എക്‌സിറ്റ് പോളുകള്‍ തള്ളി സോണിയ ഗാന്ധി

ലോക്‌സഭാ തിരഞ്ഞെടുപ്പിന്റെ ഫലം എക്‌സിറ്റ് പോളുകള്‍ക്ക് നേര്‍ വിപരീതമായിരിക്കുമെന്നും കാത്തിരുന്ന് കാണാമെന്നും സോണിയ ഗാന്ധി പറഞ്ഞു. നടന്നത് മോദി പോളാണെന്നായിരുന്നു രാഹുല്‍ഗാന്ധിയുടെ പ്രതികരണം. എക്‌സിറ്റ് പോളുകള്‍ പുറത്തുവന്ന സാഹചര്യത്തില്‍ വോട്ടെണ്ണല്‍ സുതാര്യമാക്കണമെന്നാവശ്യപ്പെട്ട് ഇന്ത്യ സഖ്യ നേതാക്കള്‍ ഇന്നലെ തിരഞ്ഞെടുപ്പ് കമ്മീഷനെ കണ്ടിരുന്നു. പോസ്റ്റല്‍ ബാലറ്റുകള്‍ ആദ്യം എണ്ണി ഫലം പ്രഖ്യാപിക്കണമെന്നും അതിന് ശേഷം മാത്രമേ ഇലക്ട്രോണിക് വോട്ടിംഗ് മെഷീനുകളിലെ വോട്ടുകള്‍ എണ്ണാവൂ എന്നുമാണ് നേതാക്കള്‍ കമ്മീഷനോട് ആവശ്യപ്പെട്ടത്.

National335 days ago

നാഷണൽ ഹെറാൾഡ് കേസ്: രാഹുൽ ഗാന്ധിയെ ED വീണ്ടും ചോദ്യം ചെയ്തേക്കും

നാഷണൽ ഹെറാൾഡ് പത്രവുമായി ബന്ധപ്പെട്ട കള്ളപ്പണം വെളുപ്പിക്കൽ കേസിൽ ലോക്സഭാ പ്രതിപക്ഷ നേതാവ് രാഹുൽ ഗാന്ധിയെ ED വീണ്ടും ചോദ്യം ചെയ്യാനൊരുങ്ങുന്നു. കേസിൽ അന്വേഷണം അവസാനഘട്ടത്തിലേക്ക് കടക്കുന്ന സാഹചര്യത്തിലാണ് രാഹുലിനെ ED വീണ്ടും ചോദ്യം ചെയ്യാൻ തയ്യാറെടുക്കുന്നത്. കേസുമായി ബന്ധപ്പെട്ട് മുമ്പ് പലതവണ ED രാഹുൽ ഗാന്ധിയെയും സോണയ ഗാന്ധിയെയും ചോദ്യം ചെയ്തിരുന്നു. കേസിൽ 751 കോടി രൂപയുടെ സ്വത്തുകൾ ED നേരത്തെ കണ്ടുകെട്ടിയിരുന്നു.

National265 days ago

കോണ്‍ഗ്രസിന്റെ ലോക്സഭാ ഉപനേതാവായി ഗൗരവ് ഗൊഗോയി

അസമില്‍ നിന്നുള്ള MPയാണ് ഗൗരവ് ഗൊഗോയി. കൊടിക്കുന്നില്‍ സുരേഷ് MPയെ പാര്‍ട്ടി ചീഫ് വിപ്പായും നിയമിച്ചു. നിയമിച്ച വിവരം അറിയിച്ച് കോണ്‍ഗ്രസ് പാര്‍ലമെന്ററി പാര്‍ട്ടി നേതാവ് സോണിയ ഗാന്ധി ലോക്സഭാ സ്പീക്കര്‍ ഓം ബിര്‍ലയ്ക്ക് കത്തയച്ചു. മാണിക്കം ടാഗോര്‍ MP, മുഹമ്മദ് ജാവേദ് എന്നിവരെ പാര്‍ട്ടി വിപ്പുമാരായും നിയമിച്ചു.

National294 days ago

സോണിയ ഗാന്ധി കോണ്‍ഗ്രസ് പാര്‍ലമെന്ററി പാര്‍ട്ടി ചെയര്‍പേഴ്‌സൺ

കോൺഗ്രസ് പാർലമെൻ്ററി പാർട്ടി അധ്യക്ഷയായി സോണിയ ഗാന്ധി വീണ്ടും തിരഞ്ഞെടുക്കപ്പെട്ടു. പാര്‍ലമെന്ററി പാര്‍ട്ടി യോഗത്തിൽ കോൺഗ്രസ് അധ്യക്ഷൻ മല്ലികാർജുൻ ഖാർഗെയാണ് സോണിയാ ഗാന്ധിയുടെ പേര് പാർലമെൻ്ററി പാർട്ടി അധ്യക്ഷയായി നിർദേശിച്ചത്. ഗൗരവ് ഗൊഗോയ്, കെ സുധാകരൻ, താരിഖ് അൻവർ എന്നിവർ നിർദേശത്തെ പിന്തുണച്ചു. രാജസ്ഥാനില്‍ നിന്നാണ് സോണിയ ഗാന്ധി രാജ്യസഭയിലേക്ക് തിരഞ്ഞെടുക്കപ്പെട്ടത്.

