെന്നും ഇത്തരത്തിൽ എത്രപേർ റഷ്യയിൽ കുടുങ്ങിക്കിടക്കുന്നുണ്ടെന്ന് കണ്ടെത്തണമെന്നും മുഖ്യമന്ത്രി കത്തിൽ ആവശ്യപ്പെട്ടു.

Kerala246 days ago

ഭീകരാക്രമണം; ബലൂചിസ്ഥാനില്‍ കൊല്ലപ്പെട്ടവരുടെ എണ്ണം 70 കടന്നു

പാകിസ്ഥാനിലെ ബലൂചിസ്ഥാനില്‍ വിവിധയിടങ്ങളിലായാണ് ഭീകരാക്രമണം നടന്നത്. പാകിസ്ഥാന്റെ തെക്കുപടിഞ്ഞാറന്‍ പ്രവിശ്യയില്‍ വിവിധയിടങ്ങളിലായി നടന്ന ആക്രമണ പരമ്പരയില്‍ പിന്നില്‍ ബലൂച് ലിബറേഷന്‍ ആര്‍മി. പഞ്ചാബില്‍ നിന്നെത്തിയ ബസ് ദേശീയപാതയില്‍ തടഞ്ഞുനിര്‍ത്തി ഐഡന്റിറ്റി കാര്‍ഡ് പരിശോധിച്ച ശേഷം 23 പേരെ വെടിവച്ചുകൊലപ്പെടുത്തുകയായിരുന്നു. തിരിച്ചടിച്ച പാകിസ്ഥാന്‍ സേന 21 തീവ്രവാദികളെ വധിച്ചതായാണ് റിപ്പോര്‍ട്ട്. 14 സുരക്ഷാ ഉദ്യോഗസ്ഥരും ക്ലിയറന്‍സ് ഓപ്പറേഷനില്‍ കൊല്ലപ്പെട്ടിട്ടിട്ടുണ്ട്.

World249 days ago

പാകിസ്ഥാനിൽ ഭീകരാക്രമണം: 39 പേർ കൊല്ലപ്പെട്ടു

പാകിസ്ഥാനിലെ ബലൂചിസ്ഥാനിലെ മുസാഖൈല്‍ ജില്ലയിലെ പഞ്ചാബ്-ബലൂചിസ്താന്‍ ഹൈവേയിലാണ് ഭീകരാക്രമണം ഉണ്ടായത്. ഒരു ബസ് കേന്ദ്രീകരിച്ചാണ് ആക്രമണം ഉണ്ടായത്. ബസ് തടഞ്ഞ് നിർത്തി ആളുകളെ പരിശോധിച്ച ശേഷം തിരഞ്ഞുപിടിച്ച് കൊലപ്പെടുത്തുകയായിരുന്നു എന്നാണ് റിപ്പോര്‍ട്ട്. ഭീകരാക്രമണത്തിൽ 39 പേർ കൊല്ലപ്പെട്ടു. നിരവധിപ്പേർക്ക് പരിക്കേറ്റു. ഭീകരർ ട്രക്കുകളും, വാനുകളും ഉൾപ്പെടെ 10 വാഹനങ്ങൾ തീയിട്ട് നശിപ്പിച്ചുവെന്നും പോലീസ് അറിയിച്ചു. ആക്രമണത്തിൻ്റെ ഉത്തരവാദിത്തം ഇതുവരെ ആരും ഏറ്റെടുത്തിട്ടില്ല.

World250 days ago

ജമ്മുകശ്മീരില്‍ ഏറ്റുമുട്ടല്‍; ഒരു ഭീകരന്‍ കൊല്ലപ്പെട്ടു

ഞായറാഴ്ച ജമ്മു കശ്മീരിലെ ബാരാമുള്ള ജില്ലയിലെ റാഫിയാബാദ് മേഖലയില്‍ സോപോര്‍ പോലീസും രാഷ്ട്രീയ റൈഫിള്‍സും സംയുക്തമായി നടത്തിയ ഏറ്റുമുട്ടലില്‍ ഒരു ഭീകരന്‍ കൊല്ലപ്പെട്ടു. ലോക്കല്‍ പോലീസും CRPഉം ഉള്‍പ്പെടുന്ന പട്രോളിംഗ് സംഘത്തിന് നേരെയാണ് ആദ്യം ഭീകരരുടെ വെടിവയ്പ്പുണ്ടായത്. ഇതേതുടര്‍ന്ന് സേന തിരിച്ചടിക്കുകയായിരുന്നു. സൈന്യം ഉടന്‍ തിരിച്ചടിച്ചതോടെ സുരക്ഷാ സേനയും ഭീകരരും തമ്മില്‍ ശക്തമായ വെടിവെയ്പ്പുണ്ടായി.

