സോണിയ ഗാന്ധി രാജ്യസഭാ MP യായി സത്യപ്രതിജ്ഞ ചെയ്തു

രാജസ്ഥാനിൽ നിന്നുള്ള രാജ്യസഭാ MP യായി ആണ് കോൺഗ്രസ് മുൻ അധ്യക്ഷ സോണിയ ഗാന്ധി രാജ്യസഭയിലെത്തിയത്. സോണിയ ഗാന്ധി, കേന്ദ്രമന്ത്രി അശ്വിനി വൈഷ്ണവ് തുടങ്ങി 14 പേരാണ് ഇന്ന് രാജ്യസഭാ MP മാരായി സത്യപ്രതിജ്ഞ ചെയ്തത്. മുൻ പ്രധാനമന്ത്രി മൻമോഹൻ സിങ്ങിന്റെ കാലാവധി പൂർത്തിയായതിനെ തുടർന്ന് ഒഴിവ് വന്ന സീറ്റിലേക്കാണ് സോണിയ ഗാന്ധി രാജസ്ഥാനിൽ നിന്ന് എതിരില്ലാതെ തിരഞ്ഞെടുക്കപ്പെട്ടത്. 25 വർഷം ലോക്സഭാ MP യായിരുന്ന സോണിയ ഗാന്ധി ആദ്യമായാണ് രാജ്യസഭയിലെത്തുന്നത്.

National394 days ago

ജോർജ് കുര്യൻ ഉൾപ്പെടെ 12 പേർ രാജ്യസഭയിലേക്ക്

കേന്ദ്രമന്ത്രി ജോർജ് കുര്യൻ രാജ്യസഭാംഗമായി തിരഞ്ഞെടുക്കപ്പെട്ടു. മധ്യപ്രദേശിൽ നിന്നാണ് ജോർജ് കുര്യൻ രാജ്യസഭയിലേക്കെത്തിയത്. ജോർജ് കുര്യൻ ഉൾപ്പെടെ 12 പേരാണ് രാജ്യസഭയിലേക്ക് എതിരില്ലാതെ തിരഞ്ഞെടുക്കപ്പെട്ടത്. BJP യുടെ 9 അംഗങ്ങളും സഖ്യകക്ഷികളായ NCP, രാഷ്ട്രീയ ലോക് മഞ്ച് എന്നിവയിൽ നിന്ന് ഓരോരുത്തരും കോൺഗ്രസിന്റെ ഒരംഗവുമാണ് രാജ്യസഭയിലേക്കെത്തിയത്. ഇതോടെ രാജ്യസഭയിലെ BJP യുടെ അംഗസംഖ്യ 96 ലേക്കും NDA യുടെ അംഗസംഖ്യ 112 ലേക്കും എത്തി. 245 അംഗ രാജ്യസഭയില്‍ നിലവില്‍ എട്ട് സീറ്റുകള്‍ ഒഴിഞ്ഞുകിടക്കുകയാണ്.

National249 days ago

നാഷണൽ ഹെറാൾഡ് കേസ്: രാഹുൽ ഗാന്ധിയെ ED വീണ്ടും ചോദ്യം ചെയ്തേക്കും

നാഷണൽ ഹെറാൾഡ് പത്രവുമായി ബന്ധപ്പെട്ട കള്ളപ്പണം വെളുപ്പിക്കൽ കേസിൽ ലോക്സഭാ പ്രതിപക്ഷ നേതാവ് രാഹുൽ ഗാന്ധിയെ ED വീണ്ടും ചോദ്യം ചെയ്യാനൊരുങ്ങുന്നു. കേസിൽ അന്വേഷണം അവസാനഘട്ടത്തിലേക്ക് കടക്കുന്ന സാഹചര്യത്തിലാണ് രാഹുലിനെ ED വീണ്ടും ചോദ്യം ചെയ്യാൻ തയ്യാറെടുക്കുന്നത്. കേസുമായി ബന്ധപ്പെട്ട് മുമ്പ് പലതവണ ED രാഹുൽ ഗാന്ധിയെയും സോണയ ഗാന്ധിയെയും ചോദ്യം ചെയ്തിരുന്നു. കേസിൽ 751 കോടി രൂപയുടെ സ്വത്തുകൾ ED നേരത്തെ കണ്ടുകെട്ടിയിരുന്നു.

National265 days ago

കോണ്‍ഗ്രസിന്റെ ലോക്സഭാ ഉപനേതാവായി ഗൗരവ് ഗൊഗോയി

അസമില്‍ നിന്നുള്ള MPയാണ് ഗൗരവ് ഗൊഗോയി. കൊടിക്കുന്നില്‍ സുരേഷ് MPയെ പാര്‍ട്ടി ചീഫ് വിപ്പായും നിയമിച്ചു. നിയമിച്ച വിവരം അറിയിച്ച് കോണ്‍ഗ്രസ് പാര്‍ലമെന്ററി പാര്‍ട്ടി നേതാവ് സോണിയ ഗാന്ധി ലോക്സഭാ സ്പീക്കര്‍ ഓം ബിര്‍ലയ്ക്ക് കത്തയച്ചു. മാണിക്കം ടാഗോര്‍ MP, മുഹമ്മദ് ജാവേദ് എന്നിവരെ പാര്‍ട്ടി വിപ്പുമാരായും നിയമിച്ചു.

