ഇലക്ട്രിക് മോഡലുകളുടെ വില കുറച്ച് ടാറ്റാ മോട്ടോഴ്‌സ്

ഉത്സവ സീസണോട് അനുബന്ധിച്ച് വന്‍ വിലക്കുറവാണ് EV മോഡലുകള്‍ക്ക് ടാറ്റാ മോട്ടോഴ്‌സ് പ്രഖ്യാപിച്ചിരിക്കുന്നത്. നെക്സോണ്‍ EVയുടെ വില മൂന്ന് ലക്ഷം രൂപ വരെയാണ് കുറച്ചിരിക്കുന്നത്. 12.49 ലക്ഷം രൂപയാണ് വാഹനത്തിന്റെ നിലവിലെ വില. പഞ്ച് EVയുടെ വിലയും കുറച്ചിട്ടുണ്ട്. 1.20 ലക്ഷം രൂപ വരെയാണ് കുറച്ചത്. 9.99 ലക്ഷം രൂപ മുതലാണ് പുതുക്കിയ വില ആരംഭിക്കുന്നത്.

Automobile233 days ago

പുതിയ ഇലക്ട്രിക് വാഹനം പുറത്തിറക്കുമെന്ന് മാരുതി സുസുക്കി

ഒറ്റ ചാര്‍ജില്‍ 500 കിലോമീറ്റര്‍ വരെ സഞ്ചരിക്കാന്‍ കഴിയുന്ന ഇലക്ട്രിക് വാഹനം പുറത്തിറക്കുമെന്നാണ് മാരുതി സുസുക്കി അറിയിച്ചിരിക്കുന്നത്. 60 കിലോവാട്ട് അവര്‍ ബാറ്ററി കരുത്തു പകരുമെന്നാണ് റിപ്പോര്‍ട്ട്. ഹൈ-സ്പെസിഫിക്കേഷനുള്ള ഒന്നിലധികം ഉല്‍പ്പന്നങ്ങള്‍ പുറത്തിറക്കുമെന്ന് MDയും CEOയുമായ ഹിസാഷി ടകൂച്ചി പറഞ്ഞു. 2030ഓടെ കയറ്റുമതി ഗണ്യമായി വര്‍ദ്ധിപ്പിക്കുമെന്നും അദ്ദേഹം കൂട്ടിച്ചേര്‍ത്തു.

Automobile234 days ago

BYD ഇന്ത്യ പുതിയ ഇലക്ട്രിക് കാര്‍ അവതരിപ്പിക്കാന്‍ ഒരുങ്ങുന്നു

E6 MPVയുടെ ഫെയ്‌സ്‌ലിഫ്റ്റ് മോഡലാണ് കമ്പനി ഇന്ത്യയിലേക്ക് കൊണ്ടു വരാന്‍ ഒരുങ്ങുന്നത്. ദീപാവലിയോട് അനുബന്ധിച്ച് ലോഞ്ച് ചെയ്യുമെന്നാണ് റിപ്പോര്‍ട്ട്. മുന്‍വശത്ത് പുതിയ LED ഡേടൈം റണ്ണിംഗ് ലാമ്പ് സിഗ്‌നേച്ചറോട് കൂടിയ പുതിയ ഫുള്‍-LED ഹെഡ്ലാമ്പുകള്‍ ഉണ്ടായിരിക്കും. പുതിയ ഫ്രണ്ട് ബമ്പറും ഇതിലുണ്ട്. അതിന്റെ വശങ്ങളില്‍ കൂടുതല്‍ കോണ്ടൂര്‍ഡ് എയര്‍ വെന്റുകളുണ്ട്.

Automobile244 days ago

MG വിന്‍ഡ്സര്‍ EV സെപ്റ്റംബര്‍ 11ന് ലോഞ്ച് ചെയ്യും

പുതിയ EVയുടെ വില 20 ലക്ഷം രൂപയില്‍ താഴെയായിരിക്കുമെന്ന് MG മോട്ടോര്‍ അറിയിച്ചു. ഏകദേശം 4.3 മീറ്റര്‍ നീളമുള്ള MG വിന്‍ഡ്സര്‍ EV നൂതന സാങ്കേതികവിദ്യയ്ക്കൊപ്പം സെഡാന്റെ സുഖവും SUVയുടെ സൗകര്യങ്ങളും വാഗ്ദാനം ചെയ്യുമെന്ന് എംജി അവകാശപ്പെടുന്നു. ചെറിയ ബാറ്ററി പായ്ക്ക് 360 കിലോമീറ്റര്‍ റേഞ്ച് നല്‍കുമ്പോള്‍ വലിയ ബാറ്ററി പതിപ്പ് 460 കിലോമീറ്റര്‍ റേഞ്ച് വാഗ്ദാനം ചെയ്യുന്നു.