National252 days ago

ജമ്മുകശ്മീരിൽ ഭീകരരുമായുണ്ടായ ഏറ്റുമുട്ടലിൽ CRPF ജവാൻ കൊല്ലപ്പെട്ടു

ജമ്മുകശ്മീരിലെ ഉധംപൂർ ജില്ലയിൽ ഭീകരരും സുരക്ഷാ സേനയും തമ്മിലുണ്ടായ ഏറ്റുമുട്ടലിൽ ഒരു CRPF ജവാൻ കൊല്ലപ്പെട്ടു. ഉധംപൂരിലെ ദാദു മേഖലയിലാണ് ഭീകരരുമായി വെടിവെയ്പുണ്ടായത്. CRPF ഉം ജമ്മുകശ്മീർ പോലീസിൻ്റെ സ്‌പെഷ്യൽ ഓപ്പറേഷൻസ് ഗ്രൂപ്പും പ്രദേശത്ത് പട്രോളിംഗ് നടത്തുന്നതിനിടെയാണ് ആക്രമണമുണ്ടായത്. പ്രദേശത്ത് ഭീകരവിരുദ്ധ ഓപ്പറേഷൻ ആരംഭിച്ചിട്ടുണ്ട്. കഴിഞ്ഞ കുറച്ച് മാസങ്ങളായി ജമ്മു മേഖലയിൽ നടക്കുന്ന തീവ്രവാദി ആക്രമണ പരമ്പരയിലെ ഏറ്റവും പുതിയ സംഭവമാണിത്.

National257 days ago

ജമ്മുകശ്മീരില്‍ സുരക്ഷാസേനയും ഭീകരരും തമ്മില്‍ ഏറ്റുമുട്ടല്‍

ജമ്മുകശ്മീരിലെ അനന്തനാഗിലും കിഷ്ത്വറിലുമാണ് സുരക്ഷാസേനയും ഭീകരരും തമ്മില്‍ ഏറ്റുമുട്ടലുണ്ടായത്. അനന്തനാഗില്‍ ഏറ്റുമുട്ടലിനിടെ പരിക്കേറ്റ നാട്ടുകാരന്‍ മരിച്ചു. കിഷ്ത്വറില്‍ രണ്ട് ഭീകരരര്‍ ഒളിച്ചിരിക്കുന്നു എന്നാണ് വിവരം. ഇവരെ കണ്ടെത്താനായി തിരച്ചില്‍ ശക്തമാക്കിയിരിക്കുകയാണ്. ഇവര്‍ ഒളിച്ചിരിക്കുന്ന പ്രദേശം സേന പൂര്‍ണ്ണമായി വളഞ്ഞു.

National265 days ago

ഷെയ്ഖ് ഹസീന ഇന്ത്യയില്‍ തന്നെയുണ്ടെന്ന് കേന്ദ്ര സര്‍ക്കാര്‍

ബംഗ്ലാദേശിലെ സ്ഥിതിഗതികള്‍ സര്‍ക്കാര്‍ നിരീക്ഷിച്ചു വരികയാണെന്ന് സര്‍വകക്ഷി യോഗത്തില്‍ കേന്ദ്ര വിദേശകാര്യ മന്ത്രി എസ്. ജയ്ശങ്കര്‍ പറഞ്ഞു. ബംഗ്ലാദേശിലെ കലാപത്തില്‍ വിദേശ ഇടപെടലുണ്ടോ എന്ന് ഇപ്പോള്‍ പറയാനാവില്ലെന്നും ബംഗ്ലാദേശിലെ സൈനിക നേതൃത്വവുമായി ബന്ധപ്പെട്ടു വരികയാണെന്നും ജയ്ശങ്കര്‍ പറഞ്ഞു. കേന്ദ്ര സര്‍ക്കാരിന്റെ നടപടികള്‍ക്ക് യോഗത്തില്‍ പങ്കെടുത്ത രാഹുല്‍ ഗാന്ധിയും കെ. സി. വേണുഗോപാലും പിന്തുണ അറിയിച്ചു. അതേസമയം ഷെയ്ഖ് ഹസീന ഇന്ത്യയില്‍ അഭയം തേടിയോ എന്ന് സര്‍ക്കാര്‍ വ്യക്തമാക്കിയില്ല.Read More

National270 days ago

ഏറ്റുമുട്ടല്‍; ജമ്മുകശ്മീരില്‍ സെനികന് വീരമൃത്യു

ജമ്മുകശ്മീരിലെ കുപ്‌വാര ജില്ലയിലെ നിയന്ത്രണരേഖയിലുണ്ടായ ഏറ്റുമുട്ടലില്‍ സെനികന് വീരമൃത്യു. വെടിവെയ്പ്പില്‍ മേജര്‍ ഉള്‍പ്പെടെ നാല് പേര്‍ക്ക് പരിക്കേറ്റു. പുലര്‍ച്ചെ 2:30 ഓടെ നിയന്ത്രണരേഖയിലെ കുംകാടി സൈനിക പോസ്റ്റിന് നേരെയാണ് ആക്രമണമുണ്ടായത്. ഏറ്റുമുട്ടലില്‍ ഒരു പാക് ഭീകരനും കൊല്ലപ്പെട്ടതായി അധികൃതര്‍ അറിയിച്ചു. കഴിഞ്ഞ ഒരു മാസത്തിനിടെ കുപ്‌വാരയില്‍ നടക്കുന്ന നാലാമത്തെ ഏറ്റുമുട്ടലാണിത്.

National280 days ago