National293 days ago

BJP യെ പിന്തുണയ്ക്കില്ലെന്ന് BJD

BJP യെ ഇനി പിന്തുണയ്ക്കില്ലെന്ന് ഒഡീഷ മുൻ മുഖ്യമന്ത്രി നവീൻ പട്‌നായിക്കിൻ്റെ ബിജു ജനതാദൾ (BJD). പാർട്ടിയുടെ 9 രാജ്യസഭാ MP മാരുമായി കൂടിക്കാഴ്ച നടത്തിയ നവീൻ പട്‌നായിക് പാർലമെന്റിൽ ശക്തമായ പ്രതിപക്ഷമായി തുടരുമെന്ന് അറിയിച്ചു. മോദി സർക്കാരിന്റെ കഴിഞ്ഞ രണ്ട് ടേമുകളിലും വിവാദമായ പല ബില്ലുകൾക്കും BJD പിന്തുണ നൽകിയിരുന്നു. ഒഡീഷയിലെ നിയമസഭാ തിരഞ്ഞെടുപ്പിൽ BJD യെ തകർത്ത് BJP അധികാരത്തിലേറിയിരുന്നു. ഇതിന് പിന്നാലെയാണ് MP മാരുമായി കൂടിക്കാഴ്ച നടത്തി BJP ക്ക് പിന്തുണ നൽകില്ലെന്ന് BJD അധ്യക്ഷൻ നവീൻ പട്‌നായിക് അറിയിച്ചത്.

National313 days ago

BJP യുടെ രാജ്യസഭാ നേതാവായി ജെ.പി. നദ്ദയെ തിരഞ്ഞെടുത്തു

ജെ.പി. നദ്ദ BJP യുടെ രാജ്യസഭാ നേതാവ്. രാജ്യസഭാ നേതാവ് ആയിരുന്ന പിയൂഷ് ഗോയല്‍ ഇത്തവണ ലോക്‌സഭയിലേക്ക് വിജയിച്ചതോടെയാണ് ഗോയല്‍ രാജ്യസഭാ നേതൃസ്ഥാനം ഒഴിഞ്ഞത്. കേന്ദ്ര ആരോഗ്യവകുപ്പ് മന്ത്രിയാണ് ജെ.പി. നദ്ദ. BJP ദേശീയ അധ്യക്ഷനായ ജെ.പി. നദ്ദ കേന്ദ്രമന്ത്രിയായതോടെ പുതിയ അധ്യക്ഷനെ ഉടൻ നിയമിക്കും എന്നാണ് റിപ്പോർട്ട്.

National313 days ago

രാജ്യസഭാ സീറ്റ്: വിട്ടുവീഴ്ച ചെയ്ത് CPI(M)

കേരളത്തിൽ നിന്ന് ഒഴിവുവരുന്ന രണ്ട് രാജ്യസഭാ സീറ്റുകളിലേക്കും LDF ൽ നിന്ന് CPI യും കേരള കോൺഗ്രസ് എമ്മും മത്സരിക്കും. LDF മുന്നണി യോഗത്തിലാണ് തീരുമാനം. രാജ്യസഭാ സീറ്റിനു വേണ്ടി കേരള കോൺഗ്രസ് CPI(M) ൽ സമ്മർദ്ദം ചെലുത്തിയിരുന്നു. ജോസ് കെ മാണിയാകും കേരള കോൺഗ്രസ് രാജ്യസഭാ സ്ഥാനാർത്ഥിയാവുക.

Kerala327 days ago

സോണിയ ഗാന്ധി കോണ്‍ഗ്രസ് പാര്‍ലമെന്ററി പാര്‍ട്ടി ചെയര്‍പേഴ്‌സൺ

കോൺഗ്രസ് പാർലമെൻ്ററി പാർട്ടി അധ്യക്ഷയായി സോണിയ ഗാന്ധി വീണ്ടും തിരഞ്ഞെടുക്കപ്പെട്ടു. പാര്‍ലമെന്ററി പാര്‍ട്ടി യോഗത്തിൽ കോൺഗ്രസ് അധ്യക്ഷൻ മല്ലികാർജുൻ ഖാർഗെയാണ് സോണിയാ ഗാന്ധിയുടെ പേര് പാർലമെൻ്ററി പാർട്ടി അധ്യക്ഷയായി നിർദേശിച്ചത്. ഗൗരവ് ഗൊഗോയ്, കെ സുധാകരൻ, താരിഖ് അൻവർ എന്നിവർ നിർദേശത്തെ പിന്തുണച്ചു. രാജസ്ഥാനില്‍ നിന്നാണ് സോണിയ ഗാന്ധി രാജ്യസഭയിലേക്ക് തിരഞ്ഞെടുക്കപ്പെട്ടത്.