Automobile260 days ago

ടാറ്റ കര്‍വ് EV ഇന്ത്യന്‍ വിപണിയില്‍

ടാറ്റയുടെ അഞ്ചാമത്തെ ഇലക്ട്രിക് വാഹനം കര്‍വ് EV വിപണിയില്‍ അവതരിപ്പിച്ചു. 17.49 ലക്ഷം രൂപ മുതല്‍ 21.99 ലക്ഷം രൂപ വരെയാണ് വാഹനത്തിന്റെ എക്‌സ്‌ഷോറൂം വില. ഏഴു മോഡലുകളില്‍ ലഭിക്കുന്ന വാഹനം രണ്ട് ബാറ്ററി പായ്ക്കുകളിലാണ് വില്‍പ്പനയ്ക്ക് എത്തിയിരിക്കുന്നത്. ഇതില്‍ 45 കിലോവാട്ട് ബാറ്ററി പായ്ക്ക് മോഡലിന് 502 കിലോമീറ്റര്‍ റേഞ്ചും 55 കിലോവാട്ട് ബാറ്ററി പായ്ക്ക് മോഡലിന് 585 കിലോമീറ്റര്‍ റേഞ്ചുമുണ്ടാകും. ഓഗസ്റ്റ് 12 മുതല്‍ വാഹനത്തിന്റെ ബുക്കിങ് ആരംഭിക്കും.

Automobile267 days ago

SUVകളുടെ വിലയില്‍ കുറവുമായി ടാറ്റ മോട്ടോഴ്‌സ്

സഫാരി, ഹാരിയര്‍, നെക്‌സണ്‍, പഞ്ച്, സിയേറ സഫാരി തുടങ്ങിയ മോഡലുകളുടെ വിലയിലാണ് കമ്പനി വിലക്കുറവ് വരുത്തിയിരിക്കുന്നത്. വില്‍പ്പനയില്‍ 20 ലക്ഷം SUVകള്‍ എന്ന റെക്കോര്‍ഡ് പിന്നിട്ടതിന് പിന്നാലെയാണ് ഓഫര്‍ പ്രഖ്യാപിച്ചത്. ടാറ്റ ഹാരിയറിന്റെ പ്രാരംഭ വില 14.99 ലക്ഷം രൂപയായാണ് കുറച്ചത്. ടാറ്റയുടെ ഇലക്ട്രിക് SUVയായ നെക്‌സണ്‍ EVയ്ക്ക് 1.3 ലക്ഷം രൂപയുടെ ആനുകൂല്യങ്ങളും പ്രഖ്യാപിച്ചു.

Automobile296 days ago

പുതിയ എയ്‌സ് EV 1000 അവതരിപ്പിച്ച് ടാറ്റാ മോട്ടോര്‍സ്

ഇ കാര്‍ഗോ മൊബിലിറ്റി സൊല്യൂഷന്‍ ശക്തിപ്പെടുത്തുക എന്ന ഉദ്ദേശത്തോടെയാണ് പുതിയ എയ്‌സ് EV 1000 അവതരിപ്പിച്ചിരിക്കുന്നത്. ഈ സീറോ എമിഷന്‍ മിനി ട്രക്ക് ഒരു ടണ്‍ വരെ ഭാരവും വഹിച്ച് ഒറ്റ ചാര്‍ജില്‍ 161 കിലോമീറ്റര്‍ ദൂരം സര്‍ട്ടിഫൈഡ് റെയ്ഞ്ചുമാണ് വാഗ്ദാനം ചെയ്യുന്നത്. വിവിധ മേഖലകളില്‍ നിന്നുള്ള ഉപഭോക്താക്കളില്‍ നിന്ന് ലഭിച്ച ഇന്‍പുട്ടുകള്‍ സ്വീകരിച്ചാണ് ഈ പുതിയ വേരിയന്റ് വികസിപ്പിച്ചിരിക്കുന്നത്.

Automobile355 days ago

മെഴ്‌സിഡസ് ബെന്‍സ് മൂന്ന് ഇലക്ട്രിക് കാറുകള്‍ ഇന്ത്യന്‍ വിപണിയില്‍ അവതരിപ്പിച്ചേക്കും

ഈ വര്‍ഷം അവസാനം മൂന്ന് ഇലക്ട്രിക് കാറുകള്‍ വിപണിയില്‍ ഇറക്കാനാണ് കമ്പനി പദ്ധതിയിടുന്നത്. ഹൈ എന്‍ഡ് മോഡലുകളില്‍ EQS, EQE എന്നിവ അടക്കം മൂന്ന് ഇലക്ട്രിക് വാഹനങ്ങളായിരിക്കും എത്തുക എന്നാണ് റിപ്പോര്‍ട്ട്. മെഴ്സിഡസ് ബെന്‍സ് E ക്ലാസ്, സ്പോര്‍ട്ടി മെഴ്സിഡസ് AMG C 63 E പെര്‍ഫോമന്‍സ് F വണ്‍ എഡിഷന്‍, മെഴ്സിഡസ് AMG S 63 E പെര്‍ഫോമന്‍സ് എന്നിവയ്ക്ക് പുറമെയാണ് SUV ഗണത്തില്‍പ്പെട്ട മൂന്ന് ഇലക്ട്രിക് കാറുകള്‍ കൂടി വിപണിയിലെത്തിക്കുന്നത്.

