ഡ്രൈവിങ് ലൈസന്‍സ് കാര്‍ഡ് ഒഴിവാക്കി ഡിജിറ്റലാക്കും: കെ.ബി. ഗണേഷ്‌കുമാര്‍

നിലവിലെ കാര്‍ഡ് ലൈസന്‍സിനു പകരം ഓണ്‍ലൈന്‍ ആയി ഡൗണ്‍ലോഡ് ചെയ്യാന്‍ കഴിയുന്ന രീതിയിലാകും ലൈസന്‍സിനെ ക്രമീകരിക്കുകയെന്ന് ഗതാഗത വകുപ്പ് മന്ത്രി കെ.ബി. ഗണേഷ് കുമാര്‍ പറഞ്ഞു. ലൈസന്‍സില്‍ ക്യൂആര്‍ കോഡ് സൗകര്യം ഏര്‍പ്പെടുത്തും. ലൈസന്‍സ് ടെസ്റ്റ് പാസാകുന്ന വ്യക്തിയ്ക്ക് ക്യൂ ആര്‍ കോഡും ഫോട്ടോയും അടക്കം വെച്ച് ഫോണില്‍ സൂക്ഷിക്കാവുന്ന രീതിയിലായിരിക്കും ലൈസന്‍സിന്റെ ഡിജിറ്റലൈസേഷന്‍ നടപ്പാക്കുകയെന്നും മന്ത്രി വ്യക്തമാക്കി.

Kerala220 days ago

KSRTC ഡ്രൈവിങ് സ്‌കൂളിലെ ആദ്യ ബാച്ചില്‍ 30 പേര്‍ക്ക് ലൈസന്‍സ്

KSRTC ഡ്രൈവിങ് സ്‌കൂളില്‍ നിന്ന് പരിശീലനം പൂര്‍ത്തിയാക്കി ലൈസന്‍സ് കരസ്ഥമാക്കിയവര്‍ക്ക് ഗതാഗത വകുപ്പ് മന്ത്രി കെ. ബി. ഗണേഷ് കുമാര്‍ ലൈസന്‍സ് കൈമാറി. ആനയറ KSRTC സ്വിഫ്റ്റ് ആസ്ഥാനത്ത് നടന്ന ചടങ്ങിലായിരുന്നു ലൈസന്‍സ് വിതരണം. തിരുവനന്തപുരം സ്റ്റാഫ് ട്രെയിനിങ് കേന്ദ്രത്തില്‍ പരിശീലനം ലഭിച്ച ആദ്യ ബാച്ചിലെ 37 പേരില്‍ 30 പേര്‍ക്ക് ഡ്രൈവിങ് ലൈസന്‍സ് ലഭിച്ചു.

Kerala219 days ago

ടൂറിസ്റ്റ് ബസുകള്‍ക്ക് നികുതി കൂട്ടിയ സംഭവം; തമിഴ്‌നാടിനെതിരെ കെ. ബി. ഗണേഷ് കുമാര്‍

ടൂറിസ്റ്റ് ബസുകളുടെ നികുതി ഇനത്തില്‍ അവിടെ 4000 വാങ്ങിയാല്‍ ഇവിടെയും 4000 വാങ്ങിക്കുമെന്നും ഇങ്ങോട്ട് ദ്രോഹിച്ചാല്‍ തിരികെ അങ്ങോട്ടും ദ്രോഹിക്കുമെന്നും മന്ത്രി പറഞ്ഞു. കേരള സര്‍ക്കാരുമായി കൂടിയാലോചിക്കാതെയാണ് തമിഴ്‌നാട് 4000 രൂപ ടാക്‌സ് വര്‍ധിപ്പിച്ചത്. ശബരിമല സീസണാണ് വരുന്നതെന്ന് തമിഴ്‌നാട് ഓര്‍ക്കണമെന്നും തമിഴ്‌നാട്ടില്‍ നിന്നാണ് ഏറ്റവും കൂടുതല്‍ ആള്‍ക്കാര്‍ ശബരിമലയിലേക്ക് വരുന്നതെന്നും മന്ത്രി കൂട്ടിച്ചേര്‍ത്തു.

