മെഴ്‌സിഡസ് ബെന്‍സ് മൂന്ന് ഇലക്ട്രിക് കാറുകള്‍ ഇന്ത്യന്‍ വിപണിയില്‍ അവതരിപ്പിച്ചേക്കും

ഈ വര്‍ഷം അവസാനം മൂന്ന് ഇലക്ട്രിക് കാറുകള്‍ വിപണിയില്‍ ഇറക്കാനാണ് കമ്പനി പദ്ധതിയിടുന്നത്. ഹൈ എന്‍ഡ് മോഡലുകളില്‍ EQS, EQE എന്നിവ അടക്കം മൂന്ന് ഇലക്ട്രിക് വാഹനങ്ങളായിരിക്കും എത്തുക എന്നാണ് റിപ്പോര്‍ട്ട്. മെഴ്സിഡസ് ബെന്‍സ് E ക്ലാസ്, സ്പോര്‍ട്ടി മെഴ്സിഡസ് AMG C 63 E പെര്‍ഫോമന്‍സ് F വണ്‍ എഡിഷന്‍, മെഴ്സിഡസ് AMG S 63 E പെര്‍ഫോമന്‍സ് എന്നിവയ്ക്ക് പുറമെയാണ് SUV ഗണത്തില്‍പ്പെട്ട മൂന്ന് ഇലക്ട്രിക് കാറുകള്‍ കൂടി വിപണിയിലെത്തിക്കുന്നത്.

Automobile382 days ago

ഇലക്ട്രിക് മോഡലുകളുടെ വില കുറച്ച് ടാറ്റാ മോട്ടോഴ്‌സ്

ഉത്സവ സീസണോട് അനുബന്ധിച്ച് വന്‍ വിലക്കുറവാണ് EV മോഡലുകള്‍ക്ക് ടാറ്റാ മോട്ടോഴ്‌സ് പ്രഖ്യാപിച്ചിരിക്കുന്നത്. നെക്സോണ്‍ EVയുടെ വില മൂന്ന് ലക്ഷം രൂപ വരെയാണ് കുറച്ചിരിക്കുന്നത്. 12.49 ലക്ഷം രൂപയാണ് വാഹനത്തിന്റെ നിലവിലെ വില. പഞ്ച് EVയുടെ വിലയും കുറച്ചിട്ടുണ്ട്. 1.20 ലക്ഷം രൂപ വരെയാണ് കുറച്ചത്. 9.99 ലക്ഷം രൂപ മുതലാണ് പുതുക്കിയ വില ആരംഭിക്കുന്നത്.

Automobile234 days ago

പുതിയ ഇലക്ട്രിക് വാഹനം പുറത്തിറക്കുമെന്ന് മാരുതി സുസുക്കി

ഒറ്റ ചാര്‍ജില്‍ 500 കിലോമീറ്റര്‍ വരെ സഞ്ചരിക്കാന്‍ കഴിയുന്ന ഇലക്ട്രിക് വാഹനം പുറത്തിറക്കുമെന്നാണ് മാരുതി സുസുക്കി അറിയിച്ചിരിക്കുന്നത്. 60 കിലോവാട്ട് അവര്‍ ബാറ്ററി കരുത്തു പകരുമെന്നാണ് റിപ്പോര്‍ട്ട്. ഹൈ-സ്പെസിഫിക്കേഷനുള്ള ഒന്നിലധികം ഉല്‍പ്പന്നങ്ങള്‍ പുറത്തിറക്കുമെന്ന് MDയും CEOയുമായ ഹിസാഷി ടകൂച്ചി പറഞ്ഞു. 2030ഓടെ കയറ്റുമതി ഗണ്യമായി വര്‍ദ്ധിപ്പിക്കുമെന്നും അദ്ദേഹം കൂട്ടിച്ചേര്‍ത്തു.

Automobile234 days ago

മെഴ്സിഡീസ് മെയ്ബ EQS 680 ഇന്ത്യയില്‍ അവതരിപ്പിച്ചു

മെഴ്സിഡീസ് ബെന്‍സിന്റെ ഏറ്റവും പുതിയ ആഡംബര ഇലക്ട്രിക് വാഹനം മെയ്ബ EQS 680 എസ്.യു.വി ഇന്ത്യയില്‍ അവതരിപ്പിച്ചു. 2.25 കോടി രൂപയാണ് വാഹനത്തിന്റെ എക്സ്ഷോറൂം വില. മറ്റ് മെയ്ബ വാഹനങ്ങള്‍ക്ക് സമാനമായ ഡിസൈന്‍, ഫീച്ചറുകള്‍, സാങ്കേതികവിദ്യകള്‍ എന്നിവയോടെയാണ് ഇലക്ട്രിക് പതിപ്പും എത്തിയിരിക്കുന്നത്. 122 കിലോവാട്ട് ബാറ്ററി പാക്കുള്ള ഈ വാഹനം ഒറ്റത്തവണ ചാര്‍ജ് ചെയ്താല്‍ 611 കിലോമീറ്റര്‍ സഞ്ചരിക്കാന്‍ സാധിക്കും. ഇന്ത്യന്‍ വിപണിയില്‍ എത്തിയിരിക്കുന്ന ഇലക്ട്രിക് വാഹനങ്ങളില്‍ ഏറ്റവും വില കൂടിയ രണ്ടാമത്തെ ഇലക്ട്രിക് SUVയാണിത്.

