അപകീർത്തിക്കേസ്: മേധാ പട്കറിന് തടവുശിക്ഷ

ഡൽഹി ലെഫ്റ്റനന്റ് ഗവർണർ വി.കെ. സക്സേന നൽകിയ മാനനഷ്ടക്കേസിൽ പരിസ്ഥിതി പ്രവർത്തക മേധാ പട്കറിന് കോടതി അഞ്ച് മാസം തടവ് ശിക്ഷയും 10 ലക്ഷം രൂപ പിഴയും വിധിച്ചു. ഡൽഹി മെട്രോപൊളിറ്റൻ മഡ്ജിസ്ട്രേറ്റ് കോടതിയുടെതാണ് വിധി. 2001ൽ ഫയൽ ചെയ്ത കേസിലാണ് നടപടി. വിധിക്കെതിരെ മേൽക്കോടതിയിൽ അപ്പീൽ നൽകുന്നതിനായി ശിക്ഷാ നടപടി 30 ദിവസത്തേക്ക് സസ്പെൻഡ് ചെയ്തിട്ടുണ്ട്.

National306 days ago

വി.ഡി. സതീശനെതിരായ അപകീർത്തി കേസ് കോടതി തള്ളി

പ്രതിപക്ഷ നേതാവ് വി.ഡി. സതീശനെതിരെ CPI നേതാവും മുന്‍ MLA യുമായ പി. രാജു നല്‍കിയ അപകീര്‍ത്തി കേസിൽ വി.ഡി. സതീശൻ കുറ്റക്കാരനല്ലെന്ന് വിധിച്ച് കോടതി. എറണാകുളം സ്‌പെഷ്യല്‍ അഡീഷണല്‍ ചീഫ് ജുഡീഷ്യല്‍ മജിസ്‌ട്രേറ്റ് കോടതിയുടേതാണ് ഉത്തരവ്. 2012ല്‍ പറവൂരില്‍ വി.ഡി. സതീശന്‍ നടത്തിയ വാർത്താസമ്മേളനത്തിൽ തനിക്കെതിര അപകീര്‍ത്തികരമായ ആരോപണങ്ങള്‍ ഉന്നയിച്ചുവെന്ന് ആരോപിച്ചാണ് പി. രാജു അപകീർത്തി കേസ് നൽകിയത്. വിചാരണ വേളയിൽ കേസുമായി ബന്ധപ്പെട്ട് ആറ് സാക്ഷികളെ വിസ്തരിച്ചു. ഇതിന് ശേഷമാണ് ശേഷമാണ് വി.ഡി. സതീശൻ കുറ്റക്കാരനല്ലെന്ന് കണ്ട് കോടതി വെറുതെ വിട്ടത്.

Kerala219 days ago

രാഹുൽ ഗാന്ധിക്കെതിരെയുള്ള മാനനഷ്ടക്കേസ് കോടതി ഇന്ന് വീണ്ടും പരിഗണിക്കും

ലോക്സഭാ പ്രതിപക്ഷ നേതാവ് രാഹുൽ ഗാന്ധിക്കെതിരെയുള്ള മാനനഷ്ടക്കേസ് ഉത്തർപ്രദേശിലെ സുൽത്താൻപൂർ കോടതി ഇന്ന് വീണ്ടും പരിഗണിക്കും. ആഭ്യന്തരമന്ത്രി അമിത് ഷാ കൊലക്കേസിലെ പ്രതിയാണെന്ന് രാഹുൽ ഗാന്ധി നടത്തിയ പരാമർശമാണ് കേസിന് അടിസ്ഥാനം. 2018ൽ ബെംഗളൂരുവിൽ വെച്ച് നടത്തിയ പരാമർശത്തിനെതിരെ BJP പ്രാദേശിക നേതാവ് വിജയ് മിശ്രയാണ് രാഹുലിനെതിരെ മാനനഷ്ടക്കേസ്‌ ഫയൽ ചെയ്തത്. കേസ് രാഷ്ട്രീയ പ്രേരിതമാണെന്നാണ് കഴിഞ്ഞ തവണ കോടതി കേസ് പരിഗണിച്ചപ്പോൾ നേരിട്ട് ഹാജരായ രാഹുൽ ഗാന്ധി വാദിച്ചത്. ഇന്ന് പരാതിക്കാരുടെ വാദമാകും കോടതി കേൾക്കുക.