Kerala310 days ago

എറണാകുളം KSRTC ബസ് സ്റ്റാൻഡ് ഉടൻ നവീകരിക്കുമെന്ന് ഗതാഗത മന്ത്രി

എറണാകുളം KSRTC ബസ് സ്റ്റാൻഡിലെ പ്രശ്നങ്ങൾ പരിഹരിച്ച് നവീകരണ പ്രവർത്തനം ഉടൻ ആരംഭിക്കുമെന്ന് ബസ് സ്റ്റാൻഡ് സന്ദർശിച്ച ശേഷം ഗതാഗതമന്ത്രി കെ.ബി. ഗണേഷ് കുമാർ പറഞ്ഞു. സ്റ്റാൻഡിന്റെ ദുരവസ്ഥ മന്ത്രിയുടെ നേതൃത്വത്തിലുള്ള സംഘം നേരിട്ട് കണ്ട് വിലയിരുത്തി. ബസ് സ്റ്റാൻഡിലെ വെള്ളക്കെട്ടിന് പരിഹാരം കാണാൻ IIT എൻജിനിയർമാരെ നിയോഗിച്ചിട്ടുണ്ടെന്നും സ്റ്റാൻഡിന് ചുറ്റുമുള്ള തോടുകളിൽ നിന്ന് വെള്ളം കയറുന്നത് തടയാൻ മതിൽ നിർമിക്കുമെന്നും മന്ത്രി പറഞ്ഞു.

Kerala314 days ago

40 ശതമാനം ഇളവുമായി KSRTCയുടെ ഡ്രൈവിങ് സ്‌കൂള്‍

കാര്‍, ഹെവി വെഹിക്കിള്‍ എന്നിവയുടെ പരിശീലനത്തിനായി 9000 രൂപയാണ് ഫീസ് ഇനത്തില്‍ KSRTC ഈടാക്കുന്നത്. ഗിയര്‍ ഉള്ളതും ഇല്ലാത്തതുമായ ഇരുചക്രവാഹനങ്ങള്‍ക്ക് 3500 രൂപയാണ് ഫീസ്. ഡ്രൈവിങ് ടെസ്റ്റ് പരിഷ്‌കരണവുമായി ബന്ധപ്പെട്ട് ഡ്രൈവിങ് സ്‌കൂള്‍ ഉടമകളും സര്‍ക്കാരും തമ്മില്‍ തര്‍ക്കം നടക്കുന്നതിനിടെയാണ് KSRTC ഡ്രൈവിങ് സ്‌കൂളുകള്‍ ആരംഭിക്കുന്നത്. സംസ്ഥാനത്തെ ഡ്രൈവിങ് പഠനനിലവാരം ഉയര്‍ത്താനാണ് ഇതിലൂടെ ലക്ഷ്യമിടുന്നത്.

Automobile318 days ago

KSRTC ഡിപ്പോകളിലും ബസുകളിലും പോസ്റ്ററുകൾ പതിക്കരുത്: ഗതാഗതമന്ത്രി

KSRTC യുടെ എല്ലാ ഓഫീസുകളും വൃത്തിയായി സൂക്ഷിക്കുന്നതിന്റെ ഭാഗമായി KSRTC ഡിപ്പോകളിലോ ബസുകളിലോ പോസ്റ്ററുകൾ പതിക്കരുതെന്ന് ഗതാഗതമന്ത്രി കെ.ബി. ഗണേഷ് കുമാർ യൂണിയനുകളോട് നിർദേശിച്ചു. അംഗീകാരമുള്ളതും അല്ലാത്തതുമായ യൂണിയനുകള്‍ക്ക് പോസ്റ്ററുകള്‍ പതിക്കാന്‍ സ്ഥലം അനുവദിക്കുമെന്നും അവിടെ മാത്രമെ പോസ്റ്ററുകൾ പതിക്കാവൂ എന്നും ഇതു സംബന്ധിച്ച് CMD നിര്‍ദേശം നല്‍കിയിട്ടുണ്ടെന്നും മന്ത്രി പറഞ്ഞു.