National329 days ago

എക്‌സിറ്റ് പോളുകള്‍ തള്ളി സോണിയ ഗാന്ധി

ലോക്‌സഭാ തിരഞ്ഞെടുപ്പിന്റെ ഫലം എക്‌സിറ്റ് പോളുകള്‍ക്ക് നേര്‍ വിപരീതമായിരിക്കുമെന്നും കാത്തിരുന്ന് കാണാമെന്നും സോണിയ ഗാന്ധി പറഞ്ഞു. നടന്നത് മോദി പോളാണെന്നായിരുന്നു രാഹുല്‍ഗാന്ധിയുടെ പ്രതികരണം. എക്‌സിറ്റ് പോളുകള്‍ പുറത്തുവന്ന സാഹചര്യത്തില്‍ വോട്ടെണ്ണല്‍ സുതാര്യമാക്കണമെന്നാവശ്യപ്പെട്ട് ഇന്ത്യ സഖ്യ നേതാക്കള്‍ ഇന്നലെ തിരഞ്ഞെടുപ്പ് കമ്മീഷനെ കണ്ടിരുന്നു. പോസ്റ്റല്‍ ബാലറ്റുകള്‍ ആദ്യം എണ്ണി ഫലം പ്രഖ്യാപിക്കണമെന്നും അതിന് ശേഷം മാത്രമേ ഇലക്ട്രോണിക് വോട്ടിംഗ് മെഷീനുകളിലെ വോട്ടുകള്‍ എണ്ണാവൂ എന്നുമാണ് നേതാക്കള്‍ കമ്മീഷനോട് ആവശ്യപ്പെട്ടത്.

National335 days ago

വിദ്വേഷ പ്രസംഗം ആവർത്തിച്ച് അമിത് ഷാ

സോണിയ ഗാന്ധി MP ഫണ്ടിന്റെ 70 ശതമാനത്തിലേറെയും ചിലവഴിച്ചത് ന്യൂനപക്ഷങ്ങൾക്ക് വേണ്ടിയാണ് എന്നാണ് അമിത് ഷാ നടത്തിയ പരാമർശം. റായ്ബറേലിയിൽ BJP യുടെ തിരഞ്ഞെടുപ്പ് റാലിയിൽ സംസാരിക്കുകയായിരുന്നു അമിത് ഷാ. ഒരുപാട് വർഷം ഗാന്ധി കുടുംബത്തിന് മണ്ഡലത്തിൽ അവസരം നൽകിയിട്ടും ഒരു തരത്തിലുമുള്ള വികസന പ്രവർത്തനം അവർ നടത്തിയില്ലെന്നും അമിത് ഷാ കുറ്റപ്പെടുത്തി. 2004 മുതൽ സോണിയ ഗാന്ധി വിജയിച്ചിരുന്ന റായ്ബറേലിയിൽ ഇത്തവണ രാഹുൽ ഗാന്ധിയാണ് കോൺഗ്രസ് സ്ഥാനാർത്ഥി.

National356 days ago

മന്‍മോഹന്‍ സിംഗ് ഉള്‍പ്പെടെ 54 രാജ്യസഭാംഗങ്ങളുടെ കാലാവധി ഇന്ന് അവസാനിക്കും

മുന്‍ പ്രധാന മന്ത്രി മന്‍മോഹന്‍ സിംഗിന്റെ 33 വര്‍ഷത്തെ പാര്‍ലമെന്ററി ജീവിതത്തിനാണ് തീരശ്ശീല വീഴുന്നത്. രാജസ്ഥാനില്‍ നിന്ന് അദ്ദേഹത്തിന് പകരം സോണിയാ ഗാന്ധിയാണ് ഇക്കുറി രാജ്യസഭയിലെത്തുക. പരിസ്ഥിതി മന്ത്രി ഭൂപേന്ദ്ര യാദവിന്റെയും റെയില്‍വേ മന്ത്രി അശ്വിനി വൈഷ്ണവിന്റെയും കാലാവധി ഇന്ന് അവസാനിക്കും. രാജീവ് ചന്ദ്രശേഖര്‍, വി. മുരളീധരന്‍, ധര്‍മേന്ദ്ര പ്രധാന്‍, മന്‍സുഖ് മാണ്ഡവ്യ, പുര്‍ഷോത്തം രൂപാല, നാരായണ്‍ റാണെ, എല്‍ മുരുകന്‍ എന്നീ ഏഴ് കേന്ദ്രമന്ത്രിമാരുടെ രാജ്യസഭയിലെ കാലാവധി ഇന്നലെ അവസാനിച്ചു.

National396 days ago