പരിഷ്‌കരിച്ച ഡ്രൈവിംഗ് ടെസ്റ്റ് നടത്താനുറച്ച് ഗതാഗതവകുപ്പ്

ഡ്രൈവിംഗ് ടെസ്റ്റിനായി സ്ലോട്ട് ലഭിച്ചവര്‍ കൃത്യമായി ഹാജരാകണമെന്ന് ഗതാഗത മന്ത്രിയുടെ ഓഫീസ് അറിയിച്ചു. തീയതി ലഭിച്ചവര്‍ സ്വന്തം നിലക്ക് വാഹനവുമായി എത്താനാണ് നിര്‍ദേശിച്ചിരിക്കുന്നത്. ടെസ്റ്റിനായി സര്‍ക്കാര്‍ ഉടമസ്ഥതയിലുള്ള ഭൂമികള്‍ സജ്ജമാക്കാനും പോലീസ് സംരക്ഷണം ഉറപ്പാക്കാനും ആര്‍ടിഓമാര്‍ക്ക് നിര്‍ദേശം നല്‍കിയിട്ടുണ്ട്. 40 പേരെ മാത്രം പങ്കെടുപ്പിച്ച് ഡ്രൈവിംഗ് ടെസ്റ്റ് നടത്താനാണ് ഉദ്യോഗസ്ഥര്‍ക്ക് നല്‍കിയിരിക്കുന്ന നിര്‍ദേശം.

Kerala359 days ago

ഡ്രൈവിങ് ലൈസന്‍സ് കാര്‍ഡ് ഒഴിവാക്കി ഡിജിറ്റലാക്കും: കെ.ബി. ഗണേഷ്‌കുമാര്‍

നിലവിലെ കാര്‍ഡ് ലൈസന്‍സിനു പകരം ഓണ്‍ലൈന്‍ ആയി ഡൗണ്‍ലോഡ് ചെയ്യാന്‍ കഴിയുന്ന രീതിയിലാകും ലൈസന്‍സിനെ ക്രമീകരിക്കുകയെന്ന് ഗതാഗത വകുപ്പ് മന്ത്രി കെ.ബി. ഗണേഷ് കുമാര്‍ പറഞ്ഞു. ലൈസന്‍സില്‍ ക്യൂആര്‍ കോഡ് സൗകര്യം ഏര്‍പ്പെടുത്തും. ലൈസന്‍സ് ടെസ്റ്റ് പാസാകുന്ന വ്യക്തിയ്ക്ക് ക്യൂ ആര്‍ കോഡും ഫോട്ടോയും അടക്കം വെച്ച് ഫോണില്‍ സൂക്ഷിക്കാവുന്ന രീതിയിലായിരിക്കും ലൈസന്‍സിന്റെ ഡിജിറ്റലൈസേഷന്‍ നടപ്പാക്കുകയെന്നും മന്ത്രി വ്യക്തമാക്കി.

Kerala220 days ago

ടൂറിസ്റ്റ് ബസുകള്‍ക്ക് നികുതി കൂട്ടിയ സംഭവം; തമിഴ്‌നാടിനെതിരെ കെ. ബി. ഗണേഷ് കുമാര്‍

ടൂറിസ്റ്റ് ബസുകളുടെ നികുതി ഇനത്തില്‍ അവിടെ 4000 വാങ്ങിയാല്‍ ഇവിടെയും 4000 വാങ്ങിക്കുമെന്നും ഇങ്ങോട്ട് ദ്രോഹിച്ചാല്‍ തിരികെ അങ്ങോട്ടും ദ്രോഹിക്കുമെന്നും മന്ത്രി പറഞ്ഞു. കേരള സര്‍ക്കാരുമായി കൂടിയാലോചിക്കാതെയാണ് തമിഴ്‌നാട് 4000 രൂപ ടാക്‌സ് വര്‍ധിപ്പിച്ചത്. ശബരിമല സീസണാണ് വരുന്നതെന്ന് തമിഴ്‌നാട് ഓര്‍ക്കണമെന്നും തമിഴ്‌നാട്ടില്‍ നിന്നാണ് ഏറ്റവും കൂടുതല്‍ ആള്‍ക്കാര്‍ ശബരിമലയിലേക്ക് വരുന്നതെന്നും മന്ത്രി കൂട്ടിച്ചേര്‍ത്തു.