Kerala330 days ago

മത്സരയോട്ടം പാടില്ല; KSRTC ഡ്രൈവര്‍മാര്‍ക്ക് നിര്‍ദേശങ്ങളുമായി ഗതാഗതമന്ത്രി കെ.ബി. ഗണേഷ്‌കുമാര്‍

ശ്രദ്ധയോടെ വാഹനം ഓടിക്കണമെന്നും അമിതവേഗം പാടില്ലെന്നും ജോലിയില്‍ കൃത്യനിഷ്ഠ പാലിക്കണമെന്നും ഗതാഗതമന്ത്രി നിര്‍ദേശിച്ചു. ഫോണ്‍ ഉപയോഗിച്ചുകൊണ്ട് വാഹനമോടിച്ചാല്‍ കര്‍ശന നടപടി സ്വീകരിക്കുമെന്നും മന്ത്രി മുന്നറിയിപ്പ് നല്‍കി. അതേസമയം തൃശൂര്‍ പേരാമംഗലത്ത് KSRTC ബസില്‍ യുവതി പ്രസവിച്ച സാഹചര്യത്തെ മികച്ച രീതിയില്‍ കൈകാര്യം ചെയ്ത ബസിലെ ജീവനക്കാരെ ഗതാഗത വകുപ്പ് മന്ത്രി കെ.ബി. ഗണേഷ് കുമാര്‍ നേരിട്ടു വിളിച്ച് അഭിനന്ദിച്ചു.

Kerala337 days ago

ഡ്രൈവിംഗ് സ്‌കൂൾ സമരം: ഗതാഗതമന്ത്രി ചർച്ചയ്ക്ക് വിളിച്ചു

ഡ്രൈവിംഗ് പരിഷ്കരണത്തിനെതിരെ ഡ്രൈവിംഗ് സ്‌കൂൾ ഉടമകളുടെ സമരം ശക്തമായി തുടരുന്ന സാഹചര്യത്തിൽ ഒത്തുതീർപ്പിന് ഒരുങ്ങി സർക്കാർ. ഗതാഗത മന്ത്രി കെ.ബി. ഗണേഷ് കുമാർ ഡ്രൈവിംഗ് സ്‌കൂൾ ഉടമകളുടെ എല്ലാ സംഘടനകളെയും നാളെ ചർച്ചയ്ക്ക് വിളിച്ചിട്ടുണ്ട്. ഉന്നയിച്ച ആവശ്യങ്ങളിൽ ഉറച്ചു നിൽക്കുകയാണെന്ന് ഡ്രൈവിംഗ് സ്‌കൂൾ ഉടമകൾ പ്രതികരിച്ചു. സമരം ശക്തമായി തുടരുന്നതിനാൽ ഡ്രൈവിംഗ് പരിഷ്കരണത്തിലെ ചില നിർദേശങ്ങൾ പിൻവലിച്ചേക്കും.