National265 days ago

അപകീർത്തിക്കേസ്: മേധാ പട്കറിന്റെ ശിക്ഷയ്ക്ക് സ്റ്റേ

ഡൽഹി ലഫ്റ്റനൻ്റ് ഗവർണർ വി.കെ. സക്‌സേന 23 വർഷം മുമ്പ് നൽകിയ മാനനഷ്ടക്കേസിൽ സാമൂഹിക പ്രവർത്തക മേധാ പട്കറിന് വിധിച്ച ശിക്ഷ ഡൽഹി സാകേത് കോടതി സ്റ്റേ ചെയ്തു. 25,000 രൂപയുടെ ബോണ്ടിലും സമാനമായ തുകയുടെ ആൾ ജാമ്യത്തിലും മേധാ പട്കറിന് കോടതി ജാമ്യം അനുവദിച്ചു. പരാതിക്കാരനായ ഡൽഹി ലെഫ്. ഗവർണർ വി.കെ. സക്‌സേനക്ക് കോടതി നോട്ടീസയച്ചു. നോട്ടീസിന് സക്സേന സെപ്റ്റംബർ നാലിന് മറുപടി നൽകണമെന്നാണ് കോടതി ആവശ്യപ്പെട്ടിരിക്കുന്നത്. ജൂലൈ ഒന്നിനാണ് കേസിൽ ഡൽഹി കോടതി പട്കറിനെതിരെ ശിക്ഷ വിധിച്ചത്.

National278 days ago

അപകീർത്തിക്കേസ്: ഇൻഫ്ലുവൻസർ ധ്രുവ് റാഠിക്ക് കോടതിയുടെ സമൻസ്

BJP നേതാവ് സുരേഷ് കരംഷി നഖുവ നൽകിയ അപകീർത്തിക്കേസിൽ സോഷ്യൽ മീഡിയ ഇൻഫ്ലുവൻസർ ധ്രുവ് റാഠിക്ക് ഡൽഹി കോടതി സമൻസ് അയച്ചു. ധ്രുവ് റാഠിയുടെ യൂട്യൂബ് വീഡിയോയിൽ തന്നെ അക്രമകാരിയും അധിക്ഷേപം നടത്തുന്നയാളായുമാണ് ചിത്രീകരിച്ചതെന്നും യാതൊരു ബോധവുമില്ലാത്തയാളാണ് താനെന്ന് വിഡിയോയിൽ പറഞ്ഞുവെന്നും സുരേഷ് കരംഷി നഖുവ നൽകിയ പരാതിയിൽ ആരോപിച്ചു.

National283 days ago

മാനനഷ്ടക്കേസ്: രാഹുല്‍ ഗാന്ധി ജൂലൈ 26ന് നേരിട്ട് ഹാജരാകണമെന്ന് കോടതി

സുല്‍ത്താന്‍പൂരിലെ MP-MLA കോടതിയാണ് ജൂലൈ 26ന് രാഹുല്‍ ഗാന്ധി നേരിട്ട് ഹാജരാകണമെന്ന് നിര്‍ദേശിച്ചത്. കേന്ദ്ര ആഭ്യന്തര അമിത് ഷായ്‌ക്കെതിരെ ആക്ഷേപകരമായ പരാമര്‍ശം നടത്തിയെന്നാരോപിച്ചുള്ള മാനനഷ്ടക്കേസിലാണ് നടപടി. പാര്‍ലമെന്റ് സമ്മേളനം നടക്കുന്നതിനാല്‍ ചൊവ്വാഴ്ച രാഹുല്‍ ഗാന്ധിക്ക് കോടതിയില്‍ ഹാജരാകാന്‍ കഴിഞ്ഞിരുന്നില്ല. ഇതേ തുടര്‍ന്ന് കോടതിയില്‍ ഹാജരായ രാഹുലിന്റെ അഭിഭാഷകന്‍ കാശി പ്രസാദ് ശുക്ല വാദം കേള്‍ക്കാന്‍ പുതിയ തീയതി ആവശ്യപ്പെടുകയായിരുന്നു.