Automobile382 days ago

വാഹന പൊളിക്കൽ സൗകര്യം ഡൽഹിയിലും ആരംഭിച്ച് ടാറ്റാ മോട്ടോഴ്‌സ്

'റീസൈക്കിൾ വിത്ത് റെസ്‌പെക്ട്' എന്ന പേരിലുളള സംവിധാനത്തില്‍ അത്യാധുനിക പരിസ്ഥിതി സൗഹൃദ രീതികളിലൂടെ കാലാവധി പൂർത്തിയാക്കിയ 18,000 വാഹനങ്ങൾ പ്രതിവർഷം സുരക്ഷിതമായി പൊളിക്കാന്‍ സാധിക്കുമെന്ന് ടാറ്റാ മോട്ടോഴ്‌സ് എക്‌സിക്യൂട്ടീവ് ഡയറക്ടർ ഗിരീഷ് വാഗ് പറഞ്ഞു. ഈ സ്‌ക്രാപ്പിംഗ് സംവിധാനത്തില്‍ എല്ലാ ബ്രാൻഡുകളിലുമുള്ള യാത്രാ വാഹനങ്ങളും വാണിജ്യ വാഹനങ്ങളും പൊളിക്കാനാകും.Read More

National402 days ago

iX xDrive 50 ഇന്ത്യയില്‍ അവതരിപ്പിച്ച് BMW

BMWന്റെ iX xDrive 50ന് 1.4 കോടി രൂപയാണ് ഇന്ത്യയിലെ എക്‌സ് ഷോറൂം വില. മിനറല്‍ വൈറ്റ്, ഫൈറ്റോണിക് ബ്ലൂ, ബ്ലാക്ക് സഫയര്‍, സ്റ്റോം ബേ മെറ്റാലിക്, അവഞ്ചൂറിന്‍ റെഡ്, ഓക്സൈഡ് ഗ്രേ എന്നീ നിറങ്ങളിലാണ് വാഹനം വിപണിയില്‍ എത്തിയിരിക്കുന്നത്. ഫ്‌ലൗണ്ടിംഗ് ഫ്രെയിംലെസ് വിന്‍ഡോകള്‍, 22 ഇഞ്ച് അലോയ്കള്‍, 3D ബോണറ്റ്, ദീര്‍ഘചതുരാകൃതിയിലുള്ള വീല്‍ ആര്‍ച്ചുകള്‍, വണ്‍ പീസ് LED ടെയില്‍ ലൈറ്റുകള്‍, ഫ്‌ലേര്‍ഡ് ഷോള്‍ഡര്‍ ഏരിയ ഗ്രാബ് ഐബോള്‍ എന്നിവയും നല്‍കിയിട്ടുണ്ട്. പാര്‍ക്കിംഗ് അസിസ്റ്റന്റും ബാക്ക് അപ്പ് അസിസ്റ്റന്റുമാണ് മറ്റൊരു പ്രത്യേകത.

Automobile402 days ago

പുതിയ ഫീച്ചറുകളോടെ ടിയാഗോ EV അപ്‌ഡേറ്റ് ചെയ്ത് ടാറ്റ മോട്ടോഴ്സ്

ഉപഭോക്താക്കളില്‍ നിന്ന് ലഭിച്ച ഫീഡ്ബാക്ക് അടിസ്ഥാനമാക്കിയാണ് കമ്പനി പുതിയ അപ്‌ഡേറ്റുകള്‍ അവതരിപ്പിച്ചത്. 2024 ടാറ്റ ടിയാഗോ EVയ്ക്ക് ഇപ്പോള്‍ ഒരു ഓട്ടോ-ഡിമ്മിംഗ് IRVM ലഭിക്കുന്നു. രണ്ട് ബാറ്ററി പാക്ക് ഓപ്ഷനുകളിലാണ് ടാറ്റ ടിയാഗോ EV അവതരിപ്പിച്ചിരിക്കുന്നത്. ഇത് 19.2kWh ബാറ്ററിയും 24kWh യൂണിറ്റും പായ്ക്ക് ചെയ്യുന്നു. ടിയാഗോ EVയുടെ എല്ലാ വകഭേദങ്ങളും ഇപ്പോള്‍ ഒരു പുതിയ ഗിയര്‍ സെലക്ടര്‍ നോബുമായാണ് വരുന്നത്.

Automobile405 days ago