Automobile238 days ago

BYD ഇന്ത്യ പുതിയ ഇലക്ട്രിക് കാര്‍ അവതരിപ്പിക്കാന്‍ ഒരുങ്ങുന്നു

E6 MPVയുടെ ഫെയ്‌സ്‌ലിഫ്റ്റ് മോഡലാണ് കമ്പനി ഇന്ത്യയിലേക്ക് കൊണ്ടു വരാന്‍ ഒരുങ്ങുന്നത്. ദീപാവലിയോട് അനുബന്ധിച്ച് ലോഞ്ച് ചെയ്യുമെന്നാണ് റിപ്പോര്‍ട്ട്. മുന്‍വശത്ത് പുതിയ LED ഡേടൈം റണ്ണിംഗ് ലാമ്പ് സിഗ്‌നേച്ചറോട് കൂടിയ പുതിയ ഫുള്‍-LED ഹെഡ്ലാമ്പുകള്‍ ഉണ്ടായിരിക്കും. പുതിയ ഫ്രണ്ട് ബമ്പറും ഇതിലുണ്ട്. അതിന്റെ വശങ്ങളില്‍ കൂടുതല്‍ കോണ്ടൂര്‍ഡ് എയര്‍ വെന്റുകളുണ്ട്.

Automobile244 days ago

MG വിന്‍ഡ്സര്‍ EV സെപ്റ്റംബര്‍ 11ന് ലോഞ്ച് ചെയ്യും

പുതിയ EVയുടെ വില 20 ലക്ഷം രൂപയില്‍ താഴെയായിരിക്കുമെന്ന് MG മോട്ടോര്‍ അറിയിച്ചു. ഏകദേശം 4.3 മീറ്റര്‍ നീളമുള്ള MG വിന്‍ഡ്സര്‍ EV നൂതന സാങ്കേതികവിദ്യയ്ക്കൊപ്പം സെഡാന്റെ സുഖവും SUVയുടെ സൗകര്യങ്ങളും വാഗ്ദാനം ചെയ്യുമെന്ന് എംജി അവകാശപ്പെടുന്നു. ചെറിയ ബാറ്ററി പായ്ക്ക് 360 കിലോമീറ്റര്‍ റേഞ്ച് നല്‍കുമ്പോള്‍ വലിയ ബാറ്ററി പതിപ്പ് 460 കിലോമീറ്റര്‍ റേഞ്ച് വാഗ്ദാനം ചെയ്യുന്നു.

Automobile261 days ago

ടാറ്റ കര്‍വ് EV ഇന്ത്യന്‍ വിപണിയില്‍

ടാറ്റയുടെ അഞ്ചാമത്തെ ഇലക്ട്രിക് വാഹനം കര്‍വ് EV വിപണിയില്‍ അവതരിപ്പിച്ചു. 17.49 ലക്ഷം രൂപ മുതല്‍ 21.99 ലക്ഷം രൂപ വരെയാണ് വാഹനത്തിന്റെ എക്‌സ്‌ഷോറൂം വില. ഏഴു മോഡലുകളില്‍ ലഭിക്കുന്ന വാഹനം രണ്ട് ബാറ്ററി പായ്ക്കുകളിലാണ് വില്‍പ്പനയ്ക്ക് എത്തിയിരിക്കുന്നത്. ഇതില്‍ 45 കിലോവാട്ട് ബാറ്ററി പായ്ക്ക് മോഡലിന് 502 കിലോമീറ്റര്‍ റേഞ്ചും 55 കിലോവാട്ട് ബാറ്ററി പായ്ക്ക് മോഡലിന് 585 കിലോമീറ്റര്‍ റേഞ്ചുമുണ്ടാകും. ഓഗസ്റ്റ് 12 മുതല്‍ വാഹനത്തിന്റെ ബുക്കിങ് ആരംഭിക്കും.

Automobile268 days ago

SUVകളുടെ വിലയില്‍ കുറവുമായി ടാറ്റ മോട്ടോഴ്‌സ്

സഫാരി, ഹാരിയര്‍, നെക്‌സണ്‍, പഞ്ച്, സിയേറ സഫാരി തുടങ്ങിയ മോഡലുകളുടെ വിലയിലാണ് കമ്പനി വിലക്കുറവ് വരുത്തിയിരിക്കുന്നത്. വില്‍പ്പനയില്‍ 20 ലക്ഷം SUVകള്‍ എന്ന റെക്കോര്‍ഡ് പിന്നിട്ടതിന് പിന്നാലെയാണ് ഓഫര്‍ പ്രഖ്യാപിച്ചത്. ടാറ്റ ഹാരിയറിന്റെ പ്രാരംഭ വില 14.99 ലക്ഷം രൂപയായാണ് കുറച്ചത്. ടാറ്റയുടെ ഇലക്ട്രിക് SUVയായ നെക്‌സണ്‍ EVയ്ക്ക് 1.3 ലക്ഷം രൂപയുടെ ആനുകൂല്യങ്ങളും പ്രഖ്യാപിച്ചു.