Kerala310 days ago

ഡ്രൈവിങ് ടെസ്റ്റ്: അംഗീകൃത പരിശീലകര്‍ ഗ്രൗണ്ടില്‍ നേരിട്ടെത്തണമെന്ന നിബന്ധന പിന്‍വലിച്ചു

ഗതാഗത വകുപ്പ് നിബന്ധന പിന്‍വലിച്ചതോടെ 15 ദിവസമായി ഡ്രൈവിങ് സ്‌കൂളുകാര്‍ നടത്തിയിരുന്ന പ്രതിഷേധം അവസാനിപ്പിച്ചു. എന്നാല്‍ അംഗീകൃത പരിശീലകര്‍ ഡ്രൈവിങ് സ്‌കീളുകളില്‍ ഉണ്ടാകണമെന്ന വ്യവസ്ഥ കര്‍ശനമാക്കും. ഗതാഗത വകുപ്പ് മന്ത്രി കെ. ബി. ഗണേഷ് കുമാറും ഡ്രൈവിങ് സ്‌കൂള്‍ സംഘടനകളുമായി നടത്തിയ ചര്‍ച്ചയിലാണ് വിഷയം ഒത്തുതീര്‍പ്പായത്. സ്‌കൂളുകളില്‍ പരിശോധന ത്വരിതപ്പെടുത്താന്‍ മോട്ടോര്‍ വെഹിക്കിള്‍ ഇന്‍സ്‌പെക്ടര്‍മാര്‍ക്ക് നിര്‍ദേശവും നല്‍കി.

Kerala310 days ago

ഡ്രൈവിംഗ് ടെസ്റ്റ് പരിഷ്‌കരണത്തില്‍ വീണ്ടും ഇളവ് അനുവദിച്ച് സര്‍ക്കാര്‍

ഡ്രൈവിംഗ് സ്‌കൂള്‍ വാഹനങ്ങളുടെ കാലാവധി 18 ല്‍ നിന്ന് 22 വര്‍ഷമായി ഉയര്‍ത്തി. മൂവായിരം അപേക്ഷകളില്‍ കൂടുതല്‍ കെട്ടിക്കിടക്കുന്നിടത്ത് 40 ടെസ്റ്റുകള്‍ അധികമായി നടത്തും. ഡ്രൈവിംഗ് ഇന്‍സ്ട്രക്ടര്‍ ഗ്രൗണ്ടില്‍ ഹാജരാകേണ്ടതില്ല എന്നും പുതിയ ഉത്തരവില്‍ പറയുന്നു. CITU പ്രതിനിധികള്‍ ഗതാഗത മന്ത്രിയുമായി ഇന്നലെ നടത്തിയ ചര്‍ച്ചയിലാണ് തീരുമാനം.