National329 days ago

എക്സിറ്റ് പോളുകൾ തള്ളി രാഹുൽ ഗാന്ധി

BJP ക്ക് വ്യക്തമായ ഭൂരിപക്ഷം പ്രവചിക്കുന്ന എക്‌സിറ്റ് പോൾ ഫലങ്ങളെ തള്ളി കോൺഗ്രസ് നേതാവ് രാഹുൽ ഗാന്ധി. ഇത് എക്‌സിറ്റ് പോൾ അല്ല, മോദി മീഡിയ പോൾ ആണ് എന്നാണ് രാഹുൽ ഗാന്ധി എക്സിറ്റ് പോൾ പ്രവചനങ്ങളെ വിശേഷിപ്പിച്ചത്. പ്രധാനമന്ത്രിയുടെ ഭാവനയുടെ ഉൽപ്പന്നമാണ് പുറത്തുവന്ന എക്സിറ്റ് പോൾ പ്രവചനങ്ങളെന്നും പറഞ്ഞ രാഹുൽ ഗാന്ധി ഇന്ത്യ സഖ്യം 295 സീറ്റുകൾ നേടും എന്ന മുന്നണി യോഗത്തിലെ നിഗമനം ആവർത്തിച്ചു.

National336 days ago

മൂന്നാം തവണയും NDA അധികാരത്തിലേറുമെന്ന് എക്സിറ്റ് പോൾ പ്രവചനങ്ങൾ

NDA 350 ലധികം സീറ്റുകൾ നേടി അധികാരത്തിലേറുമെന്നാണ് മിക്ക എക്സിറ്റ് പോൾ ഫലങ്ങളും പറയുന്നത്. ഇന്ത്യ സഖ്യത്തിന് ഏകദേശം 150 സീറ്റുകളും മറ്റുള്ളവർ 30 ഓളം സീറ്റുകളും നേടുമെന്നാണ് പ്രവചനം. റിപ്പബ്ലിക് മാട്രിസിന്റെ എക്സിറ്റ് പോളിൽ NDA 353 മുതല്‍ 368 വരെ സീറ്റുകളും ഇന്ത്യ സഖ്യം 118 സീറ്റ് മുതല്‍ 133 സീറ്റ് വരെയും മറ്റുള്ളവ 43 മുതല്‍ 48 വരെ സീറ്റുകള്‍ നേടുമെന്നാണ് പറയുന്നത്. ഇന്ത്യ ടുഡേ-ആക്സിസ് മൈ ഇന്ത്യയുടെ എക്സിറ്റ് പോളിൽ NDA 359 സീറ്റും ഇന്ത്യ സഖ്യം 154 സീറ്റും മറ്റുള്ളവ 30 സീറ്റും നേടുമെന്നാണ് പ്രവചനം.

National336 days ago

വിദ്വേഷ പ്രസംഗം ആവർത്തിച്ച് അമിത് ഷാ

സോണിയ ഗാന്ധി MP ഫണ്ടിന്റെ 70 ശതമാനത്തിലേറെയും ചിലവഴിച്ചത് ന്യൂനപക്ഷങ്ങൾക്ക് വേണ്ടിയാണ് എന്നാണ് അമിത് ഷാ നടത്തിയ പരാമർശം. റായ്ബറേലിയിൽ BJP യുടെ തിരഞ്ഞെടുപ്പ് റാലിയിൽ സംസാരിക്കുകയായിരുന്നു അമിത് ഷാ. ഒരുപാട് വർഷം ഗാന്ധി കുടുംബത്തിന് മണ്ഡലത്തിൽ അവസരം നൽകിയിട്ടും ഒരു തരത്തിലുമുള്ള വികസന പ്രവർത്തനം അവർ നടത്തിയില്ലെന്നും അമിത് ഷാ കുറ്റപ്പെടുത്തി. 2004 മുതൽ സോണിയ ഗാന്ധി വിജയിച്ചിരുന്ന റായ്ബറേലിയിൽ ഇത്തവണ രാഹുൽ ഗാന്ധിയാണ് കോൺഗ്രസ് സ്ഥാനാർത്ഥി.