National305 days ago

മാനനഷ്ടക്കേസ്: രാഹുല്‍ ഗാന്ധിക്ക് ജാമ്യം

BJP നേതാവ് നല്‍കിയ മാനനഷ്ടക്കേസില്‍ ബെംഗളൂരു സിവില്‍ സെഷന്‍സ് കോടതിയാണ് രാഹുല്‍ ഗാന്ധിക്ക് ജാമ്യം അനുവദിച്ചത്. കഴിഞ്ഞ വര്‍ഷം നടന്ന കര്‍ണാടക നിയമസഭ തിരഞ്ഞെടുപ്പില്‍ BJPക്കെതിരെ കോണ്‍ഗ്രസ് ഉന്നയിച്ച '40 ശതമാനം കമ്മീഷന്‍' ആരോപണത്തിനെതിരെ BJP നേതാവ് കേശവ് പ്രസാദാണ് ഹര്‍ജി നല്‍കിയത്. മുഖ്യമന്ത്രി സിദ്ധരാമയ്യക്കെതിരെയും ഉപമുഖ്യമന്ത്രി ഡി. കെ. ശിവകുമാറിനെതിരെയും കേശവ് പ്രസാദ് കേസ് നല്‍കിയിരുന്നു. ഇരു നേതാക്കളും അഡീഷണല്‍ ചീഫ് മെട്രോപൊളിറ്റന്‍ മജിസ്ട്രേറ്റിന് മുമ്പാകെ നേരിട്ട് ഹാജരായി കേസില്‍ ജാമ്യം നേടി.Read More

National331 days ago

അപകീർത്തി കേസ്; രാഹുൽ ഗാന്ധി ഇന്ന് ബെംഗളൂരു കോടതിയിൽ ഹാജരാകും

കഴിഞ്ഞ BJP സർക്കാരിനെ 40% കമ്മീഷൻ സർക്കാർ എന്ന് വിമർശിച്ച സംഭവത്തിലാണ് രാഹുൽ ഗാന്ധിക്കെതിരെ കേസെടുത്തത്. കർണാടക മുഖ്യമന്ത്രി സിദ്ധരാമയ്യയേയും ഡി.കെ. ശിവകുമാറിനെയും കേസിൽ പ്രതിചേർത്തിരുന്നു. ഇവർക്ക് കഴിഞ്ഞ ദിവസം ബെംഗളൂരു സിറ്റി സിവിൽ ആൻഡ് സെഷൻസ് കോടതി ജാമ്യം അനുവദിച്ചിരുന്നു. അന്ന് ഹാജരാകാതിരുന്നതിനെ തുടർന്നാണ് കോടതി ഇന്ന് (ജൂൺ 7) ഹാജരാകണമെന്ന് ആവശ്യപ്പെട്ട് രാഹുൽ ഗാന്ധിക്ക് നോട്ടീസ് അയച്ചത്.

National331 days ago

മാനനഷ്ടക്കേസ്; രാഹുല്‍ ഗാന്ധിയുടെ ഹര്‍ജി തള്ളി ഝാര്‍ഖണ്ഡ് ഹൈക്കോടതി

അമിത് ഷായ്ക്കെതിരെ അപകീര്‍ത്തി പരാമര്‍ശം നടത്തിയതിന്റെ പേരിലെടുത്ത മാനനഷ്ടക്കേസിന്റെ നടപടികള്‍ റദ്ദാക്കണമെന്ന് ആവശ്യപ്പെട്ട് രാഹുല്‍ ഗാന്ധി സമര്‍പ്പിച്ച ഹര്‍ജിയാണ് ജാര്‍ഖണ്ഡ് ഹൈക്കോടതി തള്ളിയത്. 2018ല്‍ ഝാര്‍ഖണ്ഡിലെ ചൈബാസയില്‍ നടന്ന കോണ്‍ഗ്രസ് സമ്മേളനത്തില്‍ രാഹുല്‍ അമിത് ഷായ്ക്കെതിരെ ആക്ഷേപകരമായ പരാമര്‍ശം നടത്തിയെന്ന് ആരോപിച്ച് BJP നേതാവ് നവീന്‍ ഝായാണ് മാനനഷ്ടക്കേസ് ഫയല്‍ ചെയ്തത്.

National435 days ago