Automobile297 days ago

മെയ്ബയുടെ മുഖംമിനുക്കിയ പതിപ്പുമായി മെഴ്സിഡീസ്

മുന്‍ മോഡലിനെക്കാള്‍ 39 ലക്ഷം രൂപ വില വര്‍ധിപ്പിച്ച് 3.35 കോടി രൂപ എക്സ്ഷോറൂം വിലയിലാണ് പുതിയ പതിപ്പ് വിപണിയില്‍ എത്തിച്ചിരിക്കുന്നത്. ലുക്കില്‍ മാറ്റങ്ങള്‍ വരുത്തിയതിനൊപ്പം ഏതാനും ഫീച്ചറുകള്‍ ഇന്റീരിയറിലും നല്‍കിയിട്ടുണ്ട്. ബ്ലാക്ക്, സില്‍വര്‍ മെറ്റാലിക്, പോളാര്‍ വൈറ്റ് എന്നീ മൂന്ന് നിറങ്ങളിലാണ് ഈ വാഹനം നിരത്തിലെത്തുക. 4.0 ലിറ്റര്‍ ട്വിന്‍-ടര്‍ബോചാര്‍ജ്ഡ് V8 എന്‍ജിനാണ് മെയ്ബ GLS600-ന് കരുത്തേകുന്നത്.

Automobile345 days ago

ഇന്ത്യയില്‍ എക്കാലത്തേയും ഉയര്‍ന്ന വില്‍പ്പന നേട്ടം കൈവരിച്ച് മെഴ്സിഡസ് ബെന്‍സ്

2023-24 സാമ്പത്തിക വര്‍ഷത്തില്‍ 18,123 വാഹനങ്ങളാണ് മെഴ്സിഡസ് ബെന്‍സ് വിറ്റഴിച്ചത്. 2022-23 വര്‍ഷത്തെ അപേക്ഷിച്ച് പത്തു ശതമാനമാണ് വില്‍പ്പനയില്‍ വളര്‍ച്ച രേഖപ്പെടുത്തിയത്. 2023-24 ആദ്യപാദത്തില്‍ 5412 വാഹനങ്ങള്‍ വിറ്റപ്പോള്‍ കഴിഞ്ഞ വര്‍ഷത്തെ ആദ്യ പാദത്തെ അപേക്ഷിച്ച് 15 ശതമാനം അധിക വില്പനയാണ് നടന്നത്. 2024 ല്‍ മൂന്ന് പുതിയ ബാറ്ററി ഇല‌ക‌്ട്രിക് വാഹനങ്ങളും നാലു പുതിയ ടോപ്പ് എന്‍ഡ് വെഹിക്കിളുകളും പുറത്തിറക്കുമെന്നാണ് ബെന്‍സ് അറിയിച്ചിരിക്കുന്നത്.

Business381 days ago

iX xDrive 50 ഇന്ത്യയില്‍ അവതരിപ്പിച്ച് BMW

BMWന്റെ iX xDrive 50ന് 1.4 കോടി രൂപയാണ് ഇന്ത്യയിലെ എക്‌സ് ഷോറൂം വില. മിനറല്‍ വൈറ്റ്, ഫൈറ്റോണിക് ബ്ലൂ, ബ്ലാക്ക് സഫയര്‍, സ്റ്റോം ബേ മെറ്റാലിക്, അവഞ്ചൂറിന്‍ റെഡ്, ഓക്സൈഡ് ഗ്രേ എന്നീ നിറങ്ങളിലാണ് വാഹനം വിപണിയില്‍ എത്തിയിരിക്കുന്നത്. ഫ്‌ലൗണ്ടിംഗ് ഫ്രെയിംലെസ് വിന്‍ഡോകള്‍, 22 ഇഞ്ച് അലോയ്കള്‍, 3D ബോണറ്റ്, ദീര്‍ഘചതുരാകൃതിയിലുള്ള വീല്‍ ആര്‍ച്ചുകള്‍, വണ്‍ പീസ് LED ടെയില്‍ ലൈറ്റുകള്‍, ഫ്‌ലേര്‍ഡ് ഷോള്‍ഡര്‍ ഏരിയ ഗ്രാബ് ഐബോള്‍ എന്നിവയും നല്‍കിയിട്ടുണ്ട്. പാര്‍ക്കിംഗ് അസിസ്റ്റന്റും ബാക്ക് അപ്പ് അസിസ്റ്റന്റുമാണ് മറ്റൊരു പ്രത്യേകത.

Automobile403 days ago