Kerala311 days ago

എറണാകുളം KSRTC ബസ് സ്റ്റാൻഡ് ഉടൻ നവീകരിക്കുമെന്ന് ഗതാഗത മന്ത്രി

എറണാകുളം KSRTC ബസ് സ്റ്റാൻഡിലെ പ്രശ്നങ്ങൾ പരിഹരിച്ച് നവീകരണ പ്രവർത്തനം ഉടൻ ആരംഭിക്കുമെന്ന് ബസ് സ്റ്റാൻഡ് സന്ദർശിച്ച ശേഷം ഗതാഗതമന്ത്രി കെ.ബി. ഗണേഷ് കുമാർ പറഞ്ഞു. സ്റ്റാൻഡിന്റെ ദുരവസ്ഥ മന്ത്രിയുടെ നേതൃത്വത്തിലുള്ള സംഘം നേരിട്ട് കണ്ട് വിലയിരുത്തി. ബസ് സ്റ്റാൻഡിലെ വെള്ളക്കെട്ടിന് പരിഹാരം കാണാൻ IIT എൻജിനിയർമാരെ നിയോഗിച്ചിട്ടുണ്ടെന്നും സ്റ്റാൻഡിന് ചുറ്റുമുള്ള തോടുകളിൽ നിന്ന് വെള്ളം കയറുന്നത് തടയാൻ മതിൽ നിർമിക്കുമെന്നും മന്ത്രി പറഞ്ഞു.

Kerala315 days ago

KSRTC ഡിപ്പോകളിലും ബസുകളിലും പോസ്റ്ററുകൾ പതിക്കരുത്: ഗതാഗതമന്ത്രി

KSRTC യുടെ എല്ലാ ഓഫീസുകളും വൃത്തിയായി സൂക്ഷിക്കുന്നതിന്റെ ഭാഗമായി KSRTC ഡിപ്പോകളിലോ ബസുകളിലോ പോസ്റ്ററുകൾ പതിക്കരുതെന്ന് ഗതാഗതമന്ത്രി കെ.ബി. ഗണേഷ് കുമാർ യൂണിയനുകളോട് നിർദേശിച്ചു. അംഗീകാരമുള്ളതും അല്ലാത്തതുമായ യൂണിയനുകള്‍ക്ക് പോസ്റ്ററുകള്‍ പതിക്കാന്‍ സ്ഥലം അനുവദിക്കുമെന്നും അവിടെ മാത്രമെ പോസ്റ്ററുകൾ പതിക്കാവൂ എന്നും ഇതു സംബന്ധിച്ച് CMD നിര്‍ദേശം നല്‍കിയിട്ടുണ്ടെന്നും മന്ത്രി പറഞ്ഞു.

Kerala330 days ago

ഡ്രൈവിംഗ് ടെസ്റ്റിനെത്തുമ്പോള്‍ ഇന്‍സ്ട്രക്ടര്‍മാര്‍ നിര്‍ബന്ധമാണെന്ന നിബന്ധന; പ്രതിഷേധം

ഈ പുതിയ നിബന്ധന വീണ്ടും ഡ്രൈവിംഗ് ടെസ്റ്റില്‍ പ്രതിസന്ധി സൃക്ഷിക്കുകയാണ്. തിരുവനന്തപുരം മുട്ടത്തറയില്‍ പ്രതിഷേധം കാരണം ഡ്രൈവിംഗ് ടെസ്റ്റ് തടസ്സപ്പെട്ടു. ഡ്രൈവിംഗ് സ്‌കൂളിന് ലൈസന്‍സ് നല്‍കുന്നത് നിശ്ചിത യോഗ്യതയുള്ള ഇന്‍സ്ട്രക്ടര്‍മാര്‍ക്കാണ്. എന്നാല്‍ പലയിടത്തും ലൈസന്‍സ് ഒരാള്‍ക്കും ഡ്രൈവിംഗ് പഠിപ്പിക്കുന്നത് മറ്റൊരാളുമാണെന്ന് മോട്ടോര്‍ വാഹന വകുപ്പ് കണ്ടെത്തി. ഇതിനെത്തുടര്‍ന്നാണ് പുതിയ നിബന്ധന.