Kerala354 days ago

പ്രതിഷേധം ശക്തം; ഡ്രൈവിങ് ലൈസന്‍സ് ടെസ്റ്റുകള്‍ ഇന്നും മുടങ്ങി

സമരസമിതിയുടെ പ്രതിഷേധവും സ്ലോട്ട് ലഭിച്ച അപേക്ഷകര്‍ എത്താതിരുന്നതും കാരണം ഇന്നും ലൈസന്‍സ് ടെസ്റ്റുകള്‍ തടസപ്പെട്ടു. തിരുവനന്തപുരം മുട്ടത്തറയില്‍ ടെസ്റ്റ് ഗ്രൗണ്ട് കവാടത്തിന് മുന്നില്‍ സമരക്കാര്‍ കിടന്ന് പ്രതിഷേധിച്ചു. കോഴിക്കോട് താമരശ്ശേരിയില്‍ കഞ്ഞി വെച്ചായിരുന്നു ഡ്രൈവിങ് സ്‌കൂള്‍ ഉടമകളുടെ പ്രതിഷേധം. പോലീസ് സംരക്ഷണത്തില്‍ ഡ്രൈവിങ് ടെസ്റ്റ് പുനരാരംഭിക്കാനായിരുന്നു ഗതാഗത മന്ത്രി കെ.ബി. ഗണേഷ് കുമാറിന്റെ നിര്‍ദേശം. എന്നാല്‍ പ്രതിഷേധം കനത്തതോടെ ഈ നീക്കവും പരാജയപ്പെടുകയായിരുന്നു.

Kerala358 days ago

സംസ്ഥാനത്ത് ഡ്രൈവിങ് ലൈസന്‍സ് ടെസ്റ്റുകള്‍ ഇന്ന് പുനരാരംഭിക്കും

ഡ്രൈവിങ് ടെസ്റ്റുകള്‍ പോലിസ് സംരക്ഷണത്തോടെ ഇന്ന് മുതല്‍ തുടങ്ങണമെന്നാണ് ഗതാഗത മന്ത്രി കെ.ബി. ഗണേഷ് കുമാറിന്റെ നിര്‍ദേശം. സ്ലോട്ട് ലഭിച്ചവര്‍ സ്വന്തം വാഹനവുമായി ടെസ്റ്റിനെത്തണമെന്നാണ് മോട്ടോര്‍ വാഹനവകുപ്പ് ഉദ്യോഗസ്ഥര്‍ അറിയിച്ചിരിക്കുന്നത്. അതിനാല്‍ തന്നെ സ്ലോട്ട് ലഭിച്ച എല്ലാവരും ഇന്ന് എത്താന്‍ സാധ്യതയില്ലെന്നാണ് വിലയിരുത്തല്‍. ഡ്രൈവിങ് ടെസ്റ്റ് പരിഷ്‌കരണ ഉത്തരവ് പിന്‍വലിക്കണമെന്നാവശ്യപ്പെട്ടുളള സംയുക്ത സമരസസമിതിയുടെ പ്രതിഷേധം കാരണം കഴിഞ്ഞ ആറു ദിവസമായി ടെസ്റ്റ് തടസപ്പെട്ടിരുന്നു.

Kerala358 days ago

പരിഷ്‌കരിച്ച ഡ്രൈവിംഗ് ടെസ്റ്റ് നടത്താനുറച്ച് ഗതാഗതവകുപ്പ്

ഡ്രൈവിംഗ് ടെസ്റ്റിനായി സ്ലോട്ട് ലഭിച്ചവര്‍ കൃത്യമായി ഹാജരാകണമെന്ന് ഗതാഗത മന്ത്രിയുടെ ഓഫീസ് അറിയിച്ചു. തീയതി ലഭിച്ചവര്‍ സ്വന്തം നിലക്ക് വാഹനവുമായി എത്താനാണ് നിര്‍ദേശിച്ചിരിക്കുന്നത്. ടെസ്റ്റിനായി സര്‍ക്കാര്‍ ഉടമസ്ഥതയിലുള്ള ഭൂമികള്‍ സജ്ജമാക്കാനും പോലീസ് സംരക്ഷണം ഉറപ്പാക്കാനും ആര്‍ടിഓമാര്‍ക്ക് നിര്‍ദേശം നല്‍കിയിട്ടുണ്ട്. 40 പേരെ മാത്രം പങ്കെടുപ്പിച്ച് ഡ്രൈവിംഗ് ടെസ്റ്റ് നടത്താനാണ് ഉദ്യോഗസ്ഥര്‍ക്ക് നല്‍കിയിരിക്കുന്ന നിര്‍ദേശം.

Kerala358 days ago