National356 days ago

സോണിയ ഗാന്ധി രാജ്യസഭാ MP യായി സത്യപ്രതിജ്ഞ ചെയ്തു

രാജസ്ഥാനിൽ നിന്നുള്ള രാജ്യസഭാ MP യായി ആണ് കോൺഗ്രസ് മുൻ അധ്യക്ഷ സോണിയ ഗാന്ധി രാജ്യസഭയിലെത്തിയത്. സോണിയ ഗാന്ധി, കേന്ദ്രമന്ത്രി അശ്വിനി വൈഷ്ണവ് തുടങ്ങി 14 പേരാണ് ഇന്ന് രാജ്യസഭാ MP മാരായി സത്യപ്രതിജ്ഞ ചെയ്തത്. മുൻ പ്രധാനമന്ത്രി മൻമോഹൻ സിങ്ങിന്റെ കാലാവധി പൂർത്തിയായതിനെ തുടർന്ന് ഒഴിവ് വന്ന സീറ്റിലേക്കാണ് സോണിയ ഗാന്ധി രാജസ്ഥാനിൽ നിന്ന് എതിരില്ലാതെ തിരഞ്ഞെടുക്കപ്പെട്ടത്. 25 വർഷം ലോക്സഭാ MP യായിരുന്ന സോണിയ ഗാന്ധി ആദ്യമായാണ് രാജ്യസഭയിലെത്തുന്നത്.

National395 days ago

കോണ്‍ഗ്രസിനെ സാമ്പത്തികമായി തകര്‍ക്കാന്‍ പ്രധാനമന്ത്രി ആസൂത്രിത ശ്രമം നടത്തി: സോണിയ ഗാന്ധി

കോണ്‍ഗ്രസിലെ സാമ്പത്തിക പ്രതിസന്ധി പാര്‍ട്ടിയെ മാത്രമല്ല ജനാധിപത്യത്തെയും ബാധിക്കുന്നുണ്ടെന്ന് സോണിയ ഗാന്ധി പറഞ്ഞു. ഒരു വശത്ത് സുപ്രീംകോടതി ഇലക്ട്രല്‍ ബോണ്ടുകള്‍ ഭരണഘടനാ വിരുദ്ധമായി പ്രഖ്യാപിച്ചു. ഇലക്ട്രല്‍ ബോണ്ടുകള്‍ വഴി BJP വലിയ നേട്ടമുണ്ടാക്കിയിരുന്നു. മറുവശത്ത് അവര്‍ കോണ്‍ഗ്രസിന്റെ അക്കൗണ്ടുകള്‍ തകര്‍ക്കാനുളള ആസൂത്രിത ശ്രമം നടത്തി. ഇത് ജനാധിപത്യവിരുദ്ധമാണെന്നും അവര്‍ കൂട്ടിച്ചേര്‍ത്തു.

National409 days ago

രാജ്യസഭയിലേക്ക് എതിരില്ലാതെ തിരഞ്ഞെടുക്കപ്പെട്ട് സോണിയ ഗാന്ധി

രാജസ്ഥാനില്‍ നിന്നാണ് സോണിയാ ഗാന്ധി രാജ്യസഭയിലേക്ക് തിരഞ്ഞെടുക്കപ്പെട്ടിരിക്കുന്നത്. ആരോഗ്യ പ്രശ്നങ്ങള്‍ കാരണം വരാനിരിക്കുന്ന ലോക്സഭാ തിരഞ്ഞെടുപ്പില്‍ മത്സരിക്കില്ലെന്ന് പ്രഖ്യാപിച്ചതിന് പിന്നാലെയാണ് സോണിയ ഗാന്ധി രാജ്യസഭയിലേക്ക് നാമനിര്‍ദേശ പത്രിക സമര്‍പ്പിച്ചത്. BJP യുടെ ചുന്നിലാല്‍ ഗദാസിയ, മദന്‍ റാത്തോഡ് എന്നിവരും രാജസ്ഥാനില്‍ നിന്ന് എതിരില്ലാതെ തിരഞ്ഞെടുക്കപ്പെട്ടു.

National439 days ago

ലോക്‌സഭാ തിരഞ്ഞെടുപ്പില്‍ മത്സരിക്കാത്തത് ആരോഗ്യ കാരണങ്ങളാലെന്ന് സോണിയ ഗാന്ധി

തന്റെ ഹൃദയവും ആത്മാവും റായ്ബറേലിക്കൊപ്പമാണെന്നും പ്രതിസന്ധി ഘട്ടത്തില്‍ കൂടെ നിന്നതിന് നന്ദിയെന്നും സോണിയ ഗാന്ധി പറഞ്ഞു. രാജ്യസഭ തിരഞ്ഞെടുപ്പില്‍ മത്സരിക്കാന്‍ ഇന്നലെ പത്രിക സമര്‍പ്പിച്ചതിന് പിന്നാലെയാണ് പ്രതികരണം. രാജസ്ഥാനില്‍ നിന്നുള്ള സ്ഥാനാര്‍ത്ഥി ആയാണ് രാജ്യസഭയിലേക്ക് മത്സരിക്കുക.

National444 days ago