Kerala334 days ago

മത്സരയോട്ടം പാടില്ല; KSRTC ഡ്രൈവര്‍മാര്‍ക്ക് നിര്‍ദേശങ്ങളുമായി ഗതാഗതമന്ത്രി കെ.ബി. ഗണേഷ്‌കുമാര്‍

ശ്രദ്ധയോടെ വാഹനം ഓടിക്കണമെന്നും അമിതവേഗം പാടില്ലെന്നും ജോലിയില്‍ കൃത്യനിഷ്ഠ പാലിക്കണമെന്നും ഗതാഗതമന്ത്രി നിര്‍ദേശിച്ചു. ഫോണ്‍ ഉപയോഗിച്ചുകൊണ്ട് വാഹനമോടിച്ചാല്‍ കര്‍ശന നടപടി സ്വീകരിക്കുമെന്നും മന്ത്രി മുന്നറിയിപ്പ് നല്‍കി. അതേസമയം തൃശൂര്‍ പേരാമംഗലത്ത് KSRTC ബസില്‍ യുവതി പ്രസവിച്ച സാഹചര്യത്തെ മികച്ച രീതിയില്‍ കൈകാര്യം ചെയ്ത ബസിലെ ജീവനക്കാരെ ഗതാഗത വകുപ്പ് മന്ത്രി കെ.ബി. ഗണേഷ് കുമാര്‍ നേരിട്ടു വിളിച്ച് അഭിനന്ദിച്ചു.

Kerala337 days ago

ഡ്രൈവിങ് ടെസ്റ്റ് പരിഷ്‌കരണം; പ്രശ്‌നം പരിഹരിച്ചതായി സര്‍ക്കാര്‍

മന്ത്രിയുമായി നടത്തിയ ചര്‍ച്ചയില്‍ സര്‍ക്കുലറുമായി ബന്ധപ്പെട്ട പ്രശ്നങ്ങള്‍ പരിഹരിച്ചതായും സര്‍ക്കുലര്‍ പുതുക്കിയതായും സര്‍ക്കാര്‍ ഹൈക്കോടതിയെ അറിയിച്ചു. പുതുക്കിയ സര്‍ക്കുലര്‍ ഹാജരാക്കാന്‍ ഹൈക്കോടതി സര്‍ക്കാറിനോട് നിര്‍ദേശിച്ചു. ഗതാഗത കമ്മീഷണര്‍ പുറത്തിറക്കിയ സര്‍ക്കുലര്‍ ചോദ്യം ചെയ്ത് ഡ്രൈവിങ് സ്‌കൂള്‍ ഉടമകളും പരിശീലകരുമാണ് ഹൈക്കോടതിയെ സമീപിച്ചത്. കേസ് ഇനി അടുത്ത മാസം 3 ന് പരിഗണിക്കും.

Kerala347 days ago

ഡ്രൈവിങ് ടെസ്റ്റ് പരിഷ്‌കരണം; ഹര്‍ജികള്‍ ഇന്ന് ഹൈക്കോടതി പരിഗണിക്കും

ജസ്റ്റിസ് എന്‍. നഗരേഷിന്റെ ബെഞ്ചാണ് സംസ്ഥാനത്തെ ഡ്രൈവിങ് ടെസ്റ്റ് പരിഷ്‌കരണ സര്‍ക്കുലറിനെതിരെ നല്‍കിയ ഹര്‍ജികള്‍ പരിഗണിക്കുക. ഡ്രൈവിങ് ടെസ്റ്റ് പരിഷ്‌കരിച്ച് ഗതാഗത കമ്മീഷണര്‍ ഇറക്കിയ സര്‍ക്കുലര്‍ സ്റ്റേ ചെയ്യണമെന്ന ഹര്‍ജിക്കാരുടെ ആവശ്യം ഹൈക്കോടതി നേരത്തെ തള്ളിയിരുന്നു. സര്‍ക്കുലര്‍ കേന്ദ്ര മോട്ടോര്‍ വാഹന ചട്ടങ്ങള്‍ക്ക് വിരുദ്ധമല്ലെന്നും അതിനാല്‍ സര്‍ക്കുലറില്‍ ഇടപെടാന്‍ കാരണങ്ങളില്ലെന്നുമായിരുന്നു കോടതി നിലപാടെടുത്തത്.

Kerala348 days ago